Connect with us

अन्तर्राष्ट्रिय

अपराजित ट्रिनबागोलाई क्यारेबियन प्रिमियर लिगको उपाधी

wesportz

Published

on

पुरै प्रतियोगिता अवधिभर अपराजित ट्रिनबागो नाइट राईडर्सले यस सिजनको क्यारेबियन प्रिमियर लिगको उपाधि चुमेको छ । हालै सम्पन्न फाइनल खेलमा सेन्ट लुसिया जुक्सलाई आठ विकेटले पराजित गर्दै उपाधि माथि कब्जा जमाएको हो । यो सहित  ट्रिनबागोले चौथों पटक सिपीएलको उपाधि हात पारेको हो ।

सेन्ट लुसियाले दिएको १५५ रनको मध्यम लक्ष्य लिएर ब्याटिङमा आएको ट्रिनबागोले खराब सुरुवातको बाबजुत १८ दशमलब एक ओभर खेल्दै दुई विकेटको नोक्सानीमा जित दर्ता गराएको हो ।

ट्रिनबागोको जितमा अविजित रहेका लिन्ड्ल सिमन्स र ड्यारेन ब्राभोले तेश्रो विकेटका लागि १४ दशमलब चार ओभरमा अविजित १३८ रन जोड्दै टोलीलाई उपाधि दिलाए । सिमन्सले ४९ बलको सामना गर्दै आठ चौका र चार छक्काको मद्धतमा सर्वाधिक ८४ रन बनाए भने ब्राभोले ४७ बलमा दुई चौका र छ छक्काको मद्धतमा ५८ रनको पारी खेले ।

खेलमा टस हारेर पहिले ब्याटिङ गरेको सेन्ट लुसिया जुक्सले १९ दशमलब पाँच ओभरमा आफ्ना सबै विकेट गुमाएर १५४ रनको मध्यम योगफल बनाउन सक्यो ।

आठ दशमलब पाँच ओभरमा टोलीको स्कोर ७७ रन रहेको अवस्थामा आफ्नो दोश्रो विकेट गुमाएको सेन्ट लुसियाले अर्को ७७ रन जोड्ने क्रममा बाँकी आठ विकेट गुमायो र पुरै २० ओभर पनि खेल्न सकेन ।

सुरवात राम्रो गरे पनि सेन्ट लुसिया ठुलो स्कोर बनाउनबाट चुक्यो । सेन्ट लुसियाको लागि आन्द्रे फ्लेचरले २७ बलमा सर्वाधिक ३९ रन बनाए । उनी बाहेक मार्क डेयलले २९, नाजिबुल्लाह ज़द्रानले २४ तथा रोस्टन चेजले २२ रनको पारी खेले भने दोहोरो अंकमा रन जोड्न सकेनन् ।

सेन्ट लुसियाको पारी ध्वस्त पार्ने क्रममा काइरन पोर्लार्डले सर्वाधिक चार विकेट हात पारे भने अली खान र फवाद अहमदले पनि आफ्नो नाममा २-२ विकेट दर्ता गराए ।

Click to comment

Leave a Reply

Your email address will not be published. Required fields are marked *

अन्तर्राष्ट्रिय

भारतको लज्जास्पद हार, श्रीलंकालाई शृंखला 

wesportz

Published

on

घरेलु टोली श्रीलंका विरुद्धको तेश्रो तथा अन्तिम ट्वान्टी ट्वान्टी खेलमा विकेटको लज्जास्पद हारको सामना गर्दा भारतले शृंखला गुमाएको छ । 

पहिलो खेलमा जित निकालेको भारतले त्यस पछिका लगातार दुई खेलमा हार चाख्दा शृंखला नै गुमाउन पर्यो । भारतले पहिलो खेलमा ३८ रनको जित निकालेको थियो भने श्रीलंकाले दोश्रो खेलमा चार विकेटको रोमान्चक जित हात पार्दा शृंखला १-१ को अवस्थामा पुर्याएको थियो । आजको खेलमा भारतलाई नमिठो हार चखाउँदा श्रीलंकाले शृंखला २-१ ले आफ्नो पक्ष्यमा पार्न सफल भएको हो ।

खेलमा टस जितेर पहिले ब्याटिङ गरेको भारतले पुरै २० ओभर खेल्दै आठ विकेटको नोक्सानीमा ८१ रनको निकै सानो योगफल बनाउन सक्यो भने जबाफी ब्याटिङ गरेको श्रीलंकाले तीन विकेट गुमाएर ३३ बल अगावै जित दर्ता गर्यो । 

श्रीलंकाको जितमा वानिन्दु हसरंगाले अलराउण्ड प्रदर्शन गर्दै बलिङमा चार विकेट हात पारे भने ब्याटिङमा अविजित १४ रनको पारी खेले ।   

भारतको तर्फबाट सर्वाधिक रन बनाएका कुलदिप यादवले अविजित २३ रन बनाए । त्यस बाहेक भुवनेश्वर कुमारले १६ तथा ओपनर रुतुराज गायकवाडले १४ रनको पारी खेले भने बाँकी कुनै पनि ब्याट्सम्यानले दोहोरो अंकमा रन जोड्न सकेनन् । 

ओपनर तथा कप्तान शिखर धवन पहिलो ओभरको चौथो बलमा गोल्डेन डकआउट भए भने तेश्रो नम्बरमा ब्याटिङ गर्न आएका देवदत्त पडिक्कल, विकेट किपर ब्याट्सम्यान सन्जु सामसन अठा नितिश रानाले पनि क्रमश नौ, शून्य र छ रन भन्दा जोड्न सकेनन् ।

भारतलाई सानो योगफलमा रोक्ने क्रममा श्रीलंकाका वानिन्दु हसरंगाले चार ओभरमा मात्र नौ रन खर्चिएर चार विकेट लिए भने दासुन शनाकाले पनि आफ्नो नाममा दुई विकेट दर्ता गराए । 

श्रीलंकालाई सहज जित दिलाउने क्रममा अविजित रहेका धनन्जय डि सिल्भा र वानिन्दु हसरंगाले क्रमश २३ र १४ रन बनाए भने ओपनरद्वय अविष्का फर्नान्डो र मिनोद भानुकाले पनि क्रमश १२ र १८ रनको पारी खेले ।

भारतका राहुल चाहारले चार ओभरमा मात्र १५ रन खर्चिएर भारतको खसेको सबै तीन विकेट आफैले लिए । 

Continue Reading

अन्तर्राष्ट्रिय

वेस्ट इन्डिज र पाकिस्तान बीचको खेलमा वर्षा बाधक 

wesportz

Published

on

घरेलु टोली वेस्ट इन्डिज र पाकिस्तान बीचको पहिलो ट्वान्टी ट्वान्टी खेल वर्षाका कारण रद्द भएको छ । खेल रद्द हुँदा चार खेलको शृंखला ०-० को अवस्थामा रहेको छ ।

खेलमा टस हारेर पहिले ब्याटिङ गरेको वेस्ट इन्डिजले नौ ओभरमा पाँच विकेट गुमाएर ८५ रन बनाएको अवस्थामा वर्षा सुरु भयो भने वर्षा नरोकिए पछि खेल नै रद्द हुन पुग्यो ।

खेल रोकिँदा कप्तान काइरन पोलार्डले आक्रामक पारी खेल्दै नौ बलमा एक चौका र दुई छक्काको मद्दतमा अविजित २२ रन बनाएका थिए भने विकेट किपर निकोलस पूरन १३ रन बनाएर पेभेलियन फर्किए ।

पाकिस्तानका हसन अलिले सर्वाधिक दुई विकेट लिए भने मोहम्मद वासिम, मोहम्मद हफिजउस्मान कादिरले समान १-१ विकेट आफ्नो नाममा दर्ता गराए ।

वेस्ट इन्डिज र पाकिस्तान बीचको दोश्रो खेल शनिबार हुनेछ ।  

Continue Reading

अन्तर्राष्ट्रिय

भारत माथि श्रीलंकाको रोमान्चक जित 

wesportz

Published

on

घरेलु टोली श्रीलंकाले भारत विरुद्धको दोश्रो ट्वान्टी ट्वान्टी खेलमा चार विकेटको रोमान्चक जित दर्ता गराएको छ । जितसँगै श्रीलंकाले तीन खेलको शृंखला १-१ को बराबरीमा पनि पुर्याउन सफल भएको छ ।  

खेलमा टस हारेर पहिले ब्याटिङ गरेको भारतले पुरै २० ओभर खेल्दै पाँच विकेटको नोक्सानीमा १३२ रनको झिनो योगफल मात्र बनाउन सक्यो भने जबाफी ब्याटिङ गरेको श्रीलंकाले छ विकेट गुमाएर दुई बल अगाडि जित आत्मसाथ गर्यो । 

श्रीलंकाको जितमा ३४ बलको सामना गरेका धनन्जय डि सिल्भाले अविजित रहँदै सर्वाधिक ४० रन बनाए भने विकेट किपर तथा ओपनर मिनोद भानुकाले पनि ३६ रनको पारी खेले । सानो लक्ष्य पक्ष्याए पनि लगातार रुपमा विकेट गुमाउँदा दबाबमा आए पनि सिल्भाले श्रीलंकालाई रोमान्चक जित दर्ता गराए ।   

भारतको लागि ओपनरद्वय रुतुराज गायकवाड र शिखर धवनले पहिलो विकेटको लागि सात ओभरमा ४९ रन जोड्दै राम्रो सुरुवात दिए । २१ रन बनाएका गायकवाड आउट भए पछि आएका देवदत्त पडिकलले कप्तान धवनसँग मिलेर ३२ रनको साझेदारी गर्दै भारतको पारी सम्हाल्ने प्रयास गरे पनि सर्वाधिक ४० रन बनाएका धवन र २९ रनको पारी खेलेका पडिकलको विकेटको पतन पछि भारत सम्हालिन सकेन ।

ब्याट्सम्यानको कमीका कारण छैटौँ नम्बरमा ब्याटिङ गर्न आएका तिब्र गतिका बलर भुवनेश्वर कुमार र नवदीप सैनी क्रमश १२ र एक रनमा अविजित रहे भने नितिश रानाले नौ तथा विकेट किपर ब्याट्सम्यान सन्जु सामसनले सात रन भन्दा जोड्न सकेनन् ।

श्रीलंकाका अकिला धनन्जयले सर्वाधिक दुई विकेट हात पारे भने आजको खेलमा डेब्यु गरेका रमेश मेन्डिस विकेट बिहिन  रहे पनि किफायती बलिङ गर्दै दुई ओभरमा मात्र नौ रन खर्चिए ।

भारतीय टोलीका अलराउण्डर कुर्नाल पान्ड्यालाई कोरोना संक्रमण हुँदा एक दिन पछि भएको खेलमा भारतले आज पाँच जना मात्र ब्याट्सम्यानलाई मैदानमा उतार्न सफल भएको थियो । कुर्नालसँग नजिक सम्पर्कमा रहेका आठ जना खेलाडी आइसोलेसनमा बस्दा भारतले पाँच जना ब्याट्सले खेलेको थियो भने आजको खेलमा चार जनाले डेब्यु गर्ने मौका पाएका थिए । 

 

Continue Reading
Headline4 hours ago

नेपालको ओलम्पिक्स सहभागिता सक्कियो

अन्तर्राष्ट्रिय16 hours ago

भारतको लज्जास्पद हार, श्रीलंकालाई शृंखला 

Headline22 hours ago

नेम्बांग र दुई सञ्चारकर्मीमाथि छानविन गर्न अब्दुल्लाहको माग

अन्तर्राष्ट्रिय2 days ago

वेस्ट इन्डिज र पाकिस्तान बीचको खेलमा वर्षा बाधक 

अन्तर्राष्ट्रिय2 days ago

भारत माथि श्रीलंकाको रोमान्चक जित 

Headline2 days ago

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

Headline2 days ago

ओलम्पिक्सः झण्डै एक शताब्दीपछि फिलिपिन्सले सुनेको राष्ट्रिय गान

Headline2 days ago

पुबुदु दासानायके भैरहवाकै प्रशिक्षक रहने

Headline2 days ago

रियल म्याड्रिडका भारान म्यानचेस्टर युनाइटेडमा

अन्तर्राष्ट्रिय3 days ago

भारत र श्रीलंका बीचको दोश्रो ट्वान्टी ट्वान्टी स्थगित 

Trending

error: Content is protected !!