Connect with us

Headline

फर्गुसनले छोडेपछि इङ्गलिस फुटबलबाट हराएको ‘रेड डेभिल्स’

Published

on

सफलता के हो ?

तपाईं म्यानचेस्टर युनाइटेडको समर्थक हुनुहुन्छ भने यो दुवै दार्शनिक र सटिक उत्तर खोजिएको प्रश्न हो । सात बर्षको खडेरी र सात बर्षदेखि सर एलेक्स फर्गुसन नहुँदा इङ्गलिस फुटबलको ‘रेड डेभिल्स’ हराएको भान हुन्छ । युनाइटेड समर्थकहरुले यसमा असहमति जनाउने हो भने पनि उनीहरुको लागि यो दौरान हात पारेको उपलब्धिमा देखाउन एफए कप, लिग कप र युरोपा लिगको उपाधि बाहेक केही छैन ।

फर्गुसनको कार्यकलमा हेर्ने हो भने युनाइटेडले सात सिजनमा पाँच पटक त प्रिमियर लिग नै उठाएको थियो । २१ सिजनमा १३ पटक प्रिमियर लिग जितेको युनाइटेड कहिले पनि तेस्रो स्थान भन्दा तल झरेको थिएन । तर फर्गुसनको बिदाइ पछि युनाइटेडले क्रमशः सातौं, चौथो, पाचौं, छैठौं, दोस्रो, छैटौं र तेस्रो स्थानमा चित्त बुझाएको छ ।

फर्गुसनको अन्तिम सात सिजनमा युनाइटेडले प्रति सिजन ८७ अंक बटुलेको थियो । उनले छोडेपछिका सात सिजनहरुमा ६८.८ अंकको मात्र औषत रहेको छ । २०१७–१८ सिजनको ८१ अंकले मात्र युनाइटेडको औषतमा बृद्धि भएको हो । यद्दपि क्लबको आठ सबैभन्दा महँगो खेलाडी स्थानान्तरण पनि फर्गुसन पछि नै भयो ।

क्लबले महँगो रकममा भित्र्याएका २५ मध्ये पाँच बहेक अन्य २० खेलाडी फर्गुसनको अवकाशपछि मात्र प्रयोग भएका छन् । अर्को शब्दमा पहिलेको तुलनामा निकै पैसा खर्च गर्दै आइरहेको युनाइटेडले खेलाडी बेचेर भने निकै कम पैसा कमाएको छ । अझै भन्नु पर्दा युनाइटेडले यस्ता कम रोजाई र रिस्क रहेका खेलाडीहरुमा पैसा लुटाएको छ जसलाई हलचल गर्न त गाह्रो छ नै, पहिलो टिममा समेत राख्न समेत सहाएका छैनन् ।

बिश्वकै सबैभन्दा धनी क्लब युनाइटेडले त्यस्ता खेलाडीहरुलाई हालको अनुत्साहित बजारमा बेच्ने हो भने मात्र नयाँ खेलाडीहरु भित्र्याउन सक्छ । यसै कारण आयाक्सबाट आएका डोनी भान डि बिक एक मात्र अनुबन्धन रहेका छन् भने इङ्गल्यान्ड तथा बोरुसिया डर्टमण्डका स्ट्राइकर जेडन साञ्चोको मुल्य प्रतिबन्धित रुपमै महँगो हुन पुगिरहेको छ ।

कहा छ त युनाइटेड ? के युनाइटेड २०१९–२० को सिजनमा लगातार १४ खेलमा अपराजित रहदै सातौं बाट तेश्रो स्थानमा उक्लदै पाएको लयलाई कायम राख्ने सक्ने टोली हो ? के एक दुई खेलाडीको प्रदर्शन वा कुशल व्यवस्थापनले मात्रै पनि चिर प्रतिद्वन्दी लिभरपुल र म्यानचेस्टर सिटीलाई टक्कर दिन सक्षम बन्ला ? कि समय समयमा उत्कृष्ट प्रदर्शन दिदै आउदा पनि गहिराईमा पुग्न नसकेका व्यवस्थापक ओले गुनार सोल्सायर रहेको अत्याधिक मुल्य लगाइएका वा यत्तिकै महँगा बनाइएका खेलाडीहरुको ब्याण्ड मात्रै हो ?

जस्तो सुकै भएपनि युनाइटेडलाई हेर्ने नजरियाहरु अरु पनि छन् । युनाइटेड टेक ओभर गर्ने क्रममा लिएको प्रशस्त कर्जा चुकाउनका लागि यसका अमेरिकन मालिकहरुले क्लबको करोडौं पाउण्ड बगाइसकेका छन् । तर बिश्वकै महँगा खेलाडी बनाउने क्रममा पउल पोग्बालाई ल्याए जस्तै हरेक बर्ष उनीहरुसँग ट्रान्सफर सिजनमा बिशाल बजेट हुने गरेको छ ।

यसर्थ युनाइटेड बिरोधाभासपूर्ण टोली हो ।

साचेभन्दा लामो समय चोटमा बिताएका पोग्बाले गत सिजन नै युनाइटेड छोड्ने छाटकाट देखाएका थिए तर सिजन तन्किदै जादा उनी सबैभन्दा उत्कृष्ट खेलाडी मध्येका एक बन्न पुगे । जनवरीमा आत्तिएर खरिद गरिएका ब्रसनो फर्नान्डेस पोग्बासँग खेल्नै नसक्ने जस्तो देखिएका थिए । तर उनीहरु अहिले खतरनाक जोडी भइसकेका छन् भने अब अर्का एट्याकिङ्ग सेन्ट्रल मिडफिल्डर सँगै जोडिनेछन् ।

युनाइटेडको डिफेन्स सध्रिएको छ तर आफ्ना कप्तान र मुख्य डिफेन्डर ह्यारि मग्वायर मारपिट र प्रहरीलाई घुष दिन खोजेको आरोपमा ग्रिक प्रहरीको फन्दामा पुगे । फर्वार्ड लाइन निकै नै प्रतिभाशाली देखिन्छ तर ढाँडको चोटका कारण गत सिजनको साढे चार महिना गुमाएका रासफोर्डलाई बढी प्रयोग गरिएको कारण त्यो पटक पटक बल्झिने डर छ । उत्कृष्ट मानिएक मेसन ग्रिनउड कोरोना भाइरसको प्रोटोकोल तोडेको आरोपमा इङ्गल्याण्ड व्यवस्थापक ग्यारेथ साउथगेटले आफ्नो टोलीबाट निकालिदिएका छन् ।

युनाइटेडका लागि आएका राम्रा समाचारहरुलाई छायामा पार्न खराब खबरहरु उत्तिकै आएका छन् । उचित तवरमा नै युनाइटेडका सम्पूर्ण बिषय सकारात्मक र नकारात्मक दृष्टिकोणले स्पष्ट राख्न सकिन्छ ।

बर्षौदेखिको प्रतिभा र आत्मबिश्वासको खडेरी पछि यो युनाइटेड टोली छोटो समयको अफ सिजन र प्रि सिजनपछि जोश र बिश्वासका साथ फेरि फर्कने आशा गरिएको छ । तर युनाइटेडकै प्रतिद्वन्दीहरु भने पहिलो भन्दा निकै बलियो देखिन्छन् । प्रिमियर लिग सिजनमा किर्तिमानका साथ उपाधि जितेका लिभरपुल र सिटी कमजोर नै देखिएका छैनन् ।

यदि यो फर्गुसन–युग पछिको सबैभन्दा बलियो युनाइटेड टोली हो भने टाइमिङ्ग भने गलत हुन सक्छ । किनभने फर्गुसनले छोडे यता युनाइटेडका लागि केही पनि सजिलो भएको छैन ।

म्यानचेस्टर युनाइटेड एउटा यस्तो ग्लास हुन पुगेको छ जुन आधा भरिएको छ र आधा खाली नै छ ।

 

Headline

टियुमा पहिलो जित हात पार्दा नेपाल क्लिन स्विप हुनबाट बच्यो  

Published

on

टियु क्रिकेट मैदानमा नेपाली राष्ट्रिय महिला टोलीले पहिलो जित दर्ता गराएको छ । युगान्डा विरुद्धको शृंखला अन्तर्गत चौथो खेलमा नेपालले १५ रनको जित हात पारेको हो । पाँच खेलको शृंखलामा ३-० ले पछि पर्दै शृंखला गुमाइसकेको नेपालले चौथो खेल जित्दै शृंखला ३-१ को अवस्था पुर्याएको छ भने क्लिन स्विप हुनबाट पनि बचेको छ ।   

खेलमा टस जितेर पहिले ब्याटिङ गरेको नेपालले १७ दशमलब पाँच ओभरमा खेल्दै आफ्ना सबै विकेट गुमाएर ९७ रन जोड्न सके पनि युगान्डाले पुरै १८ ओभर खेल्दै आठ विकेट गुमाएर ८२ रन मात्र बनाउन सक्यो । ढिला गरेर सुरु हुँदा खेल १८ ओभर प्रति टोलीमा घटाइएको थियो ।

युगान्डालाई रोक्ने क्रममा आजको खेलमा नेपालको लागि डेब्यु गरेकी हिरनमयी रोयले सर्वाधिक दुई विकेट हात पारिन् भने अस्मिना कर्माचार्य, रुबिना क्षेत्री र कविता कुँवरले समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित रोयले तीन ओभरमा ११ रन खर्चिन् । त्यस्तै अस्मिनाले दुई ओभरमा ६ रन दिँदा रुबिनाले चार ओभरमा १६ तथा कविताले तीन ओभरमा १७ रन खर्चिन पुगे ।     

 यस अघि नेपालको लागि विकेट किपर तथा ओपनर ज्योति पाण्डेले १३ बलमा सर्वाधिक १७, बिन्दु रावलले १६ तथा सिता राना मगरले ११ रनको पारी खेले भने अन्य कुनै पनि ब्याटरले दोहोरो अंकमा रन निकाल्न सकेनन् ।

नेपालका अन्य ब्याटरमा डली भट्ट, कविता कुँवर र अस्मिना कर्माचार्यले समान ६-६ रन जोडे भने, अप्सरी बेगमले चार, सरिता मगरले दुई, रुबिना क्षेत्री र इन्दु वर्माले १-१ रन भन्दा निकाल्न सकेनन् ।

 युगान्डाकी जानेट एमबाबाजीले सर्वाधिक २१ रन जोडिन् भने अन्यले उल्लेख्य योगदान दिन सकेनन् । यस अघि कोन्सी अवेकोले तीन तथा साराह अकिटेङले दुई विकेट निकाल्दा नेपाल सामान्य योगफलमा नै रोकिएको थियो ।   


  

Continue Reading

Headline

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Published

on

पूर्व कप्तान विराट कोहलीको अर्धशतक र ग्लेन म्याक्सवेलको आक्रामक पारीको मद्दतमा बेंगलोरले शीर्ष स्थानको गुजरात टाइटान्स माथि आठ विकेटको सहज जित हात पारेको छ ।

जितसँगै बेंगलोर इन्डियन प्रिमियर लिग (आईपीएल) को अंक तालिकाको चौथो स्थानमा उक्लिएको छ । बेंगलोरले आजको खेलमा जित निकाले पनि उसले प्लेअफमा स्थान भने पक्का गर्न सकेको छैन । बेंगलोर भन्दा एक खेल कम खेलेको दिल्ली क्यापिटल्सले आफ्नो अन्तिम खेलमा हारको सामना गरेको खण्डमा मात्र बेंगलोरले प्लेअफमा स्थान बनाउन सक्ने छ । दिल्लीले आफ्नो अन्तिम खेलमा मुम्बईलाई पराजित गरेको खण्डमा प्लेअफमा पुग्ने छ भने हारको सामना गर्दा बेंगलोरको भाग्य चम्कने छ ।

आजको खेलमा बेंगलोरले जित निकाल्दा पन्जाब किंग्स र सनराइजर्स हैदराबाद एक खेल अगावै प्लेअफको दौडबाट बाहिरिन पुगेका छन् । मुम्बई, चेन्नाई र कोलकाताले यस अघि नै समुह चरण पार गर्न सकेनन् भने गुजरात र लखनउले प्लेअफको टिकट काटिसकेका छन् ।  

गुजरातले दिएको १६९ रनको चुनौतिपूर्ण लक्ष्य बेंगलोरले आठ बल अगावै दुई विकेट गुमाएर जित हात पार्यो ।

बेंगलोरको जितमा खेलको प्लेयर अफ द म्याच घोषित विराट कोहलीले रशिद खानको बलमा आउट हुनु अघि ५४ बल खेल्दै आठ चौका र दुई छक्काको मद्दतमा सर्वाधिक ७३ रन बनाए भने कप्तान फाफ डु प्लेसिसले ४४ तथा अविजित रहेका ग्लेन म्याक्सवेलले १८ बलमा ४० रनको आक्रामक पारी खेले ।

गुजरातका रशिद खानले सर्वाधिक दुई विकेट आफ्नो नाममा दर्ता गराए ।      

यस अघि खेलमा टस जितेर पहिले ब्याटिङ गरेको गुजरातले ओभरमा पाँच विकेट गुमाएर १६८ रनको चुनौतिपूर्ण योगफल बनायो ।

सामान्य सुरुवात गरेको गुजरातको लागि अविजित रहेका कप्तान हार्दिक पान्ड्याले सर्वाधिक ६२ रनको पारी खेले । ४७ बलको सामना गरेका पान्ड्याले चार चौका र तीन छक्का प्रहार गरे । 

पान्ड्या बाहेक गुजरातको लागि डेविड मिलरले ३४, विकेट किपर रिद्दिमन साहले ३१ तथा अविजित रहेका रशिद खानले ६ बलमा १९ रनको योगदान दिए । त्यस बाहेक ओपनर शुबमन गिल एक, म्याथ्यु वेड १६ तथा राहुल टेवाटिया दुई रन बनाएर आउट भए ।

बेंगलोरका जश हेजलउडले सर्वाधिक दुई विकेट हात पार्दा ग्लेन म्याक्सवेल र वानिन्दु हसरंगाले समान १-१ विकेट आफ्नो नाममा दर्ता गराए । 

Continue Reading

Headline

रोहितलाई उपकप्तानको जिम्मेवारी 

Published

on

मध्यक्रमका ब्याटर रोहित कुमार पौडेल यु१९ टोलीका उपकप्तान नियुक्त भएका छन् । नेपाल क्रिकेट संघ (क्यान) ले रोहितलाई अमेरिका र स्कटल्याण्ड भ्रमणका लागि उपकप्तानको जिम्मेवारी दिएको जनाएको हो ।

क्यानले रोहितलाई विश्वकप लिग टु अन्तर्गत अमेरिका र स्कटल्याण्डमा आयोजना हुने दुई त्रिकोणात्मक शृंखलाका लागि मात्र उपकप्तानको जिम्मा दिएको हो । नेपालले जुनमा अमेरिका र जुलाईमा स्कटल्याण्डको भ्रमण गर्नेछ ।   

क्यानले तत्कालीन कप्तान ज्ञानेन्द्र मल्ल र उपकप्तान दिपेन्द्र सिंह ऐरीलाई बर्खास्त गर्दै सन्दिपलाई कप्तान नियुक्त गर्दा उपकप्तान भने राखेको थिएन । सन्दिपले कप्तानी सम्हाले पछि खाली रहँदै आएको उपकप्तानमा पहिलो पटक नेपाली टोलीले उपकप्तान पाएको छ ।  

रोहितले यस अघि यु१९ टोलीको कप्तानको जिम्मेवारी सम्हाली सकेका छन् ।

नेपालको लागि १७ एकदिवसीय र १६ ट्वान्टी ट्वान्टी -अन्तर्राष्ट्रिय खेल खेलेका रोहितले क्रमश ६२३ र २२० रन प्रहार गरेका छन् । रोहितले नेपालमा नै आयोजना भएको पपुवा न्यु गिनी विरुद्धको दुई खेलको शृंखला अन्तर्गत पहिलो एकदिवसीय खेलमा कीर्तिमानी १२६ रन बनाएका थिए । एकदिवसीयमा चार अर्धशतक र एक शतक तथा ट्वान्टी ट्वान्टीमा एक अर्धशतक प्रहार गरेका रोहित नेपालको तर्फबाट एकदिवसीयको एकै पारीमा सर्वाधिक रन बनाउने ब्याटर हुन् ।   

 

Continue Reading
Headline16 hours ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 day ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline2 days ago

रोहितलाई उपकप्तानको जिम्मेवारी 

Headline2 days ago

घरेलु मैदानमा खेलेको पहिलो शृंखला नै गुमायो नेपालले  

Headline2 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline2 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline3 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline3 days ago

आदिल, धमला र किशोर पहिलो पटक एकदिवसीय टोली

Headline3 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline4 days ago

खराब फिल्डिङका कारण जित नजिक पुगेर पनि हार्यो नेपाल 

Headline4 days ago

नेपालले दियो १०२ रनको चुनौतिपूर्ण लक्ष्य 

Headline4 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline5 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline5 days ago

नेपाली महिला खेलाडीको तलबमा भारी वृद्धि  

Headline5 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline6 days ago

चेन्नाई माथि शीर्ष स्थानको गुजरातको सहज जित   

Headline6 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL6 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline7 days ago

यु१९ टोलीकी रोय पहिलो पटक राष्ट्रिय टोलीमा

Headline16 hours ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 day ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline2 days ago

रोहितलाई उपकप्तानको जिम्मेवारी 

Headline2 days ago

घरेलु मैदानमा खेलेको पहिलो शृंखला नै गुमायो नेपालले  

Headline2 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline2 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline3 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline3 days ago

आदिल, धमला र किशोर पहिलो पटक एकदिवसीय टोली

Headline3 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline4 days ago

खराब फिल्डिङका कारण जित नजिक पुगेर पनि हार्यो नेपाल 

Headline4 days ago

नेपालले दियो १०२ रनको चुनौतिपूर्ण लक्ष्य 

Headline4 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline5 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline5 days ago

नेपाली महिला खेलाडीको तलबमा भारी वृद्धि  

Headline5 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline6 days ago

चेन्नाई माथि शीर्ष स्थानको गुजरातको सहज जित   

Headline6 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL6 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline7 days ago

यु१९ टोलीकी रोय पहिलो पटक राष्ट्रिय टोलीमा

Trending

error: Content is protected !!