Connect with us

अन्तर्राष्ट्रिय

फाइनल पुग्ने लक्ष्यका साथ जमैका ट्रिन्बागोसँग खेल्दै

wesportz

Published

on

नेपाली रास्ट्रिय क्रिकेट टोलीका लेग स्पिनर सन्दिप लामिछाने सम्मिलित जमैका तल्वाज क्यारेबियन प्रिमियर लिग (सिपीएल) को फाइनल पुग्ने लक्ष्यका साथ ट्रिन्बागो नाइट राईडर्सको सामना गर्नेछ । खेल नेपाली समय अनुसार ७:४५ बजे सुरु हुनेछ ।

यस सिजनको सिपीएलमा ट्रिन्बागो अपराजित टोली हो । समुह चरणका १० खेल मध्य १० मा नै जित निकालेको ट्रिन्बागोलाई पराजित गर्दै फाइनलमा स्थान बनाउन जमैकाको लागि सहज हुने छैन । समुह चरणमा तीन खेल मात्र जित्न सकेको उसले फाइनलमा स्थान बनाउने हो भने अप्रत्यासित नतिजा निकाल्न पर्ने हुन्छ ।

समुह चरणको पहिलो खेलमा जमैका ट्रिन्बागोसँग सात विकेटले पराजित भएको थियो भने दोश्रो खेलमा १९ रनको हार व्यहोरेको थियो । पछिल्लो पाँच खेलको नतिजा हेर्ने हो भने पनि जमैकाले कुनै पनि खेलमा जित हात पार्न सकेको छैन ।

जमैकाको बलिङ पक्ष केहि हद सम्म राम्रो रहे पनि ब्याटिङ भने यस सिजन निकै कमजोर रहेको छ । जमैकाको बलियो पक्ष भनेको स्पिन हो र यसमा पनि सन्दिप लामिछाने र मुजिब उर रहमानको प्रदर्शन राम्रो रहेको छ । यी दुई मिलेर २७ विकेट हात पारेका छन् । मुजिबले १५ तथा सन्दिपले १२ विकेट लिएका छन् ।

सन्दिपले यस सिजनको सिपीएलमा सबै खेलमा विकेट लिन सफल भएका छन् । नौं खेलमा उनले १२ विकेट लिएका छन् । एक खेल भने वर्षाका कारण रद्द हुँदा सन्दिपले बलिङ गर्न पाएनन् ।

सन्दिपले ट्रिन्बागोसँग समुह चरणको दुई खेलमा दुई विकेट मात्र लिएका थिए । पहिलो खेलमा महँगो साबित भएका उनले चार ओभरमा ३० रन खर्चिएर एक विकेट हात पारे भने दोश्रो खेलमा एक विकेट हात पारे पनि किफायती बलिङ गर्दै चार ओभरमा नै मात्र २० रन खर्चिएका थिए ।

Click to comment

Leave a Reply

Your email address will not be published. Required fields are marked *

Headline

बुम्राले इंग्ल्यान्ड विरुद्धको बाँकी सबै खेलहरु गुमाउने

wesportz

Published

on

भारतीय टोलीका तिब्र गतिका बलर जस्प्रित बुम्राले इंग्ल्यान्ड विरुद्धको एकदिवसीय शृंखला गुमाउने भएका छन् ।

इंग्ल्यान्ड विरुद्ध जारी टेस्ट शृंखला अन्तर्गत चौथों टेस्टबाट बाहिरिएका बुम्रा यस अघि पाँच खेलको ट्वान्टी ट्वान्टी शृंखला नखेल्ने भारतीय क्रिकेट बोर्डले यस अघि नै जनाएको थियो । तर अहिले आएर उनले तीन खेलको एकदिवसीय शृंखला पनि गुमाउने भएका हुन् ।

बुम्राले व्यक्तिगत कारण देखाउँदै चौथों टेस्ट नखेल्ने भारतीय टोलीले जनाएको थियो । तर उनले आफ्नै घरेलु मैदान अहमदाबादमा हुने शृंखला गुमाउनुको कारण भने खुलेको छैन । लामो समय देखि क्रिकेटमा ब्यस्त भएका कारण उनलाई बिश्राम दिन खोजिएको हुन सक्ने क्रिकेट पण्डितहरु बताउँछन् ।

उनलाई बिश्राम दिन कै लागि ट्वान्टी ट्वान्टी शृंखलामा नराखिए हो । त्यस्तै भारतले यसै बर्ष आफ्नै देशमा हुने ट्वान्टी ट्वान्टी विश्वकपलाई लक्षित गर्दै नयाँ खेलाडीहरुलाई मौका दिनका लागि पनि बुम्रालाई बिश्राम दिएको बुझिएको छ ।

२७ बर्षिय बुम्राले ६७ एकदिवसीय खेलमा १०८ विकेट तथा ५० ट्वान्टी ट्वान्टीमा ५९ विकेट हात पारेका छन् ।

भारत र इंग्ल्यान्ड बीचको चौथों तथा अन्तिम टेस्ट भोली (मार्च ४) बाट अहमदाबादमा सुरु हुँदैछ भने ट्वान्टी ट्वान्टी शृंखला मार्च १२ तथा एकदिवसीय शृंखला मार्च २३ तारिखबाट सुरु हुनेछ ।

Continue Reading

Headline

‘एक पटक शिर्ष चारको अनुभव त गरौं’

wesportz

Published

on

साउथ्याम्प्टनमाथि महत्वपूर्ण जित हात पारेपछि व्यवस्थापक कार्लो एन्सलोट्टीले आफ्नो टोली एभर्टन इङ्गलिस प्रिमियर लिगको शिर्ष चारको अनुभव गरेको हेर्न चाहेको बताएका छन् ।

सोमबार राति भएको खेलमा एभर्टनले रिचार्लिसनले नवौं मिनेटमा गरेको गोलमा १–० को जित हात पार्यो । लिभरपुलसँगै समान ४३ अंक रहेको एभर्टन चौथो स्थानको वेष्ट ह्यामभन्दा दुई अंकले पछाडी रहेको छ ।

एक खेल हातमै रहेको अवस्थामा उसले बिहिबार वेष्टब्रोमलाई हराउने हो भने चेल्सी र लिभरपुललाई पनि पछि पार्दै चौथो स्थानमा उक्लनेछ । चेल्सी र लिभरपुल बिहिबार नै भिड्दैछन् ।

“हामीसँग निकै राम्रो अवसर छ,” डिसेम्बर १९ पछि पहिलो पटक घरेलु मैदानमा प्रिमियर लिग खेल जितेपछि एन्सलोट्टीले भने । “मलाई थाहा छैन कति दिनसम्म हो तर एक, दुई वा तीन दिन मात्रै पनि शिर्ष चारको अनुभव गर्ने हो भने हामी राम्रो चुनौति दिने मानसिकतासाथ अघि बढ्नेछौं । एक पटक शिर्ष चारको अनुभव लिएर मात्रै हेरौं ।”

जिल्फी सिगुर्ड्सनको पासमा रिचार्लिसनले गरेको गोल खेल अवधिभर प्रहार गरेको दुई सट अन टार्गेट मध्येको एक थियो । दुवै टोलीले खेलमा लय समात्न चुकेका थिए ।

रेलिगेसन जोनबाट सात अंक पछाडी रहेको साउथ्याम्प्टनको यो नवौं खेलमा आठौं पराजय हो । सिजनको शुरुवातमा शिर्ष स्थानमै पकड जमाएको एभर्टनले वेष्टब्रोमलाई हराउने हो भने दोश्रो स्थानको म्यानचेस्टर युनाइटेडसँगको दुरी पनि ६ अंकमा छोट्याउने छ ।

तेश्रो स्थानको लेस्टर सिटीको ४९ र शिर्ष स्थानको म्यानचेस्टर सिटीको ६२ अंक छ । चार सिजनमा तेश्रो उपाधिका लागि अग्रसर रहेको सिटी उत्कृष्ट लय कायम गर्दै १२ अंकको स्पष्ट अग्रता बनाउन सफल भइसकेको हो ।

Continue Reading

Headline

भिनिसियसले अन्तिम समयमा गरेको गोलमा रियलको उद्दार

wesportz

Published

on

भिनिसियस जुनियरले रियल म्याड्रिडका लागि आफ्नो १ सयौं खेलमा महत्वपूर्ण प्रदर्शन गरेका छन् । भिनिसियसले अन्तिम समयमा गरेको गोलको मद्दतमा उसले रियल सोसिडाडसँग १–१ गोलको बराबरी खेल्यो ।

बराबरीपछि रियलले शिर्ष स्थानको एट्लेटिको म्याड्रिडसँगको दुरी तीन अंकमा छोट्याउन चुकेको छ । एक खेल कम खेलेको एट्लेटिकोको ५८ अंक छ भने रियलसँगै समान ५३ अंक रहदा बार्सिलोना गोल अन्तरको आधारमा दोश्रो स्थानमा छ ।

रियलले पहिलो हाफमा दवाब कायम राखेपनि गोल गर्ने दुई स्पष्ट मौकामा अभागी साबित भएको थियो । पहिलो हाफमा मारियानो र रफाएल भारानेको प्रहार पोस्टमा लागेर फर्किएको थियो ।

दोश्रो हाफमा सुधारिएको प्रदर्शन गरेको सोसिडाडका लागि ५५ औं मिनेटमा पोतुगेस मान्जानेराले नाचो मोन्रियलको क्रसमा उत्कृष्ट हेडर मार्फत गोल गरेका थिए ।

६१ औ मिनेटमा जिनेदिन जिदानले अग्रपंक्तिमा तीन परिवर्तन ल्याए र तीन मध्येका एक सब्स्टिच्युट भिनिसियसले लुकास भास्केजको क्रसमा ८९ औं मिनेटमा गोल गरे । रियलको पाँच म्याचको बिजयी श्रृंखलामा भने ब्रेक लागेको हो । सोसिडाड ४२ अंकसाथ पाचौं स्थानमा कायम रहेको छ ।

Continue Reading
Headline39 mins ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline59 mins ago

पिवाईसी बिबिए क्रिकेट फागुन २० देखि मुलपानीमा

Headline3 hours ago

मेयर कपको उद्घाटन खेलमा आर्मी र एपीएफ भिड्ने

Headline5 hours ago

बि डिभिजन: श्री कुमारीलाई हराउँदै मध्यपुर रेलिगेसन जोनबाट बहिर

Headline7 hours ago

बुम्राले इंग्ल्यान्ड विरुद्धको बाँकी सबै खेलहरु गुमाउने

Headline11 hours ago

‘एक पटक शिर्ष चारको अनुभव त गरौं’

Headline12 hours ago

भिनिसियसले अन्तिम समयमा गरेको गोलमा रियलको उद्दार

अन्तर्राष्ट्रिय18 hours ago

टेस्टमा पहिलो पटक भिड्दै अफगानिस्तान र जिम्बाब्वे

Headline20 hours ago

चम्किदै किरण , पन्जाबका लागि छैँठौ क्लिनशीट

Headline22 hours ago

मेयर कपका लागि काठमाडौँ मेयर ११ को टोली सार्वजनिक

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending