Connect with us

Headline

पारस खड्का एमबिए गर्दै

wesportz

Published

on

राष्ट्रिय क्रिकेट टोलीका पुर्व कप्तान पारस खड्का एमिबिए गरिरहेका छन् । पारस नयाँ बानेश्वरको थापागाँउ स्थित फिनिक्स कलेज अफ म्यानेजमेन्टबाट एमबिए गरिरहेका हन् । कलेजले उनलाई एमबिए कार्यक्रमको लागि ब्राण्ड एम्बेसेडर पनि नियुक्त गरेको छ ।

सेप्टेम्बरदेखि नै शुरु भएको एमबिएको नयाँ सत्रदेखि पारसले एमबिएको पढाई शुरु गरेका हुन् । कलेजका प्रिन्सिपल डाक्टर बिनोद बहादुर खत्रीले पारसको रोजाइमा फिनिक्स कलेज पर्नु राम्रो कुरा भएको बताए ।

पारस खड्काको सामिप्यता तथा उच्च शिक्षा अध्ययन प्रतिको लगावले के प्रष्ट्याउछ भने फिनिक्स कलेज अफ म्यानेचजमेन्ट राष्ट्रिय नायकहरु तथा मेधावी बिद्यार्थीको पहिलो रोजाइमा परेको कलेज हो, एक प्रेस बिज्ञाप्ति मार्फत खत्रीले भनेका छन् ।

शनिबार एक कार्यक्रमकाबीच कलेजका डाइरेक्टर लक्ष्मण पोखरेलले पारस एमबीए कार्यक्रममा ब्राण्ड एम्बेसेडर भएको घोषणा गर्दै दुई बर्षको लागि अनुबन्धन गरिएको जानकारी दिएका थिए । फिनिक्स कलेज अफ म्यानेजमेन्ट लिंकन बिश्वबिद्यालयबाट सम्बन्धन प्राप्त गरी एमबीए र बिबिए कार्यक्रम सञ्चालन गर्ने नेपालको पहिलो कलेज हो ।

Headline

काठमाडौं रेजर्स नेपाल सुपर लिगको फाइनलमा

wesportz

Published

on

दुई बिदेशी खेलाडीको उच्च प्रदर्शनमा काठमाडौं रेजर्स ललितपुर सिटी एफसीलाई ३–० को फराकिलो अन्तरले पराजित गर्दै नेपाल सुपर लिगको फाइनलमा प्रवेश गरेको छ ।

मेसुकेले पहिलो हाफमा दुई र स्टेफन समिरले दोश्रो हाफमा एक गोल गरेपछि काठमाडौंले शनिबारको लागि धनगढीसँग उपाधि भिडन्त पक्का गर्यो । काठमाडौं लिग चरण र पहिलो क्वालिफायरमा धनगढीसँग पराजित भएको थियो ।

२४ घण्टा नबित्दै दोश्रो खेल खेलिरहेको ललितपुरले पहिलो हाफमा दुई पटक स्पष्ट गोल अवसर खेर फालेको थियो । तर काठमाडौंले भने पाएका मौकाहरुमा चाहे अनुरुपको फिनिसिङ्ग गरेको थियो ।

मेसुके एक पटक फेरि अब्बल रहे । बक्समा खतरनाक देखिएका उनले पहिलो गोलका लागि आफै पेनाल्टी जितेका थिए भने दोश्रो गोलमा उत्कृष्ट ढँगले गोल गरेका थिए । उनले प्रतियोगितामा व्यक्तिगत छैटौं र सातौं गोल गरेका हुन् ।

दोश्रो हाफमा थकानका कारण ललितपुरको खेल प्रभावित देखिए पनि उसले निरन्तर दवाब भने बनाइरहेको थियो । तर पहिलो हाफमा जस्तै गोल गर्ने अवसर सृजना गर्न भने असफल रहेको थियो ।

खेलको शुरुवातमा नै ललितपुरले गोल गर्ने स्पष्ट मौका खेर फाल्यो । अन्जन बिष्टले बनाएको मुभमा नुर्लान जाहिदको क्रसले काठमाडौं गोलकिपर बिकेश कुथुलाई बिट गरेपनि भिलिम पोसिन्कोभिच गोललाईन नजिकैबाट साधारण ट्याप इन दिन असफर रहेका थिए ।

लगत्तै मेसुकेले बायाँबाट बक्समा निकालेको पासलाई स्टेफन समिरले टाइट एँगलबाट गरेको प्रहार पोस्टमा लागेको थियो । १३ औं मिनेटमा कमल श्रेष्ठले मेसुकेलाई बक्स भित्र लडाएपछि काठमाडौंले पेनाल्टी पाएको थियो । मेसुकेको प्रहारलाई सहि आकलन गर्दै ललितपुरका गोलकिपर अर्पण कार्कीले डाइभ गरेपनि हातमा लागेर गोल भएको थियो ।

२२ औं मिनेटमा मेसुकेले अग्रताले दोब्बर बनाएका थिए । डिफेन्डर पिटर सेगुनले बक्सभित्र चुनौति दिदाँ दिदै पनि उनको सशक्त प्रहारलाई अर्पणले रोक्न सकेनन् । २७ औं मिनेटमा ललितपुरले अर्को मौका खेलर फाल्यो । अन्जन बिष्टले निकालेको सुन्दर थ्रु बललाई गौरभ बुढाथोकीले बिकेशसँगको वान भर्सेस वान स्थितिमै बाहिर प्रहार गरेका थिए ।

५९ औं मिनेटमा अर्का समिरले ललितपुरको अफ साइड ट्रयाप बिट गरेपछि छिरिङ गुरुङको लङ्ग बललाई चेस्ट कन्ट्रोल गर्दै सेकेण्ड बारमा सहज गोल गरेका थिए । काठमाडौं तेश्रो गोलपछि रक्षात्मक रणनीतिमा उत्रदै काउन्टर अट्याकमा मात्रै जाँदा ललितपुरले निरन्तर दवाब बनायो तर पहिलो हाफ जसरी गोलको नजिक पुग्न सकेन ।

Continue Reading

Headline

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

wesportz

Published

on

बिदेशी खेलाडी मेसुकेले आफ्नो उत्कृष्ट लयलाई कायमै राखि दुई गोल गरेपछि काठमाडौं रेजर्सले नेपाल सुपर लिगको दोश्रो क्वालिफायरको पहिलो हाफमा २–० को अग्रता लिएको छ ।

ललितपुर दशरथ रँगशालामा दुई पटक स्पष्ट गोल गर्ने मौकामा चुक्दा मेसुकेले प्राप्त मौकालाई गोलमा परिणत गरेका हुन् । प्रतियोगितामा उनले छैटौं र सातौ गोल गरेका हुन् ।

खेलको शुरुवातमा नै ललितपुरले गोल गर्ने स्पष्ट मौका खेर फाल्यो र त्यसमा खलनायक रहे बिदेशी खेलाडी भिलिन पोसिन्कोभिच । अन्जन बिष्टले बनाएको मुभमा नुर्लान जाहिदको क्रसले काठमाडौं गोलकिपर बिकेश कुथुलाई बिट गरेपनि पोसिन्कोभिचले गोललाईन निरै साधारण ट्याप इन दिन चुकेका थिए ।

लगत्तै काठमाडौंका मेसुकेले बायाँबाट बक्समा निकालेको पासलाई स्टेफन समिरले टाइट एँगलबाट गरेको प्रहार पोस्टमा लागेको थियो । १३ औं मिनेटमा काठमाडौंले पेनाल्टी पायो र त्यसलाई मेसुकेले जितेका थिए ।

कमल श्रेष्ठले मेसुकेलाई बक्स भित्र लडाएपछि काठमाडौंले पेनाल्टी पाएको थियो । मेसुकेले पेनाल्टीमा गरेको प्रहारलाई ललितपुरका गोलकिपर अर्पण कार्कीले सही दिशामै डाइभ गरेपनि उनको हातमा लागेर गोल भएको थियो ।

२२ औं मिनेटमा मेसुकेले अग्रताले दोब्बर बनाएका थिए । डिफेन्डर पिटर सेगुनले बक्सभित्र चुनौति दिदाँ दिदै पनि प्रहार गरेको सशक्त प्रहारलाई अर्पणले रोक्न सकेनन् । २७ औं मिनेटमा ललितपुरले अर्को मौका खेलर फाल्यो । अन्जन बिष्टले निकालेको सुन्दर थ्रु बललाई गौरभ बुढाथोकीले बिकेशसँगको वान भर्सेस वान स्थितिमै बाहिर प्रहार गरेका थिए ।

बुधबार बुटवल लुम्बिनी एफसीलाई एलिमिनेटरमा पराजित गरेको ललितपुरले २४ घण्टा नबित्दै दोश्रो खेल खेलिरहेको हो ।

काठमाडौं पहिलो क्वालिफायरमा धनगढी एफसीसँग हार व्यहोरेपछि दोश्रो क्वालिफायर खेल्नु परेको थिए । यो टिमको बिजेताले शनिबार हुने फाइनलमा धनगढीसँग खेल्नेछ ।

Continue Reading

Headline

इस्तानबुलबाट पोर्टो सर्यो च्याम्पियन्स लिग फाइनल

wesportz

Published

on

२०२०/२०२१ सिजनको च्याम्पियन्स लिग फाइनल टर्कीको इस्तानाबुलबाट पोर्चुगलको पोर्टोमा सारीएको छ । टर्कीको इस्तानाबुल स्थित एटटर्क ओलम्पिक रङशालामा हुने भनिए पनि मे ३१ सम्म पूर्ण लकडाउनमा रहे पछि फाइनल पोर्टो स्थित एस्टेडीओ डि डार्गोमा सारीएको हो ।

च्याम्पियन्स लिग २०२०/२०२१ को फाइनलका लागि युईएफले दुवै चेल्सी र म्यानचेस्टर सिटीका चार-चार हजार समर्थकलाई मैदानमा प्रवेश दिने जनाएको छ । पोर्चुगलका समर्थकहरुलाई पनि मैदानमा प्रवेश दिने युएफाले बताएको छ ।
इङ्ल्याण्ड एफएले पनि फाइनल वेम्बली अथवा भिल्ला पार्कमा गराउन सम्भव भएको बताए पनि पोर्चुगल सुरक्षित रहेका कारण युएफाले फाइनल पोर्टोमा सारेको हो ।

मे २९ मा हुने फाइनलका लागि तयारी थाल्न युईएफाले पोर्चुगललाई जानकारी गरिसकेको छ । चेल्सी र म्यानचेस्टर सिटी पहिलो पटक च्याम्पियन्स लिग फाइनलमा खेल्न लागेका हुन् । २०१९ पछि फेरी दुई इङ्लिश टोलीहरु फाइनलमा भिड्दै छन् ।

Continue Reading
Headline12 hours ago

काठमाडौं रेजर्स नेपाल सुपर लिगको फाइनलमा

Headline13 hours ago

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

Headline17 hours ago

इस्तानबुलबाट पोर्टो सर्यो च्याम्पियन्स लिग फाइनल

Headline19 hours ago

२४ घण्टा पनि नबित्दै काठमाडौँ विरुद्ध क्वालिफायर्स खेल्दै ललितपुर

Headline19 hours ago

युरोपियन राउण्डअप: एट्लेटिकोलाई चार अंकको अग्रता, चेल्सी पराजित, पिएसजी फाइनलमा

Headline22 hours ago

श्रीलंका लंका प्रिमियर लिगको दोश्रो संस्करण आयोजना गर्दै

Headline2 days ago

अन्जनको डाइभिङ्ग हेडरसँगै ललितपुरले पायो फाइनलको लागि दोश्रो मौका

Headline2 days ago

नेपाल सुपर लिग एलिमिनेटरः बुटवल लुम्बिनी लगातार मौकामा चुक्दै

अन्तर्राष्ट्रिय2 days ago

बंगलादेशसँगको एकदिवसीय शृंखलाका लागि पारेरा कप्तान नियुक्त, चन्दिमल र म्याथ्युस टोलीमा अटाएनन्

Headline2 days ago

ललितपुर सिटी र बुटवल लुम्बिनी एलिमिनेटरमा खेल्दै

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline12 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline7 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!