Headline
बार्सामा अस्थिरता कायम रहे मेस्सीमाथिको जित खोक्रो साबित हुन सक्छ
Published
4 years agoon
By
wesportz२०१५ का अप्रत्याशित बिजेता र अहिले २०२० का खलपात्र बार्सिलोनाका अध्यक्ष योसेप बार्तोमेउ लियोनेल मेस्सीमाथि जित हात पार्दा सन्तुष्टिको सास फेरिरहेका होलान् ।
२०१९–२० सिजन बार्सिलोनाका लागि पूर्ण खलबलिन पुग्यो । अझ बढी त अध्यक्षका लागि नै । बयार्न म्युनिखको हातबाट लजास्पद हार भोग्नुअघि पनि ला लिगाका दुई एल क्लासिकोमा रियल म्याड्रिडसँग जित बिहिन हुनु बार्सिलोनाका लागि निकै गार्हो समय थियो ।
जनवरी देखी हेर्ने हो भने बार्तोमेउ आलोचनाको शिकार बन्दै आएका छन् । ११ बर्षको उमेरदेखि बार्साको शेर धनी रहदै आएका क्याटलन व्यवसायी उनी बिवादबाट कहिल्यै टाढा रहन सकेनन् ।
बार्सिलोनामा रहदा उनको कार्यकाल बिवादमै घेरिएको छ । जनवरीमा अर्नेस्टो भाल्भर्डेलाई बर्खास्त गरिसकेपछि समर्थकहरु क्लब लेजेण्ड जाभी हर्नान्डेजले त्यो पद सम्हाल्ने अपेक्षा गरिरहेका थिए । तर किके सेटियन नियक्त हुँदा निकै आलोचना हुन पुग्यो ।
फेब्रुवरीमा प्रमुख खेलाडीहरुसहित क्लबको कामलाई शंक लिएर गर्नेहरुको आलोचनाबिरुद्ध भएको सोसियल मिडिया अभियानामा आफ्नो हात नरहेको दाबी गर्नु परेको थियो । बार्साले त्यो अभियान बार्तोमेउको छवि सुधार्नका लागि गरेको थियो । प्राइभेट लेखापढी कम्पनी प्राइसवाटरहाउस कूपर्सको अडिट रिपोर्टले कुनै भ्रष्ट व्यवहार भएको छैन भन्ने बताए पनि बार्सिलोना विरुद्ध न्यायिक अनुसन्धान जारी छ । खेलाडी किन्दा बजार मुल्य भन्दा ६ गुणा बढी पैसा तिरेको क्लबलाई आरोप लागेको छ ।
र मार्चमा कोरोनाभाइरस महामारीको शुरुवातसँगै गम्भीर आर्थिक संकट उत्पन्न हुदा क्लब सञ्चालन भइरहेको तरिकाको बिरोधमा बोर्डका ६ सदस्यहरूले राजीनामा गरेका थिए । रजिनामा दिनेहरुमध्ये दुई उपाध्यक्ष एन्रिके टोम्बास र एमिली रुसौद पनि थिए । रुसौदलाई बार्तोमेउ आफैले भावी अध्यक्ष रुपमा हेरेका थिए ।
बोर्डमा ठुलै होहल्ला मच्चिएपछि अर्को जुनका लागि तय गरिएको भएपनि बार्तोमेउको राजीनामा माग गर्दै चुनाव गर्न समेत भनिएको थियो । तर बार्तोमेउ अडिग रहे ।
बार्तेमेउको शासन गल्तिले भरिपूर्ण छ भने कुटनीतिमा पनि निकै कमजोर देखिएको छ । क्लब लेजेण्ड मेस्सीले पनि आफूलाई क्लब छोड्न दिनका लागि भएको सम्झौता बार्तोमेउले पुरा नगरेको आरोप लगाएका छन् । मार्चमा तलब कटौतीको भार सबै खेलाडीको टाउकोमा राखिदिदा खेलाडीहरूलाई त्यो अनौठो नलागेको पनि उनी बताउछन् ।
बन्दरगाह र बिमानस्थलको इन्जिनियरिंगमा विशेषज्ञता रहेको बहुराष्ट्रिय कम्पनी एडिइएलटिइका प्रबन्ध निर्देशक बार्तोमेउले बार्सिलोनामा फुटबल भन्दा पहिले बास्केटबल र ह्यान्डबलको बोर्ड सम्हालेका थिए ।
बार्सिलोनाको प्रतिद्वन्दी इस्पान्योलबाट खेल्नु अघि बार्साको युवा टोलीमा बास्केटबल खेलेका बार्तोमेउलाई त्यही कनेक्सनले गर्दा २००३ मा क्यम्प नोउ फर्कन मद्दत गरेको थियो ।
ट्रासफरमा अरबौंको खर्च
अर्को कारण सान्द्रा रोजेलसँगको गहिरो मित्रता पनि थियो । रोजेल र बार्तोमेउले जोआन लापोर्टाको अध्यक्ष पदका लागि सफल दावेदारीमा प्रमुख भुमिका निभाएका थिए । तर २००५ मा क्लबले लिने दिशाको बिषयमा दुई धार हुदा लापोर्टा हटाइएका थिए ।
२०१० मा रोजेलले आफैंले उच्च अध्यक्षको लागि दाबेदारी दिदा बार्तोमेउलाई आफ्नो उपाध्यक्षको रुपमा उभ्याए र ६१ प्रतिशत मत ल्याउदै अध्यक्ष चुनिए । उनीहरु दुवै मिलेर लापोर्टा, योहान क्रुएफ र पेप ग्वार्डियोलाको दर्शन पछ्याउदै आएका सबैलाई हटाउदै जान थाले । क्रुएफलाई १९९६ मा बर्खास्त गरेका पारम्परिक दृष्टिकोण राख्ने पुर्व अध्यक्ष जोसेप लुइ नुनेजको पथमा क्लब चल्न थाल्यो ।
तर जनवरी २०१४ मा रोजेलले भ्रष्टाचारको आरोप लागेपछि राजीनामा गर्नु प¥यो । उनले नेमारलाई सान्तोसबाट बार्सिलोना भित्र्याउने क्रममा अनियमितता गरेको आरोप लागेको थियो । रोजेललाई जेल सजाय पनि भयो भने बार्तोमेउले कार्यवाहाक अध्यक्षको रुपमा जिम्मेवरी लिए ।
२०१५ मा बार्तोमेउ कार्यबाहक रहदा नै मेस्सी, सुवारेज र नेमारको त्रिमूर्तिले क्लबलाई ट्रेबल जिताउदा उनी त्यही गुडविललाई लिएर ५४ दशमलव ५ प्रतिशत मतका साथ नयाँ अध्यक्ष चुनिए ।
तर यस्तो सफलता भने अब बार्सिलोनाले इतिहासमा मात्र हेर्न पाउने अवस्था आएको छ । २०१५ पछि बार्सिलोना च्याम्पियन्स लिगको क्वार्टर फाइनलमा चार पटक र सेमीफाइनलमा एक पटक हारेको छ ।
बार्सिलोनाले ट्रान्सफर बजारमा खर्च गरेको लगभग एक अरब यूरोले आफ्नो भाग्यलाई फर्काउन सकेको छैन । बरु झन–झन क्लबको पुनर्निर्माण निकै महँगो हुदै जान थालेको छ । अहिले पनि बार्तोमेउले सेटियनको स्थानमा रोनाल्ड कोमनलाई क्लबमा भित्र्याएका छन् । कोमनको प्रशिक्षकको रुपमा बायो डाटा त्यतिी बलियो छैन ।
बायर्नसँगको ८–२ को पराजय पछि बार्तोमेउले आउने बर्षको चुनावलाई जुनको साटो मार्चमा नै गराउन बाध्य भएका छन् । क्लबका सदस्यहरूले उनी विरूद्ध अविश्वासको प्रस्ताव राख्दा उनी त्यो समयसम्म पनि नटिक्न सक्छन् । त्यसैले मेस्सीबिरूद्ध उनको जित खोक्रो साबित हुन सक्छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।