Connect with us

राष्ट्रिय

सन्दिप लगातार आठौं खेलमा विकेट लिन सफल

wesportz

Published

on

क्यारेबियन प्रिमियर लिग (सिपीएल) मा नेपाली लेग स्पिनर सन्दिप लामिछानेले लगातार आठौं खेलमा विकेट लिन सफल भएका छन् ।

बार्बाडोस ट्राइडेण्ट्स विरुद्धको खेलको चार ओभर बलिङ गरेका सन्दिपले २६ रन खर्चिएर एक विकेट हात पारे । सन्दिपले उत्कृस्ट ब्याटिङ गर्दै ४२ बलमा आक्रमक ६९ रन बनाएका जेसन होल्डरको विकेट लिन सफल भए । होल्डर सन्दिपको बलमा एलबिडब्लुको शिकार भएका हुन् ।

पहिलो ओभरमा नौं रन खर्चिएका सन्दिपले दोश्रो ओभरमा दुई सिंगल सहित मात्र दुई रन खर्चिए । उनको दोश्रो ओभरको पाँचौं बलमा अर्धशतक बनाएका जेसन होल्डरले ठुलो सट खेल्ने क्रममा बल मिस गरे पनि लेग स्टम्प भन्दा बाहिरबाट गयो र बोल्ड हुनबाट जोगिए ।

त्यस्तै तेश्रो ओभरमा पाँच रन खर्चिएका सन्दिपले एक विकेट पनि हात पारे । चौथों ओभरमा भने सन्दिपले एक छक्का सहित कुल १० रन खर्चिए ।

सिपीएलको जारी सिजनमा सन्दिपले नौं खेलमा आठ खेल खेल्दै ११ विकेट हात पार्न सफल भएका छन् । एक खेल भने वर्षाका कारण रद्द भएको थियो । सन्दिपले विकेट मात्र हैन निकै किफायती बलिङ पनि प्रदर्शन गरेका छन् । २८ ओभर बलिङ गरेका उनले चार दशमलब आठ पाँच प्रति ओभरमा १३६ रन खर्चिएका छन् ।

सन्दिपले गायना एमेजन वारियर्स, बार्बाडोस ट्राइडेण्ट्स र सेन्ट किट्स विरुद्धको खेलमा समान २-२ विकेट हात पारेका थिए भने सेन्ट लुसिया जुक्स, गायना एमेजन वारियर्स तथा ट्रिन्बागो नाइट राईडर्स विरुद्दको दुबै खेलमा समान १-१ विकेट आफ्नो नाममा दर्ता गराएका थिए ।

जारी सिजनमा उनको सबैभन्दा राम्रो बलिङ प्रदर्शन भने गायना विरुद्धको खेलमा रहेको छ । उक्त खेलमा उनले चार ओभर बलिङ गर्दै मात्र आठ रन खर्चिएर दुई विकेट हात पारे । सेन्ट किट्स एण्ड नेभिस प्याट्रियट्स विरुद्धको खेल वर्षाका कारण रद्द भएको थियो ।

खेलमा टस जितेर पहिले ब्याटिङ गरेको जमैका तल्वाजले २० ओभरमा चार विकेट गुमाएर १६१ रन बनाउन सक्यो ।

जमैकाको लागि ओपनिङ्गमा ब्याटिङ गर्न आएका जर्मेन ब्ल्याकउडले ५९ बलको सामना गर्दै पाँच चौका र चार छक्काको मद्धतमा सर्वाधिक ७४ रन बनाए । त्यस्तै आन्द्रे रसेलले तुफानी पारी खेल्ने क्रममा २८ बलमा चार चौका र पाँच छक्काको मद्धतमा ५४ रन बनाएर रशिद खानको शिकार भए ।

जमैकाले सेमीफाइनलमा स्थान बनाइसकेको छ भने बार्बाडोस प्रतियोगिताबाट बाहिरी सकेको छ । यस अघि गायना एमेजन वारियर्ससँगको खेलमा छ विकेटले बार्बाडोस ट्राइडेण्ट्स पराजित भए पछि जमैकाले दुई खेल अगावै सेमीमा स्थान पक्का गरेको हो ।

आठ खेलमा तीन जित र चार हार तथा एक खेल रद्द भए पछि जमैका सात अंकका साथ अंक तालिकाको चौथों स्थानमा रहेको छ । पाँचौं स्थानमा रहेको बार्बाडोसले नौं खेलमा दुईमा मात्र जित निकाल्न सकेको छ भने अंक तालिकामा चार अंक बटुलेको छ ।

राष्ट्रिय

क्यानको निर्णय प्रति सिप्यानको असन्तुष्टि

wesportz

Published

on

नेपाल क्रिकेट संघ (क्यान) को चितवनमा बसेको बैठकमा गरिएको केहि निर्णयहरुमा क्रिकेट खेलाडी संघ नेपाल (सिप्यान) ले असन्तुष्टि व्यक्त गरेको छ । सिप्यानले आज असन्तुस्टी ब्यक्त गर्दै क्यान र रास्ट्रिय खेलकुद परिषदलाई ज्ञापन पत्र बुझाएको छ ।

अध्यक्ष डा. मनिष राज पाण्डे हस्ताक्षरित विज्ञप्तिमा भनिएको छ, ‘ हालै सार्वजनिक भएका केही निर्णयहरूमा सिप्यानको ध्यानाकर्षण भएको छ । लामो समयदेखि अवरुद्ध नेपाली क्रिकेटको व्यवस्थापनसाग सम्बन्धित गतिविधिलाई गति प्रदान गर्ने लक्ष्यका साथ गरिएका निर्णयहरूले केही सुधारात्मक र सकारात्मक सन्देश दिएको छ । जुन स्वागतयोग्य पनि छ ।’

‘तर ती निर्णयहरू मध्ये क्रिकेट खेलाडीसँग प्रत्यक्ष सरोकार राख्ने तल उल्लेखित केही निर्णयहरूमा भने क्रिकेट खेलाडीहहरूबाट प्राप्त अनुरोधका आधारमा पुनर्विचार गर्नुपर्ने आवश्यकता महशूस भएको हुँदा यसमा उचित सम्बोधनका लागि परिषदबाट आवश्यक पहल गरिदिनु हुन ध्यानाकर्षण सहित अनुरोध गर्न चाहन्छु । ‘

सिप्यानले असन्तुस्ट पोख्दै तीन विषय उठाएको छ । जुन यस प्रकार रहेका छन् ।

१. निर्णयमा उल्लेख भए अनुसार सन् २०२० का लागि पुरुष र महिला क्रिकेट खेलाडीलाई
गरिएको वर्गीकरणको आधारमा थप प्रष्टता आवश्यक देखिन्छ । वर्गीकरण जस्तो
महत्वपूर्ण विषयवस्तुलाई पारदर्शी रूपमा निश्चित मापदण्ड तोकेर अवलम्बन गरिनु
क्रिकेट विकासका लागि जरुरी छ । यसलाई तर्कसम्मत र त्रुटी रहित बनाउन तथ्यपरक,
वस्तुपरक र वैज्ञानिक बनाइनुपर्ने आवश्यकता देखिएको छ ।

२. विश्वव्यापी स्थापीत मूल्य र मान्यतालाई आधार मान्दै नेपाली क्रिकेटलाई व्यावसायिक
उन्मुख र प्रतिफलमूखी बनाइराख्न क्रिकेट खेलाडीको आयस्रोतलाई व्यवस्थित बनाइनु
पर्ने र खेलाडीको मनोबल उच्च बनाई राख्नु पर्ने अति आवश्यक हुन्छ । यसका लागि
न्यायसंगत ढङ्गले समयसापेक्ष कुनै पनि किसिमको विभेदको अनुभूति हुने वातावरणलाई
निरुत्साहित गर्दै जानुपर्छ भन्नेमा हामी दृढ हुनैपर्छ ।

३. पुरुष र महिला क्रिकेट खेलाडीको जीवन बीमा/दुर्घटना बीमा गर्नका लागि त्यस संघबाट
आवश्यक पहल गरिनेकुरा सह्राहनीय छ तर यसका लागि समावेश गरिने खेलाडीको
दायरालाई फराकिलो बनाइनु पर्ने हुन्छ । यस कार्यको यथासक्य चााडो कार्यान्वयनको
अपेक्षा लिएको छु ।

Continue Reading

Headline

ललितलाई इपिएल फ्रान्चाइज चितवन टाइगर्सको सहयोग

wesportz

Published

on

सडक दुर्घटनामा घाइते भएका राष्ट्रिय टोलीका क्रिकेटर ललितसिंह भण्डारीलाई चितवन टाइगर्स लगायतका संस्थाले उपचारका लागि नगद सहयोग गरेका छन् । तिब्र गतिका बलर ललितले २०१७ र २०१८ को एभरेष्ट प्रिमियर लिग क्रिकेटमा चितवन टाइगर्सबाट खेलेका थिए ।

अघिल्लो आइतबार साँझ उनी गृहनगर कञ्चनपुरमा सवारी दुर्घटनामा परेका थिए । उनी सबार मोटरसाइकल विपरित दिशाबाट आएको ट्रकमा ठोक्किएपछि गम्भिर भएका उनलाई धनगढी, बाँकेको कोहलपुर हुदैं हेलिकप्टरबाट सोमबार काठमाडौं ल्याइएको थियो ।

चितवन टाइगर्सले लायन्स क्लब अफ काठमाडौं कर्पोरेट नेपालसँग मिलेर १ लाख ११ हजार १ सय ११ रुपैंया उपचारका लागि प्रदान गरेको हो । चितवन टाइगर्सका मालिक एवंम लायन्स कर्पोरेट नेपालका संस्थापक अध्यक्ष किशोर भट्टराई, अध्यक्ष सुशील विष्टले बुधबार ग्रान्डी अस्पतालमा पुगेर ललितकी श्रीमति ममतालाई चेक प्रदान गरेका थिए ।

हस्तान्तरण गर्दा चितवन टाइगर्सका मार्की एवंम राष्ट्रिय खेलाडी सोमपाल कामी र राष्ट्रिय टोलीका पूर्व कप्तान विनोद दास, लायन्स क्लबका कोषाध्यक्ष रमेश रुपाखेती उपस्थित रहेका थिए ।

सो अवसरमा अमेरिका स्थित नेपाल राइनोज क्रिकेट क्लबको डालास शाखाले ललितको उपचारका लागि ७५ हजार ८ सय ३१ रुपैंया प्रदान गरेका गरेको छ । राइनोजका संयोजक राकेश कर्णमार्फत अमेरिकामा उठाइएको रकम सोमपालमार्फत ललितकी श्रीमति ममतालाई बुधबार हस्तान्तरण गरिएको थियो ।

Continue Reading

Headline

सेन्ट्रल कन्ट्रयाक्टमा नेपाल क्रिकेट संघको मनपरी

Avatar

Published

on

मङ्गलवारको दिन नेपाली क्रिकेटका लागि ऐतिहासिक थियो । अन्तर्राष्ट्रिय क्रिकेटमा पहिलो पाइला टेकेको १३ बर्षपछि महिला क्रिकेटरहरुलाई नेपाल क्रिकेट संघ (क्यान) ले सेन्ट्रल कन्ट्रयाक्टमा बाध्यो । यसले महिला क्रिकेटरहरुलाई खेलमा रहिरहन मद्दत पुर्याउने छ ।

महिला क्रिकेटरहरुलाई पहिलो पटक सेन्ट्रल कन्ट्रायक्ट दिएको क्यानले पुरुष क्रिकेटरहरुको तलबमा पनि १५ हजार बृद्धि गरेको थियो, जुन एक सकारात्मक कदम थियो ।
तर क्यानले तयार पारेको सुचिमा भने मनपरि भएको छ । महिला र पुरुष दुवै तर्फको ग्रेडिङ्गमा क्यानले अत्यन्तै असंवेदनशील तरिकाले खेलाडीको बर्गिकरण गरेको छ जसका कारण राम्रा खेलाडीहरुलाई पनि निरत्साहित गरेको छ ।

क्यानको खेलाडी बर्गिकरणको सुचि हेर्दा नेपाली क्रिकेटको मैदानको प्रगति र खेलाडीको प्रदर्शनलाई राम्ररी बुझ्नै नसकेको व्यक्तिले यसलाई तयार पारेको जस्तो देखिन्छ । २०२० का लागि क्यानले पारिश्रमिक निर्धारण र ग्रेड निर्धारण गर्नका लागि कोषाध्यक्ष रोशन कुमार सिँहको संयोजकत्वमा समिति निर्माण गरेको छ । उक्त समितिमा केन्द्रिय सदस्यद्वय दुर्गाराज पाठक र अमितविर पाण्डे सदस्य रहेका छन् ।

सोमपाल बि मा, ललित नै अयोग्य

सन् २०१९ को प्रदर्शनलाई आधार मान्ने हो भने सोमपाल कामीको प्रदर्शन निकै उत्कृष्ट रहेको थियो । बर्षको उत्तराद्र्धमा ढाँडको समस्याबाट दुई वटा प्रतियोगिता गुमाएका सोमपाल ए श्रेणीमा रहनुपर्ने खेलाडी हुन् तर उनलाई बि मा झारिएको छ । नेपालले युएईमा ऐतिहासिक एकदिवसीय श्रंखला जित्दा सोमपालको प्रदर्शन उत्कृष्ट रहेको थियो ।

सोमपालको स्थानमा भेटेरान स्पिनर बसन्त रेग्मी फर्किएका छन् । बसन्त आफै करिअर समाप्तिको संघारमा रहेका छन् । उनले २०१९ मा युएईबिरुद्धको श्रृंखलामा १–१ ट्वान्टी र एकदिवसीयपछि उनले खेलेका छैनन् ।

क्यानले नेपाली क्रिकेटमा बिगतमा दिएको योगदानको कदर गरेको हो भने यो सेन्ट्रल कन्ट्रयाक्ट नभएर लाइफटाइम अचिभमेन्ट अवार्ड जस्तो देखिन्छ । शायद त्यही भएर २०१९ मा नेपालका लागि एक खेल पनि नखेलेका सुभाष खकुरेललाई सि ग्रेडको कन्ट्रयाक्ट थमाइएको छ ।

सबैभन्दा अचम्म राष्ट्रिय टोलीका नियमित सदस्य ललित नारायण राजबंशीलाई भने कन्ट्रयाक्ट बिहिन बनाइएको छ । त्यस्तै नेपालको लागि एक खेल पनि नखेलेका कमल सिँह ऐरि र एक ट्वान्टी ट्वान्टी खेलेका रशिद खानलाई पनि सि ग्रेडको कन्ट्रयाक्ट दिइएको छ ।

क्यानले युवा खेलाडीलाई प्रोत्साहन गर्ने नै हो भने २०१९ मै ट्वान्टी ट्वान्टी अन्तर्राष्ट्रियमा अद्र्धशतक बनाउने कान्छा खेलाडी सन्दिप जोरा किन अटाएनन् ? ग्रेडिङ्ग सिस्टममा क्यानको मनपरी छताछुल्ल नै भएको छ ।

क्यानले ग्रेडिङ्ग सिस्टमको निर्धारण गर्नका लागि हालका कप्तान ज्ञानेन्द्र मल्लसँग छलफल नै नगरी गरेको हो । उचित ग्रेडिङ्ग दिनका लागि छनोटकर्ताको आवश्यक रहेपनि क्यानले अहिलेसम्म छनोट समिति बनाउन सकेको छैन । ज्ञानेन्द्र क्यानको सेन्ट्रल कन्ट्रयाक्टमा सहि निर्णयहरु नभएको मान्छन् ।

हामीले अध्यक्ष (क्यान अध्यक्ष चतुर बहादुर चन्द) सँग यो बिषयमा कुरा उठाएका छौं । एकपटक पुन समिक्ष गर्न आग्रह गर्दा उनले यस बिषयमा प्रवेश गर्ने आश्वासन दिनुभएको छ, ज्ञानेन्द्रले क्रिकेटिङ्ग नेपाललाई भने ।

महिलामा झनै चर्को मनोमानी

मङ्गलवार महिला टोलीकी कप्तान रुबिना क्षेत्री आफूहरुलाई पनि सेन्ट्रल कन्ट्रयाक्ट दिने निर्णयको समाचार बाहिर आउदा निकै उत्साहित थिइन् तर सुचि आएपछि उनी अचम्ममा परिन् । “खेलाडीहरुलाई जुन हिसाबले ग्रेडिङ्ग गरिएको छ त्यो चित्त बुझ्दो छैन,” उनले भनिन् ।

क्यानले सार्वजनिक गरेको महिला बर्गिकरणको बि ग्रेडमा एक खेलाडी कविता जोशी रहेकी छिन् । तर उनले नेपालको लागि कुनै खेल खेलेकी छैनन् । कविता बि मा अटाउनु अचम्मको कुरा त थियो नै पछिल्लो केही समय यता उत्कृष्ट प्रदर्शन गर्दै आएकी ममता चौधरीलाई कन्ट्रयाक्ट बिहिन नै पारिएको छ ।

ए ग्रेडमा रहनुपर्ने सरिता मगर र काजोल श्रेष्ठलाई भने बि ग्रेडको कन्ट्रयाक्ट थमाइएको छ । यी दुवै खेलाडी नेपालको पछिल्लो प्रतियोगिताहरुमा उत्कृष्ट प्रदर्शन गर्दै आएका खेलाडीहरु हुन् ।

Continue Reading
Headline28 mins ago

एट्लेटिकोको लागि पहिलो खेलमै सुवारेजको दुई गोल

Headline56 mins ago

बलियो बायर्न म्युनिखको होफेन्हाइमसँग लज्जास्पद हार

Headline2 hours ago

टोटनह्याम न्युकासलसँग बराबरीमा रोकियो

Headline3 hours ago

सुवारेजले एट्लेटिकोलाई नयाँ उचाइ दिने प्रशिक्षक सिमिओनेको बिश्वास

IPL 20203 hours ago

पन्जाबले पहिले ब्याटिङ गर्ने 

राष्ट्रिय4 hours ago

क्यानको निर्णय प्रति सिप्यानको असन्तुष्टि

Headline4 hours ago

बामफोर्डको निर्णायक गोलमा लिड्सको दोस्रो जित

IPL 20205 hours ago

दोश्रो जितको खोजीमा पन्जाब र राजस्थान भिड्दै

Headline6 hours ago

क्लब छोड्ने असफल प्रयासपछि मेस्सी पहिलो पटक ला लिगामा उत्रदै

Headline9 hours ago

प्रिमियर लिगमा आजः टोटेनह्याम र न्युकासल भिड्दै, सिटी आफ्नो दोस्रो खेल खेल्दै

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending