Connect with us

Headline

मेस्सी बार्सिलोनामै बस्दा रोजारियोमा टुटेको सपना

wesportz

Published

on

रोजारियोले सपना देख्ने आट गरेको थियो तर अर्जेन्टिनी शहरमा सबैभन्दा मन पराइएका छोरा लियोनेल मेस्सीले आफू बार्सिलोनामै बस्ने निर्णय गरेपछि त्यहा निराशा छाएको छ ।

गत हप्ता मेस्सीले आफू स्पेनिस महारथीलाई छोड्ने बताए यता रोजारियो र मेस्सीले त्यहा जुनियर फुटबल खेलेको क्लब नेवेल्स ओल्ड बोइजमा केहीले ३३ बर्षिय सुपरस्टार घर फर्कदै आफ्नो पुरानो टोलीका लागि खेल्ने कल्पना समेत गर्न थालिसकेका थिए ।

कोरोना भाइरसको महामारी कायमै रहदा पनि एक साता अघि नेवेल्सका समर्थकहरुले गाडीहरुको लस्करमा शहर भरि रँगिन यात्रा निकाल्दै मेस्सीको तस्विर सहितको ब्यानरमा लेखेका थिएः तिम्रो सपना, हाम्रो आशा । तर १० दिनको पर्खाइपछि मेस्सीको सपनाको जस्तो पुनरागमन नहुने निश्चित हुन पुग्यो ।

आफ्नो आशामाथि तुषारापात भएपनि नेवेल्सका केही समर्थकहरु कुनै न कुनै दिन आफ्नो शहरको सबैभन्दा माया गरिएका छोरा फर्किएर खेल्ने बिश्वासमा रहेका छन् । “कसैले पनि सन्तुलित दिमागमा उनी अहिले फर्केर आउनेछन् भनेर कल्पना गर्न सक्दैनन्,” मेस्सी सानै हुदा उनको उपचार गरेका एन्ड्रोक्रिनोलोजिस्ट डिएगो स्वार्जस्टेन भन्छन् ।

“रोजारियोको बासिन्दा म नेवेल्सको फ्यान हु र उनी यहाँ आएको हेर्न चाहन्छु । तर अहिलेलाई यो एउटा चाहना मात्रै हो । यथार्थपरक नरहेकोले उनी यहा नआएकोमा म हतोत्साहित छैन । तर नेवेल्समा नआएरै उनी फुटबलबाट सन्यास लिन्छन् भने मलाई अत्यन्तै दुख हुनेछ । उनी आफै यो बिषयमा सोच्दै हामी नेवेल्सका समर्थकहरुलाई खुशी बनाउनेछन् भन्ने आशा गर्दछु,” स्वार्जस्टेनले भने ।

बार्सिलोनाले अन्य सुविधा सहित उनको हर्मोनको रोगको उपचार पनि गरिदिने बाचा गरेपछि मेस्सी १३ बर्षको हुदा नै आफ्नौ पुरै परिवारसँगै स्पेन बसाई सरेका थिए । १० बर्षको उमेरमा मेस्सीमा ग्रोथ हर्मोन डिफिसियन्सी (नबढ्ने) रोग लागेको थाहा हुन आएको थियो ।

नेवेल्स ओल्ड बोइज समर्थकहरुले गत साता मेस्सीको नाममा निकालेको र्याली

“हालका लागि युरोप नै उनको भविष्य रहेको ज्ञान हुदा हुदै पनि हरेक पटक उनको सम्झौता नविकरण हुने समय आएपछि हामी समर्थकहरु मेस्सी आएको सपना देख्न थाल्छौं,” लेपर (नेवेल्स समर्थकलाई दिइएको नाम) र पत्रकार लिजान्द्रो लियोनी भन्छन् ।

“हामीलाई उनी पनि यो क्लबको समर्थक रहेको थाहा छ र त्यही भएर कुनै समय र कुनै कारण उनले क्लबको जर्सी लगाउने छन् भन्ने आशालाई कहिल्यै पनि मर्न दिएको छैनौं,” लियोनीले भने ।

“लियोले नेवेल्सको जर्सी लगाउने आशा हामीलाई सधै भरि हुनेछ तर उनको निर्णयको पनि हामी उच्च कदर गर्छौ,” गाडीको र्याली आयोजना गर्ने समुका सदस्य रोबर्टो मेन्सी भन्छन् । “गत हप्ताको र्याली हामीले मेस्सीलाई कति माया गर्छौ भन्ने तथ्यको प्रमाण हो । यसले हामीले उनलाई देखाएको मायाको बारे बुझ्नुका साथै उनको लागि यहा ढोका सधै खुला रहेको पनि थाहा पाउनेछन् ।”

बिश्वमै ख्याती कमाएका प्रशिक्षकहरु मार्सेलो बिएल्सा, जेरार्डो मार्टिनो र माउरिसियो पोचेटिनो खेलिसकेका नेवेल्सको क्लब व्यवस्थापनले भने यस बिषयमा केही कुरा गरेको छैन । अर्जेन्टिनामा द फ्लि नाम दिइएका मेस्सीले सधैजसो आफू घर फर्कदै क्लबको लागि खेल्ने इच्छा रहेको बताउदै आएका छन् ।

२० बर्ष अगाडी घर छोडेको भएपनि मेस्सी आफ्नो र श्रीमति एन्टोनेला रोजुकोको परिवारसँग नयाँ बर्ष मनाउनका लागि हरेक बर्ष जाने गरेका छन् । बार्सिलोनाका थुप्रै स्टार खेलाडीहरुका बीच मेस्सी र एन्टोनेलाले रोजारियोमै २०१७ मा बिवाह गर्दा पुरै शहरमा खुशीयाली छाएको थियो ।

केही हप्ता अघि मेस्सीले रोजारियाका हस्पिटलहरुमा कोभिड–१९ को बिरामीहरुको उपचारमा सहयोग गर्नका लागि ५० वटा भेन्टिलेटर दान गरेका थिए । अर्जेन्टिनाको तेश्रो सबैभन्दा ठूलो शहर रोजारियामा मेस्सीको थुप्रै घर, बिलासी अपार्टमेन्ट, बार र कन्ट्री क्लब रहेको छ । आफ्नो बालापन बिताएको घर अझै पनि उनको नाममै रहेको छ भने मध्यम बर्गिय टोलमा रहेको उक्त घरलाई साथीहरुले रँगाएर राखेका छन् ।

सन् १९०३ मा स्थापना भएको नेवेल्स अर्जेन्टिनामा फुटबललाई प्रख्यात बनाएका बेलायती शिक्षक आइज्याक नेवेलको नाममा राखिएको हो । अर्जेन्टिनी लिग ६ पटक जितेको नेवेल्स ओल्ड बोइजको पछिल्लो उपाधि २०१३ मा रहेको थियो ।

Headline

बि डिभिजन: श्री भागवती पराजित, आशिष एक्लैको चार गोल

wesportz

Published

on

सातदोबाटो स्थित एन्फा क्मप्लेक्समा जारी बि डिभिजन लिगमा श्री कुमारी क्लबले श्री भगवती क्लबलाई ४-१ ले हराएको छ । श्री कुमारीका लागि आशिष राई एक्लैले चार गोल गरे । श्री भागवतीका लागि भने एक गोल नवराज गुरुङले गरेका थिए । a

श्री कुमारीका लागि खेलमा पहिलो गोल २० औँ मिनेटमा भएको थियो । कुमारीका लागि आशिष राईले गोल गरेका थिए । उनले बिवेक पुनले दिएको पासलाई गोलमा परिणत गरेका थिए । पहिलो हाफमा १-० ले अगाडि रहेको कुमारीले लागि दोस्रो हाफमा दिन गोल गर्‍यो ।

कुमारीका लागि दोस्रो गोल पनि ५३ औँ मिनेटमा आषिश नै गरे । कुमारीका लागि तेस्रो गोल पनि आशिषले नै ६५ औँ मिनेटमा गरेका थिए ।

कुमारीका लागि आशिषले चौँथो गोल गरे । उनले किपरलाई बिट गर्दै ७७ औँ मिनेटमा गोल गरेका थिए । यस्तै ९० मिनेट पछि थपिएको अतिरिक्त समयमा भने श्री भगवतीका लागि नवराज गुरुङले सान्त्वना गोल फर्काए ।

जितसँगै श्री कुमारी छ अंक सहित साँतौ स्थानमा उक्लिएको छ भने पराजित भएको श्री भागवती क्लब आठौँ स्थानमा झरेको छ ।

Continue Reading

Headline

मेयर कप एकदिवसीय क्रिकेटका लागि ६ प्रदेशका उत्कृष्ट खेलाडीहरुको संयुक्त टिम बन्ने

wesportz

Published

on

नेपाल क्रिकेट संघको आयोजना गर्ने भनिएको मेयर कप एकदिवसीय क्रिकेट प्रतियोगिता फागुन २२ गतेदेखि शुरु हुने भएको छ ।

प्रतियोगितामा गत महिना सम्पन्न प्रधानमन्त्री कप राष्ट्रिय एकदिवसीय क्रिकेटका चार सेमिफाइनलिस्ट टोलीहरुसँगै अन्य प्रदेश टिमका उत्कृष्ट खेलाडीहरुबाट बनेको संयुक्त टोलीको सहभागिता रहनेछ ।

प्रधानमन्त्री कपमा सेमिफाइनल पुगेका टोलीहरुमा तीन बिभागीय – नेपाल पुलिस, त्रिभुवन आर्मी, नेपाल एपिएफ क्लब – बाहेक बागमती प्रदेश रहेका थिए । प्रदेश १, प्रदेश २, लुम्बिनी प्रदेश, सुदुर पश्चिम प्रदेश, गण्डकी प्रदेश र कर्णाली प्रदेशका उत्कृष्ट खेलाडीहरु छानिएर बनेको टोलीलाई काठमाडौं महानगरपालिका टिम नाम दिइने क्यानले जनाएको छ ।

८ दिनसम्म चल्ने प्रतियोगिता मुलपानी क्रिकेट मैदान र त्रिवि क्रिकेट मैदानमा सञ्चालन हुनेछ । एक चरणको राउण्ड रोेबिन लिगपछि शिर्ष स्थानका दुई टोली सिधै फाइनल प्रवेश गर्नेछन् । प्रधानमन्त्री कपको फाइनलमा आर्मीले एपिएफलाई हराउदै जितेको थियो ।

प्रतियोगिताको लागि हाल त्रिवि मैदानमा जारी रहेको नेपाली राष्ट्रिय क्रिकेट टोलीको प्रशिक्षण पनि क्यानले स्थगित गरिसकेको छ ।

नेपालले सहभागिता जनाउने भनिएको ओमान र अमेरिका सम्मिलित आईसिसि क्रिकेट बिश्वकप लिग टुको ट्राइ सिरिज स्थागित भएपछि क्यान मेयर कपको तैयारीमा जुटेको हो ।

Continue Reading

Headline

बि डिभिजन: टुसाललाई पराजित गर्दै बाँसबारी तेस्रो स्थानमा

wesportz

Published

on

भिष्म राज गुरुङको दुई गोल र अनिल गुरुङले एक गोल गरे पछि बाँसबारी क्लबले टुसाल युथ क्लबलाई ३-१ ले हराएको छ । टुसालका लागि भने एक गोल सुनिल धामीले गरे ।

सातदोबाटो स्थित एन्फा कम्प्लेक्सक्क खेल मैदानमा जारी बि डिभिजन लिगको खेलमा पहिलो गोल बाँसबारीले पाँचौ मिनेटमै गरेको थियो । बाँसबारीका लागि भिष्म राज गुरुङले टुसालका गोलरक्षक दिपेस श्रेष्ठ आफ्नो पोजिसनबाट बहिर आएको मौकाको फाईदा उठाउदै डिबक्स बहिरबाट गरेको फ्लिक गोल भएको थियो । यस्तै बाँसबारीले अर्को गोल ३४ औँ मिनेटमा गर्‍यो । बाँसबारीका लागि दोस्रो गोल प्नी भिष्मले नै गरे । फेरी गोलरक्षक अगाडि आएको स्थितीमा भिष्मले हेडिङ गर्दै गोल गरेका थिए ।

पहिलो हाफमा दुई गोलले आग्रता लिएको बाँसबारीले दोस्रो हाफमा एक गोल गर्दा अर्को एक गोल खान पुग्यो । बाँसबारीका लागि तेस्रो गोल भने ५४ औँ मिनेटमा अनिल गुरुङले गरे । उनले यमन मगरले दिएको क्रसलाई ट्याप इन गर्दै गोल गरेका थिए ।

यस्तै टुसालका लागि एक मात्र गोल सुनिल धामीले गरेका थिए । उनले सेन्टर लाइनबाट एक्लै बल लाग्दै बाँसबारीका तीन डिफेन्डरहरुलाई बिट गर्दै ७० औँ मिनेट डिबक्स भन्दा निकै बहिरबाट प्रहार गरेको सट सिधै गोल भएको थियो । यस्तै टुसालले ८७ औँ मिनेटमा पेनाल्टी पाएको थियो । उक्त पेनाल्टीमा टुसालका लागि अलोन राई चुक्न पुगे ।

जितसँगै बाँसबारी १४ अंकका साथ अंक तालिकामा तेस्रो स्थानमा यथावत रहेको छ । टुसाल भने पराजित भए पछि छैँठौ स्थानमा रहेको छ ।

Continue Reading
अन्तर्राष्ट्रिय4 hours ago

अक्सर पटेल सामु निरिह इंग्ल्यान्ड, पहिलो पारीमा ११२ रनमा समेटिन पुग्यो

Headline5 hours ago

बि डिभिजन: श्री भागवती पराजित, आशिष एक्लैको चार गोल

Trending6 hours ago

किसुनजीको नाममा हाफ म्याराथन हुने

Headline6 hours ago

मेयर कप एकदिवसीय क्रिकेटका लागि ६ प्रदेशका उत्कृष्ट खेलाडीहरुको संयुक्त टिम बन्ने

Headline8 hours ago

बि डिभिजन: टुसाललाई पराजित गर्दै बाँसबारी तेस्रो स्थानमा

Headline11 hours ago

च्याम्पियन्स लिग: चोटग्रस्त रियल म्याड्रिड एट्लान्टा विरुद्ध खेल्दै, सिटी र मोइन्चेनग्लाडब्याच भिड्दै 

अन्तर्राष्ट्रिय12 hours ago

विश्व टेस्ट च्याम्पियनसिपको लक्ष्य सहित भारत र इंग्ल्यान्ड तेश्रो टेस्टमा भिड्दै

Headline15 hours ago

बायर्नको लाजियोबिरुद्ध सशक्त प्रदर्शन

Headline15 hours ago

जिरुडको दर्शनीय गोलमा चेल्सीले एट्लेटिकोलाई हरायो

Headline1 day ago

द हन्ड्रेड्सको खेल तालिका सार्वजनिक

Headline2 months ago

१० फुटबलर जसले बार्सिलोना जान मानेनन्

Headline5 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline6 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending