Connect with us

Headline

स्पेन र जर्मनीबीच नेसन्स लिगमा सर्वश्रेष्ठताको लडाई

wesportz

Published

on

कोरोना भाईरस पछिको पहिलो अन्तर्राष्ट्रिय प्रतियोगिता युरोपियन नेसन्स कपमा शुक्रबार जर्मनीले स्पेनको सामना गर्दै छ । जर्मनीको स्टुटगार्टमा हुने खेललाई दुवै टोलीका लागि २०२० को पहिलो प्रतिस्पर्धात्मक खेल हुनेछ ।

२०१८ बिश्वकपको पहिलो चरणबाटै बाहिरिएको जर्मनी र रुससँग पराजित भएको स्पेनका लागि बिहिबारको खेल युरोपको सर्वश्रेष्ठताको लडाइको रुपमा रहनेछ ।
अघिल्लो संस्करण हर्ने हो भने फ्रन्स र नेदरल्याण्ड्स भएको समुहमा जर्मनीले पुछारमा रह्दै प्रतियोगिताबाट बिदा लिएको थियो । स्पेन भने क्वार्टर–फाइनलमा इङ्गल्याण्डसँग हार्न पुगेको थियो ।

२०१८ विश्वकप र २०१९ को नेसन्स लिगमा भोगेको लजास्पद पराजयहरु पछि जर्मन प्रशिक्षक योआकिम लोउ केही दवाबमा रहने छन् । लोउलाई केही संचार माध्यमहरुले निकै भाग्यशाली भएको बताएका थिए । जर्मन फुटबल फेडेरेसनले उनालाई धेरै विश्वास गर्ने गरेका कारण पनि उनी अहिले सम्म जागिरमा टिकी रहेका हुन् ।

स्पेनका लागि पनि लुइस एन्रिकेले नयाँ युगको सुरुवात गरेका छन् । तर उनले आफ्नो पहिलो खेल घरबाट बहिर जर्मनीमा खेल्दै छन् जुन निकै चुनौतीपूर्ण हुनेछ ।

जर्मनी र स्पेनले एक–अर्कासँग २३ पटक खेलेका छन् । त्यसमा जर्मनीले ९ र स्पेनले सात खेल जितेको छ । पछिल्लो पाँच खेल हेर्ने हो भने जर्मनीले २०१४ मा भएको मैत्रिपूर्ण खेल मात्र जितेको छ । यी दुवै टोलीले आ–आफ्नो अन्तिम खेल नोभेम्बर २०१९ मा युरो कप छनोटको क्रममा खेलेका थिए ।

जर्मनीले बायर्न म्युनिखका निक्लास सुल र लिरोय साने बाहेक सबैलाई गुमाएको छ । स्पेनले भने एक खेलाडी कोरोना भाईरसका कारण गुमाइसकेको छ ।

खेल नेपाली समय अनुसार १२ः३० मा शुरु हुने छ । यसबाहेक बिहिबार नेसन्स लिगमा अन्य २२ खेलहरु हुँदै छन ्। अर्को ठुलो टोली इटालीले बोस्निया एन्ड हर्जगोभिनाको सामना गर्नेछ ।

Headline

सहज जितसँगै पुलिस प्रधानमन्त्री कपमा अपराजित

wesportz

Published

on

बलरहरुले संयुक्त प्रदर्शन दिएपछि नेपाल पुलिस क्लब प्रधानमन्त्री कप ट्वान्टी ट्वान्टी राष्ट्रिय क्रिकेट प्रतियोगितामा लिग चरण अपराजित टोलीको रुपमा टुंग्याएको छ ।

पुलिसले सोमबार भएको अन्तिम लिग खेलमा प्रदेश १ लाई ६ विकेटले पराजित गर्यो । शनिबारका लागि तय भएको खेल प्रदेश १ का कप्तान सहित दुई खेलाडीलाई कोरोना संक्रमण भएपछि सोमबारका लागि स्थगित गरिएको थियो ।

त्रिवि मैदानमा पहिलो ब्याटिँग गरेको प्रदेश १ लाई मिनास थापाले एक्लै अद्र्धशतक प्रहार गरेपछि २० ओभरमा ८ विकेटको क्षतिमा १ सय १ रनको सानो योगफल बनायो । कुशल भुर्तेलले एक पटक फेरि आक्रमक इनिङ्गस खेलेपछि पुलिसले १३ दशमलव १ ओभरमै १ सय ५ रन जोडेको थियो ।

प्रतियोगितामा सर्वाधिक रन बटुल्ने खेलाडीहरुको सुचीमा शिर्ष स्थानमा पुग्ने क्रममा कुशलले २८ बलमै ४४ रन बनाएका थिए । उनले तीन छक्का र तीन चौका प्रहार गरे ।

कुशलले प्रतियोगिताका शुरुवाती चार खेलमै १ सय ८२ रन बनाएका छन् । दोश्रो स्थानमा लुम्बिनीका देव खनाल (१५८) र तेश्रो स्थानमा नेपाल एपिएफ क्लबका प्रदिप ऐरि (१४९) छन् । कुशलले पुलिस जित सहज बनाउने क्रममा तेश्रो विकेटका लागि अनिल साहसँग ५६ रनको साझेदारी गरेका थिए ।

अनिलले २४ बलमा २६ रन बनाए भने दिपेन्द्र सिँह ऐरिले १३ बलमा २० रन बनाएका थिए ।

यसअघि मिनासले प्रदेश १ को आधा भन्दा बढी रन बटुल्ने क्रममा ५९ बलमा ५९ रन बनाए । उनले ६ चौका र एक छक्का प्रहार गरे । त्यसबाहेक सर्वन यादव (१०) दोहोरो अंकमा रन बटुल्ने एक मात्र ब्याट्स्म्यान रहे ।
पुलिसका लागि आरिफ शेख, कप्तान मञ्जित श्रेष्ठ र दिपेन्द्रले २–२ विकेट लिए ।

मँगलवार हुने सेमिफाइनलमा अब पुलिसले बागमती र नेपाल एपिएफ क्लबले आर्मीको सामना गर्नेछ  । फाइनल बुधबार हुनेछ ।

Continue Reading

Headline

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

wesportz

Published

on

फिफा बरियतामा १ सय १४ स्थानमा रहेको इक्वेटोरियल गिनीसँग स्तब्ध बनेपछि डिफेन्डिँग च्याम्पियन अल्जेरिया अफ्रिका कप अफ नेसन्सको पहिलो चरणबाटै बाहिरिने खतरामा परेको छ ।

इक्वेटोरियल गिनीले अल्जेरियाको ३५ अन्तर्राष्ट्रिय खेलको अपराजित यात्रामा पूर्णबिराम पनि लगाएको हो । यो हारले इटालीले भर्खरै बनाएको ३७ अन्तर्राष्ट्रिय खेलमा अपराजित रहेको किर्तिमान तोड्ने आशामा पूर्णविराम पनि लगाएको छ ।

अल्जेरियाले अक्टोबर २०१८ यता पहिलो खेल हारेको हो । समुह इ कै अर्को खेलमा गोलकिपरको गल्तिको कारण आइभोरी कोस्ट सिएरा लियोनलाई पराजित गर्न असफल रह्यो ।

अंक तालिकामा आइभोरी कोस्ट चार अंक सहित शिर्ष स्थानमा रहेको छ भने इक्वेटोरियल गिनीको तीन अंक छ । सिएरा लियोनको दुई र अल्जेरिय एक अंकका साथ पुछारमा रहेको छ । नकआउट चरणमा प्रवेश गर्नका लागि अल्जेरियाले अब अन्तिम लिग खेलमा आइभोरी कोस्टलाई हराउनै पर्नेछ ।

स्पेनमा जन्मिएका इक्वेटोरियल गिनीका धेरै मध्येका एक इस्तेबान ओबियाँगले ७० औं मिनेटमा गोल गरेपछि अल्जेरियाको हार तय भएको थियो । सिएरा लियोनसँग गोलरहित बराबरीमा रोक्किएको अल्जेरियाले आइभोरी कोस्टलाई हराउन नसक्ने हो भने ६ कप अफ नेसन्स संस्करणमा पाचौं पटक पहिलो चरणबाटै बाहिरिनेछ ।

एक मात्र अपवादका दौरान अल्जेरियाले २०१९ मा उपाधि नै जितेर देखाएको थियो । इक्वेटोरियल गिनी भने मात्र तेश्रो पटक दोश्रो चरणमा प्रवेश गर्ने संघारमा रहेको छ । जापोमा स्टेडियममा गोलकिपर बाद्रा अली सानगारेले अन्तिम समयमा गल्ति गरेपछि आइभोरी कोस्ट सिएरा लियोनसँग २–२ गोलको बराबरीमा रोक्किएको थियो ।

२–१ को अग्रता रहेको स्थितिमा इन्जुरी समयको तेश्रो मिनेटमा कर्नर हुन नदिन आफ्नो डिफेन्डरको हेडबाट आएको ब्याकपासलाई समात्न पुगेका सानगारेले स्टेभन कल्करलाई निकाल्न पुग्दा उनको पासमा सब्स्टिच्युट अल्हाजी कमाराले बराबरी गोल गरेका थिए ।

अर्को खेलमा वाह्बी खज्रीले दुई गोल गरेपछि ट्युनिसिया मउरिटानियामाथि ४–० को फराकिलो जित हात पार्दै समुह एफमा पहिलो जित हात पार्न सफल भयो । माली र पहिलो पटक अफ्रिका कप अफ नेसन्स खेलिरहेको गाम्बियाले भने १–१ गोलको बराबरी खेले ।

Continue Reading

Headline

मोड्रिच र बेन्जेमाको गोलमा रियललाई सुपर कप

wesportz

Published

on

लुका मोड्रिच र करिम बेन्जेमाले गोल गरेपछि रियल म्याड्रिड एथ्लेटिक बिल्बाओलाई २–० ले पराजित गर्दै १२ औं पटक स्पेनिस सुपर कप च्याम्पियन बनेको छ ।

साउदी अरेबियाको रियादमा भएको फाइनलमा बिल्बाओ पहिलो हाफमा स्पेनिस ला लिगाको शिर्ष टोलीलाई रोक्न सफल भएपनि दोश्रो हाफमा भने दुई गोल खान पुग्यो । रियलले कार्लो एन्सलोट्टी प्रशिक्षक नियुक्त भएको दोश्रो बर्षमा पहिलो उपाधि जितेको हो ।

बिल्बाओ ला लिगा च्याम्पियन एट्लेटिको म्याड्रिडलाई पराजित गर्दै फाइनल पुगेपनि किँग फहिद स्टेडियममा भने संगठित रियलबिरुद्ध नीरिह साबित भएको थियो । रियलले पछिल्लो २० खेलहरुमध्ये मात्र एकमा हार व्यहोरेको छ जुन ला लिगामा गेटाफे बिरुद्ध थियो ।

८७ औं मिनेटमा खेलमा फर्किने आशा जागेपनि राउल गार्सियाले प्राप्त पेनाल्टी खेर फाल्दा रियलको जित सुनिश्चित बनेको थियो । एन्सलोट्टीको टोलीले अब बुधबार कोपा डेल रेको क्वार्टर–फाइनलमा एल्चेको सामना गर्नेछ भने अर्को महिना च्याम्पियन्स लिग अन्तिम १६ को पहिलो लेगमा पेरिस सेन्ट जर्माइनबिरुद्ध खेल्दैछ ।

“हामीलाई मात्र केही गर्ने इच्छाको आवश्यकता मात्रै रहेको छ । यसबाहेक हामीलाई अरु केही सोच्ने समय छैन किनभने अर्को प्रतियोगिता नजिकिदैछ,” एन्सलोट्टीले खेलपछि भने ।

मोड्रिचले आफ्नो लयलाई निरन्तरता दिदै गोल गरेपछि ३६ बर्षको उमेरमाा स्पेनिस सुपर कपमा गोल गर्ने उनी सबैभन्दा पाका खेलाडी बने । एन्सलोट्टीले रियलका लागि यो पाचौं उपाधि जितेका हुन् । उनले यसअघि च्याम्पियन्स लिग, युएफा सुपर कप, क्लब बिश्वकप र कोपा डेल रे जितिसकेका छन् ।

Continue Reading
Headline3 hours ago

सहज जितसँगै पुलिस प्रधानमन्त्री कपमा अपराजित

Headline7 hours ago

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

Headline7 hours ago

मोड्रिच र बेन्जेमाको गोलमा रियललाई सुपर कप

Headline1 day ago

१९ खेलाडीमा कोरोना देखिएपछि च्यासल र पुलिसबीचको खेल स्थगित

Headline1 day ago

देव खनालको २१ बलमै अद्र्धशतक

Headline1 day ago

बिमल चम्किएपछि मच्छिन्द्रलाई लिगमा चार अंकको स्पष्ट अग्रता

Headline1 day ago

राजुले आकर्षक इनिङ्गस खेल्दै पुर्याए आफ्नो पुर्व क्लब आर्मीलाई सेमिफाइनलमा

Headline1 day ago

एमबाप्पेको गोलले पिएसजीलाई दोहोरो अंकको अग्रता

Headline1 day ago

अफ्रिका कप अफ नेसन्सः सलाह स्कोरसिटमा फर्किए, नाइजेरिया अन्तिम १६ मा

Headline2 days ago

क्रिकेटका पाँच विश्व किर्तिमान जुन सायदै तोडिएला

Trending

error: Content is protected !!