Connect with us

अन्तर्राष्ट्रिय

इंग्ल्यान्ड माथि पाकिस्तानको पाँच रनको रोमान्चक जित

wesportz

Published

on

तेश्रो तथा अन्तिम ट्वान्टी ट्वान्टी खेलमा घरेलु टोली इंग्ल्यान्ड माथि पाँच रनको रोमान्चक जित दर्ता गर्दै पाकिस्तानले शृंखला बराबरी गरेको छ ।

शृंखलामा १-० ले पछि रहेको पाकिस्तानले आजको खेलमा जित दर्ता गरेसँगै शृंखला १-१ को बराबरीमा सकिएको हो । पहिलो खेल वर्षाले प्रभावित भएको थियो भने दोश्रो खेलमा इंग्ल्यान्डले पाँच विकेटको जित दर्ता गरेको थियो ।

जितका लागि १९१ रनको विशाल लक्ष्य लिएर ब्याटिङमा आएको इंग्ल्यान्डले पुरै २० ओभर खेल्दै आठ विकेटको नोक्सानीमा मात्र १८५ रन बनाउन सक्यो ।

इंग्ल्यान्डको तर्फबाट मोइन अलीले ३३ बलमा समान ४-४ चौका र छक्का प्रहार गर्दै सर्वाधिक ६१ रन बनाए भने ओपनर टम बान्टनले ३१ बलमा ४६ रनको पारी खेले ।

अलिले पाँचौं विकेटका लागि साम बिलिङ्ग्ससँग मिलेर ३९ बलमा ५७ तथा लेविस ग्रेगोरीसँग मिलेर छैठौं विकेटका लागि २१ बलमा ४४ रन जोड्दै इंग्ल्यान्डलाई जित नजिक पुर्याए । तर आठ बलको अन्तरालमा अली सहित तीन विकेट गुमाए पछि इंग्ल्यान्ड जितबाट बन्चित भएको हो ।

पाकिस्तानको तर्फबाट वाहब रियाज र शाहिन शाह अफ्रिदीले समान २-२ विकेट हात पारे ।

यस अघि खेलमा टस हरेर पहिले ब्याटिङ गरेको पाकिस्तानले पुरै २० ओभर खेल्दै चार विकेटको नोक्सानीमा १९० रन बनायो ।

पाकिस्तानको तर्फबाट चौथों नम्बरमा ब्याटिङ गर्न आएका हफिजले आक्रमक पारी खेल्दै ५२ बलमा अविजित ८६ रन बनाए । यस क्रममा उनले चार चौका र छ छक्का प्रहार गरे ।हफिजको जारी शृंखलामा लगातार दोश्रो अर्धशतक हो । उनले दोश्रो खेलमा ३६ बलमा ६९ रनको तुफानी पारी खेलेका थिए । हफिज खेलको म्यान अफ द म्याचका साथ साथै प्लेयर अफ द सिरिज पनि चुनिए ।

पाकिस्तानले ओपनरद्वय फकार जमान (तीन बलमा एक रन) र बाबर आजम (१८ बलमा २१ रन) लाई गुमाएर खराब सुरुवात गर्यो । तर त्यस पछि आएका हैदर अली र मोहम्मद हफिजले १० दशमलब एक ओभरमा १०० रनको साझेदारी गर्दै पाकिस्तानको पारी सम्हाले ।

आजको खेलमा ट्वान्टी ट्वान्टी अन्तरास्ट्रिय खेलमा डेब्यु गरेका हैदर अलीले पनि ५४ रनको पारी खेले । क्रिस जोर्डनको बलमा आउट हुनु अघि तेश्रो नम्बरमा ब्याटिङ गर्न आएका हैदर अलीले ३३ बलमा पाँच चौका र दुई छक्का प्रहार गरे । त्यस्तै शदाब खानले पनि १५ रनको पारी खेले भने इमाद वासिम छ रनमा अविजित रहे ।

Click to comment

Leave a Reply

Your email address will not be published. Required fields are marked *

Headline

रोनाल्डोको ८ सय गोलको कोशेढुँगा

wesportz

Published

on

खेल १०९७, गोल ८ सय १

क्रिष्चियानो रोनाल्डो उच्च स्तरको फुटबल इतिहासमा ८ सय गोल गर्ने पहिलो खेलाडी बनेका छन् । बिहिवार आर्सनलबिरुद्ध ३–२ को जितमा दुई गोल गर्दा रोनाल्डोले ८ सय गोलको कोशेढुँगा पुरा गरे ।

अन्तरिम व्यवस्थापक राल्फ रांगनिकको आक्रमक शैलीमा उनी फिट नभइरहेको चर्चा चल्दै गर्दा रोनाल्डोले उत्कृष्ट ढँगले जवाफ फर्काएका हुन् । जर्मन प्रशिक्षक राँगनिक ३६ बर्षिय पोर्चुगिजसँग बिशेशष रुपमा प्रभावित पनि रहे ।

बिहिवारको दुई गोलले रोनाल्डोले युनाइटेडमा दुई स्पेल गरेर १ सय ३० गोल पुरा गरेका छन् । प्रिमियर लिगका सर्वाधिक गोलकर्ता एलन सियरर रोनाल्डोबाट बिशेष रुपमा प्रभावित भएका छन् ।

“तपाई बसेर यो केटालाई हेदै वाउ गर्दे पुग्छ । उनी जहाँ छन् आफ्नो दृढ संकल्पका कारण नै छन् । माथि पुग्न गाह्रो त छ नै त्यहा रहि रहन पनि बाकीँ छ । हरेक हप्ता उनीमाथि प्रदर्शन दिनु पर्ने दवाब हुन्छ र उनले यो गर्दै पनि आइरहेका छन्,” उनले भने ।

गोल गर्ने किर्तिमानको केन्द्रित डाटाबेस नरहेपनि रोनाल्डो उच्च तहमा सबैभन्दा बढी गोल गर्ने एक भने बनिसकेका छन् । चेक फुटबल संघले राखेको डाटा अनुसार अष्ट्रिया र चेकोस्लोभाकियाका लागि खेलेका योसफ बिकानले आधिकारिक खेलहरुमा ८ सय २१ गोल गरेका छन् । तर अन्य स्थानमा भने उनको कुल गोल ८ सय ५ रहेको बताइन्छ ।

ब्राजिल लेजेण्डहरु पेले र रोमारियोले आफूले एक हजार गोल रहेको दाबी गरेपनि मैत्रीपूर्ण खेलहरुलाई नगन्ने हो भने यो संख्या ७ सयमा झर्नेछ । अनौपचारिक रुपमा तथ्यांक राख्ने गरेको संस्था आरएसएसएफका अनुसार

पेलेको ७ सय ६९ र हँगेरीबाट खेल्दै फेरेंक पुस्कासको ७ सय ६१ गोल रहेको छ । उनीहरु नै रोनाल्डो पछाडी रहेका छन् ।

लियोनल मेस्सी (७ सय ५६) ले अर्जेन्टिनाको लागि ८०, बार्सिलोनाको लागि ६ सय ७२ र पेरिस सेन्ट जर्माइनका लागि चार गोल गरेका छन् ।

रोनाल्डोले स्पेनका पाँच टिम बिरुद्ध कम्तिमा २० गोल गरेका छन् । यसमा सेभियाबिरुद्ध २७, एट्लेटिको म्याड्रिड बिरुद्ध २५, गेटाफेबिरुद्ध २३ र बार्सिलोना र सेल्टा भिगोबिरुद्ध समान २० गोल गरेका छन् ।

Continue Reading

Headline

बालोन डि ओरः फेरि पनि मेस्सीकै राज

wesportz

Published

on

पोलिस स्ट्राइकर रोबर्ट लेवान्डोस्कीलाई पछि पार्दै अर्जेन्टिनी सुपरस्टार लियोनल मेस्सीले किर्तिमानी सातौं पटक बिश्व फुटबलको सबैभन्दा प्रतिष्ठित बालोन डि ओर अवार्ड जितेका छन् ।

गत सिजनका मुख्य दाबेदार रहेका बायर्न म्युनिख स्टार लेवान्डोस्कीले यो सिजन पनि जित्ने अपेक्षा गरिएको थियो तर मेस्सीको राष्ट्रिय टोलीको उपलब्धिले उनलाई पछाडी छोड्यो । अवार्डका लागि तय गरिएको समय सिमाका दौरान मेस्सीले पहिलो पटक आफ्नो देशका लागि प्रमुख प्रतियोगिता जित्दै कोमा अमेरिकाको उपाधि दिलाए ।

अर्जेन्टिना आफैले २८ बर्षपछि पहिलो पटक अन्तर्राष्ट्रिय उपाधि जितेको थियो । उनले बार्सिलोनाका लागि २८, नयाँ क्लब पेरिस सेन्ट जर्माइनका लागि चार र अर्जेन्टिनाका लागि १२ गर्दै कुल ४० गोल गरेका थिए ।

लेवान्डोस्कीले फिफाले दिने गरेको बेस्ट अवार्ड भने जितेका थिए । चेल्सी तथा इटाली मिडफिल्डर जर्जिन्हो तेश्रो र रियल म्याड्रिड तथा फ्रेन्च स्ट्राइकर करिम बेन्जेमा तेश्रो स्थानमा रहे ।

पछिल्लो दुई सिजन उत्कृष्ट लयमा रहेका लेवान्डोस्कीले २५ खेलबाट ४९ गोल गरेका थिए । जर्मन महारथी बायर्नले पछिल्लो एक दशक बुन्डेसलिगमा एक छत्र राज गरिरहदा लेवान्डोस्कीले पोल्याण्डका लागि भने केही जितेका थिएनन् ।

जर्जिन्हो पनि अवार्डका लागि हकदार भने रहेका थिए । उनले चेल्सीलाई च्याम्पियन्स लिग जिताउनुका साथै इटालीलाई युरो कप जिताए ।

बिश्वका १ सय ८० फुटबल पत्रकारहरुले मतदान गर्ने बालेना डि ओर २०२० मा कोरोना भाइरसका कारण रद्द भएको थियो । २००८ देखि २०१९ सम्म यो पुरस्कार या त मेस्सी वा पोर्चुगिज सुपरस्टार क्रिष्चितयोनो रोनाल्डोले जित्दै आएका थिए ।

२०१८ मा क्रोएसियन प्लेमेकर लुका मोड्रिच अपवादको रुपमा रहेका थिए । उनले रियल म्याड्रिडलाई च्याम्पियन्स लिग र क्रोएसियालाई बिश्वकप फाइनलसम्म डोर्याएका थिए ।

“यहाँ हुँदा मलाई फेरि पनि अत्यन्तै राम्रो महसुस भइरहेको छ । दुई बर्षअघि मलाई यो पुरस्कार मैले अन्तिम पटक जित्दैछु जस्तो लागेको थियो । मलाई मान्छेहरुले कहिले सन्यास लिन साधिरहेको थियो तर म अहिले फेरि पेरिस मै छु,” फ्रेञ्च राजधानीमा भएको समारोहमा ट्रफि हातमा लिदै मेस्सीले भने ।

रोनाल्डो आफ्नो करिअरको अन्त्य तिर आउदा अब मेस्सी नै कम्तिमा पनि लामो समयका लागि इतिहासमा सबैभन्दा बढी बालोन डि ओर जित्ने खेलाडी बन्ने निश्चित छ । रोनाल्डोले पाँच पटक बालोन डि ओर जितेका छन् ।

महिला तर्फ भने बार्सिलोना कप्तान एलेक्सिया पुटेयासले अवार्ड जितिन् । उनको कप्तानीमा बार्सिलानाले चेल्सीलाई हराउदै महिला च्याम्पियन्स लिग जितेको थियो ।

२७ बर्षिया पुटेयास युरोपमा २८ गोलका साथ सर्वाधिक स्कोरकर्ता रहिन् । उनले युएफा प्लेयर अफ द इयर र मिडफिल्डर अफ द इयर पनि जितेकी थिइन् ।

Continue Reading

Headline

भिनिसियस जुनियरको गोलमा रियललाई ला लिगामा चार अंकको स्पष्ट अग्रता

wesportz

Published

on

भिनिसियस जुनियरले ८७ औं मिनेटमा गोल गरेपछि रियल म्याड्रिड सेभियामाथि पुनरागमन जित हात पार्दै स्पेनिस ला लिगामा स्पष्ट चार अंकको अग्रता लिन सफल भएको छ ।

आइतबार भएको खेलमा रियलले शिर्ष स्थानको दाबेदारीमा रहेको टोली सेभियालाई २–१ ले पराजित गर्यो । जितसँगै रियलको १४ खेलबाट ३३ अंक भएको छ । एट्लेटिको म्याड्रिड र रियल सोसिडाडको समान २९ अंक छ भने सेभिया २८ अंकका साथ चौथो स्थानमा झरेको छ ।

घरेलु मैदानमा रियल १२ औं मिनेटमा नै पछि परेको थियो । राफा मिरले हेडर मार्फत गोल गर्दै सेभियालाई अग्रता दिलाएका थिए । करिम बेन्जेमाले ३२ औं मिनेटमा रियलको लागि बराबरी गोल गरेका थिए ।

रियलको पाँच म्याचको बिजयी यात्रामा सेभियाले पूर्णबिराम लगाउने जस्तो देखिएपनि खेल निर्धारित समय सकिनु भन्दा तीन मिनेट अगाडी भिनिसियसले दर्शनीय गोल गर्दै रियललाई सबै प्रतियोगिता गरेर लगातार छैटौं जित दिलाउन सफल भए ।

भिनिसियसको गोलपछि थोमस डेलानीको गोल पोस्टको दिशामा अग्रसर हेडरलाई रोक्दै रियल गोलकिपर थिबाउ कोटर््वाले बराबरी हुनबाट जोगाएका थिए ।

एट्लेटिको आइतबार नै भएको खेलमा काडिजलाई ४–१ ले पराजित गर्यो । त्यस्तै रियल बेटिसले लेभान्टेलाई ३–१ ले हरायो ।

रियलसँगको दुरी एक अंकमा छोट्याउने अवसर रहेको खेलमा सोसिडाड भने इस्पान्योलसँग १–० ले हार्न पुग्यो । इस्पान्योल नवौं स्थानमा छ भने बार्सिलोना २३ अंक सहित सातौं स्थानमा छ ।

Continue Reading
Headline2 hours ago

बागमतीलाई फराकिलो अन्तरले हराउदै सुदुर पश्चिम फाइनलमा

Headline4 hours ago

रोनाल्डोको ८ सय गोलको कोशेढुँगा

Headline23 hours ago

गण्डकीसँग हारेपछि प्रदेश १ अण्डर १९ राष्ट्रिय क्रिकेटबाट बाहिरियो

Headline1 day ago

‘बल प्लेयिङ डिफेन्डर’ जम्दै गर्दा पृथक देखिन थालिएको घरेलु फुटबल

Headline1 day ago

प्रकाशले ८ विकेट लिँदा प्रदेश २ अण्डर १९ राष्ट्रिय क्रिकेटबाट बाहिरियो

Headline2 days ago

बसिरको ५ विकेट, देव र आकाशको शतकीय साझेदारीपछि लुम्बिनी फाइनलमा

Headline2 days ago

प्रदेश १ लाई हराउदै सुदुर पश्चिम फाइनल समिकरणमा कायमै

Headline3 days ago

सुदुर पश्चिमको दोश्रो जितमा अर्जुन नायक

Headline3 days ago

बागमतीलाई सानो लक्ष्यमा संघर्ष गराएको कर्णाली बाहिरियो

Headline3 days ago

बालोन डि ओरः फेरि पनि मेस्सीकै राज

Headline12 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline2 years ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!