Connect with us

Headline

मेस्सी भित्र्याउन जर्मन क्लबका समर्थकहरु ९ सय मिलियन युरो चन्दा उठाउदै

wesportz

Published

on

अर्जेन्टिनाका स्टार फुटबलर लियोनेल मेस्सीले बार्सिलोनासँगको २० वर्षे लामो सम्बन्ध तोड्दै अन्यत्र जाने भन्ने विषयले विश्व फुटबलमा ठुलै हलचल ल्याएको छ ।

उनलाई आफ्नो क्लबमा आबद्ध गराउले इच्छा धेरै क्लबहरुले ब्यक्त गरेका छन् । त्यस मध्ये इङ्ग्लिस प्रिमियर लिग टोली म्यानचेस्टर सिटी, लिग वानको पेरिस सेन्ट जर्माइन, इटालियन सिरी आ टोली इन्टर मिलान र युभेन्टस मेस्सीलाई आफ्नो क्लबमा भित्र्याउन लागि परेका छन् ।

यी माथि उल्लेख गरेका क्लब बाहेक जर्मन बुन्डेस लिगा टोली स्टुटगार्ट पनि अघि सरेको छ । तर क्लब व्यवस्थापन नभएर स्टुटगार्टका समर्थकहरु मेस्सी भित्र्याउन लागि परेका हुन् ।

मेस्सीलाई भित्राउन कुनै पनि क्लबले ’ट्रान्सफर फि’ सात सय मिलियन युरो खर्च गर्न पर्ने बार्सिलोनाको ’रिलिज क्लज’ रहेको छ । मेस्सीले आफुले फ्रि ट्रान्सफर मार्फत क्लब छाड्न पाउनु पर्ने जनाए पनि बार्सा भने पुरै पैसा तिर्न पर्ने बताउछ ।

तर स्टुटगार्टका समर्थक भने रकम जुटाउन लागि परेका छन्, मेस्सीलाई भित्र्याउनका लागि । उनीहरुले ९ं सय मिलियन युरो उठाउने महत्वकांक्षी लक्ष्य लिएर पैसा उठाउन पनि शुरु गरेका छन् । उक्त रकम उठाएर मेस्सीलाई ७ सय मिलियन खर्चेर आफ्नो क्लबमा आबद्ध गर्ने र बाँकी पैसा उनको तलबका लागि छुट्टाउने ।

यसका लागि उनीहरुले गो फण्ड मी नामक वेबसाइट मार्फत चन्दा संकलन गर्न शुरु पनि गरिसकेका छन् । गो फण्डमीमा लेखिएको छ, हामी स्टुटगार्टका समर्थकहरुले मेस्सीको ट्रान्सफरका लागि पैसा संकलन गर्दै छौं । यदि समयमा नै हामीले सोचेको रकम नजुटेको खण्डमा र मेस्सीले अन्यत्र नै अनुबन्ध गरेको खण्डमा यो सबै रकम भिभा कन अगुआलाई जानेछ ।

भिभा कन अगुआ गैर नाफामुलक संस्था हो जसले विश्वभर सफा खाने पानीको लागि कम गर्दछ । टिम आर्टमनको नाममाबाट पाँच दिन अघि सुरु गरिएको चन्दा संकलनमा हाल सम्म ३४ जनाले ५२४ युरो सहयोग गरेका छन् ।

स्टुटगार्ट गत सिजन पछाडीबाट अंक तालिकाको तेश्रो स्थानमा रहँदै रेलिगेसनबाट बालबाल बचेको थियो । प्ले अफमा गरेको प्रदर्शनले गरेर मात्र उनीहरु यस सिजनमा पनि बुन्डेस लिगामा स्थान बनाउन सके ।

स्टुटगार्टले यस सिजनको आफ्नो पहिलो खेलमा सेप्टेम्बर १९ मा फ्राइबर्गको सामना गर्नेछ ।

Headline

कोपा अमेरिका: कोलम्बियासँग इक्वेडर पराजित

wesportz

Published

on

एड्विन कार्डोनाको एक मात्रै निर्णायक गोलमा कोलम्बियाले इक्वेडरलाई हराउँदै कोपा अमेरिकामा बिजयी सुरुवात गरेको छ ।

खेलको पहिलो समय देखी नै इक्वेडरले मौकाहरु बनाए पनि सफल हुन पाएन । पहिलो हाफमा मात्रै पाँच प्रयास गरेको इक्वेडरले गोल भने गर्न सकेन । ४१ औँ मिनेटमा एड्विन कार्डाेनाले गोल गर्दै कोलम्वियालाई १–० को अग्रता दिलाएका थिए ।

फ्रिकिकबाट मिगुइल बोर्जाको पासमा कार्डाेनाले गोल गरेका थिए । गोल केही विवादित बने पछि रेफ्रीले भिएआर हेर्दाइ गोल दिएका थिए ।

दोस्रो हाफमा कोलम्बिया पूर्ण रक्षापङ्तीमा खेल्यो । काउन्टर अट्याकहरुमा चुस्त देखिए पनि कोलम्बियाको दोस्रो हाफमा फिनिसिङ रहेन । इक्वेडरको पनि लगतार गरेको आक्रमणहरु कोलम्बियाको डिफेन्डरहरुले किल्यर गरेका थिए । दोस्रो हाफमा इक्वेडर निकै खतरनाक देखिए पनि कोलम्बियाका गोलरक्षक ओस्पिनाले धेरै बचाउहरु गरेका थिए ।

जितसँगै समूह ‘ए’ मा रहेको कोलम्बियाले ३ अंक जोडेको छ । साविक विजेता ब्राजिलले उद्घाटन खेलमा भेनेजुएलालाई ३–० ले पराजित गर्दा गोलअन्तरको आधारमा कोलम्बिया दोस्रो स्थानमा छ ।

 

Continue Reading

Headline

कोपा अमेरिका: ब्राजिलको बिजयी शुरुवात

wesportz

Published

on

मार्क्वीनिहोस, नेमार जुनियर र गब्रियल बर्बोसाको गोलमा ब्राजिलले २०२० कोपा अमेरिकाको पहिलो खेलमा भेनेजुएलालाई ३-० ले हराएको छ ।

निकै नै एकपक्षिय बनेको खेलमा ब्राजिलले पहिलो हाफमा एक र दोस्रो हाफमा दुई गोल गरेको थियो । ब्राजिलका लागि पहिलो गोल २३ औँ मिनेटमा मार्क्वीनिहोसले गरेका थिए । ब्राजिलले पाएको कर्नरबाट आएको बललाई उनले पोस्ट नजिकैबाट जाली चुमाएका थिए ।

पहिलो हाफ १-० को अग्रता सहित सक्काए पनि ब्राजिलले धेरै मौकाहरु गुमाएको थियो । यस्तै दोस्रो हाफको ६५ औँ मिनेटमा नेमार पेनाल्टीमार्फत गोल गर्दै ब्राजिलको अग्रता दोब्बर पारेका थिए । नेमारलाई लडाए पछी पाएको पेनाल्टीमा उनी आँफैले गोल गरेका थिए ।

खेलको अन्तिम समयमा ग्याब्रिएल बर्बोसाले नेमारले दिएको पासमा अन्तिम गोल गरेका थिए । नेमारको क्रसलाई बर्बोसाले सहजै गोल गर्दै ब्राजिललाई ३-० को सहज जित तर्फ डोर्याए ।

कोरोना भाईरसका कारण आठ खेलाडी गुमाएको भेनेजुएला खेलमा निरह देखिएको थियो ।

यस जितसँगै ब्राजिलले समूह ए मा ३ अंक जोडेको छ । ब्राजिलले अब अर्को खेलमा पेरुको सामना गर्नेछ भने भेनेजुएलाले कोलोम्बियासँग खेल्नेछ ।

 

 

Continue Reading

Euro 2020

नेदरल्याण्ड्सको युक्रेनमाथि सनसनीपूर्ण जित

wesportz

Published

on

रोमाञ्चक खेलमा युक्रेनलाई ३-२ ले पराजित गर्दै नेदरल्याण्ड्सले युरो कपमा बिजयी शुरुवात गरेको छ ।

एम्स्टरड्यामको योहान क्रुएफ एरिनामा घरेलु दर्शकको साथ पाएको नेदरल्याण्ड्सले पहिलो हाफ पूर्ण रुपमा लिएको नेदरल्याण्ड्सलेदोश्रो हाफमा ७ मिनेटको अन्तरमा जर्जिनियो वाइनाल्डम र वुट वेगहोसको गोलबाट अग्रता लिएको थियो ।

आन्द्रे यार्मोलेन्को र रोमन यारेम्चुकले चार मिनेट भित्रै दुई गोल गरेपछि युक्रेन निर्धारित समय सकिनु भन्दा १५ मिनेट अघि सनसनीपूर्ण रुपमा खेलमा फर्किएको थियो । तर खेलमा उत्कृष्ट प्रदर्शन गरेका डेन्जल डम्फ्रिजले ८५ औं मिनेटमा गोल गरेपछि नेदरल्याण्ड्सको जित सुनिश्चित भएको थियो ।

पहिलो हाफमा एउटै गतिलाई कायम राखेको डच टोलीलाई युक्रेनी गोलकिपर हियोरही बुस्चानले एकपछि अर्को बचाउ गर्दै रोक्न सफल भएका थिए । उनले मेम्फिस डिपे, वाइनाल्डम र डम्फ्रिजकोनिश्चित गोल हुने प्रहारहरु उत्कृष्ट ढंगले रोकेका थिए ।

युक्रेनले पनि उत्तिकै राम्रो मुभहरु बनाए पनि फाइनल थर्डमा प्रभावकारी रहन असफल रहेको थियो ।

नेदरल्याण्ड्सले दोश्रो हाफ भएको शुरु भएको ७ मिनेटपछि नै अग्रता बनायो । राम्रो टिम गेममा डम्फ्रिजले डिपेको लागि निकालेको क्रस बुस्चानले डाइभ गर्दै छेकेपनि रिबाउण्डमा आएको बलमा वाइनाल्डमले सुन्दर गोल गरे।

डम्फ्रिजले युक्रेनी पोस्टमा दवाब राख्दै गर्दा डिफेन्सबाट आएको बललाई वुट वेगहासर््टले नजिकैबाट गोल गरेका थिए । त्यसपछि अर्को १० मिनेट युक्रेनको नाममा रह्यो ।

यार्मोलेन्कोले प्रतियोगिताकै उत्कृष्ट गोल गर्दै युक्रेनको आशालाई कायम राखे । बक्स बाहिरबाट कलिंंग बल प्रहार गर्दा अगाडी बढेका गोलकिपर मार्टिन स्टेकेलेनबर्गले डाइभ गर्दै बचाउने प्रयास गरेपनि बिट भएका थिए ।

चार मिनेटपछि नै युक्रेनले बराबरी गर्यो । रुस्लान मालिनोभ्स्कीको फ्रि किकमा रोमान यारेम्भुकले हेडरमार्फत बटम कर्नरमा सुन्दर गोल गरेका थिए ।

यसअघि उत्कृष्ट बचाउहरु गरेका बुस्चान नेदरल्याण्ड्सको बिजयी गोल भने बचाउन असफल रहे । नथान एकेको हाइ क्रसमा डम्फ्रिजको हेडर डाइभ गर्दै गरेका बुस्चानको अगाडी ड्रप हुदै गोल हुन पुगेको थियो ।

Continue Reading
Headline5 hours ago

कोपा अमेरिका: कोलम्बियासँग इक्वेडर पराजित

Headline7 hours ago

कोपा अमेरिका: ब्राजिलको बिजयी शुरुवात

Euro 202011 hours ago

नेदरल्याण्ड्सको युक्रेनमाथि सनसनीपूर्ण जित

Euro 202014 hours ago

जिरुडको गुनासोले एम्बाप्पे दुखी 

Headline14 hours ago

नर्थ मेसेडोनियालाई हराएको अष्ट्रियाको युरोमा एतिहासिक जित

Headline15 hours ago

सनसनीपूर्ण पुनरागमनपछि जोकोभिचले जिते फ्रेञ्च ओपन

अन्तर्राष्ट्रिय17 hours ago

म असफल खेलाडीका रुपमा रियल म्याड्रिड छोड्दिन: हाजार्ड 

Euro 202018 hours ago

स्टर्लिंगको गोलमा इंग्ल्याण्डको बिजयी शुरुवात

Headline18 hours ago

सान्चेजले कोपा अमेरिकाको समुह चरणका खेल गुमाउने 

Euro 202020 hours ago

स्पेनको नयां पुस्ताको उत्साहमा अनिश्चितताले लगाएको ब्रेक

Trending

error: Content is protected !!