Connect with us

अन्तर्राष्ट्रिय

पाकिस्तान माथि इंग्ल्यान्डको सहज जित 

wesportz

Published

on

कप्तान ओइन मोर्गन र दाविद मालानको शतकीय शझेदारीमा घरेलु टोली इंग्ल्यान्डले दोश्रो ट्वान्टी ट्वान्टी अन्तरास्ट्रिय खेलमा पाकिस्तान माथि पाँच विकेटको सहज जित हात पारेको छ । यससँगै तीन खेलको शृंखलामा इंग्ल्यान्डले १-० को अग्रता लिएको छ । पहिलो खेल भने वर्षाका कारण रद्द भएको थियो ।

१९६ रनको विशाल योगफल पक्ष्याएको इंग्ल्यान्डले १९ दशमलब एक ओभर खेल्दै पाँच विकेटको नोक्सानीमा लक्ष्य पार गर्यो ।

इंग्ल्यान्डको लागि ओपनरद्वय टम बान्टन र जोनी बैरस्टोवले राम्रो सुरुवात दिए । उनीहरुले पहिलो विकेटका लागि छ दशमलब दुई ओभरमा ६६ रन जोडे । शदाब खानको बलमा आउट हुनु अघि बैरस्टोवले २४ बलमा ४४ तथा बान्टनले १६ बलमा २० रनको योगदान दिए । उनीहरु लगातर दुई बलमा आउट भए ।

त्यस पछि आएका कप्तान ओइन मोर्गन र दाविद मालानले तेश्रो विकेटका लागि ६२ बलमा ११२ रनको शाझेदारी गर्दै इंग्ल्यान्डलाई जित तर्फ लगे । इंग्ल्यान्डलाई जित नजिक पुर्याउन तुफानी ६६ रन बनाएका मोर्गन १७ दशमलब चार ओभरमा ह्यारिस रौफको बलमा आउट भए । ३३ बलको सामना गरेका उनले छ चौका र चार छक्का प्रहार गरे ।

मालानले ३६ बलमा छ चौका र एक छक्काको मद्धतमा अविजित ५४ रन जोड्दै इंग्ल्यान्डको जित सुनिश्चित गरे ।

पाकिस्तानका शदाब खानले सर्वाधिक तीन विकेट लिए ।

यस अघि मोहम्मद हफिज र बाबर आजमको अर्धशतकमा टस हारेर पहिले ब्याटिङ गरेको पाकिस्तानले पुरै २० ओभर खेल्दै चार विकेटको नोक्सानीमा १९५ रन बनायो ।

पाकिस्तानको तर्फबाट तुफानी पारी खेलेका हफिजले सर्वाधिक ६९ रन बनाए । तेश्रो नम्बरमा ब्याटिङ गर्न आएका उनले टम कुर्रानको बलमा कप्तान इयोन मोर्गनको हातबाट क्याच आउट हुनु अघि ३६ बलको सामना गर्दै पाँच चौका र चार छक्का प्रहार गरे ।

पाकिस्तानको लागि कप्तान बाबर आजम र फकार ज़मानले पहिलो विकेटको लागि ५१ बलमा ७२ रनको शाझेदारी गर्दै राम्रो सुरुवात दिए । २२ बलमा पाँच चौका र एक छक्काको मद्धतमा ३६ रन बनाएका आदिल रशिदको शिकार भए ।

तेश्रो नम्बरमा ब्याटिङमा आएका मोहम्मद हफिजले आजमसँग मिलेर ४० रनको शाझेदारी गरे । ४४ बलमा सात चौकाको मद्धतमा ५६ रन बनाएका आजम पनि रशिदको नै शिकार भए ।

त्यस पछि हफिजले ११ बलमा १४ रन बनाएर आउट भएका शोएब मलिकसँग मिलेर तेश्रो विकेटका लागि २४ बलमा ५० रन साझेदारी गरे । हफिजले चौथों विकेटका लागि नौं बलमा अविजित आठ रन बनाएका इफ्तिकार अहमदसँग मिलेर २० बलमा ३२ रन जोड्दै पाकिस्तानलाई विशाल योगफल तर्फ लगे ।

इंग्ल्यान्डको तर्फबाट महँगो साबित भएका रशिदले सर्वाधिक दुई विकेट हात पारे । उनले चार ओभरमा ३२ रन खर्चिए । त्यस्तै क्रिस जोर्डन र टम कुर्रानले समान चार – चार ओभर बलिङ गर्दै क्रमश ४१ र ४६ रन खर्चिएर समान १-१ विकेट हात पारे ।

Click to comment

Leave a Reply

Your email address will not be published. Required fields are marked *

Headline

कोपा अमेरिका: कोलम्बियासँग इक्वेडर पराजित

wesportz

Published

on

एड्विन कार्डोनाको एक मात्रै निर्णायक गोलमा कोलम्बियाले इक्वेडरलाई हराउँदै कोपा अमेरिकामा बिजयी सुरुवात गरेको छ ।

खेलको पहिलो समय देखी नै इक्वेडरले मौकाहरु बनाए पनि सफल हुन पाएन । पहिलो हाफमा मात्रै पाँच प्रयास गरेको इक्वेडरले गोल भने गर्न सकेन । ४१ औँ मिनेटमा एड्विन कार्डाेनाले गोल गर्दै कोलम्वियालाई १–० को अग्रता दिलाएका थिए ।

फ्रिकिकबाट मिगुइल बोर्जाको पासमा कार्डाेनाले गोल गरेका थिए । गोल केही विवादित बने पछि रेफ्रीले भिएआर हेर्दाइ गोल दिएका थिए ।

दोस्रो हाफमा कोलम्बिया पूर्ण रक्षापङ्तीमा खेल्यो । काउन्टर अट्याकहरुमा चुस्त देखिए पनि कोलम्बियाको दोस्रो हाफमा फिनिसिङ रहेन । इक्वेडरको पनि लगतार गरेको आक्रमणहरु कोलम्बियाको डिफेन्डरहरुले किल्यर गरेका थिए । दोस्रो हाफमा इक्वेडर निकै खतरनाक देखिए पनि कोलम्बियाका गोलरक्षक ओस्पिनाले धेरै बचाउहरु गरेका थिए ।

जितसँगै समूह ‘ए’ मा रहेको कोलम्बियाले ३ अंक जोडेको छ । साविक विजेता ब्राजिलले उद्घाटन खेलमा भेनेजुएलालाई ३–० ले पराजित गर्दा गोलअन्तरको आधारमा कोलम्बिया दोस्रो स्थानमा छ ।

 

Continue Reading

Headline

कोपा अमेरिका: ब्राजिलको बिजयी शुरुवात

wesportz

Published

on

मार्क्वीनिहोस, नेमार जुनियर र गब्रियल बर्बोसाको गोलमा ब्राजिलले २०२० कोपा अमेरिकाको पहिलो खेलमा भेनेजुएलालाई ३-० ले हराएको छ ।

निकै नै एकपक्षिय बनेको खेलमा ब्राजिलले पहिलो हाफमा एक र दोस्रो हाफमा दुई गोल गरेको थियो । ब्राजिलका लागि पहिलो गोल २३ औँ मिनेटमा मार्क्वीनिहोसले गरेका थिए । ब्राजिलले पाएको कर्नरबाट आएको बललाई उनले पोस्ट नजिकैबाट जाली चुमाएका थिए ।

पहिलो हाफ १-० को अग्रता सहित सक्काए पनि ब्राजिलले धेरै मौकाहरु गुमाएको थियो । यस्तै दोस्रो हाफको ६५ औँ मिनेटमा नेमार पेनाल्टीमार्फत गोल गर्दै ब्राजिलको अग्रता दोब्बर पारेका थिए । नेमारलाई लडाए पछी पाएको पेनाल्टीमा उनी आँफैले गोल गरेका थिए ।

खेलको अन्तिम समयमा ग्याब्रिएल बर्बोसाले नेमारले दिएको पासमा अन्तिम गोल गरेका थिए । नेमारको क्रसलाई बर्बोसाले सहजै गोल गर्दै ब्राजिललाई ३-० को सहज जित तर्फ डोर्याए ।

कोरोना भाईरसका कारण आठ खेलाडी गुमाएको भेनेजुएला खेलमा निरह देखिएको थियो ।

यस जितसँगै ब्राजिलले समूह ए मा ३ अंक जोडेको छ । ब्राजिलले अब अर्को खेलमा पेरुको सामना गर्नेछ भने भेनेजुएलाले कोलोम्बियासँग खेल्नेछ ।

 

 

Continue Reading

Euro 2020

नेदरल्याण्ड्सको युक्रेनमाथि सनसनीपूर्ण जित

wesportz

Published

on

रोमाञ्चक खेलमा युक्रेनलाई ३-२ ले पराजित गर्दै नेदरल्याण्ड्सले युरो कपमा बिजयी शुरुवात गरेको छ ।

एम्स्टरड्यामको योहान क्रुएफ एरिनामा घरेलु दर्शकको साथ पाएको नेदरल्याण्ड्सले पहिलो हाफ पूर्ण रुपमा लिएको नेदरल्याण्ड्सलेदोश्रो हाफमा ७ मिनेटको अन्तरमा जर्जिनियो वाइनाल्डम र वुट वेगहोसको गोलबाट अग्रता लिएको थियो ।

आन्द्रे यार्मोलेन्को र रोमन यारेम्चुकले चार मिनेट भित्रै दुई गोल गरेपछि युक्रेन निर्धारित समय सकिनु भन्दा १५ मिनेट अघि सनसनीपूर्ण रुपमा खेलमा फर्किएको थियो । तर खेलमा उत्कृष्ट प्रदर्शन गरेका डेन्जल डम्फ्रिजले ८५ औं मिनेटमा गोल गरेपछि नेदरल्याण्ड्सको जित सुनिश्चित भएको थियो ।

पहिलो हाफमा एउटै गतिलाई कायम राखेको डच टोलीलाई युक्रेनी गोलकिपर हियोरही बुस्चानले एकपछि अर्को बचाउ गर्दै रोक्न सफल भएका थिए । उनले मेम्फिस डिपे, वाइनाल्डम र डम्फ्रिजकोनिश्चित गोल हुने प्रहारहरु उत्कृष्ट ढंगले रोकेका थिए ।

युक्रेनले पनि उत्तिकै राम्रो मुभहरु बनाए पनि फाइनल थर्डमा प्रभावकारी रहन असफल रहेको थियो ।

नेदरल्याण्ड्सले दोश्रो हाफ भएको शुरु भएको ७ मिनेटपछि नै अग्रता बनायो । राम्रो टिम गेममा डम्फ्रिजले डिपेको लागि निकालेको क्रस बुस्चानले डाइभ गर्दै छेकेपनि रिबाउण्डमा आएको बलमा वाइनाल्डमले सुन्दर गोल गरे।

डम्फ्रिजले युक्रेनी पोस्टमा दवाब राख्दै गर्दा डिफेन्सबाट आएको बललाई वुट वेगहासर््टले नजिकैबाट गोल गरेका थिए । त्यसपछि अर्को १० मिनेट युक्रेनको नाममा रह्यो ।

यार्मोलेन्कोले प्रतियोगिताकै उत्कृष्ट गोल गर्दै युक्रेनको आशालाई कायम राखे । बक्स बाहिरबाट कलिंंग बल प्रहार गर्दा अगाडी बढेका गोलकिपर मार्टिन स्टेकेलेनबर्गले डाइभ गर्दै बचाउने प्रयास गरेपनि बिट भएका थिए ।

चार मिनेटपछि नै युक्रेनले बराबरी गर्यो । रुस्लान मालिनोभ्स्कीको फ्रि किकमा रोमान यारेम्भुकले हेडरमार्फत बटम कर्नरमा सुन्दर गोल गरेका थिए ।

यसअघि उत्कृष्ट बचाउहरु गरेका बुस्चान नेदरल्याण्ड्सको बिजयी गोल भने बचाउन असफल रहे । नथान एकेको हाइ क्रसमा डम्फ्रिजको हेडर डाइभ गर्दै गरेका बुस्चानको अगाडी ड्रप हुदै गोल हुन पुगेको थियो ।

Continue Reading
Euro 202049 mins ago

युरो कपमा आज तीन खेल, स्पेनले स्वीडेनको सामना गर्दै

Headline7 hours ago

कोपा अमेरिका: कोलम्बियासँग इक्वेडर पराजित

Headline8 hours ago

कोपा अमेरिका: ब्राजिलको बिजयी शुरुवात

Euro 202013 hours ago

नेदरल्याण्ड्सको युक्रेनमाथि सनसनीपूर्ण जित

Euro 202015 hours ago

जिरुडको गुनासोले एम्बाप्पे दुखी 

Headline16 hours ago

नर्थ मेसेडोनियालाई हराएको अष्ट्रियाको युरोमा एतिहासिक जित

Headline16 hours ago

सनसनीपूर्ण पुनरागमनपछि जोकोभिचले जिते फ्रेञ्च ओपन

अन्तर्राष्ट्रिय18 hours ago

म असफल खेलाडीका रुपमा रियल म्याड्रिड छोड्दिन: हाजार्ड 

Euro 202019 hours ago

स्टर्लिंगको गोलमा इंग्ल्याण्डको बिजयी शुरुवात

Headline19 hours ago

सान्चेजले कोपा अमेरिकाको समुह चरणका खेल गुमाउने 

Trending

error: Content is protected !!