अन्तर्राष्ट्रिय
१० बर्ष पछि इंग्ल्यान्डलाई पाकिस्तान विरुद्धको टेस्ट शृंखला
Published
4 years agoon
By
wesportzइंग्ल्यान्डले १० बर्ष पछि पाकिस्तान विरुद्धको टेस्ट शृंखला माथि कब्जा जमाएको छ । तेश्रो टेस्ट बराबरीमा सकिए पछि इंग्ल्यान्डले तीन टेस्टको शृंखला १-० ले हात पारेको हो । इंग्ल्यान्डले पछिल्लो पटक सन् २०१० मा पाकिस्तान विरुद्धको टेस्ट शृंखला जितेको थियो ।
पहिलो टेस्टमा तीन विकेटको रोमान्चक जित दर्ता गराएको इंग्ल्यान्डले तेश्रो टेस्ट पनि जित्ने अवसर हुँदाहुँदै वर्षा बाधक बन्दा ड्रमा सकिएको हो । दुई देश बीचको दोश्रो टेस्ट पनि बराबरीमा टुंगिएको थियो ।
अन्तिम दिनको खेलमा इंग्ल्यान्डलाई जित निकाल्न आठ विकेट आवस्यक रहे पनि लगातारको वर्षाका कारण पुरै दिनको खेल हुन सकेन जसका कारण खेल बराबरीमा सकिन गयो ।
दुई विकेटको नोक्सानीमा १०० रनको अवस्थाबाट अन्तिम दिनको खेल सुरु गरेको पाकिस्तानले चार विकेटको नोक्सानीमा १८७ रन बनाएको अवस्थामा खेल रोकिन पुगेको हो ।
पाकिस्तानको दोश्रो पारीमा बाबर आजमले अविजित रहँदै ६३ रन बनाए भने कप्तान अजर अली ३१ तथा अशद शफिक २१ रनमा पेभेलियन फर्किए । त्यस्तै ओपनरद्वय शान मसूद र अबिद अली क्रमश १८ र ४२ रन बनाएर आउट भए ।
इंग्ल्यान्डका जेम्स एन्डरसनले दुई विकेट हात पारे । यससँगै एन्डरसन टेस्ट क्रिकेटमा ६०० विकेट पुरा गर्ने पहिलो तिब्र गतिका बलर पनि बन्न सफल भए ।
यस अघि खेलमा टस जितेर पहिले ब्याटिङ गरेको इंग्ल्यान्डले आठ विकेटको नोक्सानीमा ५८३ रन बनाएर आफ्नो पारी सकिएको घोषणा गरेको थियो ।
खराब सुरुवात गरे पनि इंग्ल्यान्डको पारी सम्हाल्दै क्रली र बटलरले पाँचौं विकेटका लागि ३५९ रनको साझेदारी गरे र इंग्ल्यान्डलाई बलियो अवस्थामा पनि पुर्याए । क्रलीले ३९३ बलको सामना गर्दै ३४ चौका र एक छक्काको मद्धतमा सर्वाधिक २६७ रन जोडे भने बटलरले पनि ३११ बलमा १३ चौका र दुई छक्काको मद्धतमा १५२ रनको विशाल पारी खेले ।
छ रन बनाएका ओपनर रोरी बर्न्सलाई शाहिन शाह अफ्रिदीले आउट पार्दै पाकिस्तानको लागि राम्रो सुरुवात दिएका थिए । त्यस पछि अर्का ओपनर डोम सिब्ली (२२ रन) र ओली पप (तीन रन) को विकेट याशिर शाह तथा २९ रन बनाएका कप्तान जो रुटको नसिम शाहको शिकार भए पछि इंग्ल्यान्डले खराब सुरुवात गर्यो ।
पाकिस्तानका याशिर शाह, शाहिन शाह अफ्रिदी र फवाद आलमले समान २-२ विकेट हात पारे ।
इंग्ल्यान्डले पहिलो पारीमा बनाएको ५८३ रन पक्ष्याएको पाकिस्तानले आफ्नो पहिलो पारीमा सबै विकेट गुमाएर मात्र २७३ रन बनाउन सक्यो भने इंग्ल्यान्ड भन्दा ३१० रनले पछि रह्यो ।
पाकिस्तानको लागि कप्तान अजर अली र विकेट किपर मोहम्मद रिजवानले छैठौं विकेटका लागि १३८ रन जोड्दै पारी सम्हाल्ने प्रयास गरे । तर ११३ बलको सामना गर्दै ५३ रन बनाएका रिजवान क्रिस वक्सको सिकार भए ।
सुरुवात देखि नै एक छोडबाट लगातार रुपमा पाकिस्तानी ब्याट्सम्यानहरु आउट भए पनि कप्तान अजर अलीले अर्को छोड सम्हालेर राखिरहे । २७२ बलको सामना गर्दै २१ चौकाको मद्धतमा अविजित १४१ रन बनाए पनि कप्तान अजर अलीले आफ्नो टोलीलाई फलोअनबाट भने जोगाउन सकेनन् ।
पाकिस्तानको पारी ध्वस्त बनाउने क्रममा जेम्स एन्डरसनले सर्वाधिक पाँच विकेट लिए भने स्टुवार्ट ब्रोडले पनि आफ्नो नाममा दुई विकेट हात पारे । २३ ओभर बलिङ गरेका एन्डरसनले ५६ रन खर्चिए ।
एन्डरसन टेस्टमा ६ सय विकेट लिने पहिलो फास्ट बलर
इंग्ल्यान्डका तिब्र गतिका बलर जेम्स एन्डरसन टेस्ट क्रिकेटमा छ सय विकेट लिने पहिलो फास्ट बलर बनेका छन् ।
पाकिस्तान विरुद्ध जारी तेश्रो टेस्टको दोश्रो पारीमा कप्तान अजर अलीको विकेट लिंदै आफ्नो छ सयौं विकेट लिएका हुन् ।
यस अघि अघि ५९३ विकेटमा रहेका एन्डरसनले पहिलो पारीमा पाँच विकेट र दोश्रो पारीमा दुई विकेट हात पार्दै टेस्टमा ६००औं विकेट पुरा गरे । एन्डरसनले आफ्नो १५६औं टेस्टमा ६०० विकेट पुरा गरेका हुन् ।
३८ बर्षिया एन्डरसन टेस्ट क्रिकेटमा सर्वाधिक विकेट लिने बलरहरुमा भने चौथों स्थानमा रहेका छन् । एन्डरसन भन्दा अघि श्रीलंकाका अफ स्पिनर मुथैया मुरलिथरन, अस्ट्रेलियाका लेग स्पिनर शेन वार्न र भारतका लेग स्पिनर अनिल कुम्बले ।
टेस्ट क्रिकेट सबैभन्दा धेरै विकेट लिने बलर हुन् मुरलिथरन । मुरलिथरन १३३ टेस्टमा ८०० विकेट लिएका छन् भने वार्नले १४५ टेस्टमा ७०८ विकेट हात पारेका छन् । त्यस्तै एन्डरसन भन्दा १९ विकेटले अघि रहेका कुम्बलेको नाममा १३२ टेस्टमा ६१९ विकेट छ ।
यस्तै पहिलो पारीमा पाँच विकेट लिए पछि एन्डरसनले तिब्र गतिका बलरहरु मध्य सर्वाधिक पाँच विकेट हल लिने किर्तिमानको पनि बराबरी गरेका छन् । एन्डरसन र अस्ट्रेलियाका पुर्व तिब्र गतिका बलर ग्लेन मेग्रा दुबैले २९-२९ पटक टेस्टको एक पारीमा पाँच विकेट लिएका छन् ।
You may like
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
अन्तर्राष्ट्रिय
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
Published
1 year agoon
October 23, 2022By
wesportzअष्ट्रेलियामा जारी ट्वान्टी ट्वान्टी विश्वकप अन्तर्गत चिरप्रतिद्वन्द्वी भारत र पाकिस्तान भिड्दै छन् । मेलबर्नमा हुने खेल नेपाली समय अनुसार दिउँसो १:४५ बजे सुरु हुनेछ ।
राजनैतिक दबाबका कारण भारत र पाकिस्तान बीच कुनै पनि शृंखला आयोजना हुँदैन । यी दुई टोली एक आपसमा भिड्ने भनेको आईसीसी अथवा एसीसीले आयोजना गर्ने प्रतियोगितामा मात्र हो । त्यसैले गर्दा पनि भारत र पाकिस्तान बीचको खेलमा समग्र क्रिकेट समर्थकहरूको आँखा जाने गरेको छ ।
भारत र पाकिस्तान बीचको पछिल्लो भिडन्त एसिया कपमा भएको थियो । दुई खेल मध्य भारतले एक खेलमा जित निकाल्दा पाकिस्तानले अर्को खेलमा जित निकाल्न सफल भएको थियो । एसिया कपको समुह चरणको खेलमा पाकिस्तान माथि पाँच विकेटको जित निकालेको भारत सुपर ४ मा पाँच विकेटले पराजित हुँदा फाइनल खेल्नबाट बञ्चित भएको थियो ।
यस अघि गत वर्ष अक्टोबरमा युएईमा सम्पन्न भएको ट्वान्टी ट्वान्टी विश्वकपमा भारत पाकिस्तानसँग १० विकेटको फराकिलो हारको सामना गर्न बाध्य भएको थियो । पाकिस्तानसँग पराजित हुँदा भारतको सेमिफाइनल खेल्ने सपना सपनामा नै सीमित हुन पुग्यो ।
भारत र पाकिस्तानको खेल हुने मैदान मेलबर्न क्रिकेट ग्राउण्डमा एक लाख भन्दा बढी समर्थक अट्छ । तर आजको खेलमा मैदानमा गएर खेल हेर्ने समर्थकहरूको आशा निराशामा परिणत हुने प्रबल सम्भावना रहेको छ । मौसम विभागका अनुसार मेलबर्नमा वर्षा बाधक बन्ने सम्भावना धेरै रहेका कारण भारत र पाकिस्तानको खेल प्रभावित हुन सक्ने छ ।
आजको खेलमा जित निकाल्दै दुबै टोली उत्कृष्ट सुरुवात गर्ने सुरमा रहेका छन् । तर वर्षाका कारण दुबै टोली १-१ अंकमा नै सीमित रहने बढी सम्भावना छ ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।