Connect with us

अन्तर्राष्ट्रिय

तेश्रो टेस्ट जोगाउन संघर्षरत पाकिस्तान 

wesportz

Published

on

इंग्ल्यान्ड विरुद्धको तेश्रो टेस्ट जोगाउन पाकिस्तान संघर्षरत रहेको छ । पाकिस्तानले टेस्टलाई ड्र सम्म पुर्याउनका लागि पनि अन्तिम दिन पुरै ब्याटिङ गर्न पर्ने हुन्छ ।

चौथों दिनको खेलको समाप्तीमा पाकिस्तानले ५६ ओभर खेल्दै दुई विकेटको नोक्सानीमा मात्र १०० रन बनाएको छ । फलोअन गरेको पाकिस्तान अझै २१० रनले इंग्ल्यान्ड भन्दा पछि रहेको छ ।

पाकिस्तानको दोश्रो पारीमा ओपनरद्वय शान मसूद र अबिद अली क्रमश १८ र ४२ रन बनाउँदै स्टुवार्ट ब्रोड र जेम्स एन्डरसनको शिकार भए । दिनको खेलको समाप्तीमा कप्तान अजर अली २९ तथा बाबर अजाम चार रनमा अविजित रहेका छन् ।

इंग्ल्यान्डले पहिलो पारीमा बनाएको ५८३ रन पक्ष्याएको पाकिस्तानले आफ्नो पहिलो पारीमा सबै विकेट गुमाएर मात्र २७३ रन बनाउन सक्यो भने इंग्ल्यान्ड भन्दा ३१० रनले पछि रह्यो ।

पाकिस्तानको लागि कप्तान अजर अली र विकेट किपर मोहम्मद रिजवानले छैठौं विकेटका लागि १३८ रन जोड्दै पारी सम्हाल्ने प्रयास गरे । तर ११३ बलको सामना गर्दै ५३ रन बनाएका रिजवान क्रिस वक्सको सिकार भए ।

सुरुवात देखि नै एक छोडबाट लगातार रुपमा पाकिस्तानी ब्याट्सम्यानहरु आउट भए पनि कप्तान अजर अलीले अर्को छोड सम्हालेर राखिरहे । २७२ बलको सामना गर्दै २१ चौकाको मद्धतमा अविजित १४१ रन बनाए पनि कप्तान अजर अलीले आफ्नो टोलीलाई फलोअनबाट भने जोगाउन सकेनन् ।

पाकिस्तानको पारी ध्वस्त बनाउने क्रममा जेम्स एन्डरसनले सर्वाधिक पाँच विकेट लिए भने स्टुवार्ट ब्रोडले पनि आफ्नो नाममा दुई विकेट हात पारे । २३ ओभर बलिङ गरेका एन्डरसनले ५६ रन खर्चिए ।

यस अघि खेलमा टस जितेर पहिले ब्याटिङ गरेको इंग्ल्यान्डले आठ विकेटको नोक्सानीमा ५८३ रन बनाएर आफ्नो पारी सकिएको घोषणा गरेको थियो ।

पहिलो दिनको खेलको समाप्तीमा ९० ओभर खेल्दै चार विकेटको नोक्सानीमा ३३२ रन बनाएको इंग्ल्यान्डले दोश्रो दिन ६४ दशमलब चार ओभर खेल्दै २५१ रन जोडेको हो ।

खराब सुरुवात गरे पनि इंग्ल्यान्डको पारी सम्हाल्दै क्रली र बटलरले पाँचौं विकेटका लागि ३५९ रनको साझेदारी गरे र इंग्ल्यान्डलाई बलियो अवस्थामा पनि पुर्याए । क्रलीले ३९३ बलको सामना गर्दै ३४ चौका र एक छक्काको मद्धतमा सर्वाधिक २६७ रन जोडे भने बटलरले पनि ३११ बलमा १३ चौका र दुई छक्काको मद्धतमा १५२ रनको विशाल पारी खेले ।

छ रन बनाएका ओपनर रोरी बर्न्सलाई शाहिन शाह अफ्रिदीले आउट पार्दै पाकिस्तानको लागि राम्रो सुरुवात दिएका थिए । त्यस पछि अर्का ओपनर डोम सिब्ली (२२ रन) र ओली पप (तीन रन) को विकेट याशिर शाह तथा २९ रन बनाएका कप्तान जो रुटको नसिम शाहको शिकार भए पछि इंग्ल्यान्डले खराब सुरुवात गर्यो ।

पाकिस्तानका याशिर शाह, शाहिन शाह अफ्रिदी र फवाद आलमले समान २-२ विकेट हात पारे ।

तीन टेस्ट म्याचको शृंखलामा इंग्ल्यान्ड १-० ले अघि रहेको छ । पहिलो टेस्ट इंग्ल्यान्डले तीन विकेटले जितेको थियो भने दोश्रो टेस्टमा बर्षा बाधक हुँदा खेल बराबरीमा सकिएको थियो ।

Click to comment

Leave a Reply

Your email address will not be published. Required fields are marked *

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading

अन्तर्राष्ट्रिय

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

wesportz

Published

on

पाकिस्तानले घरेलु टोली वेस्ट इन्डिज विरुद्धको दोश्रो ट्वान्टी ट्वान्टी खेलमा सात रनको रोमान्चक जित हात पारेको छ । जितसँगै पाकिस्तानले चार खेलको शृंखलामा १-० को अग्रता पनि लिन सफल भएको छ । यस अघि सम्पन्न पहिलो खेल वर्षाका कारण रद्द भएको थियो ।

खेलमा टस हारेर पहिले ब्याटिङ गरेको पाकिस्तानले २० ओभर खेल्दै आठ विकेटको नोक्सानीमा १५७ रन बनायो भने १५८ रनको मध्यम लक्ष्य सहित ब्याटिङमा आएको वेस्ट इन्डिजले पुरै २० ओभर खेल्दै चार विकेट गुमाएर मात्र १५० रन बनाउन सक्यो ।

कप्तान बाबर आजमले अर्धशतकीय पारी खेल्दै पाकिस्तानलाई चुनौतिपूर्ण योगफल सम्म पुर्याए भने खेलको म्यान अफ द म्याच घोषित मोहम्मद हफिजले आफ्नो टोलीलाई जित दिलाउने क्रममा किफायती बलिङ गर्दै चार ओभरमा मात्र छ र दिएर एक विकेट हात पारे ।

ओपनर आन्द्रे फ्लेचर शून्य रनमा आउट हुँदा खराब सुरुवात गरेको घरेलु टोलीको लागि अर्का ओपनर एविन लेविस र क्रिस गेलले पारी सम्हाल्ने प्रयास गरे । क्रमश १६ र १७ रन बाएका गेल र शिम्रोन हेटमायर आउट भए पछि तथा ३५ रन बनाएका लेविस रिटायर्ड हर्ट हुँदै क्रिज बाहिर जान बाध्य हुँदा वेस्ट इन्डिज सङ्कटमा पर्यो ।

पाँचौ नम्बरमा ब्याटिङ गर्न आएका विकेट किपर ब्याट्सम्यान निकोलस पुरनले आक्रामक पारी खेल्दै ३३ बलमा चार चौका र छ छक्काको मद्दतमा अविजित ६२ रनको पारी खेल्दै वेस्ट इन्डिजको तर्फबाट सर्वाधिक रन जोडे पनि आफ्नो टोलीलाई जित भने दिलाउन असफल रहे ।

सुरुवात राम्रो गरे पनि मध्य र तल्लोक्रमका ब्याट्सम्यानहरुले योगदान दिन नसक्दा पाकिस्तान ठुलो योगफल बनाउनबाट चुक्यो । पाकिस्तानको तर्फबाट कप्तान बाबरले ४० बलमा सर्वाधिक ५१ रन बनाए भने ओपनर तथा विकेट किपर मोहम्मद रिजवानले पनि ४६ रनको योगदान दिए ।

रिजवानले पहिलो विकेटका लागि अर्का ओपनर शर्जिल खानसँग मिलेर चार दशमलब चार ओभरमा ४६ रन जोड्दै पाकिस्तानलाई राम्रो सुरुवात दिए । त्यस पछि उनले दोश्रो विकेटका लागि कप्तान बाबरसँग मिलेर ६७ रन जोडे र पाकिस्तानलाई १४ दशमलब दुई ओभरमा ११३ रनको स्थिति सम्म पुर्याए । पछिल्लो छ विकेट भने पाकिस्तानले मात्र २३ रन जोड्दै गुमायो । 

वेस्ट इन्डिजका जेसन होल्डरले २६ रन खर्चिएर सर्वाधिक चार विकेट लिए भने ड्वायन ब्राभोले पनि आफ्नो नाममा दुई विकेट दर्ता गराए ।    

 

Continue Reading
Headline2 hours ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय4 hours ago

दुई महिना पछिलाई सर्यो लिग, विजेताले ७५ लाख पाउने 

Headline9 hours ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय13 hours ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय1 day ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline1 day ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय2 days ago

स्टोक्सको अनिश्चित समयका लागि क्रिकेटबाट बिश्राम 

राष्ट्रिय2 days ago

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

Headline2 days ago

नेपालको ओलम्पिक्स सहभागिता सक्कियो

अन्तर्राष्ट्रिय3 days ago

भारतको लज्जास्पद हार, श्रीलंकालाई शृंखला 

Trending

error: Content is protected !!