Connect with us

Headline

अनवरत सामथ्र्यले बायर्नलाई दिलाएको अर्को युरोपियन उपाधि

wesportz

Published

on

सन् २०१३ यताको पहिलो युरोपियन उपाधिको खशियाली मनाउन बायर्न म्युनिखका खेलाडीहरु मैदानमा पोख्खिए । लिस्बनको खाली स्टाडियो डा लुजमा उनीहरु चिच्याए र खुशीको आशु बगाए । खाली स्टेडियाममा आफ्नै प्रतिध्वनीले उनीहरुलाई केही फरक परेन, न ट्रफि उचाल्दा खेलाडी र स्टाफबाहेक अन्यको अनुपस्थितिले नै । निकै नै अनौठो परिस्थिति भए भने यो उपाधिले उनीहरुको जीवनमा महत्व राख्नेछ ।

फाइनलको लागि बायर्न दाबेदार थियो र सोचे अनुरुप भयो पनि । आइतबारको निकै प्राविधिक, प्रतिस्पर्धात्मक, कठिन र मनोरञ्जनात्मक फाइनलमा बायर्नले पेरिस सेन्ट जर्माइन (पिएसजी) लाई १–० ले हरायो । अभुतपुर्व त के थियो भने फाइनलको एक मात्र गोल पिएसजीकै युथ एकेडेमीमा १० बर्ष बिताएका किङ्गसले कोमनले गरेका थिए । पिएसजीको पहिलो टोलीका सबैभन्दा कान्छा खेलाडी क्लब छोड्दै एक सिजन युभेन्टसमा बिताएपछि बायर्न आएका थिए ।

बायर्नले च्याम्पियन्स लिगमा देखाएको प्रदर्शन अहिलेसम्मकै उत्कृष्ट मध्येको एक थियो । फाइनल अघि बायर्नले आफ्नो पूर्ण शक्ति खेर नफाल्दै अर्को फ्रेञ्च क्लब लायोनलाई ३–० ले पाखा लगाएको थियो । बार्सिलानोबिरुद्धको एक मात्र क्वार्टर–फाइनलमा बार्सिलोनालाई ८–२ को लज्जास्पद हारको स्वाद चखायो । दुई लेगमा भएको प्रि–क्वार्टर फाइनलमा उसले चेल्सीलाई समग्रमा ७–१ ले हरायो भने समुह चरणमा पनि सबै खेल जितेको थियो ।

समुह चरणको ६ खेलमा बायर्नले २४ गोल गर्दै ५ गोलमात्र खाएको थियो । यसमा गत सिजनको उप बिजेता टोटेन्ह्याम हट्स्पर माथिको ७–२ को जित पनि थियो ।

बिचित्र त के छ भने बायर्नले उत्कृष्टताको नमुना प्रस्तुत गर्दै गर्दा यो समर्थक बाहेककाहरुको लागि रोचक क्लब भने होइन । बाभेरियाको यो दानवीय साम्राज्यलाई घृणा गर्दै तपाई अन्य जर्मन क्लबको समर्थनमा उत्रन सक्नु हुन्छ तर समर्थनमा कुनै टिम छैन भने ग्लोबल फुटबलमा बायर्नको आधुनिक अवतारलाई लिएर केही महसुस पनि हुने छैन ।

यो सिजन बायर्नको सामथ्र्य अनवरत थियो । ११ औं युरोपियन फाइनल खेलेको बायर्नले छैटौं उपाधि जितेको हो । यस क्रममा उसले च्याम्पियन्स लिग, बुन्डेसलिगा र जर्मन कप गरेर तीन वटा उपाधि (ट्रेबल) पुरा गरेको छ । २०१३ पछि बायर्नले ट्रेबल जितेको हो भने बुन्डेसलिगामा लगातार ८ सिजन च्याम्पियन बन्दै आएको छ ।

एक समय क्लब भित्र चल्दै आएको निरन्तरको नाटकका कारण बायर्नले जर्मनीमा एफसी हलिउडको उपमा पाएको थियो । खेलाडीहरु सार्वजनिक रुपमै प्रशिक्षक र एक अर्कासँग बाझाबाझ गर्ने गर्दथे । मौका परस्त जर्मन पत्रिकाहरु बायर्नको फोहोरि ड्रेसिङ्ग रुमबाट जे बाहिर निस्कियो त्यही छापिदिन्थे, र यो क्रम रोकिने नामै लिदैन थियो ।

सफलता प्रचुर मात्रामै भएपनि त्योसँग केही न केही बखेडा निस्किएकै हुन्थ्यो । पछिल्लो केही समय भने यो क्रम घट्दो छ । बाभेरियन संकट भनेको अहिले केही खेलहरु नजित्नु र कुनै भेटेरान फुटबलरले मैदानमा पर्याप्त खेल्ने समय नपाउनु हो ।

यो सिजनको शुरुवातमा बायर्नको दबदबा सकिन लागेको महसुस गरिएको थियो । खेलाडीहरुले राम्रो प्रदर्शन दिन सकिरहेका थिएनन् भने टोलीमा राम्रो सन्तुलन देखिएको थिएन । खेलाडीहरु र उनीहरुले खेल्न रुचाउने शैलिमा घुलमिल हुन नसक्दा प्रशिक्षक निको कोभाचले नोभेम्बरको शुरुवातमा क्लब छाडेका थिए । उनको स्थानमा बायर्नले सुपर प्रशिक्षकको खोजी गरेन । कोभाचका सहायक ह्यान्सी फ्लिक नै प्रशिक्षक बनाइए ।

बायर्नले पछिल्लो पटक डिसेम्बर ७ मा हारेको थियो । त्यसयता उसले २९ खेल जितेको छ ।

बुन्डेसलिगा समाप्त भएको झण्डै डेढ महिनापछि च्याम्पियन्स लिग शुरु हुदा बायर्नले उत्कृष्ट प्रदर्शनका साथ प्रतियोगिताको शुरुवात गर्यो । क्लबको लेफ्ट फुटेड विङ्गहरुलाई स्वतन्त्रता दिदै फ्लिकले क्यानेडियन अल्फोन्सो डेभिसलाई बिपक्षीको एरियामा बिश्वंस मच्चाउन सक्ने सबैभन्दा घाटक लेफ्ट ब्याकमा परिणत गरे ।

थोमस मुलर उत्कृष्ट लयमा फर्किए । चोट र खस्कदो खेलबाट मुक्त भएका गोलकिपर मानुएल नोयरले फाइनल सक्किदा सम्मका महत्वपूर्ण क्षणहरुमा उत्कृष्ट प्रदर्शन गरे । एकै सिजन ५५ गोल गर्दै करिअरकै उत्कृष्ट फर्ममा रहेका रोबर्ट लेवान्डोस्की युरोपकै बेस्ट स्ट्राइकर बनेर देखाउन सफल भए ।

लड्दै पड्दै आएको बायर्न अन्त्यमा असन्तुलित टोलि देखिएन । बायर्न त उल्टो निकट भविष्यको लागि पूर्ण रुपमा सन्तुलित टोली बन्दै अरु उपाधि पनि जित्ने क्लबमा परिणत भएको छ । बायर्न समय सकिएका भेटेरान र तयार नभएका युवाहरुका कारण पुस्तान्तरको चँगुलमा परेको क्लब होइन ।

फ्लिकको रेखदेखमा बायर्न यस्तो दमदार र युवा टोली बनेको छ जहाँ २० बर्षियहरुले निर्णायक भेटेरानहरुलाई उत्कृष्ट ढँगले साथ दिएका छन् ।

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading

Headline

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

wesportz

Published

on

एस्टन भिल्ला मिडफिल्डर ज्याक ग्रिलिसलाई ब्रिटिस ट्रान्सफर इतिहासको किर्तिमानी रकममा भित्र्याउन म्यानचेस्टर सिटीले प्रस्ताव राखेको छ ।

सिटीले २५ बर्षिय भिल्ला कप्तान ग्रिलिसलाई१ सय मिलियन पाउण्डमा क्लब भित्र्याउन गृहकार्य अघि बढाएको हो । यो ब्रिटिस फुटबलमा सबैभन्दा बढी रकमको ट्रान्सफर रकम हो ।

दुई प्रिमियर लिग क्लबहरु लामो समयदेखि यो ट्रान्सफरलाई लिएर छलफल गर्दै आएका छन् । सिटी व्यवस्थापक पेप ग्वार्डियोलाको प्रमुख लक्ष्य नै ग्रिलिस भित्र्याउनु रहेको छ ।

अर्को साता देखि शुरु हुने प्रि सिजन अघि नै ग्वार्डियोलाले सिटीलाई प्रस्ताव राख्न लगाउदै आफ्नो आशय स्पष्ट पारेको हो ।

यो सम्झौता हुने हो भने ग्रिलिस ब्रिटिस क्लब इतिहासमा सबैभन्दा महंगा ट्रान्सफरमा अनुबन्धित हुने खेलाडी बन्ने छन् । हालसम्म कुनै पनि इंगलिस क्लबले सबैभन्दा बढी तिरेको रकम पउल पोग्बाका लागि हो ।

२०१६ मा पोग्बा युभेन्टसबाट म्यानचेस्टर युनाइटेड आउदा उसले ८९ मिलियन पाउण्ड तिरेको थियो । सबैभन्दा बढी रकम तिर्नेशिर्ष तीनमै युनाइटेड रहेको छ । युनाइटेडले अर्का बेलायती खेलाडी ह्यारी मग्वायरका लागि ७८ मिलियन र बेल्जियन स्ट्राइकर रोमेलु लकाकुकालागि ७५ मिलियन पाउण्ड तिरेको थियो ।

मग्वायर हाल सबैभन्दा महंगा डिफेण्डर पनि हुन् । त्यसअघि डच अन्तर्राष्ट्रिय भर्जिल भान डाइकलाई लिभरपुलले ७५ मिलियन पाउण्ड तिरेको थियो ।

सिटीले भने अनुरुपको पैसा तिरेको खण्डमा ग्रिलिस फुटबल इतिहासकै सबैभन्दा नवौं महंगा खेलाडी पनि बन्नेछन् ।

Continue Reading
Headline8 hours ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय9 hours ago

दुई महिना पछिलाई सर्यो लिग, विजेताले ७५ लाख पाउने 

Headline15 hours ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय19 hours ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय1 day ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline2 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय2 days ago

स्टोक्सको अनिश्चित समयका लागि क्रिकेटबाट बिश्राम 

राष्ट्रिय2 days ago

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

Headline3 days ago

नेपालको ओलम्पिक्स सहभागिता सक्कियो

अन्तर्राष्ट्रिय3 days ago

भारतको लज्जास्पद हार, श्रीलंकालाई शृंखला 

Trending

error: Content is protected !!