Connect with us

अन्तर्राष्ट्रिय

पाकिस्तान फलोअनमा, इंग्ल्यान्ड जित तर्फ उन्मुख

wesportz

Published

on

पाकिस्तान विरुद्धको तेश्रो तथा अन्तिम टेस्टको तेश्रो दिनको खेलको समाप्तीमा इंग्ल्यान्ड जित तर्फ उन्मुख भएको छ ।

इंग्ल्यान्डले पहिलो पारीमा बनाएको ५८३ रन पक्ष्याएको पाकिस्तानले आफ्नो पहिलो पारीमा सबै विकेट गुमाएर मात्र २७३ रन बनाउन सक्यो र अझै इंग्ल्यान्ड भन्दा ३१० रनले पछि रहेको छ ।

इंग्ल्यान्डले पाकिस्तानलाई फलोअनका लागि भने पनि तेश्रो दिनको समाप्तीमा पाकिस्तानले खराब प्रकाशका कारण दोश्रो पारी सुरु गर्न सकेन । पाकिस्तानले अब टेस्ट ड्र गर्नका लागि कम्तीमा पनि दुई दिन ब्याटिङ गर्न पर्ने हुन्छ ।

तेश्रो दिनको खेल तीन विकेटको नोक्सानीमा २४ रनबाट सुरु गरेको पाकिस्तानले २४९ रन जोड्दै आफ्नो बाँकी सात विकेट गुमायो ।

तेश्रो दिनको खेलमा पनि खराब ब्याटिङ जारी रक्दै पाकिस्तानले ७५ रनको अवस्थामा पाँच विकेट गुमाए पनि कप्तान अजर अली र विकेट किपर मोहम्मद रिजवानले छैठौं विकेटका लागि १३८ रन जोड्दै पारी सम्हाल्ने प्रयास गरे । तर ११३ बलको सामना गर्दै ५३ रन बनाएका रिजवान क्रिस वक्सको सिकार भए ।

सुरुवात देखि नै एक छोडबाट लगातार रुपमा पाकिस्तानी ब्याट्सम्यानहरु आउट भए पनि कप्तान अजर अलीले अर्को छोड सम्हालेर राखिरहे । २७२ बलको सामना गर्दै २१ चौकाको मद्धतमा अविजित १४१ रन बनाए पनि कप्तान अजर अलीले आफ्नो टोलीलाई फलोअनबाट भने जोगाउन सकेनन् ।

पाकिस्तानको पारी ध्वस्त बनाउने क्रममा जेम्स एन्डरसनले सर्वाधिक पाँच विकेट लिए भने स्टुवार्ट ब्रोडले पनि आफ्नो नाममा दुई विकेट हात पारे । २३ ओभर बलिङ गरेका एन्डरसनले ५६ रन खर्चिए ।

यस अघि खेलमा टस जितेर पहिले ब्याटिङ गरेको इंग्ल्यान्डले आठ विकेटको नोक्सानीमा ५८३ रन बनाएर आफ्नो पारी सकिएको घोषणा गरेको थियो ।

पहिलो दिनको खेलको समाप्तीमा ९० ओभर खेल्दै चार विकेटको नोक्सानीमा ३३२ रन बनाएको इंग्ल्यान्डले दोश्रो दिन ६४ दशमलब चार ओभर खेल्दै २५१ रन जोडेको हो ।

खराब सुरुवात गरे पनि इंग्ल्यान्डको पारी सम्हाल्दै क्रली र बटलरले पाँचौं विकेटका लागि ३५९ रनको साझेदारी गरे र इंग्ल्यान्डलाई बलियो अवस्थामा पनि पुर्याए । क्रलीले ३९३ बलको सामना गर्दै ३४ चौका र एक छक्काको मद्धतमा सर्वाधिक २६७ रन जोडे भने बटलरले पनि ३११ बलमा १३ चौका र दुई छक्काको मद्धतमा १५२ रनको विशाल पारी खेले ।

छ रन बनाएका ओपनर रोरी बर्न्सलाई शाहिन शाह अफ्रिदीले आउट पार्दै पाकिस्तानको लागि राम्रो सुरुवात दिएका थिए । त्यस पछि अर्का ओपनर डोम सिब्ली (२२ रन) र ओली पप (तीन रन) को विकेट याशिर शाह तथा २९ रन बनाएका कप्तान जो रुटको नसिम शाहको शिकार भए पछि इंग्ल्यान्डले खराब सुरुवात गर्यो ।

पाकिस्तानका याशिर शाह, शाहिन शाह अफ्रिदी र फवाद आलमले समान २-२ विकेट हात पारे ।

तीन टेस्ट म्याचको शृंखलामा इंग्ल्यान्ड १-० ले अघि रहेको छ । पहिलो टेस्ट इंग्ल्यान्डले तीन विकेटले जितेको थियो भने दोश्रो टेस्टमा बर्षा बाधक हुँदा खेल बराबरीमा सकिएको थियो ।

Click to comment

Leave a Reply

Your email address will not be published. Required fields are marked *

Headline

लेस्टरसँगको हारपछि चेल्सी व्यवस्थापक लाम्पार्ड थप दवाबमा

wesportz

Published

on

लेस्टर सिटीसँग पराजित हुंदै इङ्गलिस प्रिमियर लिगको आठौं स्थानमा झरेपछि चेल्सी व्यवस्थापक फ्रांक लाम्पार्डमाथि थप दवाब बढेको छ ।

मङ्गलवार घरेलु मैदानमा भएको खेलमा लेस्टरले चेल्सीलाई २–० ले पराजित गर्यो । जितपछि लेस्टर भने प्रिमियर लिगको शिर्ष स्थानमा उक्लिएको छ । ३८ अंक जोड्दै लेस्टरले एक खेल कम खेलेको म्यानचेस्टर युनाइटेडसँग एक र दुई खेल कम खेलेको म्यानचेस्टर सिटीसँग दुई अंकको अग्रता लिएको छ ।

अंक तालिकाको पहिलो हाफसम्मै तिब्र प्रतिस्पर्धा रहदा लिभरपुलको ३४, टोटेन्ह्यामको ३३ तथा एभर्टन र वेष्ट ह्यामको समान ३२ अंक रहेको छ । सिजनमा उत्कृष्ट शुरुवात गर्दै शिर्ष स्थानको पनि अनुभव गरिसकेको चेल्सी भने २९ अंकका साथ आठौं स्थानमा रहेको छ ।

लेस्टरले छैटौं मिनेटमै विल्फ्रेड एनडिडिको गोलमार्फत अग्रता लिएको थियो । पहिलो हाफमा चेल्सीले बनाएको खतरा मुभमा क्रिष्चियन पुलिसिच लड्दा भारको सहयोगमा उसलाई पेनाल्टी दिइएको थिएन । ४१ औ मिनेटमा जेम्स म्याडिसनले गोल गरेपछि लेस्टरले पहिलो हाफमै खेललाई आफ्नो नियन्त्रणमा राखेको थियो ।

मङ्गलवार नै भएको अर्को खेलमा वेष्ट ह्यामले वेस्ट ब्रोमलाई २–१ ले पराजित गर्यो । रेलिगेसन जोनमा रहेको वेस्ट ब्रोमको ११ अंक रहेको छ ।

Continue Reading

Headline

भारतको टेस्ट इतिहासकै उत्कृष्ट जित, लगभग दोश्रो रोजाईको टोलीसँग अष्ट्रेलिया हार्यो

wesportz

Published

on

भारतले अष्ट्रेलियालाई उसकै भुमिमा आफ्नो टेस्ट क्रिकेट इतिहासकै सवोत्कृष्ट जित हात पारेको छ । नियमित टोलीबाट कप्तान बिराट कोहली, मोहम्मदा सामी, रविचन्द्रन अश्विन, रविन्द्र जडेजा, जस्प्रित बुम्राह, उमेश यादव र केएल राहुलको अनुपस्थितिमा भारतले चौथो तथा अन्तिम टेस्टमा अष्ट्रेलियालाई तीन विकेटले पराजित गर्यो ।

कागजी रुपमा निकै बलियो देखिएको अष्ट्रेलियाबिरुद्ध भारतको यो दोश्रो रोजाइको टोली खेले सरह बनेको थियो । भारतलाई उसको इतिहासकै उत्कृष्ट जित दिलाउने क्रममा विकेटकिपर ब्याट्म्यान रिसभ पन्तले नटआउट ८९ रन बनाए ।

बराबरीमै टुङ्गिएको सिड्नी टेस्टमा पनि पन्तले ९७ रन बनाएका थिए । अन्तिम दिन जितका लागि ३ सय २८ रन पछ्याएको भारतले ओपनर रोहित शर्मा (सात) लाई सस्तैमा गुमाएको थियो ।

त्यसपछि शुबमन गिलले दोश्रो विकेटका लागि चेतेश्वर पुजारासँग १ सय १४ रनको शान्दार साभेदारी गरेका थिए । गिल शतक बनाउन ९ रनले चुकेपछि पुजाराले कप्तान अजिंक्या राहाने (२४) सँग ३५ रन जोडेका थिए ।

रहानेको विकेट पतनपछि पुजारा र पन्तले ६१ रन जोड्दा २ सय २८ रन जोड्दै आफ्नो चौथो विकेट गुमायो ।

त्यसपछि पन्तले नै भारतको इनिङ्गस सम्हालेका थिए । मयँक अग्रवाल (९) लाई पनि सस्तैमा गुमाएको भारतलाई पन्तले वाशिँगटन सुन्दरसँग अर्को ५३ रनको साझेदारी गर्दै जित नजिक पुर्याएका थिए । वाशिँगटन र नयाँ ब्याट्स्म्यान शार्दुल ठाकुर (दुई) सात रनको अन्तरमा आउट भएपनि पन्तले बिजयी चौका प्रहार गर्दै भारतलाई जित दिलाए ।

यो प्रतियोगितामा राम्रो प्रभाव जमाएका गिलले १ सय ४६ बल खेल्दै ९१ रन बनाए भने पुजाराले ५६ रन जोडे । पन्तले १ सय ३८ बलको सामना गर्दै ९ चौका र एक छक्का हिर्काए । गाबामा भारतले इतिहासकै सबैभन्दा ठूलो लक्ष्य पनि पछ्याएको हो ।

यो टेस्टमा पहिलो इनिङ्गसमा घरेलु टोलीले ३ सय ६९ रन बनाएपछि वाशिँगटन सुन्दर र शार्दुल ठाकुरले १ सय २३ रनको साझेदारी गर्दै भारतलाई ३ सय ३६ रनको सम्मानजनक योगफलतर्फ डोर्याएका थिए । दोश्रो इनिङ्गसमा २ सय ९४ रन बनाएपछि भारतले ३ सय २८ रनको लक्ष्य पाएको थियो ।

Continue Reading

Headline

मिलानको जितमा दुवै गोल ज्लाटन इब्राहिमोभिचको

wesportz

Published

on

भेटेरान स्विडिस स्ट्राइकर ज्लाटन इब्राहिमोभिचको दुई गोल पछि काग्लियारीलाई २–० ले हराउदै एसि मिलानले इटालियन सिरी आ को शिर्ष स्थानमा स्पष्ट तीन अंकको अग्रता लिएको छ ।

अर्को मिलान क्लब इन्टर मिलानले आइतबार युभेन्टसलाई हराउदै शिर्ष स्थानमा अंक बराबरी गरेपछि इब्राहिमोभिचले सोमबार १० खेलाडीमा सिमित एसि मिलानलाई स्पष्ट अग्रता दिलाउन सफल भए । समान १८ खेलबाट एसि मिलानको ४३ र इन्टर मिलानको ४० अंक रहेको छ । दुई शहरी प्रतिद्वन्दी फेब्रुवरी २१ मा एक आपसमा भिड्ने छन् ।

पहिलो हाफको शुरुवातमै पाएको पेनाल्टीलाई गोलमा परिणत गर्दै इब्राहिमोभिचले चोटबाट फर्किएपछि पहिलो गोल गरेका थिए । दोश्रो हाफको पनि शुरुवातमा नै इब्राले दोश्रो गोल गर्दै यो सिजन उनले आफ्नो गोलसंख्या १२ पुर्याएका छन् ।

सिरी आ मा युभेन्टस फर्वार्ड क्रिष्चियानो रोनाल्डोको १५ गोल रहेको छ भने उनी पछाडी अब इब्राहिमोभिच र इन्टर मिलानका रोमेलु लुकाकु रहेका छन् । लुकाकुको पनि १२ गोल छ ।

सोमबार एलेक्सिस सेलेमेकर्स दोहोरो पहेलो कार्ड खार्दै बाहिरिदा मिलान ७४ मिनेटपछि १० जनामा सिमित भएको थियो । तर यसको फाइदा काग्लियारीले भने उठाउन सकेन ।

Continue Reading
Headline2 mins ago

८० मा एक विकेट मात्रै गएको सुदुर १ सय १० मै अल आउट

Headline4 hours ago

लेस्टरसँगको हारपछि चेल्सी व्यवस्थापक लाम्पार्ड थप दवाबमा

Headline14 hours ago

एन्फाको १९ औँ साधारण सभा सम्पन्न, मनोनयनको ब्यवस्था खारेज

Headline15 hours ago

ढँग नभएका क्रिकेट पदाधिकारीको हैकमवादी शैली

Headline17 hours ago

लुम्बिनीको जितमा सन्दिप, सौरभ, अनिल र बिक्रम नायक

Headline21 hours ago

कर्णाली प्रदेशको राष्ट्रिय क्रिकेटमा पहिलो जित

Headline22 hours ago

भारतको टेस्ट इतिहासकै उत्कृष्ट जित, लगभग दोश्रो रोजाईको टोलीसँग अष्ट्रेलिया हार्यो

Headline23 hours ago

गण्डकीको कर्णालीलाई चुनौतिपूर्ण लक्ष्य

Headline1 day ago

मिलानको जितमा दुवै गोल ज्लाटन इब्राहिमोभिचको

Headline1 day ago

औबामेयाङले गोलको खडेरी तोड्दा आर्सनलको अर्को जित

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending