Headline
एक पुस्ताको अन्तरः लेवान्डोस्की र एमबाप्पे आमने–सामने
Published
4 years agoon
By
wesportzकिलियन एमबाप्पेले आफ्नो करिअर शुरु गर्दा रोबर्ट लेवान्डोस्कीले खेलेको एक दशक नाघिसकेको थियो । युवा फ्रेञ्च खेलाडीले डेब्यु गर्दा बायर्न म्युनिख तथा पोल्याण्ड स्ट्राइकर लेवान्डोस्कीले १ सय भन्दा बढी गोल गरिसकेका थिए । लेवान्डोस्कीले पाँच वटा जर्मन बुन्डेसलिगाको उपाधि उचाल्दा एमबाप्पे मोनाकोबाट आफ्नो पहिलो व्यवसायिक लिगको उपाधि चुम्दै थिए ।
३२ बर्षिय लेवान्डोस्की र २१ बर्षिय पेरिस सेन्ट जर्माइन (पिएसजी) बीच एक पुस्ताको अन्तर रहेको छ तर आइतबार यी दुई खेलाडी च्याम्पियन्स लिगको उपाधिका लागि एक आपसमा भिड्दैछन् । फाइनलमा दुवैको लक्ष्य एकै हुनेछ –– पहिलो पटक युरोपको सबैभन्दा प्रतिष्ठित क्बल फुटबल प्रतियोगिताको उपाधि जित्ने ।
उपाधि जितेको खण्डमा लेवान्डोस्की आफ्नो नवौं प्रयासमा सफल हुनेछन् भने एमबाप्पे चौथोमा ।
आइतबार रातिको खेलमा लेवान्डोस्कीलाई अर्को मौका पनि छ –– पोर्चुगिज सुपर स्टार क्रिष्चियानो रोनाल्डोले २०१३–२०१४ सिजनमा च्याम्पियन्स लिगमा सर्वाधिक १७ गोलको किर्तिमान तोड्ने । आइतबार फाइनल शुरु हुनुअघि लेवान्डोस्की ९ खेलमा १५ गोलमा हुनेछन् । उनलाई ह्याट्रिकको आवश्यकता छ ।
“लेवान्डोस्की पेनाल्टी एरियामा सबैको लागि खतरा रहेको भन्ने तथ्य यो सिजन मात्र थाहा भएको होइन । मेरो लागि उनी बिश्वकै उत्कृष्ट सेन्टर फर्वार्ड हुन्,” बायर्न प्रशिक्षक ह्यान्सी फ्लिकले भने । “म फाइनलमा के हुन गइरहेको छ भनेर हेर्नको लागि निकै आतुर छु र आशा गर्छु उनले पेरिसबिरुद्ध पनि गोल गर्नेछन् ।”
रोनाल्डो र डच फर्वार्ड रुड भान निस्टलरोयपछि लेवान्डोस्की लगातार ९ च्याम्यिन्स लिग खेलहरुमा गोल गर्ने तेश्रो खेलाडी हुन् । समुह चरणमा सर्बियन क्लब रेड स्टार बेलग्रेडबिरुद्ध उनले १५ मिनेटको अन्तरमा गरेको चार गोल च्याम्पियन्स लिग इतिहासमै सबैभन्दा छिटो गरिएको चार गोल हो ।
बायर्नको लागि ५० सहित च्याम्पियन्स लिगमा कुल ६८ गोल गरेका लेवान्डोस्की रोनाल्डो (१३०), लियोनल मेस्सी (११५) र राउल गोन्जालेज (७१) भन्दा पछाडी रहेका छन् । २०१३ को फाइनलमा बायर्न म्युनिखसँगको च्याम्पियन्स लिग फाइनलमा २–१ ले पराजित हुदा लेवान्डोस्की अर्को जर्मन क्लब बोरुसिया डर्टमण्डबाट खेल्ने गर्थे । उनले त्यही सिजज सेमिफाइनलमा चार गोल गर्दै प्रतियोगिताको इतिहासमा त्यसो गर्ने पहिलो खेलाडी भएका थिए ।
बायर्नले २०१३ यता च्याम्पियन्स लिगको उपाधि जितेको छैन । २०१४ मा बायर्न आएपछि उनले तीन पटक सेमिफाइनल खेलेका हुन् तर जर्मन महारथीसँग पहिलो पटक फाइनल खेलिरहेका छन् ।
२०१६–१७ को सिजनमा फ्रेञ्च क्लब मोनाकोले अचम्मको प्रदर्शन गर्दा एमबाप्पेले सेमिफाइनल खेलेका थिए । त्यसपछि पिएसजी आए पछिको लगातार दुई सिजन उनको टोली अन्तिम १६ बाटै बाहिरिएको थियो । यो महिना क्वार्टर–फाइनल खेल्ने क्रममा उनी घुँडाको चोटबाट पूर्ण रुपमा मुक्त भइसकेका थिएनन्, र अहिले फिट छन् । पाँच गोलसहित एमबाप्पे माउरो इकाडीसँगै टोलीको संयुक्त सर्वाधिक गोल स्कोरर हुन् ।
तर एमबाप्पेमात्रै नभएर अन्य कुनै पनि फर्वार्ड लेवान्डोस्कीको नजिक पनि पुग्न सकेका छैनन् । च्याम्पियन्स लिगको प्रत्येक खेलमा पाँच सटको औषत राखेका लेवान्डोस्कीले हरेक तेश्रो सटमा गोल गरेका छन् । यसबाहेक उनले हरेक खेलमा दुईको औषतमा गोल गर्ने अवसर बनाएका छन् ।
तर लेवान्डोस्की र एमबाप्पेका लागि आइतबारको भिडन्त आफ्नो क्लबको लागि जित्नेसँग मात्र मतलब हुनेछ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।