Connect with us

राष्ट्रिय

डिएससी सन्दिपको ब्याट स्पोन्सर

wesportz

Published

on

नेपाली राष्ट्रिय क्रिकेट टोलीका लेग स्पिनर सन्दिप लामिछानेलाई क्रिकेट किट निर्माता डिएससीले प्रायोजन गर्ने भएको छ ।

हाल क्यारेबियन प्रिमियर लिग (सिपीएल) का लागि वेस्ट इन्डिजमा रहेका सन्दिपले एक बर्षको लागि सम्झौता गरेको विस्पोर्टजलाई बताए ।

सन् २०१८ मा इन्डियन प्रिमियर लिग (आईपीएल) पछि ग्रे निकोल्ससँग एक बर्षको सम्झौता गरेका गरेका सन्दिप पछिल्लो समय भने क्रिकेट किट प्रायोजक बिहिन रहेका थिए । सन्दिपले प्रायोजक रकम खुलाउन नमिल्ने वेस्ट इन्डिजबाट जनाए ।

‘मैलें डिएससीसँग गरेको सम्झौता अनुसार रकम खुलाउन मिल्दैन । तर लामो समयको छलफल र वार्ता पछि मैलें यो सम्झौता गरेको हो । डिएससीले मलाई आवस्यकता पर्ने क्रिकेट किटको साथसाथै नगद पनि दिने सम्झौता भएको छ ।’

सिपीएलमा यस अघि दुई खेल खेलेका सन्दिपले दुई विकेट आफ्नो नाममा दर्ता गराएका छन् ।२० बर्षिय सन्दिपलाई जमैका तल्वाजले यस सिजन मार्की खेलाडीका रुपमा आफ्नो टोलीमा अनुबन्ध गरेको थियो ।

नेपालको लागि विदेशी फ्रेन्चाइज लिग खेल्ने तथा ट्वान्टी ट्वान्टीमा एक सय विकेट लिने सन्दिप एक मात्र नेपाली बलर हुन् । सन् २०१८ मा पहिलो पटक आईपीएलमा दिल्ली क्यापिटल्समा आबद्ध भएका सन्दिपले त्यस पछि अस्ट्रेलिया बिग ब्यास लिग, पाकिस्तान सुपर लिग, बंगलादेश प्रिमियर लिग, अफगानिस्तान प्रिमियर लिग जस्त लिगको पनि अनुबभ बटुली सकेका छन् ।

राष्ट्रिय

दुई महिना पछिलाई सर्यो लिग, विजेताले ७५ लाख पाउने 

wesportz

Published

on

अखिल नेपाल फुटबल संघ (एन्फा) ले यस वर्षको शहीद स्मारक ए डिभिजन लिग नोभेम्बर १५ अर्थात कार्तिक २९ गतेबाट आयोजना गर्ने भएको छ । 

एन्फा कम्प्लेक्समा आज एन्फा र ए डिभिजन क्लबका प्रतिनिधिहरूको बैठकले यस अघि असोजमा हुने भनिएको लिग कार्तिकमा सार्ने निर्णय गरेको हो । असोज तीनबाट सुरु गर्ने भनिएको लिग साफ च्याम्पियनसिप र कोरोनालाई ध्यानमा राख्दै मिति सर्ने भएको हो ।

एन्फाले नेपालमा साफ च्याम्पियनसिप आयोजना गर्नका लागि नेपाल सरकारले पाँच करोड दिने भए पछि त्यसका लागि आवश्यक कामहरू सुरु गर्दैछ । साफ च्याम्पियनसिप यसै वर्ष अक्टोबरमा आयोजना हुनेछ ।

त्यस्तै आजको बैठकले लिग विजेतालाई ७५ लाख पुरस्कार राशि दिने पनि निर्णय गरेको छ । अघिल्लो पटकको विजेताले ५० लाख हात पारेको थियो भने यस पटक पुरस्कार राशिमा २५ लाख बढाइएको छ । लिगमा दोश्रो र तेश्रो हुने टोलीले क्रमश ५० र २५ लाख जित्ने छन् भने सबै टोलीले २० लाख एन्फाबाट तयारी खर्च पनि प्राप्त गर्नेछन् ।

१४ टोली सम्मिलित लिग सिंगल राउन्ड रोबिन आधारमा खेलाइने भएको छ । यस अघि लिगको अंक तालिकाको माथिल्लो आठ र तल्लो छ बीच दुई प्रकारको अर्को लिग खेलाउने र त्यसैबाट विजेता र रेलेगेसन छुट्टाउने जनाए पनि कोरोनाको अवस्थालाई ध्यानमा राख्दै सिंगल राउन्ड रोबिन आधारमा खेलाउने निर्णय पनि आजको बैठकले लिएको छ ।

अंक तालिकाको पुछारमा रहने दुई टोली बि डिभिजनमा घटुवा हुनेछन् ।     

अघिल्लो संस्करणको लिग मछिन्द्र क्लबले जितेको थियो ।    


 

Continue Reading

राष्ट्रिय

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

wesportz

Published

on

राष्ट्रिय फुटबल टोलीका मुख्य प्रशिक्षक अब्दुल्लाह अलमुताईरी र अखिल नेपाल फुटबल संघ (एन्फा) का बरिष्ठ उपाध्यक्ष पंकज नेम्बांग बीचको विवाद समाधान गर्नका लागि एन्फाले नेपाल सरकार युवा तथा खेलकुद मन्त्रालयलाई अनुरोध गर्ने भएको छ । 

अलमुताईरीले हिजो मात्र नेम्बांग र दुई सञ्चारकर्मीबिरुद्ध निष्पक्ष छानविन गर्न माग गर्दै एन्फामा निवेदन दिएका थिए । एन्फाको आज बसेको कार्यसमितीको बैठकले दुई बीचको विवाद समाधान गर्न असफल भए पछि मन्त्रालयको सहयोग लिन लागेको हो ।  

अलमुताइरीले केही दिन अघि नेम्बांगको कारण आफू राजीनामा दिन गइरहेको भन्दै फेसबुक स्ट्याटस लेख्दा नेपाली फुटबल तरंगित हुँदै आएको छ ।

अब्दुल्लाहले तीन साता देखि नेम्बांगले आफूलाई तनाव दिइरहेको बताउँदै उनकै कारणले राजीनामा दिने बताएका थिए । तर एन्फा नेतृत्वले उनलाई राजीनामा नदिन आग्रह गरेको थियो ।

नेम्बांगले आफुबिरुद्ध अब्दुल्लाह खनिनु निराधार रहेको र घटनाको छानविन गर्न त्यही दिन नै माग गरेका थिए । उनले आफ्नो गल्ति देखिएमा पदबाट समेत राजीनामा दिने बताएका थिए ।

यस्तै एक अनलाइनका दुई संचारकर्मीबिरुद्ध पनि छानविन गर्न अब्दुल्लाहले माग गरेका हुन् । एन्फामा प्रशिक्षणका दौरान विश्राम लिदै कम्पाउण्ड बाहिर निक्लँदै धूम्रपान गरेको विषयमा प्रश्न गर्दा अब्दुल्लाहले आफुहरुलाई दुर्व्यवहार गरेको भन्दै दुई सञ्चारकर्मीले विरोध जनाएका थिए । उनीहरुले पनि एन्फालाई यो विषयमा छानविन गर्न माग गरेका थिए । 

त्यस्तै एन्फाले नेपालमा साफ च्याम्पियनसिप आयोजना गर्नका लागि नेपाल सरकारले पाँच करोड दिने भएका कारण यसका लागि अब साफमा पहल गर्ने पनि निर्णय लिएको छ । एन्फाले आफ्नै घरेलु मैदानमा साफ च्याम्पियनसिप आयोजना गर्न पहल गर्ने भए पछि साफको तयारीका लागि हाल बन्द प्रशिक्षणमा रहेको नेपाली टोलीको लागि मैत्रीपूर्ण खेल खेल्न भारत, बंगलादेश, सिंगापुरसँग पत्राचार जारी रहेको र यसका लागि आयोजना र सहभागिता जनाउन आवश्यक पहल गर्ने पनि निर्णय लिएको छ ।     

त्यस बाहेक भारतमा अर्को वर्ष आयोजना हुने एएफसी वुमन्स एसिया कपको छनोटको तयारीमा रहेको नेपाली राष्ट्रिय महिला टोलीको मैत्रीपूर्ण खेलका लागि इरान लगायत अन्य देशलाई पनि पहल गर्ने निर्णय लिएको छ ।


 

 

Continue Reading

Headline

नेपालको ओलम्पिक्स सहभागिता सक्कियो

wesportz

Published

on

सरस्वती चौधरी १ सय मिटर दौडको पहिलो चरणबाट बाहिरिएसंगै नेपालको टोकियो ओलम्पिक्सको सहभागिता समाप्त भएको छ ।

म्याराथन धावक गोपीचन्द्र पार्कीलाई अन्तिम समयमा सहभागीता दिलाउन नसकेपछि मौका पाएकी सरस्वतीले दोश्रो हिटमा सहभागी हुंदै निर्धारित दुरी १२ दशमलव ९१ सेकेण्डमा पुरा गरिन् । उनी आफ्नो हिटमा आठौं भएकी थिइन् । यस हिटमा इरानकी फाइसी फर्जानी ११ दशमलव ७६ अंक सहित पहिलो भएकी थिइन् । यो संगै नेपालका सबै ओलम्पियनहरुले आफ्नो प्रतिस्पर्धा पुरा गरेका छन् ।

नेपालको ओलम्पिक्स यात्रा दुई नयां राष्ट्रिय किर्तिमान सहित समाप्त भयो । स्विमिंगमा गौरिका सिंह र एलेक्स शाहले १ सय मिटर फ्रि स्टाइलमा नयां किर्तिमान कायम गरे भने सुटिंगकी कल्पना परियार र जुडोकी सोनिया भट्ट पनि पहिलो चरणबाटै बाहिरिएका थिए ।

Continue Reading
Headline8 hours ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय10 hours ago

दुई महिना पछिलाई सर्यो लिग, विजेताले ७५ लाख पाउने 

Headline16 hours ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय19 hours ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय2 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline2 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय2 days ago

स्टोक्सको अनिश्चित समयका लागि क्रिकेटबाट बिश्राम 

राष्ट्रिय2 days ago

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

Headline3 days ago

नेपालको ओलम्पिक्स सहभागिता सक्कियो

अन्तर्राष्ट्रिय3 days ago

भारतको लज्जास्पद हार, श्रीलंकालाई शृंखला 

Trending

error: Content is protected !!