Connect with us

Headline

चिनको बिशाल बजारमा बायर्न र पिएसजीबीच भिडन्त

wesportz

Published

on

जर्मन महारथी बायर्न म्युनिख र फ्रेञ्च च्याम्पियन पेरिस सेन्ट जर्माइन (पिएसजी) आइतबारको च्याम्पियन्स लिग फाइनलमा पोर्चुगलको राजधानी लिस्बनमा खेल्नेछन् तर संसारकै अर्को कुनामा यी दुई क्लबबीचको भिडन्तले बिशेष अर्थ राख्नेछ ।

संसारकै ठूलो जनसंख्या र बिश्वकै दोश्रो ठूलो अर्थतन्त्र भएको चिन प्रमुख युरोपियन क्लबहरुको लागि एउटा उत्कृष्ट रणभुमि बनिसकेको छ । चिनको बढ्दै गरेको मध्यम बर्गलाई लक्षित गर्दै यी युरोपियन क्लबहरुले अहिले राम्रो आम्दानी निकाल्न खोजिरहेका छन् ।

अधकल्चो समय अनुसार फाइनल चिनमा बिहान ३ बजे शुरु हुने भएपनि बायर्नले आफ्ना समर्थकहरुका लागि ३० वटा चिनिया शहरहरुमा प्रत्यक्ष प्रशारणको पार्टी आयोजना गरेको बताएको छ ।

चिनको सरकारी टेलिभिजन र अनलाइनहरुमा प्रत्यक्ष प्रशारण हुने खेलहरुका लागि पिएसजीका समर्थकहरु पनि उल्लेख्या संख्यामा फाइनल हेर्न उत्रनेछन् । अधिकांश नेमारका फ्यान र ब्राजिलियन स्टारकै जर्सीमा सजिने गरेका पिएसजीका चिनिया समर्थकहरु पिएसजीले पहिलो पटक च्याम्पियन्स लिगको उपाधि उचालेको हेर्न आतुर रहेका छन् । चिनको धेरै फुटबल हेर्ने जनसंख्या ब्राजिलियन राष्ट्रिय टोलीको समर्थक रहेका छन् ।

बायर्नले आफूसँग ११ करोड चिनिया फलोवर रहेको दाबी गर्दै आएको छ । फलोवर भन्ने शब्द त्यती गहकिलो नभएको ले यो संख्यामा यकिन गर्न नसकिने भएपनि चिनले ट्विटरको काउन्टरमा निकालेको साजिक सञ्जाल वेबोमा बायर्नका ४२ लाख समर्थक छन् । पिएसजीको १९ लाख ।

सन् २०१३ मा पछिल्लो पटक उपाधि जितेको बायर्न च्याम्पियन्स लिगको पाँच पटकको बिजेता हो तर फेरि अर्को फाइनल पुग्नुले चिनमा जर्मनको क्लबको प्रोफाइल अझै मजबुद बनाउन महत्वपूर्ण प्रभाव पार्नेछ । “हामी यो देख्न र महसुस गर्न सक्छौं,” चिनको बिशाल बजार ताक्दै सांघाईमा २०१६ मा खोलिएको क्लबका कार्यलय प्रमुख रुभेन क्यास्परले भने ।

“फाइनल पुग्ने क्रममा बार्सिलोनालाई ८–२ ले तहस नहस पारेकै कारण बायर्नलाई लिएर चिनमा बिशेष हल्ला भएको छ । उनीहरु अविश्वसनीय रुपमै आकर्षक फुटबल खेलिरहेका छन् । उनीहरु बिपक्षीमाथि दवाबका साथ आक्रमक हुदै प्रशस्त गोल गरिरहेका छन् । हामीसँग यस्ता खेलाडीहरु छन् जो चिनिया मार्केटका लागि निकै आकर्षक छन्,” क्यास्परले भने ।

वेबोमा बायर्न भन्दा धेरै फलोवर (६१ लाख) रहेका फर्वार्ड तथा जर्मन राष्ट्रिय टोलीका स्ट्राइकर थोमस मुलर चिनमा निकै लोकप्रिय छन् । “सामान्य स्वभावका मुलरको जित्नै पर्ने मानसिकता बायर्नको डिएनए हो,” क्यासपर भन्छन् ।

कोरोना भाइरस महामारिको लकडाउनपछि बुन्डेसलिगा युरोपमा सुचारु भएको पहिलो मुख्य प्रतिस्पर्धात्मक लिग भएको कारण पनि यसले बिश्व बजारमा जर्मन फुटबललाई स्थापित गरेको क्यास्पर मान्छन् । “बुन्डेसलिगा सुचारु हुदा हाम्रो मात्र लिग हुदा बिश्व फुटबल बजारको मञ्च हाम्रै लागि मात्र तयार भएको थियो,” उनले भने ।

नयाँ पुस्ताको क्लब पिएसजी

झण्डै एक दशक अघि पिएसजीको स्वामित्व लिएको कतार स्पोर्ट्स इन्भेस्टमेन्टले पहिलो दिन देखि नै चिनलाई प्रमुख प्राथमिकतामा राखेको थियो, फ्रेञ्च क्लबका एसिया–प्यासिफिक प्रबन्ध निर्देशक सेबास्चियन वासेल्स भन्छन् ।

२०१३ मै आफ्नो वेबो अकाउन्छ खोलेको पिएसजीको उपस्थिति चिनका पाँच सामाजिक सञ्जालमा रहेको छ । चिन हाम्रो लागि निकै नै महत्वपूर्ण भएको कारण नै हामी पछिल्लो दुई बर्षदेखि आफ्नो सिनियर टोली नै चिनमा लगेर खेलिरहेका छौं, वासेल्सले भने । आफ्नो प्रि–सिजन टुरमा पिएसजी जति चिनमा समय बिताउने अन्य कुनै क्लब छ जस्तो मलाई लाग्दैन ।

१९०० मा स्थापित भएको तुलनामा निकै कान्छो रहेको पिएसजी पारम्परिक फुटबल दर्शक भन्दा अरुलाई लक्ष्य गर्दै केही नयाँ गर्ने प्रयासमा रहेको छ । भिडियो गेम खेल्नेहरुलाई क्लबको समर्थकमा परिणत गर्नका लागि पिएसजीले चिनको सबैभन्दा ठूलो इ–स्पोर्ट्स टिम एलजीडी गेमिङ्गसँग साझेदारी पनि गरेको छ ।

“हामी साच्चिकै नयाँ पुस्ताको क्लब हुने प्रयास गरिरहेका छौं । ती युवा फ्यानहरु जसको अहिलेसम्म कुनै मन पर्ने क्लबहरु छैन उनीहरुलाई हामी पिएसजीको समर्थक बनाउन चाहन्छौं,” वासेल्सले भने ।

नेमार र किलियन एमबाप्पेलाई २०१७ मा पिएसजी भित्र्याउदा चिनमा क्लबको समर्थक ह्वात्तै डबल भएका छन् । ठ्याक्कै भन्न नसकिने भएकाले चिनमा पिएसजीको समर्थकहरुको संख्या भन्न नचाहेका वासेल्सले बिश्वकै दोश्रो ठूलो मुलुकमा पिएसजी अहिले द्रत गतिमा अघि बढेको क्लब भएको उनी दाबी गर्छन् ।

च्याम्यिन्स लिगको उपाधि जित्ने हो भने अहिले संख्या डबल हुन सक्नेछ । “बिश्वकै दुई उत्कृष्ट खेलाडीहरुलाई (नेमार र एमबाप्पे) अुनबन्ध गर्दा हाम्रो चिनमा समर्थक दुई गुणा बढेका थिए । च्याम्पियन्स लिगको उपाधि जित्ने हो भने यो प्रकृया फेरि दोहोरिन सक्छ,” वासेल्स भन्छन् ।

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20205 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20205 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय6 hours ago

बटलरको अविजित अर्धशतकमा इंग्ल्यान्डको सहज जित 

Euro 20206 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20209 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय9 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline11 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202014 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline17 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!