Connect with us

Headline

‘बायर्न म्युनिखलाई हराउन सम्भव छ’

wesportz

Published

on

लायोनका फर्वार्ड कार्ल टोको एकाम्बीले आफ्नो टोली बायर्न म्युनिखसँग सेमिफाइनलमा ३–० ले पराजित भए पनि जर्मन च्याम्पियन पराजित नै हुन नसक्ने टोली भने नरहेको बताएका छन् ।

बुधबार भएको च्याम्पियन्स लिग सेमिफाइनलमा क्याम्रुनियन फर्वार्ड एकाम्बीले दुई स्पष्ट गोल गर्ने मौकाहरु गुमाएका थिए । उनले बायर्नका सर्जी नाब्रीले गोल गर्नु अघि लायोनले पाएको मौकालाई सदुपयोग गर्न सकेका थिएनन् । उनले प्रहार गरेको बल पोस्टमा लागेको थियो ।

“हामीले राम्रो गर्न सक्थ्यौं । गोलहरु गर्ने मौका त पाएकै हो । मैले त्यो खेलमा पाएको पहिलो मौकालाई गोल गर्नु पर्ने थियो,” एकाम्बीले खेल पछि भने । “आजको यो खेल हाम्रो लागि थिएन, हामीले धेरै मौकाहरु गुमाउनु पर्यो त्यस माथि पनि हामी विश्वका उत्कृष्ट गोलरक्षक विरुद्ध खेल्दै थियौ ।”

पाँच पटकको च्याम्पियन्स लिग बिजेता बायर्नले फाइनलमा पेरिस सेन्ट जर्माइनको समाना गर्नेछ । बायर्न २०१९ को डिसेम्बर देखी अपराजित रहेको छ । तर एकाम्बीलाई भने बायर्नलाई हराउन सकिने लागेको छ । “बायर्नलाई हराउनै नसकिने भने होइन । हामीलाई बायर्न ठूलो टोली हो भन्ने जानकारी हुदा पनि हामीले राम्रो खेल प्रदर्शन गर्नु पर्ने थियो तर हामी चुक्न पुग्यौ, एकाम्बीले भने ।”

लायोनका प्रशिक्षक रुडी गार्सियालाई पनि उनको टोलीले राम्रो मौकाहरुको सदुपयोग गर्न नसक्दा हार बेहोरेको स्विकारेका थिए । “च्यामपियन्स लिगको अन्य र आजको खेल सम्ममा हामी निकै राम्रो थियौ । तर आज पाएको मौकालाई सदुपयोग गर्न सकेनौ,” गार्सियाले भने ।

Headline

एबी डि भिलियर्स आजदेखि आइपिएल नसकिदासम्म परितोष

wesportz

Published

on

इण्डियन प्रिमियर लिग अन्तर्गत आइतबार निकै रोमाञ्चक हुने अपेक्षा गरिएको खेलमा भारतीय टोलीका कप्तान रोयल च्यालेञ्जर्स बैंग्लोरले डेविड वार्नरको सनराइजर्स हैदराबादको सामना गरिरहेको छ ।

आइपिएलमा सधै प्रबल दाबेदार रहने गरेको बैग्लोरले अहिलेसम्म एक पटक पनि उपाधि जितेको छैन भने दुई पटक फाइनलमा पराजित भएको थियो । बैंग्लोरको टिम सधै झै यसपटक पनि निकै बलियो देखिन्छ, मुख्यत कोहली र दक्षिण अफ्रिकी ब्याटिङ्ग स्टार एबि डि भिलियर्सको उपस्थितिका कारण ।

यो सिजन भने बैंग्लोरका लागि फरक रहनेछ र कारण हुनु डि भिलियर्स । डि भिलियर्स आइतबार मैदान उत्रदा उनको जर्सीमा आफ्नो नाम हुने छैन । फ्रान्चाइज लिगमा डि भिलियर्सले आफ्नो जर्सीमा नाम एबिडि लेख्दै आइरहेका छन् भने राष्ट्रिय टोलीका लागि एबि डि भिलियर्स नै ।

तर यसपटक डि भिलियर्सले आफ्नो जर्सी पछाडी परितोष लेख्नेछन् ।

कारण के हो त ?

बिजय माल्याको बैंग्लोरले हरेक जसो आइपिएल सिजनमा सामाजिक उत्तरदायित्व अन्गर्त बिभिन्न अभियानहरु गर्दै आइरहेको छ । अघिल्लो सिजन पनि उसले हरियाली बचाउने नारा सहित गो ग्रिन अभियानमा साथ दिएको थियो र यसै कारण आफ्नो जर्सीको रङ्ग पनि हरियो बनाएको थियो ।

यो सिजन बैंग्लोरले कोरोना भाइसर संक्रमणबाट जुध्न फ्रन्टलाइनमा रहेर काम गर्नेहरुको समर्थनमा अभियान सञ्चालन गरिरहेको छ । बैंग्लोरका सबै खेलाडीले यो सिजन फ्रन्टलाइनमा काम गर्नेहरुको समर्पणमा आफ्नो जर्सी पछाडी कोभिड हिरोज लेख्नेछन् ।

डि भिलियर्सले भने यो बाहेक जर्सीमा परितोष लेख्ने भएका हुन् । उनले फिडिङ्ग फ्रम फार (टाढा रहेर खुवाउदै) अभियान चलाउदै गरिब तथा निमुखाहरुलाई खाना ख्वाउने काम गरिरहेका परितोष पन्तको नाममा यो पुरै सिजन आफ्नो जर्सीमा नाम परिवर्तन गर्न लागेका हुन् ।

डि भिलियर्सले ट्विटरमा आफ्नो ह्याण्डल पनि परितोष पन्त भनेर परिवर्तन गरेका छन् । आइतबार हैदराबादबिरुद्ध खेल्नु अघि बैंग्लोरले आफ्नो सामाजिक सञ्जालमा कोभिड–१९ बिरुद्ध लड्ने फ्रन्टलाइनरहरुको समर्पणमा भिडियो पनि पोष्ट गरेको थियो ।

Continue Reading

Headline

प्रिमियर लिग: सिजनकै पहिलो खेल खेल्दै म्यानचेस्टर सिटी

wesportz

Published

on

प्रिमियर लिगको दोस्रो चरणका खेलहरुको आज अन्तिम दिन पहिलो खेलमा सेफिल्ड युनाइटेडले एस्टन भिल्लाको समाना गर्दै छ भने दोस्रो खेलमा म्यानचेस्टर सिटीले उल्भ्ससँग खेल्ने छ ।

आफ्ना-आफ्ना पहिलो खेल हारेका सेफिल्ड र एस्टन भिल्ला आमने समाने हुने छ्न् । एस्टन भिल्लाको घरमा हुने खेलमा दुवै टोली तीन अंकका लागि खेल्ने छन् ।

सेफिल्ड युनाइटेडले १९७३/१९७४ देखी अहिले सम्म लगातार दुई खेलमा पराजित हुनु परेको छैन । एस्टन भिल्लाले भने आफ्नो घरमा भएका पछिल्ला पाँच खेल मद्दे चार खेल हार्न पुगेको छ । यस् पटक पनि रेलिगेसनका लागि दावेदार मानिएको एस्टन भिल्लालाई आजको खेल जित्ने दवाव हुने छ ।

खेल नेपाली समय अनुसार राती १०:४५ मा सुरु हुने छ ।

यस्तै युरोपियन प्रतियोगिता खेलेका कारण पाएको छुट्टी सकिएको म्यानचेस्टर सिटीले अर्को खेलमा वुल्भ्सको समाना गर्ने छ ।

गत बर्षको दोस्रो स्थानमा सिजन सकाएको सिटी यो पटक भने उपाधी दवेदार मानिएको छ । टोलीका मुख्य खेलाडी सर्जियो अगवेरो चोटका कारण खेल गुमाउने छन् भने सिटीले भित्र्याएका नयाँ खेलाडी मद्धे नाथन अके र फेरान टोरेसले आजको खेलमा डेब्यु गर्ने सम्भावना बलियो देखिन्छ ।

गएको सिजन वुल्भ्ससँग लिगका दुवै खेल हारेको सिटीले यो पटक भने जितको आशा राखेको छ । पछिल्ला ११ बर्षमा प्रिमियर लिगमा खेलेका पहिलो खेलमा एक खेल पनि नहारेको सिटीलाई ईतिहास कायम राख्न आजको खेल जित्नै पर्ने दवाव रहने छ ।

खेल नेपाली समय अनुसार राती १:०० बजे सुरु हुने छ ।

Continue Reading

Headline

युरोपियन फुटबलमा शनिबारः पिर्लोको बिजयी शुरुवात, एमबाप्पेको उत्कृष्ट पुनरागमन, रियल पहिलो खेलमै बराबरीमा रोकियो

wesportz

Published

on

आन्द्रे पिर्लोले प्रशिक्षकको रुपमा उत्कृष्ट शुरुवात पाउदा युभेन्टसले इटालियन सिरी आ अन्तर्गतको आफ्नो पहिलो खेलमा साम्पडोरियालाई ३–० ले हराएको छ ।

टुरिनमा भएको खेलमा स्वेडिस डेब्युटेन्ट डेजान कुलुसेभ्स्कीले १३ मिनेटमै युभेन्टसको खाता खोलेका थिए भने लियोनार्डो बोनुच्चिले ७८ औं मिनेटमा दोश्रो गोल गरे । क्रिष्चियानो रोनाल्डोले अन्तिम समयमा तेश्रो गोल गरेका थिए ।

गत बुधबार मात्र व्यवसायिक प्रशिक्षणको लाइसेन्स पाएका पिर्लोको अब अर्को यात्रा एएस रोमातर्फ हुनेछ भने त्यसपछि नापोलीसँग खेल्नेछन् । नापोलीले शनिबारकै खेलमा पार्मालाई २–० ले हराएको थियो ।

शनिबारको खेल देखि इटालियन लिगमा एक हजार सम्म दर्शकलाई रँगशाला प्रवेश गर्ने अनुमति दिइएको छ ।

रियल म्याड्रिड पहिलो खेलमा रोकियो

स्पेनिस ला लिगामा डिफेन्डिङ्ग च्याम्पियन रियल म्याड्रिड आफ्नो पहिलो खेलमै रियल सोसिडाडसँग गोलरहित बराबरीमा रोकिएको छ । खेलमा निकै कम मौका सृजना गरेको रियलले केही गोल गर्ने अवसर गुमाएको थियो ।

म्यानचेस्टर सिटीका पुर्व मिडफिल्डर डेविड सिल्भाले रियल सोसिडाडका लागि डेब्यु गरे तर गोलको मौका बनाउन सकेनन् । रियल खेलमा एडेन हजार्ड र ग्यारेल बेलको अनुपस्थितिमा खेलिरहेका थिए । हजार्ड घाइते रहेका छन् भने बेल इङ्गलिस टोली टोटेन्ह्याम हटस्पर फर्किसकेका छन् ।

शनिबार नै ला लिगामा भएका अन्य खेलहरुमा रियल बेटिसले रियल भालाडोलिड र काडिजले हुवेस्कालाई समान २–० गोल अन्तरले पराजित गरे भने ग्रानडाले आल्भेसलाई २–१ ले हरायो ।

एमबाप्पेको उत्कृष्ट पुनरागमन

कोरोना भाइरस संक्रमणका कारण फ्रेञ्च लिग वानमा शुरुवाती तीन खेल गुमाएका फ्रेञ्च स्टार किलियन एमबाप्पेले उत्कृष्ट पुनरागमन गरेका छन् । शनिबारको खेलमा पिएसजीले निसलाई ३–० ले हराउदा एमबाप्पे गोल गर्न सफल भए ।

एमबाप्पेले पेनाल्टीमा गोल गर्दै पिएसजीलाई ३८ औं मिनेटमा अग्रता दिलाए भने एन्जेल डि मारियाले अतिरिक्त समयको पहिलो मिनेटमा दोश्रो गोल गरेका थिए । दोश्रो हाफको २१ मिनेटपछि मार्किन्होसले गोल गर्दै पिएजसीलाई फराकिलो जित दिलाए ।

यसअघिको खेलमा रेड कार्ड खाएका कारण पिएसजीका ब्राजिलियन स्टार नेमारले खेल गुमाएका थिए । नेमारलाई थप दुई खेलका लागि पनि प्रतिबन्ध गरिएको छ । पिएसजीले लिगमा पहिलो चारमध्ये दुई खेल जितेको छ ।

अन्य खेलमा नान्टेसले सेन्ट एटिनेसँग २–२ र मार्सेले लिलसँग १–१ को बराबरी खेलेका छन् । ब्रेस्टले ओरिएन्टलाई ३–२ र मोन्टपेलियरले एन्जर्सलाई ४–१ ले हरायो ।

Continue Reading
Headline2 hours ago

एबी डि भिलियर्स आजदेखि आइपिएल नसकिदासम्म परितोष

Headline3 hours ago

प्रिमियर लिग: सिजनकै पहिलो खेल खेल्दै म्यानचेस्टर सिटी

Headline8 hours ago

युरोपियन फुटबलमा शनिबारः पिर्लोको बिजयी शुरुवात, एमबाप्पेको उत्कृष्ट पुनरागमन, रियल पहिलो खेलमै बराबरीमा रोकियो

अन्तर्राष्ट्रिय15 hours ago

निकै रोमान्चक खेलमा दिल्लीद्वारा पन्जाब सुपर ओभरमा पराजित 

Headline16 hours ago

मानेको दुई गोल,चेल्सी लिभरपुलसँग पराजित

अन्तर्राष्ट्रिय20 hours ago

पन्जाब विरुद्ध दिल्ली पहिले ब्याटिङ गर्दै, परेनन् सन्दिप सुरुवाती ११ मा 

Headline20 hours ago

सिरी आ मा समर्थकहरु फर्किएको दिन नापोलीको जित

Headline21 hours ago

सनको चार गोलमा टोटनह्यामको पहिलो जित

Headline21 hours ago

सात महादेशका सात उत्कृष्ट खेलाडीहरु

Headline1 day ago

सिजनको पहिलो ठूलो लिग खेलमा लिभरपुल र चेल्सी भिड्दै

Headline6 days ago

धेरै ऋणको भारी बोकेका पाँच युरोपेली क्लबहरु

Headline4 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Headline3 months ago

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

Trending