Connect with us

राष्ट्रिय

क्यारेबियन प्रिमियर लिग सन्दिपको उत्कृस्ट सुरुवात 

wesportz

Published

on

क्यारेबियन प्रिमियर लिग (सीपीएल) अन्तर्गत आफ्नो सेन्ट लुसिया जौक्स बिरुद्दको आफ्नो पहिलो खेलमा नेपाली रास्ट्रिय क्रिकेट टोलीका लेग स्पिनर सन्दिप लामिछानेले उत्कृस्ट प्रदर्शन गरेका छन् ।

चार ओभर बलिङ गरेका सन्दिपले २३ रन खर्चिएर एक विकेट हात पारेका हुन् । सन्दिपले आफ्नो चौथों तथा अन्तिम ओभरको दोश्रो बलमा नाजिबुल्लाह ज़द्रानको विकेट लिएका हुन् । ठुलो सट खेल्ने प्रयासमा ज़द्रान कप्तान रोभम्यान पावेलको हातबाट क्याच भएका हुन् ।

यस सँगै सन्दिपले आफ्नो पहिलो र तेश्रो ओभरमा समान ८-८ रन तथा दोश्रो ओभरमा उत्कृस्ट बलिङ गर्दै मात्र तीन रन खर्चिए ।

सन्दिपलाई जमैकाले यस सिजन मार्की खेलाडीका रुपमा आफ्नो टोलीमा अनुबन्ध गरेको थियो ।

२० बर्षे सन्दिपले सिपीएलको पहिलो दुई संस्करणमा बार्बेडोस ट्राइडेन्ट्स र सेन्ट किट्स एण्ड नेभिस पेट्रियट्सबाट खेलेका थिए । उनले सिपिएलमा अहिलेसम्म कुल १५ विकेट हात पारिसकेका छन् । नेपालबाट ट्वान्टी ट्वान्टीमा एक सय विकेटको आंकडा पार गर्ने सन्दिप पहिलो र हालसम्म एक मात्र खेलडी हुन् ।

सन्दिपले तलावाजमा आन्द्रे रसेल, कार्लोस ब्रेथवेट, रोभमन पावेल, मुजिब उर रहमान र फिडेल एड्वार्ड्स जस्ता क्रिकेटरहरुसँग खेल्ने छन् । सन्दिपले आजको खेलमा मुजिबसँग मिलेर जमैकाको स्पिन आक्रमण सम्हाल्ने प्रवल सम्भावना छ ।

कोरोनाका कारण वेस्ट इन्डिज पुगे पछि १४ दिन क्वारेन्टाइनमा बस्न पर्ने भएका कारण सन्दिप अगस्ट एक तारिखमा वेस्ट इन्डिज पुगेका थिए ।

Headline

बागमतीलाई फराकिलो अन्तरले हराउदै सुदुर पश्चिम फाइनलमा

wesportz

Published

on

बागमती प्रदेशलाई ८ विकेटको फराकिलो अन्तरले पराजित गर्दै सुदुर पश्चिम प्रदेश अण्डर १९ राष्ट्रिय क्रिकेट प्रतियोगिताको फाइनलमा प्रवेश गरेको छ । आइतबार हुने फाइनलमा सुदुर पश्चिमले लुम्बिनीको सामना गर्नेछ ।

फाइनल प्रवेशका लागि ७४ रनको फराकिलो जितको आवश्यकता रहेको बागमती प्रदेश त्रिवि क्रिकेट मैदानमा ३० दशमलव एक ओभरमा मात्रै ९५ रनमा समेटियो । सुदुर पश्चिमले २३ दशमलव १ ओभरमा मात्र दुई विकेटको क्षतिमा जित हात पार्यो ।

३७ रनमा दुई विकेटका गुमाएको सुदुर पश्चिमलाई सहज जित दिलाउन नरेन भट्ट र राहुल भण्डारीले नटआउट ५९ रनको साझेदारी गरेका थिए ।

नरेनले ५८ बलमा ६ चौका प्रहार गर्दै ३७ रन बनाए भने राहुलले ३९ बलमा ३१ रन बनाए । उनले पाँच चौका प्रहार गरे । बागमतीका लागि गौतम केसी र प्रतिस जिसीले १–१ विकेट लिए ।

यसअघि हेमन्त धामीले घातक बलिँग गर्दा बागमतीले आफ्नो पहिलो पाँच विकेट २६ रनमै गुमाएको थियो । चौथो नम्बरमा ब्याटिङ्ग गर्न आएका बिबेक मगरले एक पटक फेरि बागमतीलाई सम्हाल्नु परेको थियो । उनले छैटौं विकेटका लागि क्रिस कार्कीसँग ३६ रनको साझेदारी गरेका थिए ।

क्रिसले ३० बलमा दुई चौका र एक चौकाको मद्दतमा १७ रन बनाए । नटआउट रहेका बिबेकले ७५ बलमा चार चौका प्रहार गर्दै ३२ रन जोडे । सुदुर पश्चिमका लागि शेर मल्लले पनि चार विकेट लिएका थिए ।

Continue Reading

Headline

गण्डकीसँग हारेपछि प्रदेश १ अण्डर १९ राष्ट्रिय क्रिकेटबाट बाहिरियो

wesportz

Published

on

गण्डकी प्रदेशसँग एक विकेटले स्तब्ध भएपछि अण्डर १९ राष्ट्रिय क्रिकेट प्रतियोगितामा पहिलो तीन खेल जितेको प्रदेश १ अन्तिम तीनमा पराजित हुँदै बाहिरिएको छ ।

त्रिवि क्रिकेट मैदानमा कमजोर ब्याटिङ्ग प्रदर्शन गरेको प्रदेश १ ४४ दशमलव ४ ओभरमा १ सय ३३ रनमा अल आउट भयो । सहज जितका लागि अग्रसर गण्डकी बिरुद्ध बलिङ्गमार्फत पुनरागमन गरेपनि गण्डकीले ३८ ओभरमा ९ विकेटको क्षतिमा १ सय ३६ रन बनायो ।

गण्डकी र सुदुर पश्चिमसँगै समान ६ अंक रहेको प्रदेश १ रनरेटको आधारमा चौथो स्थानमा रह्यो । शिर्ष दुई स्थानमा रहने टोली फाइनल प्रवेश गर्ने प्रतियोगितामा लुम्बिनीले १० अंकका साथ शिर्ष स्थान कब्जा गरिसकेको छ । जितका बावजुद गण्डकी पनि बाहिरिएको छ भने बलियो रनरेट सहितको सुदुर पश्चिम अन्तिम एक स्थानको दाबेदार रहेको छ । सुदुर पश्चिमले शुक्रबार बागमती प्रदेशसँग अन्तिम लिग खेल खेल्दैछ ।

बागमतीसँग फराकिलो अन्तरले हार्ने हो भने सुदुर पश्चिम रनरेटको आधारमा बाहिरिने खतरा पनि छ । चार अंक रहेको बागमतीलाई फाइनल पुग्ने अवसर छ ।

बिहिवार प्रतियोगिताकै कमजोर मध्ये एक टोली मानिएको गण्डकीबिरुद्ध प्रदेश १ ले शुरुवात देखि नै संघर्ष गर्यो । सोनु मण्डल (११) र दिपेश कँडेलले पाचौं विकेटका लागि ३० रनको साझेदारी गर्ने बाहेक प्रदेश १ लागि ब्याटिँगमा केही उल्लेखनीय हुन सकेन ।

आठौं विकेटको रुपमा आउट भएका दिपेशले १ सय १३ बल खेल्दै ४६ रन बनाए । उनले चार चौका र एक छक्का प्रहार गरे । दिपक जोशी (१६), बिबेक मेहता (१४) र ओपनर सोनु अन्सारी (१३) दोहोरो अंक छुने अन्य ब्याट्स्म्यानको रुपमा रहे ।

गण्डकीका लागि कमल परियरले तीन विकेट लिए भने सुदिप अर्यालले दुई विकेट हात पारे ।

पहिलो विकेट चार रनमै गुमाएको गण्डकीलाई अर्का ओपनर अर्जुन कुमालले सम्हाले । उनले दोश्रो विकेटका लागि दिपक डुम्रेसँग ६७ रनको पार्टनरसिप गरे । दिपक आउट भएपछि अर्जुनले मिलन क्षेत्री (२४) सँग अर्को २६ रन जोडे ।

तर अर्जुन आउट भएसँगै गण्डकीले निरन्तर विकेट गुमायो । ९७ रनमा दुई विकेट रहेको गण्डकी केही क्षणमै १ सय १२ मा ९ विकेटको कमजोर स्थितिमा पुगेको थियो । तर किरण पौडेल (१२ नटआउट) ले गण्डकीलाई जित दिलाए ।

म्यान अफ द म्याच दिपेशले प्रदेश १ का लागि १० ओभरमा ७ मेडन राख्दै मात्र १० रन खर्चिएर चार विकेट लिएका थिए । लव कामतले तीन विकेट हात पारे । अर्जुनले ७० बलमा ४५ रन जोड्दा ६ चौका प्रहार गरे भने दिपकले ५९ रनमा ३३ रन बनाउदा ७ चौका हिर्काए ।

Continue Reading

Headline

‘बल प्लेयिङ डिफेन्डर’ जम्दै गर्दा पृथक देखिन थालिएको घरेलु फुटबल

गौरव फुयाल

Published

on

‘बल प्लेयिङ डिफेन्डर’ को शाब्दिक अनुवाद नभएपनि यसको व्यवहारिक उपस्थिति नेपाली फुटबलमा बढी देखिन थालिएको छ । बल प्लेयिङ डिफेन्डर आधुनिक फुटबलमा मात्रै देखिने थालिएको होइन । इतिहास  हेर्ने हो भने पनि सन् १९५८ को ब्राजिलको टोलीलाई हेर्दा पर्याप्त हुन्छ ।

१९५८ बिश्वकपका दौरान भिसेन्ते इटालो फेओला ब्राजिलको प्रशिक्षक रहँदा उनको टोलीको खेल्ने शैलीलाई बिश्वले पछ्याइरहदा उनले फुटबलमा नयाँ शैलीमा खेल्ने खेलाडी नै बनाए । दक्षिण अमेरिकि फुटबलकै लोकप्रिय शैली ४–४–२ लाई भिसेन्तेले ४–२–४ को रणनीतिमा परिवर्तन गरे ।

यो खेल्ने शैलीमा उनले पुरानो ‘फर्मेसन’ बाट एक डिफेन्डरलाई मिडफिल्डरको भुमिका दिदै बललाई फर्वार्ड सम्म पुर्याउने र आँफै मुभ बनाउने जिम्मा दिए र त्यहीबाट यो नयाँ प्रयोगको आगमन भयो ।

ब्राजिलले १९५८ देखी १९७० सम्म आफ्नो फुटबल इतिहासकै स्वर्णिम पुस्ता पायो । भिसेन्तेको नयाँ प्रयोगले ब्राजिललाई त्यस अवधिमा चार मध्ये तीन बिश्वकप जिताउन बिशेष भुमिका खेल्यो ।

त्यस पछिका दिनहरुमा ४–२–४ फर्मेसन नै हराउन थाले । फुटबल अझै आक्रमक बन्न थाल्यो र एट्याकिङ्ग मिडफिल्डरहरुको भूमिका बढ्दै गयो । बलहरु ‘एयर’ मा भन्दा ‘ग्रास’ मा खेल्न थालिए ।

२०१८ पछि भने बल प्लेयिङ डिफेन्डरहरुको पुनरागमन हुन थालेको छ र यसको प्रभाव नेपाली फुटबलमा नपर्ने कुरै भएन ।

जारी शहीद स्मारक ए डिभिजन लिगमा युवा प्रशिक्षकहरुले आफ्नो डिफेन्डरलाई बल प्लेयिङ भूमिकामा खेलाएका छन् । नेपाली राष्ट्रिय टोलीका पुर्व डिफेन्डर रविन श्रेष्ठले नेपाली टोली र नेपाल पुलिस क्लबमा लामो समय यो भुमिका प्रभावकारी रुपमा निभाउदै आएका थिए।  तर अहिले भने लगभग सबै क्लबले आफ्नो डिफेन्डरलाई यो रोल दिएका छन् ।

लिगमा उपस्थित १४ मध्ये १० टोलीले खेलाडीलाई यो भुमिकामा उतार्दै आइरहेका छन् । तर टिम फर्मेसन भने परिमार्जित हुँदै आएको छ ।

आधुनिक फुटबलमा प्रशिक्षकहरु आक्रमण गर्दा जसरी ३–४–३ को फर्मेसनमा जान्छन् र डिफेन्ड गर्दा ५–४–२ वा ५–४–१ को पोजिसन लिन लगाउछन् र त्यसरी नै चाहे अनुरुप उनीहरु डिफेन्डरलाई खेलमा राणनीति अनुसार उतार्छन् ।

लिगमा उक्त शैलीले प्रभाव पारेको खेल थियो फ्रेन्ड्स विरुद्ध संकटा । भर्खरै एएफसी ए लाइसेन्स प्राप्त गरेका युवा प्रशिक्षक बिष्णु गुरुङको टोलीको पनि राणनीतिमा यस्ता डिफेन्डर रहेका छन् । निरज बस्नेत उक्त खेलमा निकै चुस्त देखिए । डिफेन्स र एट्याक दुवैको तंथ्याक हेर्ने हो भने पनि उनी उक्त खेलमा अब्बल नै थिए ।

४२ औँ मिनेटमा फ्रेन्ड्सका प्रकाश बुढाथोकीले गरेको अविश्वसनीय गोलले संकटालाई केही दवाब पर्यो र पहिलो हाफ देखि नै निकै लोभ्याउदो प्रदर्शन गरेका निरजले दोस्रो हाफमा आँफै गोल पनि गर्न सफल भएका थिए । लामो समय सम्म बिट नभएका फ्रेन्डसका भारतीय गोलरक्षक राहुल यादवलाई चक्मा दिदै निरज लुपिङ हेडर मा गोल गर्न सफल भएका थिए ।

त्यस गोल पछि संकटाले कुल ६ खतरनाक मुभहरु बनाउदा चार मुख्य पास पनि निरजकै एयर बल बाट सम्भव भएको थियो । ८७ औँ मिनेटमा संकटा गोल पनि गर्न सफल भयो । पहिलो खेल हिमालयन शेर्पासँग बराबरी खेले पछि दोस्रो खेलमा संकटा ३ अंक लिन सफल भएको थियो ।

“मैले उनलाई यही नै रणनीतिमा खेल्नु भनेर पठाउदिन तर जे होस बल प्लेयिङ डिफेन्डर भए पछि निरजले राम्रो भूमिका निर्वह गर्छन्,” संकटाका प्रशिक्षक गुरुलङले भने । “हामीले हाम्रो राणनीति अनुसार खेल्दा देखि नै कता–कता बल खोस्ने कता बाट पोजेसनमा पकड बनाउने सबै यही डिफेन्डरकै वरिपरी घुम्ने गर्छ ।”

पहिले स्विपरका नामले चिनिने यि डिफेन्डरको काम मा मात्र होइन नाममा पनि परिवर्तन आयो र साथै खेल्ने शैलीमा पनि । नेपाली खेलाडीहरु पनि यस्ता बल प्लेयिङ डिफेन्डरका रुपमा उदाउन थालेका छन् । यस्ता खेलाडीको बिशेषता भनेको उनीहरु डिफेन्सिभ मिडफिल्डर र सेन्टर ब्याक दुवै हुने गर्छन् ।

निरज मात्रै नभएर हाल नेपाली क्लबहरुमा एपिएफ फुटबल क्लबका राजन गुरुङ, मछिन्द्रका देवेन्द्र तमाङ, मनाङ मस्र्याङ्दीका दिनेश राजवंशी र  थ्री स्टारका अनन्त तमाङलाई बल प्लेयिङ डिफेन्डरको रुपमा हेर्न सकिन्छ ।

गत अक्टोबरमा साफ च्याम्पियनसिपको तयारीमा रहदा नेपालका मुख्य खेलाडी मनिएका रोहित चन्द अनुपास्थित हुने हल्ला बढ्दै गर्दा प्रशिक्षक अब्दुलाह अल्मुताइरीले राजन गुरुङलाई पहिलो क्याम्प देखि कतारमा नेपालले तयारी गर्ने समय सम्म राखेका थिए । राजनले भारत विरुद्ध नेपालमा भएको मैत्रिपूर्ण खेलमा डेब्यु पनि गरेका थिए ।

बल प्लेयिङ डिफेन्डरको उपस्थितीमा टोली रक्षापंक्तिमा त उतिकै अब्बल देखिने त छँदैछ अग्रपंक्तिमा पनि निकै मौका बनाउन सक्षम देखिने गरेको छ ।

 

Continue Reading
Headline2 days ago

बागमतीलाई फराकिलो अन्तरले हराउदै सुदुर पश्चिम फाइनलमा

Headline2 days ago

रोनाल्डोको ८ सय गोलको कोशेढुँगा

Headline3 days ago

गण्डकीसँग हारेपछि प्रदेश १ अण्डर १९ राष्ट्रिय क्रिकेटबाट बाहिरियो

Headline3 days ago

‘बल प्लेयिङ डिफेन्डर’ जम्दै गर्दा पृथक देखिन थालिएको घरेलु फुटबल

Headline3 days ago

प्रकाशले ८ विकेट लिँदा प्रदेश २ अण्डर १९ राष्ट्रिय क्रिकेटबाट बाहिरियो

Headline4 days ago

बसिरको ५ विकेट, देव र आकाशको शतकीय साझेदारीपछि लुम्बिनी फाइनलमा

Headline4 days ago

प्रदेश १ लाई हराउदै सुदुर पश्चिम फाइनल समिकरणमा कायमै

Headline5 days ago

सुदुर पश्चिमको दोश्रो जितमा अर्जुन नायक

Headline5 days ago

बागमतीलाई सानो लक्ष्यमा संघर्ष गराएको कर्णाली बाहिरियो

Headline5 days ago

बालोन डि ओरः फेरि पनि मेस्सीकै राज

Headline12 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline2 years ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!