Connect with us

अन्तर्राष्ट्रिय

क्यारेबियन प्रिमियर लिग : पहिलो दिन ट्रिनबागो र बार्बाडोस विजयी

wesportz

Published

on

क्यारेबियन प्रिमियर लिग (सिपीएल) अन्तर्गत पहिलो दिनको खेलमा ट्रिनबागो नाइट राईडर्स र बार्बाडोस ट्रिड़ेन्ट्स विजयी भएका छन् ।

सिपीएलको पहिलो दिनको पहिलो खेलमा सुनिल नारायणको अलराउण्ड प्रदर्शनमा ट्रिनबागोले गुयाना अमाजन वारियर्सलाई चार विकेटलेले पराजित गर्यो ।

वर्षाले प्रभावित खेलमा टस हारेर पहिले ब्याटिङ गरेको गुयानाले पुरै १७ ओभर खेल्दै पाँच विकेटको नोक्सानीमा १४४ रन बनायो ।

गुयानाको तर्फबाट शिम्रोन हेटमायरले अविजित रहँदै सर्वाधिक ६३ रन बनाए भने रस टेलरले पनि २१ बलमा ३३ रनको पारी खेले । ४४ बलको सामना गर्दै समान २-२ चौका र छक्का प्रहार गरे । २३ रनको अवस्थामा दुई विकेट गुमाएको गुयानाको पारी सम्हाल्ने क्रममा हेटमायर र टेलरले ५० रनको साझेदारी गरे ।

जवाफी ब्याटिङ गरेको ट्रिनबागो जितमा सुनिल नारायणले तुफानी अर्धशतकीय पारी खेले । ओपनिङमा आएका नारायणले २८ बलको सामना गर्दै ड़ुई चौका र चार छक्काको मद्धतमा सर्वाधिक ५० रन बनाए । खेलको म्यान अफ द म्याच घोषित उनले बलिङ तर्फ पनि दुई विकेट हात पारे ।

त्यस्तै गत राती सम्पन्न दोश्रो खेलमा बार्बाडोसले सेन्ट किट्स एण्ड नेभिस प्याट्रिओट्स माथि छ रनको रोमान्चक जित हात पार्यो ।

बार्बाडोसले दिएको १५४ रनको लक्ष्य लिएर ब्याटिङमा उत्रिएको सेन्ट किट्सले २० ओभर खेल्दै पाँच विकेटको नोक्सानीमा मात्र १४७ रन बनाउन सक्यो ।

बार्बाडोसको जितमा मिचेल स्यान्टनर र रशिद खानले समान २-२ विकेट हात पारे । खेलको म्यान अफ द म्याच घोषित स्यान्टनरले चार ओभर बलिङ गर्दै एक मेडन ओभर सहित मात्र १८ रन खर्चिए ।

सेन्ट किट्सको तर्फबाट जोशुआ डी सिल्भाले अविजित रहँदै ४१ बलमा ४१ रन तथा बेन डन्कले २१ बलमा ३४ रन जोडे पनि आफ्नो टोलीलाई जित दिलाउन सकेनन् ।

यस अघि खेलमा टस हारेर ब्याटिङ गरेको बार्बाडोसले खराब सुरुवात गरे पनि कप्तान जेसन होल्डर र कायल मायर्सले क्रमश २२ बलमा ३८ रन तथा २० बलमा ३७ रन नौं विकेटको नोक्सानीमा १५३ रनको योगफल तयार पार्न सक्यो । आठ रनको अवस्थामा तीन विकेट गुमाएको बार्बाडोसको लागि उनीहरुले चौथों विकेटका लागि ६१ रन जोडे ।

बार्बाडोस मध्यम स्कोर तर्फ अघि बढी रहे पनि आठौँ र १०औं नम्बरमा ब्याटिङ गर्न आएका मिचेल स्यान्टनर र रशिद खानले क्रमश १८ बलमा २० रन तथा २० बलमा अविजित २६ रन जोड्दै राम्रो योगफल सम्म पुर्याए । अन्य ब्याट्सम्यानले दोहोरो अंकमा रन पनि जोड्न सकेनन् ।

Click to comment

Leave a Reply

Your email address will not be published. Required fields are marked *

अन्तर्राष्ट्रिय

वर्ल्ड टेस्ट च्याम्पियनसिपको फाइनल पुग्ने लक्ष्य सहित भारतले इंग्ल्यान्डको सामना गर्दै

wesportz

Published

on

आगामी जुनमा इंग्ल्यान्डको लर्ड्समा आयोजना हुने वर्ल्ड टेस्ट च्याम्पियनसिपको फाइनल पुग्ने लक्ष्य सहित घरेलु टोली भारतले चौथों तथा अन्तिम टेस्टमा इंग्ल्यान्डको सामना गर्दैछ । खेल नेपाली समय अनुसार भोली बिहान ९:४५ बजे सुरु हुनेछ ।

चार खेलको शृंखलामा भारत २-१ ले अघि रहेको छ । भारतले फाइनलमा स्थान सुरक्षित गर्न अन्तिम टेस्टमा जित अथवा ड्र निकाल्न पर्ने हुन्छ ।

भारतले जित निकालेको खण्डमा अथवा ड्र मात्र खेले पनि फाइनलमा आफ्नो स्थान सुरक्षित गर्नेछ भने हारको सामना गरेको खण्डमा अष्ट्रेलियाले फाइनल खेल्ने मौका प्राप्त छ । न्युजिल्याण्डले यस अघि नै फाइनलको स्थान सुरक्षित गरेका कारण एक टोलीको मात्र सम्भावना रहने छ ।

तेश्रो टेस्ट अघि सम्म इंग्ल्यान्डको पनि फाइनल खेल्ने आशा जीवितै रहे पनि तेश्रो टेस्टमा १० विकेटको लज्जास्पद हारको सामना गर्दा फाइनलको यात्रा समाप्त भएको थियो ।

पहिलो टेस्टमा २२७ रनको फराकिलो जित दर्ता गर्दै उत्कृस्ट सुरुवात गरेको इंग्ल्यान्डले दोश्रो टेस्टमा ३१७ रनको लज्जास्पद हारको सामना गर्न पुग्यो । त्यस्तै तेश्रो टेस्टमा १० विकेटको हारको सामना गर्दा खेल दुई दिनमा सकिएको थियो ।

Continue Reading

Headline

अफगानिस्तानको जिम्बाब्वेसँग लज्जास्पद हार

wesportz

Published

on

अफगानिस्तानले जिम्बाब्वे विरुद्धको पहिलो टेस्टमा १० विकेटको लज्जासपद हारको सामना गरेको छ ।

अफगानिस्तानले दिएको १७ रनको लक्ष्य जिम्बाब्वेले तीन दशमलब दुई ओभर खेल्दै बिना विकेटको नोक्सानी जित दर्ता गराउन सफल भयो । यससँगै उसले दुई खेलको टेस्ट शृंखलामा १-० को अग्रता पनि कायम गरेको छ ।

खेलमा टस जितेर पहिले ब्याटिङ गरेको अफगानिस्तानले आफ्नो पहिलो पारीमा ४७ ओभर खेल्दै १३१ रन बनाउँदा आफ्ना सबै विकेट गुमाउन पुग्यो भने जवाफी ब्याटिङ गरेको जिम्बाब्वेले कप्तान सिन विलियम्सको शतकको मद्धतमा ७२ ओभर खेल्दै आफ्ना सबै विकेट गुमाएर २५० रन बनायो र पहिलो पारीको आधारमा ११९ रनको अग्रता लिन सफल भयो । त्यस्तै आज नै आफ्नो दोश्रो पारी सुरु गरेको अफगानिस्तानले १३५ रन बनाउँदा मात्र १६ रनको अग्रता हात पार्न सक्यो।

अफगानिस्तानलाई पहिलो पारीमा सस्तैमा रोक्ने क्रममा जिम्बाब्वेका ब्लेसिङ मुजराबानीले सर्वाधिक चार विकेट हात पारे भने भिक्टर न्याउचीले पनिं तीन विकेट आफ्नो नाममा दर्ता गराए ।

अफगानिस्तानका विकेट किपर अफ्सर जजाईले सर्वाधिक ३७ तथा ओपनर इब्राहिम जद्रानले ३१ रन बाहेक अन्य ब्याट्सम्यानले उलेख्य योगदान दिन सकेनन् ।

जिम्बाब्वेको लागि आफ्नो पहिलो पारीमा कप्तान विलियम्सले सर्वाधिक १०५ रन बनाए भने विकेट किपर रेजिस चाकब्वाले ४४ तथा सिकन्दर राजाले पनि ४३ रनको पारी खेले ।

जिम्बाब्वेलाई ठुलो योगफल बनाउन नदिने क्रममा अफगानिस्तानका अमिर हम्जाले सर्वाधिक छ विकेट हात पारे भने जाहिर खानले पनि दुई विकेट लिन सफल भए ।

दोश्रो पारीमा ओपनर इब्राहिम जद्रानले ७६ रनको पारी खेल्दै अफगानिस्तानको पारी सम्हाल्ने प्रयास गरे पनि पर्याप्त रहेन । उनको ब्याटिङको मद्धतले अफगानिस्तान एक पारीको अन्तरले मात्र पराजित हुनबाट बाच्यो ।

Continue Reading

Headline

न्युजिल्याण्डबिरुद्धको ट्वान्टी ट्वान्टी श्रृंखलामा अष्ट्रेलियाको उत्कृष्ट पुनरागमन

wesportz

Published

on

ग्लेन म्याक्सवेलको आक्रमक ब्याटिङ्ग र एस्टन एगरको घातक बलिङ्गपछि अष्ट्रेलियाले न्युजिल्याण्डबिरुद्धको ट्वान्टी ट्वान्टी अन्तर्राष्ट्रिय श्रृंखलामा सुखद पुनरागमन गरेको छ ।

वेलिँगटनमा भएको तेश्रो ट्वान्टीमा ट्वान्टीमा अष्ट्रेलियाले घरेलु टोलीमाथि ६४ रनको फराकिलो जित हात पार्यो । न्युजिल्याण्डले पहिलो दुई खेल जितेको थियो ।

म्याक्सवेलसँगै कप्तान आरोन फिन्चले पनि अद्र्धशतक प्रहार गरेपछि पहिलो ब्याटिङ्ग गरेको अष्ट्रेलियाले २० ओभरमा चार विकेटको क्षतिमा २ सय ८ रनको बिशाल योगफल खडा गर्यो । जवाफमा एगरले मिडल अर्डर र लोवर अर्डर ध्वस्त पारेपछि न्युजिल्याण्ड १७ दशमलव एक ओभरमा १ सय ४४ रनमै समेटियो ।

चार ओभरमा ३० रन खर्चिएका एगरले ट्वान्टी ट्वान्टी अन्तर्राष्ट्रियमा अष्ट्रेलियाका लागि सबैभन्दा सफल बलिङ्ग प्रदर्शन गरेका हुन् । डेभोन कन्वेको महत्वपूर्ण विकेट लिएका बायाँ हाते स्पिनर एगरबिरुद्ध ठूलो शट खेल्ने प्रयासमै न्युजिल्याण्डका ब्याट्स्म्यानहरुले आफ्नो विकेट गुमाएका थिए ।

न्युजिल्याण्डका लागि ओपनर मार्टिन गुप्टिलले २८ बलमा ४३ रन प्रहार गरे । उनको इनिङ्गसमा तीन छक्का र दुई चौका समावेश थियो । कन्वेले २७ बलमा पाँच चौका र एक छक्काको मद्दतमा ३८ रन बनाए । अष्ट्रेलियाका लागि राइली मेरडिथले पनि दुई विकेट लिएका थिए ।

यसअघि ओपनर म्याथ्यु वेडलाई दोश्रो ओभरमा नै गुमाएको अष्ट्रेलियालाई फिञ्चले सम्हालेका थिए । यसअघिका खेलहरुमा राम्रो प्रदर्शन गर्न नसकेपनि निकै आलोचना व्यहोरेका फिन्चले ४४ बलमा ६९ रन जोड्दै जोश फिलिपेसँग ८३ रनको साझेदारी गरेका थिए ।

फिलिपेले २७ बलमा ४३ रन बनाए । उनको इनिङ्गसमा तीन चौका र एक छक्का सामेल थियो । फिलिपेको विकेट पतनपछि म्याक्सवेलले पूर्ण रुपमा खेललाई नियन्त्रणमा लिएका थिए । उनले जेम्स निसमलाई एकै ओभरमा पाँच चौका र एक छक्का सहित २६ रन प्रहार गरेका थिए ।

म्याक्सवेलले ३१ बलमा नटआउट ७० रन बनाए । फिन्चको इनिङ्गसमा ८ चौका र दुई छक्का सामेल थियो । न्युजिल्याण्डका लागि इश सोधीले दुई विकेट लिए ।

Continue Reading
अन्तर्राष्ट्रिय11 hours ago

वर्ल्ड टेस्ट च्याम्पियनसिपको फाइनल पुग्ने लक्ष्य सहित भारतले इंग्ल्यान्डको सामना गर्दै

Headline11 hours ago

अफगानिस्तानको जिम्बाब्वेसँग लज्जास्पद हार

Headline12 hours ago

बि डिभिजन: ब्वोइज युनियन खुमलटारसँग पराजित

Headline14 hours ago

न्युजिल्याण्डबिरुद्धको ट्वान्टी ट्वान्टी श्रृंखलामा अष्ट्रेलियाको उत्कृष्ट पुनरागमन

Headline14 hours ago

फुटसल लिगका सबै खेल कान्तिपुरमा लाइभ हुने

Headline15 hours ago

बि डिभिजन: नयाँ बस्ती र टुसालबीचको खेल बराबरीमा समाप्त

Headline15 hours ago

ज्लाटन इब्राहिमोभिच र लेब्रोन जेम्सको वाक युद्ध

Headline20 hours ago

सान्चोको गोलले डर्टमण्ड जर्मन कपको सेमिफाइनलमा

Headline21 hours ago

प्रिमियर लिगको उपाधि दौडलाई सामान्य प्रकृयामा परिणत गर्दै सिटी

Headline22 hours ago

६ सयौं लिग खेलको कोशेढुँगामा रोनाल्डोको गोल

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending