Connect with us

Headline

च्याम्पियन्स लिग को श्रापमा म्यान सिटी को अर्को एक अध्याय

wesportz

Published

on

च्याम्पियन्स लिग नयाँ ढाँचामा पुन सुचारु हुँदै दुई लेगबाट सिधै नकआउट चरणको रुप लिदा पेप ग्वार्डियोलालाई लागिसकेको थियो, यो सिजन केही फरक छ ।

च्याम्पियन्स लिग यो ढाँचामा पुग्दा ग्वार्डियोला मात्र होइन सम्पूर्ण समर्थकहरुमा पनि केही न केही डर भने थियो । म्यानचेस्टर सिटीले लायोनसँग खेल्नु अघिका सबै खेलमा आश्चर्य देखा पर्यो । पेरिस सेन्ट जर्माइनको एट्लान्टा विरुद्ध पुनरागमन, आरबी लाइपजिगले एट्लेटिको म्याड्रिडलाई दिएको झड्का र बार्सिलोनाको बायर्न म्युनिखसँगको लज्जास्पद हार ।

सिटीलाई केही डर अवश्य थियो ।

“हरेक खेल अबदेखि फाइनल हो,” सिटीका व्यवस्थपाक ग्वार्डियोलाले लायोनसँग खेल्नु अघि भनेका थिए । “यहाँ कुनै दोस्रो मौका छैन । कि त तिमी घर जाउ या यसैलाई स्वीकार्दै अगाडी बढ ।”

ग्वार्डियोलाले डिफेन्डिङ च्याम्पियन लिभरपुल, स्पेनिस महारथी रियल म्याड्रिड र इटालियन क्लब युभेन्टस प्रतियोगिताबाटै बहिरिएको अवस्थामा सिटीलाई उसको सपनाको प्रतियोगिता, च्याम्पियन्स लिग जित्न दवाव र मौका उत्तिकै थियो ।

प्रतिस्पर्धाको आधारमा सिटीका लागि क्वार्टर–फाइनलमा कुनै टिम बाकी थिएन । ग्वार्डियोला सेमिफाइनलमा आफ्नो पुर्व टोली बायर्नसँग भिड्न तयार देखिन्थे । तर क्लब ईतिहासमै दोस्रो च्याम्पियन्स लिग सेमिफाइनल खेल्दै गरेको सिटीको अगाडि निडर भइ उभियो लायोन ।

केवल लायोन । त्यही लायोन जसले समुह चरणमा मात्र दुई जित निकाल्दै ठूलो कसरतपछि अन्तिम १६ मा स्थान पाएको थियो । त्यही लायोन जो फ्रेञ्च लिग वान मा सातौ स्थानमा रहन पुगेको थियो । तर त्यही सातौं स्थानमा रहेको लायोनले दावेदार मानिएको युभेन्टसको आशालाई अन्तिम १६ मै सक्काएको थियो ।

युभेन्टसको च्याम्पियन्स लिगको लागि दन्किएको आगोलाई पानी हाल्दै क्वार्टर–फाइनलमा तुलनात्मक रुपमा बलियो मानिएको म्यानचेस्टर सिटीसँग पनि निडर रहदै लायोनले बिजय पायो । २४ औ मिनेटमा म्याक्सवेल कोर्नेट र दोस्रो हाफमा मोसा डेम्बेलेको दुई गोलले सिटी बहिरियो ।

सिटी हार्यो । यहीसँगै लगातार तीन क्वार्टर–फाइनलबाट बाहिरिन पुग्यो भने ग्वार्डियोलाले आफुले व्यवस्थापन गरेको कुनै टोलीले नवौं पटक फाइनल पुग्न असफल हुन पुगेको थियो ।

तर हेर्ने नै हो भने च्याम्पियन्स लिगको नकआउट चरणका प्रतिस्पर्धाहरुमा सिटीको ईतिहास दयनीय छ । २०१६ मा सेमिफाइनलसम्म पुगेको सिटी रियल म्याड्रिडसँग पराजित भयो । २०१७ मा अन्तिम १६ मा पुगेको सिटी फ्रेञ्च क्लब मोनाकोसँग ६–६ को बाराबरी खेल्दै अवे गोलको आधारमा बहिरिएको थियो ।

दुई सिजन अगाडि मात्र पनि क्वार्टर–फाइनलमा लिभरपुलसँग समग्रमा ५–१ को हार बेहोरेको सिटीले यो बर्षअघि भने भिएआरको विवादित निर्णयका कारण टोटनह्यामसँग अवे गोलको अन्तरमा पराजित भएको थियो ।

यो पटक भने अन्तिम १६ मा रियल म्याड्रिडलाई पछार्दै क्वार्टर–फाइनलमा फ्रान्सको सातौ स्थानको टोलीसँग पराजित हुन पुग्यो । ग्वार्डियोलाको फेरी एकपटक रणनीतिक चालले मात खायो ।

जब टोली कुनै उपाधीको एकदम नजिक थियो उनले अस्वभाविक परिवर्तन गर्दै गए त्यही बानीले उनको टोली घुँडा टेक्न पुग्यो । खेलमा उनको रणनीति जुन सुकै भए पनि लायोनसँग ’वान अन वान’ गोल खाने भने पक्कै होइन ।

मार्चको शुरुदेखि लायोनले खेलेको यो तेस्रो प्रतिस्पर्धीत्मक खेल हो । तर लायोन सिटी भन्दा बलियो देखियो । उसले खेललाई एउटा आकार दियो र सिटीलाई उसकै रणनीतिको मुख्य पाटो प्रेसिङ गेममा नै हरायो ।

रहिम स्टेर्लिङले पाएको मौका सदुपयोग गरेनन् । डिबक्समा जति नै बल लगे पनि अन्तिममा उनी लडेकै थिए ।

सिटीका लागि केभिन डि ब्रुनले जति नै प्रयास गरे पनि लायोनका गोलरक्षक एरिक गार्सियाले बचाउ गरेका थिए । लायोनको रक्षापंक्तिलाई तोड्न नसक्नु र ग्वार्डियोलाको राणनीतिक खेल माथि नै प्रश्न उठ्नु स्वभाविक हो ।

तर सिटीले दोस्रो हाफमा जति नै प्रयास गरे पनि आफ्नो क्षमता भने देखाउन सकेन । ६९ औँ मिनेटमा डि ब्रुनले गोल गर्नु बाहेक सिटीको लागि सम्झन लायक क्षण केही रहेन । त्यही कारण पनि होला डि ब्रुनले खेल सक्किए पछी भनेका थिएः “नयाँ बर्ष तर उही कथा ।”

Headline

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

wesportz

Published

on

सन् २०१४ मा जब केभिन डि ब्रुनले चेल्सी छाडे त्यस पछिका वर्षहरूमा होजे माउरिन्होले सधैँ यसका लागि आलोचना खेप्न पर्यो । तर पर्चुगिज भने आफूले बेल्जियन डि ब्रुनले अहिले पनि स्ट्यामफर्ड ब्रिज छाडून् भन्ने नचाहेको बताएका छन् ।

डि ब्रुनले चेल्सीबाट लोनमा जर्मन क्लब वेड़र ब्रेमेनबाट खेल्दा सबैको आँखा तानेका थिए । त्यसैका कारण सन् २०१४ को जनवरी ट्रान्सफरमा उनलाई उल्फ्सबर्गले १८ मिलियन पाउण्डमा आफ्नो क्लबमा अनुबन्ध गर्यो ।

तर त्यसको १८ महिना पछि नै डि ब्रुन इंग्लिस क्लब म्यानचेस्टर सिटीमा आबद्ध भए । सिटीमा रहँदा उनी सिटीका महत्वपूर्ण खेलाडी बन्न सफल भए भने एक पटक प्रिमियर लिग च्यापियन र दुई पटक वर्षको उत्कृष्ट खेलाडी पनि बने ।

जर्मनीमा रहँदाका साथै सिटीमा रहँदा निकै उत्कृष्ट प्रदर्शन गर्न सफल भएका डि ब्रुन माउरिन्हो को नै कारण चेल्सी छाड्न बाध्य भएको भन्दै उनको आलोचना हुने गरेको हो । तर चेल्सीका पूर्व बोस भने यस विषयलाई नकार छन् । उनी माथि खेलाडीहरूलाई विश्वास नगरेको पनि आरोप लाग्ने गरेको छ । जस मध्य डि ब्रुन पनि एक हुन् ।

“मलाई डि ब्रुनले निकै प्रभावित पारेका थिए । त्यसैले मैले उनी लोनमा अन्यत्र नजाने कुरामा निर्णय नै लिएको थिए । मैले यो केटा मलाई चाहिन्छ पनि भनेको थिए,” माउरिन्होले भने ।

“प्रिमियर लिगको सिजनको पहिलो खेलमा उनले हल सिटी विरुद्ध खेले । हाम्रो दोश्रो खेल म्यानचेस्टर युनाइटेड विरुद्ध थियो । ओल्ड ट्राफोर्डको खेल पछि उनी मसँग कुरा गर्दै उनले आफू जर्मन जाने इच्छा रहेको जनाए ।”

“उनले मलाई आफू सबै खेल खेल्न खोजेको र प्रत्येक मिनेट मैदानमा बिताउन चाहेको बताए । यसमा उनले मलाई निकै दबाब पनि दिए । उनी यस अघि लोनमा जर्मन जाँदा राम्रो प्रदर्शन गर्न सफल भएको भन्दै फेरी उतै जाने निर्णय लिइसकेका थिए । उनले मलाई दबाब दिँदै जर्मन गए पनि जर्मनमा रहँदा निकै राम्रो प्रदर्शन गर्न सफल पनि भए ।”

माउरिन्होले डि ब्रुनलाई अहिलेको उत्कृष्ट पाँच खेलाडीको संज्ञा पनि दिएका छन् ।

चेल्सीको लागि नौ खेल खेलेका डि ब्रुनका बारेमा माउरिन्होले अगाडि भने: “उनी लोनमा जाने समयमा पनि मैले उनलाई चेल्सीमा नै राख्ने निर्णय गरेको थिए । उनीसँग उत्कृष्ट खेलाडी बन्ने क्षमता थियो । उनी अहिले जस्तो अनुभवी र परिपक्व थिएनन् तर पनि उनको चाल र दृष्टि भने त्यतै थियो ।”

डि ब्रुन मात्र एक खेलाडी हैनन् जसलाई पहिचान गर्न नसक्दा चेल्सीले ठुलो घाटा पनि व्यहोर्न पर्यो । मोहम्मद सलाह अहिले लिभरपुलका स्टार हुन् भने समर्थकहरुको पहिलो रोजाईको खेलाडी । तर उनले पनि स्ट्यामफर्ड ब्रिजमा हुँदा पर्याप्त अवसर पाउन सकेनन् ।

त्यस्तै रोमेलु लुकाकु आफू आफैले विश्वको उत्कृष्ट जर्सी नम्बर नौ भनेर प्रमाणित गरिसके । तर तीनै लुकाकुले पनि चेल्सीमा रहँदा पर्याप्त अवसर पाउन नसक्दा अन्यत्र जाने निर्णय लिएका थिए ।

Continue Reading

Euro 2020

युरो कपमा आज चार महत्वपूर्ण खेल, अन्तिम १६ मा पुग्ने सबै टोलीको टुङ्गो लाग्दै

wesportz

Published

on

युरो कपमा वुधबार चार खेलहरु हुँदै छन् । समुह ‘ई’ र समुह ‘एफ’ बाट अन्तिम १६ मा पुग्ने सबै टोलीको टुङ्गो लाग्ने छ । यो समुह चरणको अन्तिम खेलहरु पनि हो । समुह ‘ई’ अन्तर्गत स्विडेन शिर्ष स्थानमा रहेको छ । समुह ‘एफ’ बाट फ्रान्स शिर्ष स्थानमा रहेको छ । आज हुने खेलहरुमा समुह ‘ई’ बाट स्विडेन र पोल्याण्ड खेल्दा अर्को खेलमा स्पेनले स्लोभाकियाको सामना गर्दै छ ।

समुह ‘एफ’ अन्तर्गत भने विश्वबिजेता फ्रान्सले युरोपियन बिजेता पोर्चुगलको सामना गर्ने छ । यही समुहको दोस्रो खेलमा जर्मनीले हङ्गेरी विरुद्ध खेल्ने छ ।

समुह ‘ई’

स्विडेन भर्सेस पोल्याण्ड

आफ्नो पहिलो खेलमा बलियो स्पेनसँग बराबरी खेल्दै दोस्रो खेलमा स्लोभाकियालाई हराएको स्विडेन समुह ‘ई’ को समुह बिजेता बन्दै अन्तिम १६ मा आफ्नो स्थान बनाउने सक्ने छ । समुहको पुछारमा रहेको पोल्याण्डलाई पराजित गर्ने सकेको खण्डमा स्विडेन स्वत: अन्तिम १६ मा स्थान बनाउने छ । यदी पोल्याण्डसँग पराजित भएको खण्डमा स्विडेन दोस्रो र तेस्रो हुँदै पनि अन्तिम १६ मा पुग्न सक्ने छ ।

स्विडेनका लागि पछिल्ला छ खेलहरु निकै फापेका छन् । स्विडेन अपराजित रहेको छ । एक खेलमा मात्रै बराबरी खेलेको स्विडेनलाई पोल्याण्ड विरुद्ध जितको आशा हुने छ । पोल्याण्डको लय भने खासै राम्रो देखिदैन । पोल्याण्डका रोबर्ट लेवानडस्की १३ खेलमा तीन गोल गर्न मात्रै सफल भएका छन् । प्रतियोगिता सुरु हुनु अघि शिर्ष गोलकर्ता बन्ने आशा गरिरेका लेवानडस्कीको युरो २०२० मा एक गोल मात्रै रहेको छ । पोल्याण्डका पछिल्ला ६ खेलमा एकमा मात्रै जित निकाल्न सफल भएको छ । पोल्याण्डको त्यो जित पनि निकै कम वारीयताको टोली विरुद्ध आएको थियो ।

यो खेल नेपाली समय अनुसार ९:४५ सुरु हुने छ ।

स्पेन भर्सेस स्लोभाकिया

समुह ‘ई’ को रोमान्चक मानिएको यस खेलमा स्पेन र स्लोभाकिया दुवै टोली गर या मरको स्थितीमा रहेका छन् । स्पेनले स्लोभाकियालाई पराजित गरे स्पेनको अन्तिम १६ मा पुग्ने सपना कायम रहने छ । यदी बराबरी मात्रै खेले पनि स्पेन अर्को चरणमा पुग्न असफल हुने छ । स्लोभाकियालाई भने स्पेनलाई बराबरीमै रोके पनि मौका छ ।

दुवै खेलमा बराबरी खेलेको स्पेनका लागि यो जित निकै आवश्यक छ । तीन पटकको युरोपियन बिजेता स्पेन समुह चरणबाट बहिरिन चाहदैन । प्रशिक्षक लुइस इरिक्वेलाई खेलाडी छनोटमा दोष दिदै आएका स्पेनिस समर्थकहरुका लागि पनि यो खेलको नतिजा पछि उनको भविष्य निर्धारण गरिने बताउँदै आएका छन् । स्पेनले खेलेको फुटबल नराम्रो छैन तर समस्या फिनिसिङमै आउँदा गोलमा समस्या देखिएको छ ।

अन्तिम छ खेल हेर्दा स्पेन अपराजित देखिन्छ तर तीन बराबरीका साथ । स्लोभाकियाको टोली पनि एक खेलमा मात्रै पराजित रहेको छ । यस्तो अवस्थामा दुवै टोलीका लागि तीन अंक निकै महत्वपूर्ण छ । यो खेलमा जसले तीन अंक हात पार्ने छ, त्यो टोलीले अन्तिम १६ मा स्थान बनाउने छ ।

खेल नेपाली समय अनुसार ९:४५ मा हुने छ ।

प्लेयर्स टु वाच

ऐलेकजेण्डर इसाक, स्विडेन
Alexander Isak: An alternative for Chelsea to Erling Haaland? - Sports Illustrated Chelsea FC News, Analysis and More

फेरान टोरेस, स्पेन

WATCH: Ferran Torres makes it 4-0 to Spain against Germany - Football Espana

समुह ‘एफ’

पोर्चुगल भर्सेस फ्रान्स

फ्रान्सको अन्तिम १६ को स्थान लगभग पक्का भैसकेको अवस्थामा उसले आफ्नो अन्तिम खेलमा पोर्चुगलसँग खेल्ने छ । पहिलो खेलमा जर्मनीलाई १-० ले पराजित गरेको फ्रान्सले हङ्गेरीसँग १-१ को बराबरीमा चित्त बुझाउनु परेको थियो । पाँच वर्ष अघि फाइनलमा भिडेका यि दुई टोली अहिले युरो कपमा आमने समाने हुँदै गर्दा अन्तिम १६ को लडाँईमा रहेका छन् ।

आफ्नो पहिलो खेलमा हङ्गेरीलाई पराजित गरे पनि दोस्रो खेलमा जर्मनीसँग पराजित भएको पोर्चुगलले फ्रान्स विरुद्ध जित निकाल्ने हो भने उ स्वत: अन्तिम १६ मा प्रवेश गर्ने छ । फ्रान्सको भने ४ अंक रहेका कारण दोस्रो र तेस्रो हुँदै पनि अन्तिम १६ मा प्रवेश गर्न सक्ने छ । फ्रान्सले आफ्नो उत्कृष्ट टोली उतार्दा ओस्मान डेम्बेलेले भने युरो कप गुमाउने छन् । पोर्चुगलका लागि नुनो मेन्डेस अझै पनि फिट भएका छैनन् । यता युवा स्टार मैनेका जाओ फिलेक्सले अझै पनि युरो कपमा स्थान पाएका छैनन् ।

पछिल्ला छ खेलको नतिजा हेर्दा फ्रान्स अपराजित रहेको छ । पोर्चुगल भने एक खेलमा पराजित देखिन्छ । खेल नेपाली समय अनुसार १२:४५ बजे सुरु हुने छ ।

जर्मनी भर्सेस हङ्गेरी

आफ्नो दोस्रो खेलमा पोर्चुगल विरुद्ध उच्च खेलका साथ तीन अंक जोडेको जर्मनीका लागि आफ्नो अन्तिम खेलमा पनि तीन अंक जोड्दै स्वत: अन्तिम १६ मा पुग्न सक्ने छ । हङ्गेरीका लागि पनि यो खेल उतिक्कै महत्वपूर्ण छ । आफ्नो दोस्रो खेलमा फ्रान्स विरुद्ध लिएको एक अंकका कारण हङ्गेरीले लय समातेको छ । जर्मनीले यो खेलबाट अंक लिन नसक्ने हो भने उसको अन्तिम १६ को भविष्य पनि अनिस्चित देखिन्छ ।

जर्मनीका लागि लय मुख्य समस्या बन्दै आएको छ । बलियो टोली मानिए पनि जर्मनीको अन्तिन छ खेल हेर्ने हो भने दुई हार र एक बराबरी खेलेको छ । हङ्गेरीले भने पछिल्ला छ खेलमा एक खेलमा मात्रै परजय भोगेको छ । जर्मनीका लागि थोमस मुलरले हङ्गेरी विरुद्धको यो खेल गुमाउन सक्ने छन् । उनलाई पोर्चुगल विरुद्धको खेलमा चोट लागेको थियो । हङ्गेरीका लागि भने एडम सज्लाई जस्ता खेलाडी पूर्ण फिट रहेका कारण केही सजिलो पनि हुने छ ।

खेल नेपाली समय अनुसार १२:४५ मा सुरु हुने छ ।

प्लेयर्स टु वाच

रेनटो सान्चेज, पोर्चुगल

Renato Sanches reveals all about his failed move to PSG - AS.com

 

योसुवा किमिच, जर्मनी

Bayern & Germany on Twitter: "Joshua Kimmich played 55 games for Germany - He started all 55 and played the full 90 minutes in 53 of them [WhoScored]… https://t.co/j8RFEfH6yU"

Continue Reading

Euro 2020

मोड्रिचको उत्कृष्ट प्रदर्शनमा क्रोएसिया अन्तिम १६ मा, इंगल्याण्ड समुह बिजेता

wesportz

Published

on

स्टार प्लेमेकर लुका मोड्रिचलेप्रेरणादायी प्रदर्शन गरेपछि क्रोएसिया स्कटल्याण्डलाई ३-१ ले पराजित गर्दै युरो कपको अन्तिम १६ मा प्रवेश गरेको छ ।

इंगल्याण्ड भने चेक रिपब्लिकलाई १-० ले पराजित गर्दै समुह डिको बिजेताको रुपमा प्रि क्वार्टरफाइनलमा प्रवेश गर्यो । इंग्लयाण्डको झिनो जितमा एक मात्र गोल रहिम स्टर्लिंगले गरेका थिए ।

इंगल्याण्डले खेलको १२ औं मिनेटमै अग्रता लियो । ज्याक ग्रिलिसले बायांबाट निकालेको क्रसमा स्टर्लिंगले ६ यार्ड बक्स भित्रबाटै हेडरमार्फत सहज गोल गरेका थिए ।

स्टलिंगले क्रोएसियाबिरुद्धकोखेलमा पनि इंगल्याण्डको एक मात्र बिजयी गोल गरेका थिए । दोश्रो खेलमा इंगल्याण्ड र स्कटल्याण्डले गोलरहित बराबरी खेलेका थिए ।

इंगल्याण्डको ७ अंक रह्यो भने क्रोएसिया र चेक रिपब्लिकको समान चार अंक रह्यो। चेक रिपब्लिक पनि उत्कृष्ट तेश्रो टोलकिो रुपमा अन्तिम १६ मा प्रवेश गरिसकेको छ । स्कटल्याण्ड भने एक पटक फेरि प्रमुख प्रतियोगिताहरुमा समुह चरणबाटै बाहिरिएको छ ।

क्रोएसियाको जितमा २०१८ का बालोन डि ओर बिजेता मोड्रिच नायक रहे । १७ औं मिनेटमै निकोला भ्लासिचको गोलमार्फत अग्रता लिएको क्रोएसियाबिरुद्ध क्यालम म्याकग्रेगरले पहिलो हाफ सकिनु अघि नै बराबरी गोल फर्काएका थिए ।

तर मोड्रिचले ६२ औं मिनेटमा बक्स बाहिरबाट उत्कृष्ट गोल गर्दै क्रोएसियालाई खेलमा फर्काए । उनको घुमाउरो प्रहारबिरुद्ध स्कटिस गोलकिपर नीरिह साबित भएका थिए ।

७७ औं मिनेटमा माड्रिचकै कर्नरमा फ्लिक हेडरमार्फत इभान पेरिसिचले गोल गर्दै क्रोएसियाको जित सुनिश्चित गरेका थिए ।

२६ औं मिनेटमा इंगल्याण्डले अग्रता दोब्बर गर्ने मौका गुमायो । ह्यारी मग्वायरले निकालेको पास बक्स भित्र ह्यारी केनले पाए । केनले राम्रो ड्रिब्लिंग गर्दै दुई चेक डिफेन्डरलाई बिट गर्दै लो ड्राइभ प्रहार गरे । तर चेक किपर थोमस भास्लिकले नजिकै आएको केनको सशक्त प्रहार रोकेका थिए ।

लगत्तै चेक रिपब्लिकको बराबरी गर्ने आशामा इंगल्याण्ड गोलकिपर जोर्डन पिकफोर्डमा तुषारापात गरे । थोमस होल्सले बक्सको ठ्याक्कै बाहिरबाट गरेको सशक्त प्रहारलाई पिकफोर्डले डाइभ गर्दै सुन्दर ढंगले गोल हुनबाट जोगाएका थिए ।

Continue Reading
Headline42 mins ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Euro 20203 hours ago

युरो कपमा आज चार महत्वपूर्ण खेल, अन्तिम १६ मा पुग्ने सबै टोलीको टुङ्गो लाग्दै

Euro 20205 hours ago

युरो कपको सेमी र  फाइनलमा ६० हजार समर्थकले मैदान प्रवेश पाउने 

Euro 202014 hours ago

मोड्रिचको उत्कृष्ट प्रदर्शनमा क्रोएसिया अन्तिम १६ मा, इंगल्याण्ड समुह बिजेता

अन्तर्राष्ट्रिय16 hours ago

वर्ल्ड टेस्ट च्याम्पियनसिप रोमान्चक मोडमा, भारतलाई ३२ रनको अग्रता

Euro 202020 hours ago

पोर्चुगिज जादुगर जसबाट सबैले उत्तर खोजिरहेका छन्

Headline22 hours ago

साबित्राको घुंडाको उपचार कतारमा हुने

Headline22 hours ago

मेस्सीलाई बार्सिलोनामा नै राख्ने हो भने तलब घटाउन पर्ने ला लिग अध्यक्षको चेतावनी 

Euro 20201 day ago

युरोमा आज दुई खेल, समुह ‘डी’ बाट अन्तिम १६ मा पुग्ने टोलीको टुङ्गो लाग्दै

Headline1 day ago

साफ च्याम्पियनशिप र एसियन कप छनोट तयारीका लागि प्रशिक्षक अब्दुल्लाहले बोलाए ५० खेलाडी (सुची सहित)

Trending

error: Content is protected !!