Connect with us

Headline

कतार (पिएसजी) भर्सेस रेड बुल (लाइपजिग): २१ औं शताब्दीको च्याम्पियन्स लिग सेमिफाइनल

Published

on

मङ्गलवार पेरिस सेन्ट जर्माइन (पिएसजी) अथवा आरबी लाइपजिग इतिहासमै पहिलो पटक च्याम्पियन्स लिगको फाइनलमा प्रवेश गर्नेछन् तर यी दुई टोली सेमिफाइनलमा भिड्दा धेरै फुटबल समर्थकहरुका लागि चासोको बिषय नबन्न सक्छ ।

गत साता युरोपियन फुटबलको सबैभन्दा ठूलो प्रतिस्पर्धा (च्याम्पियन्स लिग) को भविष्य बारे बोल्दा युएफा अध्यक्ष एलेक्जेण्डर केफेरिनले फुटबल दुई दशक अघि त धेरै परको कुरा हो पछिल्लो एक दशकमै पूर्ण रुपमा फरक पाएको बताए । उनले बिशेषगरि म्यानचेस्टर सिटीले आफूमाथि लागेको दुई बर्षे प्रतिबन्धको बिरुद्ध जितेको अपिलका कारण फाइनान्सियल फेयर प्ले नियम परिवर्तन गर्नुपर्नेमा बोल्दै थिए ।

तर केफेरिनले भन्न चाहेको कुरा फाइनान्सियल फेयर प्लेको नियम परिवर्तन बाहेक अरु पनि केही थियो ।

१० बर्ष अघि इन्टर मिलानले बायर्न म्युनिखलाई फाइनलमा हराउदै च्याम्पियन्स लिगको उपाधि जितेको थियो । बायर्नले सेमिफाइनलमा फ्रेञ्च क्लब लायोनलाई हराएको थियो । यी दुई टोली एक पटक फेरि सेमिफाइनलमा भिड्दैछन् ।

यस क्रममा लायोनले म्यानचेस्टर सिटीलाई स्तब्ध पारेको थियो । अबु धाबीको कम्पनिले क्लब टेक ओभर गरेको १२ बर्ष भइसक्दा पनि सिटी फाइनल प्रवेश गर्न असफल भएको छ ।

१० बर्षअघि नै पिएसजीले फ्रेञ्च कप जित्यो तर फ्रान्सको प्रथम श्रेणीको फुटबल लिग वानमा भने १३ औं भएको थियो । उनीहरु कतै नगइरहेको जस्तो देखिन्थ्यो । त्यही समय लाइपजिग जर्मनीको चौथो श्रेणीमा बढुवा भयो ।

२०११ मा कतार स्पोर्ट्स इन्भेस्टमेन्ट्सले टेक ओभर गरेपछि पिएसजीले फ्रान्सको हरेक प्रतिस्पर्धालाई झण्डै एकतर्फि बनाएको छ । पछिल्लो ८ बर्षमा पिएसजीले सात पटक लिग वानको उपाधि जितिसकेको छ ।

बिश्व किर्तिमानी ट्रान्सफर

पिएसजीले नेमार र किलियन एमबाप्पेलाई बिश्व किर्तिमानी ट्रान्सफर रकममा २०१७ मा क्लब भित्र्यायो तर यति गर्दा पनि उनीहरुलाई च्याम्पियन्स लिगको सेमिफाइनल प्रवेश गर्न यत्रो समय लाग्नु अचम्म नै हो । पिएसजी २५ बर्षपछि पहिलो पटक सेमिफाइनल खेल्न गइरहेको छ ।

“यो हाम्रो लागि निकै बिशेष छ । हामी पहिलो पटक सेमिफाइनल खेल्न गइरहेको छौं र यो क्लबको लागि इतिहास हो,” एट्लान्टालाई क्वार्टर–फाइनलमा हराएपछि पिएसजीका अध्यक्ष नासेर अल–खिलाफीले भने । उनले पहिलो पटक भन्दा १९९५ को सेमिफाइनलमा हारेको पिएसजी अर्कै थियो भन्ने आभाष दिन्छ ।

धेरै मानेमा यो हो पनि ।

डेलाइट्स फुटबल मनि लिगका अनुसार पिएसजी अहिले संसारकै पाचौं धनी फुटबल क्लब हो । २०१८–१९ मा उनीहरुको राजस्व ७ सय ५३ मिलियन डलर रहेको थियो ।

१९७० मा मात्र स्थापना भएकोले पारम्परिक बन्न नसकेको भन्दै अन्य क्लबका समर्थहरुले पिएसजीलाई उडाउने पनि गर्दछन् । यद्दपि पिएसजी लाइपजिग भन्दा पुरानो क्लब रहेको तथ्य नकार्न सकिदैन ।

घृणित लाइपजिग

लाइपजिग जर्मनीमा २००९ मा स्थापना भएको क्लब हो । बिश्व प्रशिद्ध एनर्जी ड्रिंक रेड बुलले पाचौं श्रेणीको सानो टोली एसएसभी मारक्रनस्टाडको लाइसन्स किनेपछि त्यसलाई राजेनबलस्पोर्ट लाइपजिग नामाकरण गरिएको थियो ।

‘राजेनबलस्पोर्ट’ लन बल खेलकुदको जर्मन नाम हो । यो खेल कुनै समय ओलम्पिक्समा पनि समावेश हुने गथ्र्यो । क्लबको नामसँग स्पोन्सरको नाम जोड्न नपाउने जर्मन फुटबल लिग (डिएफएल) को नियम रहेकाले यो नाम रोजिएको हो । राजेनको ‘आर’ र बलको ‘बी’ मात्र प्रयोग गर्दा यसले रेड बुललाई इंगित गर्ने देखिन्छ ।

रेड बुलको लागोमा जस्तै दुई साँढे जुधेको चित्र लाइपजिगको लोगोमा रहेकोले ‘आरबी’ ले रेडबुल नै भन्न खोजेको छ ।

एक मात्र संस्था वा व्यक्तिले कुनै पनि क्लबको सबै शेयर आफ्नो नियन्त्रणमा राख्न नपाउने डिएफएलको ‘फिफ्टी प्लस वान’ नियम अनुसार चल्न नै रेड बुलले अनेक उपाय अपनाएको छ । अष्ट्रियन अरबपति डाइट्रिख मेस्सिजले स्थापना गरेको रेड बुलको नाममा लाइपजिगको ४९ प्रतिशत शेयर रहेको छ भने बाकी ५१ प्रतिशत कम्पनीको कर्मचारीहरुको नाममा रहेको छ ।

२०१६ मा बुन्डेसलिगामा आफ्नो डेब्यु गर्नु अघि नै लाइपजिगलाई अन्य क्लबका समर्थकहरुले घृणा गर्ने गर्थे । एक म्याचका दौरान डाइनामो ड्रेस्डेनका समर्थकहरुले काटिएको साँढेको टाउको फाल्दै लाइपजिगप्रति निकै निम्न स्तरमा आफ्नो घृणा व्यक्त गरेका थिए । यो घट्नापछि ड्रेस्डेनलाई ६० हजार युरोको जरिवाना समेत तिराइएको थियो ।

क्लबमा स्वामित्वको संरचनाको बिरोध गर्दै बोरुसिया डर्टमण्डका समर्थकहरुले लाइपजिगबिरुद्धका खेलहरु पनि बहिस्कार गर्ने गरेका थिए ।

पिएसजी बिपरित लाइपजिगको फुटबल मोडलले भने नयाँ खेलाडी भित्र्याउने र युवा खेलाडीहरुको बिकासमा जोड दिदै आएको छ । एक जर्मन फुटबल म्यागजिनले भने लाइपजिगको एट्लेटिको म्याड्रिड माथिको क्वार्टर फाइनल जितले सेमिफाइनल प्रवेशलाई महत्व नदिने सम्म लेखिदिएको थियो ।

आरबी लाइपजिग बिशुद्ध मार्केटिङ्ग प्रोजेक्ट हो । यसको स्थापनाको एक मात्र कारण रेड बुल ब्राण्डलाई बलियो बनाउनु हो, क्लबलाई देखाउने दात भन्दै उक्त म्यागजिनले लेखेको थियो ।

रेड बुलको स्वामित्वमा यसै सिजन च्याम्पियन्स लिग खेलेको अष्ट्रियन क्लब साल्जबर्ग, अमेरिकाको मेजर लिग सकरको न्युयोर्क रेड बुल्स र रेड बुल ब्रागान्टिनो रहेको छ । ब्रागान्टिनो यसै सिजन ब्राजिलको माथिल्लो श्रेणीमा बढुवा भएको फुटबल क्लब हो ।

तर आरबीले कम्तिमा भएपनि लाइपजिगको फुटबलमा प्राप्त सफलताहरुलाई फेरि व्युताइदिएको छ । पुरानो इस्ट जर्मनीको ठूलो क्लब लोकोमोटिभ लाइपजिग १९७४ को च्याम्पियन्स लिग सेमिफाइनलिस्ट थियो भने १९८७ मा विनर्स कपको उपबिजेता पनि रहेको थियो ।

पिएसजी र लाइपजिग च्याम्पियन्स लिगको फाइनलबाट मात्र एक कदमको दुरीमा रहेका छन् तर मैदानमा भने तटस्थ समर्थकहरु निकै न्युन रहनेछन ।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख3 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख3 months ago

नयाँ प्रशिक्षक प्रभाकर भन्छन् : पहिलो काम लिग टु

लेख3 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख3 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख3 months ago

नयाँ प्रशिक्षक प्रभाकर भन्छन् : पहिलो काम लिग टु

लेख3 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!