Connect with us

Trending

एट्लेटिकोको बलियो रक्षापङ्तीलाई आक्रमक लाइपजिगको चुनौती

wesportz

Published

on

च्याम्पियन्स लिगको दोस्रो क्वार्टर-फाइनलमा शुक्रबार राती जर्मन क्लब आरबी लाइपजिग र स्पेनिस क्लब एट्लेटिको म्याड्रिड भिड्दै छन्।

पोर्चुगलको लिस्बनमा हुने यो खेल नेपाली समय अनुसार राती १२:४५ मा सुरु हुने छ।

डिफेन्डिङ च्याम्पियन लिभरपुललाई उस्कै घरमा हराउदै एट्लेटिकोले क्वार्टर-फाइनलमा आफ्नो स्थान पक्का गरेको थियो भने लाइपजिगले इङलिस क्लब टोटन्ह्याम हस्ट्परलाई पाखा लगाउदै पहिलो पटक च्याम्पियन्स लिगको क्वार्टरफाइनलमा स्थान बनाएको हो।

एट्लेटिकोको बलियो रक्षापङ्ती विरुद्ध लाइपजिगको आक्रमक राणनिती बिचको खेल निकै रोमन्चक हुने अपेक्षा गरिएको छ। लाइपजिगलाई भने उस्को आक्रमक राणनितीको मुख्य खेलाडी मानिएका टिमो वेर्नरको अभाव खड्किने छ।

जर्मन बुन्डेसलिगाको सिजन सकिए लगतै ईंङलिस क्लब चेल्सी पुगेका वेर्नरले लाइपजिगको च्याम्पियन्स लिग खेल्ने टोलीबाट आफ्नो नाम हटाइसकेका छन्। लाइपजिगका प्रशिक्षक जुलियन नेगल्सम्यानले भने वेर्नेरको बिदाइले एथ्लेटिको विरुद्ध हुने खेलमा कुनै असर नपर्ने बाताएका छन्।

लाइप्जिग र एट्लेटिको पहिलो पटक आमने-समने हुन लागेका हुन्।

एट्लेटिकोका लागि उनका युवा खेलाडी जाओ फिलेक्स निकै महत्वपूर्ण हुन सक्छन्। रक्षात्मक एट्लेटिकोको लागि काउन्टर अट्याकमा गोल गर्ने सम्भावना निकै बलियो देखिन्छ। यस्तो अवस्थामा प्रशिक्षक डिएगो सिमिओनेले दुई फर्वार्ड खेलाउन सक्नेछन्।

कोरोना भाईरसका कारण दुई खेलाडीलाई स्पेनमै छोड्नु परेको एट्लेटिको खेलको मुख्य दावेदार मनिएको छ।

Click to comment

Leave a Reply

Your email address will not be published. Required fields are marked *

Headline

जेसन होल्डरले घातक बलिङ गर्दा इंग्ल्यान्डको लज्जास्पद हार 

wesportz

Published

on

वेस्ट इन्डिजका तीब्र गतिका बलर जेसन होल्डरले घातक बलिङ गर्दा घरेलु टोली इंग्ल्यान्डले पहिलो ट्वान्टी ट्वान्टी अन्तर्राष्ट्रिय खेलमा नौ विकेटको लज्जास्पद हारको सामना गरेको छ । जितसँगै वेस्ट इन्डिजले पाँच खेलको शृंखलामा १-० को अग्रता पनि हात पारेको छ ।

खेलमा टस जितेर पहिले बलिङ गर्ने निर्णय लिएको वेस्ट इन्डिजले इंग्ल्यान्डलाई १९ दशमलब चार ओभरमा १०३ रनमा रोक्यो भने १७ दशमलब एक ओभर खेल्दै एक विकेटको नोक्सानीमा लक्ष्य पार गर्यो ।

इंग्ल्यान्डलाई सानो स्कोरमा रोक्ने क्रममा होल्डरले तीन दशमलब चार ओभर बलिङ गर्दै एक मेडन ओभर सहित सात रन खर्चिएर चार विकेट हात पारे । होल्डर बाहेक महँगो साबित भए पनि शेल्डन कोट्रेलले चार ओभर ओभरमा ३० रन दिएर दुई विकेट आफ्नो नाममा दर्ता गराए ।

वेस्ट इन्डिजको जितमा ब्याटिङमा ब्रेन्डन किंगले अविजित रहँदै सर्वाधिक ५२ रनको पारी खेले भने निकोलस पुरनले पनि अविजित रहँदै २७ रन बनाए । त्यस बाहेक शे होप २० रन बनाएर आउट भए ।

४९ रनको अवस्थामा सात विकेट गुमाएको इंग्ल्यान्डको लागि आठौं र नवौ नम्बरमा ब्याटिङ गर्न आएका क्रिस जोर्डन र आदिल रशिदले क्रमश २८ र २२ रन जोड्दै इंग्ल्यान्डलाई तीन अंकको योगफल सम्म पुर्याए । उनीहरु बाहेक कप्तान ओएन मोर्गनले १७ र जेम्स विन्सले १२ रन बनाए भने अन्य कुनै पनि ब्याटरले दोहोरो अंकमा रन जोड्न सकेनन् ।

इंग्ल्यान्डका ओपनरहरु जेसन रोय र टम बान्टन क्रमश ६ र चार, मोइन अली गोल्डेन डक आउट, साम बिलिंग्स र लियाम डसन समान २-२ रन बनाएर पेभेलियन फर्किए ।


 

Continue Reading

Headline

आईपीएलका लागि आवेदन दिने १५ जना नेपाली खेलाडीहरु को को हुन् ?

wesportz

Published

on

नेपाल क्रिकेट संघ (क्यान) ले १५ औं संस्करणको इन्डियन प्रिमियर लिग (आईपीएल) को मेगा अक्सनको लागि आबेदन दिने १५ जना नेपाली खेलाडीहरुको नाम सार्वजनिक गरेको छ । आज बिहान मात्र भारतीय क्रिकेट बोर्ड (बिसीसीआई) ले मेगा अक्सनका लागि १२ सय १४ खेलाडीले आवेदन दिँदा नेपालका १५ जना खेलाडीहरुले आवेदन दिएको जनाएको थियो ।

नेपालबाट आवेदन दिने खेलाडीहरुमा असिफ शेख, पवन सर्राफ, सन्दिप जोरा, कुशल भुर्तेल, रोहित कुमार पौडेल, सुशन भारी, आरिफ शेख, अविनाश बोहरा, बिनोद भण्डारी, शरद भेषावाकर, कुशल मल्ल, करण केसी, सोमपाल कामी, दिपेन्द्र सिंह ऐरी, सन्दिप लामिछाने रहेका छन् ।

एसोसिएट्स राष्ट्रबाट ४१ जनाले आवेदन दिँदा सबैभन्दा धेरै आवेदन नेपालबाट नै परेको छ भने नेपालले बंगलादेश, आयरल्याण्ड र जिम्बाब्वे जस्ता टेस्ट राष्ट्रलाई पनि पछि पारेको छ । नेपाल पछि एसोसिएट्स राष्ट्रबाट आवेदन दिनेमा अमेरिका रहेको छ । अमेरिकाबाट १४ खेलाडीले आवेदन दिएका छन् ।

यो पनि पढ्नु होस् – ७ बर्षपछि जितेन्द्र मुखियाले देखेको उज्यालो

आवेदन दिनेमा सबैभन्दा धेरै अष्ट्रेलियाका खेलाडीहरुले दिएका छन् । अष्ट्रेलियाका ५९ जनाले आवेदन दिँदा भुटान, नेदरल्यान्ड्स, स्कटल्याण्ड र युएईका समान १-१ जनाले आवेदन दिएका छन् ।

यस पटकको मेगा अक्सनबाट १० फ्रेन्चाइजहरुले कुल २१७ खेलाडीको छनोट गर्नेछन् जस मध्य ७० जना विदेशी खेलाडी समावेस हुनेछन् । प्रत्येक फ्रेन्चाइजले अधिकतम २५ खेलाडी आफ्नो टोलीमा राख्न पाउने छन् ।

नेपाली टोलीका नवनियुक्त कप्तान सन्दिप लामिछाने मात्र नेपालको तर्फबाट आईपीएल खेल्ने एक्ला खेलाडी हुन् । सन् २०१८ मा उनी तीन सिजनका लागि दिल्ली क्यापिटल्समा आबद्ध भएका थिए भने अघिल्लो सिजनको लागि भएको मिनी अक्सनमा भने उनलाई कुनै पनि टोलीले आफ्नो टोलीमा समावेस गरेको थिएन ।

१५ औं सिजनको आईपीएलको अक्सन फेब्रुअरी १२ र १३ मा गरेर दुई दिन सम्म चल्ने छ ।

Continue Reading

Headline

‘बिबेक टिममा डिमान्ड भए अनुसारको अलराउण्डर हुन्’

wesportz

Published

on

नेपाली राष्ट्रिय टोलीका प्रशिक्षक पुबुदु दासानायकेले ओमानमा हुने ट्वान्टी ट्वान्टी बिश्वकप छनोटमा स्थान बनाउन सफल अण्डर–१९ क्रिकेट बिबेक यादवले टिममा डिमान्ड भए अनुसारको अलराउण्डर रहेको बताएका छन् ।

पछिल्लो एक बर्ष देखि आशा लाग्दो युवा प्रतिभाको रुपमा नेपाली क्रिकेटमा उदाइरहेका बिबेक बिभिन्न प्रतियोगिताहरुमा दिदै आएको राम्रो प्रदर्शनका कारण राष्ट्रिय टोलीमा स्थान बनाउन सफल भए । बिशेष गरि मिडल अर्डरमा ब्याटिँगबाट प्रभाव पारेका बिबेक बलिँगमा औषत रहेपनि दासानायकेले उनलाई युटिलिटी अलराउण्डरको रुपमा हेरेका छन् ।

नेपालले फेब्रुवरी १८ देखि बिश्वकप छनोट खेल्नु अघि ओमानमा चार राष्ट्र सम्मिलित ट्वान्टी ट्वान्टी अन्तर्राष्ट्रिय श्रृंखला खेल्न गइरहेको छ । तीन लिग खेल हुने भएका कारण दासानायकेलेलाई टिममा स्थान बनाउन सफल दुई युवा क्रिकेटर बिबेक र लोकेश बमसँगै पुनरागमन गरेका प्रदिप ऐरि, शरद भेषावकर र जितेन्द्र मुखियालाई पनि प्रयोग गर्ने अवसर मिल्नेछ ।

पुनरागमन गरेका खेलाडीहरुबारे अभ्यस्त रहिसकेका कारण दासानायकेले लोकेश र बिबेकको प्रदर्शनतर्फ भने बिशेष ध्यान दिनेछन् । दासानायके बिबेक सफल हुन सक्नेमा आशावादी रहेका छन् ।

“उनी निकै राम्रो युवा प्रतिभा हुन् । मलाई लाग्छ उनको अण्डर १९ टोलीबाट पनि प्रदर्शन राम्रै थियो । मैले उनको ब्याटिँग एभरेष्ट प्रिमियर लिगका दौरान पनि राम्रोसँग नियालेको थिए,” सेप्टेम्बर र अक्टोबरमा भएको इपिएलमा भैरहवा ग्लेडिएटर्स सम्हालेका दासानायकेले भने ।

यो पनि पढ्नु होस्

आईपीएलको मेगा अक्सनमा १५ जना नेपाली खेलाडीहरु 

७ बर्षपछि जितेन्द्र मुखियाले देखेको उज्यालो

अघिल्लो बर्षको प्रधानमन्त्री कप एकदिवसीयमा प्रदेश २ को लागि राम्रो प्रदर्शन गरेका बिबेकले इपिएलमा पोखरा राइनोजका लागि खेल्दै प्रभावशाली प्रदर्शन गरेका थिए । चार खेलमा ब्याटिँग गर्न पाएका उनले चितवन टाइगर्सबिरुद्ध फाइनलमा मात्र असफल हुँदा चार रन बनाएका थिए ।

त्यसबाहेक उनले ५१, ४१ नटआउट र १६ रनको तीन छरितो इनिङ्गस खेलेका थिए । अण्डर १९ एसिया कपमा अन्तिम खेलमा कुवेतबिरुद्ध असफल बिबेकले बलियो टोली श्रीलंकाबिरुद्ध ४४ र बंगलादेशबिरुद्ध २६ रन बनाएका थिए । दुवै अवसरमा उनले राम्रा साझेदारीहरु गर्दै नेपाललाई सम्मानजनक योगफल तर्फ डोर्याएका थिए ।

“बिबेक मिडल अर्डरमा ब्याटिँग गर्दै ठूला शटहरु त खेल्न सक्षम छन् नै, हामीले उनलाई टिममा समावेश गरेको कारण उनी बलिँगबाट पनि योगदान दिन सक्छ । उनको खेलको प्रकृती त्यही हो जुन आरिफ शेखको छ,” दासानायके भन्छन् ।

Continue Reading
Headline5 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline20 hours ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline21 hours ago

‘बिबेक टिममा डिमान्ड भए अनुसारको अलराउण्डर हुन्’

Headline22 hours ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline1 day ago

आईपीएलको मेगा अक्सनमा १५ जना नेपाली खेलाडीहरु 

Headline1 day ago

चार देशीय शृंखलाको पहिलो खेलमा नेपालले ओमानको सामना गर्ने 

Headline2 days ago

एक खेल बाँकी छदै भारतले दक्षिण अफ्रिकाबिरुद्ध श्रृंखला गुमायो

Headline2 days ago

पन्त र राहुलको अर्धशतकमा भारतको चुनौतिपूर्ण योगफल 

Headline2 days ago

आहा–रारा गोल्डकपः सब्स्टिच्युट गोलकिपर रोशन चम्किएपछि पुलिस क्वार्टर–फाइनलमा

Trending

error: Content is protected !!