Headline
दुई खेलमा देशको प्रतिनिधित्व गर्ने १० क्रिकेट खेलाडी
Published
4 years agoon
By
wesportzकुनै पनि खेलाडीलाई आफ्नो देशको लागि प्रतिनिधित्व गर्ने सपना र रहर हुन्छ । कतिपय खेलाडीहरू राष्ट्रिय स्तरमै सिमित हुन्छन् भने कतिपयले अन्तर्राष्ट्रिय स्तरमा पनि देशको लागि खेल्ने सौभाग्य प्राप्त गर्दछन् । धेरै खेलाडीहरूले एकै समयमा दुई खेल खेले पनि एउटालाई प्राथमिकता दिने गर्दछन् भने अर्कोलाई हबीका रुपमा लिन्छन् । तर यस्ता पनि खेलाडी हुन्छन् जो दुबै खेलमा उत्तिकै उत्कृष्ट हुनुको साथै देशका लागि दुबै खेल खेलका छन् ।
आज हामी यस्तै १० क्रिकेट खेलाडीको चर्चा गर्दैछौ जो क्रिकेटको साथसाथै अन्य खेल खेल्दै आफ्नो देशको प्रतिनिधित्व गर्न सफल भएका थिए ।
१. कपिल देव (भारत)
भारतीय क्रिकेट टोलीका पूर्व कप्तान कपिल देवले सन् १९८३ मा भारतलाई पहिलो विश्वकप जिताएका थिए । उनले क्रिकेटबाट सन्यास लिए पछि गल्फ खेल्न शुरु गरे र भारतको प्रतिनिधित्व गर्दै सन् २०१८ को एसिया प्यासिफिक गल्फमा सहभागित जनाएका थिए । तर उनको गल्फ करिअर भने धेरै लामो जान सकेन, कारण थियो क्रिकेटमै भिजेका कपिल देव क्रिकेट पण्डित र कमेन्टेटेरको रुपमा टिभिमा बढी देखिएका थिए ।
२. विभ रिचर्ड्स (वेस्ट इन्डिज)
विव रिचर्ड्स विश्व क्रिकेटले पाएको उत्कृष्ट ब्याट्सम्यान मध्ये एक हुन् । उनी मात्र यस्ता खेलाडी हुन् जसले क्रिकेट र फुटबलको विश्वकपमा आफ्नो देशको लागि खेलेका छन् । टेस्ट र एकदिवसीय गरेर आफ्नो देशको लागि १५ हजार भन्दा धेरै रन हानेका रिचार्ड्सले एन्टिगा एण्ड बार्बुडा (हाल एन्टिगा मात्रै) को तर्फबाट सन् १९७४ को विश्वकप फुटबलको छनोट खेल खेलेका थिए ।
३. डब्लुजी ग्रेस (इङ्गल्याण्ड)
डब्लुजी ग्रेस पेसाले डाक्टर हुन् । उनी अमेच्योर क्रिकेट खेलाडी हुन् । उनले ४४ वर्ष लामो आफ्नो क्रिकेट जीवनमा ८७० प्रथम श्रेणीको क्रिकेट खेल्दै ५४ हजार रन बनाउनुको साथै २८ सय विकेट पनि लिएका थिए । त्यस्तै उनले इङ्गल्याण्डको लागि २२ टेस्ट खेल्दै एक हजार रनका साथै ९ विकेट पनि हात पारेका थिए । त्यति मात्र हैन उनले कमनवेल्थ गेम्सको पहिलो संस्करणमा इङ्गल्याण्डको हाल आधिकारिक नरहेको बल्स पनि खेलेका थिए ।
४. युज्भेन्द्र चाहल (भारत)
युज्भेन्द्र चाहललाई हामीले लेग स्पिनरका रुपमा चिन्छौ । तर उनले भारतको तर्फबाट चेस पनि खेलेका थिए भन्दा अचम्म लाग्न सक्छ । चाहलले भारतको प्रतिनिधित्व गर्दै बिश्व युथ चेस च्याम्पियनसिपमा पनि भाग लिएका थिए । उनले क्रिकेट भन्दा पहिले चेस खेल्न सुरु गरेका हुन् । तर चेसमा स्पोन्सर पाउन मुस्किल परे पछि उनले चेस छाडेर क्रिकेटलाई आफ्नो पेसा बनाएका हुन् ।
५. जोन्टी रोड्स (दक्षिण अफ्रिका)
विश्वका सबैभन्दा उत्कृष्ट फिल्डर हुन् जोन्टी रोड्स । रोड्सले ब्याटिङबाट मात्र हैन आफ्नो उत्कृष्ट फिल्डिङ मद्दतमा दक्षिण अफ्रिकालाई धेरै खेलमा जित दिलाएका थिए । रोड्स क्रिकेट मात्र हैन हक्की पनि उत्तिकै राम्रो खेल्ने गर्दथे । सन् १९९२ मा आयोजना भएको ओलम्पिक्स छनोट खेल्ने दक्षिण अफ्रिकी टोलीमा रोड्स पनि थिए । तर दुर्भाग्य दक्षिण अफ्रिकाले ओलम्पिक्सको टिकट काट्न सकेन ।
६. आशान्था डि मेल (श्रीलंका)
आशान्था डि मेल श्रीलंका क्रिकेट टोलीका पूर्व तिब्र गतिका बलर हुन् । उनले श्रीलंकाको लागि क्रमश १७ र ५७ टेस्ट र एकदिवसीय खेल खेल्दै समान ५९ विकेट हात परेका थिए । उनले श्रीलंकालाई प्रतिनिधित्व गर्दै कमनवेल्थ खेलमा बृज खेल खेलेका थिए ।
७. रुडी भान वूरेन (नामिबिया)
रुडी भान वूरेन पेसाले डाक्टर हुन् । तर उनले आफ्नो देशको लागि दुई खेल (क्रिकेट र रग्बी) को विश्वकप खेलेका थिए त्यो पनि एकै बर्षमा । उनले सन् २००३ मा नामिबियाको लागि दुबै विश्वकप खेलेका हुन् ।
८. कोटर रामास्वामी (भारत)
कोटर रामास्वामीले ४० बर्षको उमेरमा भारतको लागि टेस्टमा डेब्यु गरेका थिए । तर टेस्टमा डेब्यु गर्नु पहिले उनी टेनिस खेलाडी थिए । उनले पुरुष डबल्समा भारतको लागि डेभिस कप खेल्दै रोमानिया र स्पेनलाई पनि पराजित गरेका थिए । उक्त प्रतियोगितामा उनको साथी डाक्टर हसन अली फैजी रहेका थिए ।
९. आसिफ इकबाल (केन्या)
केन्या टोलीका पूर्व बायाँ हाते स्पिनर आसिफ इकबाल क्रिकेट मात्र नभएर टेनिस खेलाडी पनि हुन् । सबैभन्दा अचम्म के छ भने उनले केन्या क्रिकेट टोली र डेभिस कप खेल्ने टेनिस टोली दुबैको कप्तानीको जिम्मेवारी पनि सम्हालेका थिए ।
१०. सुजी बेट्स (न्युजिल्याण्ड)
सुजी बेट्स एक मात्र महिला क्रिकेट खेलाडी हुन् जसले न्युजिल्याण्डको तर्फबाट ओलम्पिक्समा पनि सहभागिता जनाएकी छिन् । उनले सन् २००८ मा आयोजना भएको बेइजिङ्ग ओलम्पिक्समा न्युजिल्याण्डको तर्फबाट बास्केटबल खेलेकी थिइन् । त्यस्तै उनले सन् २०११ मा न्युजिल्याण्ड महिला क्रिकेट टोलीको पनि कप्तानी सम्हालेकी थिइन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।