Connect with us

Headline

नयाँ प्रशिक्षक पिर्लोको युभेन्टस यात्राः ‘माइस्ट्रो बाट मिस्टर’

wesportz

Published

on

माउरिजियो सारीलाई बर्खास्त गरेको केही घण्टामै ९ पटकको इटालियन सिरी आ बिजेता युभेन्टसले बिश्व फुटबलमा नयाँ अध्यायको बाचाका साथ पुर्व इटाली र आफ्नै क्लब लेजेण्ड आन्द्रे पिर्लोलाई प्रशिक्षक नियुक्त गर्यो । इटालियन महारथी युभेन्टस फ्रेञ्च क्लब लायोनसँग अवे गोलका आधारमा पछि पर्दै च्याम्पियन्स लिगको प्रि क्वार्टरफाइनलबाटै बाहिरिएपछि क्लब व्यवस्थापनले ६१ बर्षिय सारीलाई बर्खास्त गरेको थियो ।

यसअघि माथिल्लो स्तरमा कुनै पनि अनुभव नरहेका ४१ बर्षिय पिर्लो युभेन्टसको अण्डर–२३ टोली छोड्दै दुई बर्षको सम्झौतामा सिनियर टोलीको बागडोर सम्हाल्न आइपुगेका छन् ।

“बेञ्चमा आफ्नो डेब्युदेखि नै नेतृत्व गर्ने क्षमता भएको बिश्वासका कारण नै पिर्लोलाई रोजिएको हो । युभेन्टसको ‘एक्सपर्ट’ र प्रतिभावान टोलीले नयाँ उचाई छुन मद्दत गर्नेछ । आज, उनको बिश्व फुटबलको करिअरमा नयाँ अध्यायको शुरुवात हुदैछ । उनी ‘माइस्ट्रोबाट मिस्टर’ बन्दैछन्, युभेन्टसले उनको नियुक्ति पछि भनेको छ ।

चेल्सीलाई युरोपा लिग जिताएका सारी गत सिजन तीन बर्षको सम्झौतामा टुरिन पुगेका थिए । तर मैदानमा उनले बाचा गरिए अनुरुपको खेल्ने शैलिमा क्रान्ति भने ल्याउन सकेनन् ।

युभेन्टसको इटालीमा दबदबा कायम राख्ने क्रममा सारी लगातार नवौं उपाधिको हिस्सा रहेपनि यो सिजन उसको पछिल्लो १० बर्षकै खराब प्रदर्शन थियो । दुई खेल बाकी हुदै उपाधि जितेको युभेन्टस सिजन समाप्त हुँदा सम्म मात्र एक अंकले शिर्ष स्थानमा रहेको थियो ।

खेलाडीको रुपमा युभेन्टसमा चार बर्ष बिताएका पिर्लोसँग प्रशिक्षको कुनै अनुभव छैन

लिगमा युभेन्टसले ७ खेलमा पराजय बेहोर्दा उसले ९ उपाधि जित्दाको सबैभन्दा बढी खेल हारेको सिजन पनि बन्न पुगेको थियो । ३८ खेलमा युभेन्टसले ४३ गोल खान पुगेको थियो भने च्याम्पियन्स लिगबाट बाहिरिएपछि क्लब व्यवस्थापनसँग सारीलाई निकाल्न एउटा राम्रो कारण रहेको थियो ।

समय खेर नफालेरै पिर्लोलाई प्रशिक्षक नियुक्त गर्नु युभेन्टस अध्यक्ष आन्द्रे एग्नेलीका लागि पनि एउटा ‘बोल्ड मुभ’ हो ।

जिनेदिन जिदान, फ्रांक लाम्पार्ड र जेनारो गाट्टुसो जस्ता पुर्व खेलाडीहरु पनि प्रशिक्षक बनेका छन् तर पिर्लो कुनै अनुभव बिनै यो स्थानमा आइपुगेका छन् । युभेन्टसले उनको लिगेसीलाई सम्मान गरेको स्पष्ट देखिन्छ । २०११ देखि २०१५ सम्म क्लबमा प्रभाव जमाएका पुर्व मिडफिल्डर पिर्लोलाई युभेन्टस र उसको खेलाडीहरुको बारेमा भने राम्रो ज्ञान छ ।

“खेलाडीको रुपमा पिर्लोको करिअर लेजेण्डरी थियो । युभेन्टसमा रहदा नै उनले चार लिग उपाधि, कोप्पा इटालिया र दुई इटालियन सुपर कप जितेका थिए,” युभेन्टसले भनेको छ । पिर्लोले एसि मिलानका लागि दुई च्याम्पियन्स लिग र दुई इटालियन सिरी आ पनि जितेका थिए ।

१९९६ यता च्याम्पियन्स लिग जित्न नसकेको दुई पटकको बिजेता युभेन्टसको लामो समयदेखिको असफलताको मुल्य पुर्व नापोली प्रशिक्षक सारीले चुकाउन पुगेका हुन् । यसै सिजन क्लब इटालियन कप र इटालियन सुपर कपको फाइनलमा पराजित भएको थियो ।

“च्याम्पियन्स लिग पहिले हाम्रो लागि सपना थियो भने अहिले लक्ष्य । यसरी बाहिरिनु पर्दा हामी, खेलाडी र समर्थकहरु सबैजना निराश छौं । अब हामीले गहन बिश्लेषण गर्न आवश्यक छ । नयाँ शुरुवात गर्दा हामीले त्यही उत्साह र जितको भोक कायम राख्नु पर्नेछ,” एग्नेलीले भने ।

१९९५ मा घरेलु क्लब ब्रेसियाबाट व्यवसायिक करिअर शुरु गरेका पिर्लोले इन्टर मिलान, एसि मिलान र युभेन्टसका लागि खेल्दै इटालीमै लामो समय बिताएका थिए । करिअरको अन्त्य गर्ने क्रममा उनले अमेरिकन मेजर लिग सकर क्लब न्युयोर्क सिटी एफसीमा दुई सिजन खेले ।

युभेन्टस गोलकिपर बुफोन पिर्लो भन्दा एक बर्ष पाका छन्

इटालीले सन् २००६ को बिश्वकप जित्दा मुख्य भुमिकामा रहेका पिर्लोले देशका लागि १ सय १६ खेल खेलेका छन् । २०१७ मा खेलाडी जीवन समाप्त गरेपछि फुटबलको दुनियामा बाहिर नदेखिएका उनले टेलिभिजन पण्डितको रुपमा काम गर्दै आइरहेका थिए । उनको उत्साहको कमिका कारण नै ‘पिर्लो इज नट इम्प्रेस्ड’ (पिर्लो प्रभावित हुन सकेनन्) भन्ने नारा इन्टरनेटमा निकै प्रख्यात हुदै आइरहेको थियो ।

युभेन्टसमा अब पिर्लो युवा खेलाडीहरुसँगै आफ्ना समकक्षीहरुलाई पनि प्रशिक्षण दिइरहेको हुनेछन् । ती मध्ये एक हुन उनी भन्दा एक बर्ष ठूलो गोलकिपर जियानलुईगी बुफोन । “त्यसो भए मैले अब तिमीलाई मिस्टर भन्नु पर्ने भयो ? नयाँ चुनौतिका लागि शुभकामना आन्द्रे,” बुफोनले आफ्नो ट्विटरमा लेखेका छन् ।

पिर्लोले दुई बर्षअघि १ सय १५ मिलियन डलरमा युभेन्टस आएका पोर्चुगिज सुपरस्टार क्रिष्चियानो रोनाल्डोलाई पनि सम्हाल्नु पर्नेछ । ३५ बर्षिय रोनाल्डोले शुक्रबार दुई गोल गरेपनि युभेन्टसलाई आफ्नै देश पोर्चुगलमा हुने च्याम्पियन्स लिग क्वार्टर–फाइनलसम्म डोर्याउन असफल भएका थिए ।

Headline

फेरि हार्यो नेपाल

wesportz

Published

on

ओपनर स्टेभन टेलरको आक्रमक ब्याटिङ्गपछि नेपालले आईसिसि क्रिकेट बिश्वकप लिग टु त्रिकोणात्मक श्रृंखलामा लगातार दोश्रो पराजय भोगेको छ ।

ओमानमा भएको खेलमा एकपटक फेरि निकै फितलो ब्याटिङ्ग गरेको नेपाल ४८ ओभरमा १ सय ७४ रनको झिनो योगफलमै समेटियो । टेलरले ६३ बलमै ९२ रन ठोकेपछि अमेरिकाले ३० ओभर भित्रै लक्ष्य प्राप्त गर्दै चार विकेटको क्षतिमा १ सय ७५ रन बनायो ।

नेपालले यसअघिको खेलमा पनि १ सय ९४ रन बनाउदा ओमानले ३१ दशमलव १ ओभरमै लक्ष्य पछ्याएको थियो ।

२०२३ बिश्वकपको छनौटको एक चरणको रुपमा रहेको लिग टु मा नेपाल हारका कारण चौथो स्थानमा उक्लन असफल रह्यो । ७ खेल खेलेको नेपालको ६ अंक रहेको छ भने दोश्रो स्थानमा रहेको अमेरिकाको १४ अंक भएको छ । अमेरिकाले १५ खेल भने खेलिसकेको छ ।

ओमान १२ खेलपछि २० अंकसहित शिर्षस्थानमा कायमै रहेको छ । यो श्रृंखलाको अन्तिम खेलमा नेपालले आइतबार ओमानको सामना गर्नेछ ।

नेपालले दिएको झिनो लक्ष्यको फाइदा उठाउदै टेलरले निकै आक्रमक पारी खेल्दै टिमलाई जित्ने स्थितिमा पुर्याएका थिए । लेग स्पिनर सन्दिप लामिछानेले आफ्नो पहिलो ओभरमै दुई विकेट लिएपनि अर्को एण्डमा टेलरले आक्रमक इनिङ्गसलाई निरन्तरता दिएका थिए ।

करण केसीको बलमा आउट हुनु अघि १२ चौका र तीन छक्का प्रहार गरेका टेलर आफ्नो पहिलो एकदिवसीय शतक बनाउनबाट भने चुके । करणले त्यही ओभरमा सन्जय कृष्णमुर्तिलाई पनि शुन्यमा पेभिलियन फर्काउदै झिनो आशा दिए पनि जस्करण मल्होत्रा र मोनांक पटेलले अद्र्धशतकीय साझेदारी गर्दै अमेरिकाको जित सुनिश्चित पारेका थिए ।

मानोंकले धैर्यता पुर्वक खेल्दै ७० बलमा ३८ रन बनाए भने जस्करणले तीन छक्कमा र दुई चौकाको मद्दतमा ३२ बलमा ३६ रन बनाए ।

यसअघि करिमा गोरेले शुरुवाती तीन विकेटमै आफ्नो भुमिका खेलेपछि नेपालले सोचे अनुरुपको शुरुवात पाउन सकेन । गाोरेले काइल फिलिपको बलमा आसिफ शेखको टप एजलाई उत्कृष्ट ढँगले समाते भने दोश्रो विकेटका लागि भएको अद्र्धशतकीय साझेदारी पनि तोडे ।

यस क्रममा उनले राम्रो लयमा देखिएका कुशल भुर्तेललाई बोल्ड गरेका थिए । कुशलले ४३ बलमा ३६ रन बनाउदा पाँच चौका र एक छक्का प्रहार गरे । लगत्तै गोरेले फर्ममा रहेका रोहित कुमार पौडेललाई एल्मोर हचिन्सनको बलमा डाइभ हान्दै पोइन्टमा उत्कृष्ट क्याच लिएका थिए ।

ज्ञानेन्द्र र बिनोद भण्डारी (१०) बीचको साझेदारी पनि लामो समय टिक्न नसक्दा प्रशिक्षक डेभ ह्वाटमोरले डेब्युटेन्ट गुल्शन झालाई पाँच नम्बरमा पठाउदै अचम्ममा पारे । तर गुल्शनले ज्ञानेन्द्रसँग ५१ रनको साझेदारी गरे ।
५३ बलको सामना गरेका गुल्शनले दुई चौका र एक छक्काको मद्दतमा २८ रन बनाए । कुशल मल्ल (शुन्य) र सोमपाल कामी (२) दुवैले खराब शट रोज्दै फेरि एकपटक निराश बनाए । ज्ञानेन्द्रले १ सय १ बलमा आफ्नो अद्र्धशतक पुरा गरे भने ४६ औं ओभरमा फिलिपको बलमा पेभिलियन फर्किए ।

अमेरिकाका लागि तिब्र गतिका बलरहरुले ८ विकेट लिँदा कप्तान सौरभ नेत्रभाल्करले ४ र फिलिपले दुई विकेट हात पारे ।

Continue Reading

Headline

अमेरिकाबिरुद्ध नेपालको फितलो ब्याटिङ्ग

wesportz

Published

on

कप्तान ज्ञानेन्द्र मल्लले करिअरको तेश्रो एकदिवसीय अन्तर्राष्ट्रिय अद्र्धशतक प्रहार गरेपनि नेपालले आईसिसि क्रिकेट बिश्वकप लिग टु त्रिकोणात्मक श्रृंखला अन्तर्गत अमेरिकाबिरुद्धको खेलमा फितलो ब्याटिङ्ग गरेको छ ।

अल अमिरतमा टस हारी पहिलो ब्याटिङ्ग गरेको नेपाल लगातार दोश्रो खेलमा ५० ओभर टिक्न सकेन । यसअघिको खेलमा अमेरिकालाई पाँच विकेटले पराजित गरेको नेपालले ४८ ओभरमा सबै विकेट गुमाएर १ सय ७४ रन मात्रै बनाउन सक्यो ।

करिमा गोरेले शुरुवाती तीन विकेटमै आफ्नो भुमिका खेलेपछि नेपालले सोचे अनुरुपको शुरुवात पाउन सकेन । गाोरेले काइल फिलिपको बलमा आसिफ शेखको टप एजेलाई उत्कृष्ट ढँगले समाते भने दोश्रो विकेटका लागि भएको अद्र्धशतकीय साझेदारी पनि तोडे ।

यस क्रममा उनले राम्रो लयमा देखिएका कुशल भुर्तेललाई बोल्ड गरेका थिए । कुशलले ४३ बलमा ३६ रन बनाउदा पाँच चौका र एक छक्का प्रहार गरे । लगत्तै गोरेले फर्ममा रहेका रोहित कुमार पौडेललाई एल्मोर हचिन्सनको बलमा डाइभ हान्दै पोइन्टमा उत्कृष्ट क्याच लिएका थिए ।

ज्ञानेन्द्र र बिनोद भण्डारी (१०) बीचको साझेदारी पनि लामो समय टिक्न नसक्दा प्रशिक्षक डेभ ह्वाटमोरले डेब्युटेन्ट गुल्शन झालाई पाँच नम्बरमा पठाउदै अचम्ममा पारे । तर गुल्शनले ज्ञानेन्द्रसँग ५१ रनको साझेदारी गरे ।

५३ बलको सामना गरेका गुल्शनले दुई चौका र एक छक्काको मद्दतमा २८ रन बनाए । कुशल मल्ल –शुन्य) र सोमपाल कामी (२) दुवैले खराब शट रोज्दै फेरि एकपटक निराश बनाए । ज्ञानेन्द्रले १ सय १ बलमा आफ्नो अद्र्धशतक पुरा गरे भने ४६ औं ओभरमा फिलिपको बलमा पेभिलियन फर्किए ।

अमेरिकाका लागि तिब्र गतिका बलरहरुले ८ विकेट लिँदा कप्तान सौरभ नेत्रभाल्करले ४ र फिलिपले दुई विकेट हात पारे ।

Continue Reading

Headline

च्याम्पियन्स लिग गोल गरेको केही छिनमै बुवा गुमाउदा

wesportz

Published

on

डच खेलाडी नेथन एकेले म्यानचेस्टर सिटीका लागि च्याम्पियन्स लिगको पहिलो खेलमा बुधबार आरबी लाइपजिगबिरुद्ध गोल गरेको केही क्षणमै आफूले बुवा गुमाएको खुलासा गरेका छन् ।

एकेले शुरुवाती गोल गरेको खेलमा सिटी घरेलु मैदान इतिहाद स्टेडियममा जर्मन टोली लाइपजिगमाथि ६–३ को सनसनीपूर्ण जित निकालेको थियो । २६ बर्षिय एकेले आफ्नो पहिलो च्याम्पिन्स लिग गोलको खुशियाली उनको बुवाको मृत्युको खबरले लामो समय मनाउन पाएनन् ।

एकेका बुवा मोइजे दिर्घरोगले लामो समयदेखि थलिएका थिए । “पछिल्लो केही साताहरु मेरो जीवनको सबैभन्दा कठिन थियो । मेरो बुवा निकै बिरामी हुनुहुन्थ्यो र उपचार पनि गर्न नसकिने स्थितिमा पुगिसक्नु भएको थियो,” एकेले आफ्नो इस्टाग्राममा लेखेका छन् ।

“गाह्रो समयपछि मैले हिजो च्याम्पियन्स लिगमा आफ्नो पहिलो गोल गरे र त्यसको केही क्षणमै मेरो बुवा बित्नुभयो । मेरो आमा र भाइ उनीसँगै भएको कारण उनको मृत्यु सहज बन्यो,” भावुक एकेले भनेका छन् ।

Continue Reading
राष्ट्रिय49 mins ago

ओमान विरुद्ध बलिङ गर्दै नेपाल, आज दुई परिवर्तन 

अन्तर्राष्ट्रिय3 hours ago

पाँच महिना पछि आईपीएल आजबाट सुचारु हुँदै

राष्ट्रिय4 hours ago

ओमान भ्रमणमा सुखद अन्त्यको आशामा नेपाल 

Headline2 days ago

फेरि हार्यो नेपाल

Headline2 days ago

अमेरिकाबिरुद्ध नेपालको फितलो ब्याटिङ्ग

अन्तर्राष्ट्रिय2 days ago

अमेरिका विरुद्ध नेपाल पहिले ब्याटिङ गर्दै, गुल्शनको डेब्यु  

Headline2 days ago

च्याम्पियन्स लिग गोल गरेको केही छिनमै बुवा गुमाउदा

Headline3 days ago

च्याम्पियन्स लिगः रोनाल्डोले नाइ भनेर के भयो र ? म्यान सिटीको लागि ग्रिलिस आइसके ।

Headline3 days ago

च्याम्पियन्स लिगः मेस्सीले शुरुवात गरेको खेलमा पिएसजी रोकियो, मिलानको पुनरागमन खल्लो

Headline4 days ago

बायर्नसँग बार्सा फेरि पनि नराम्ररी पराजित

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline12 months ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline11 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!