Connect with us

Headline

केटा जस्तै खेल्ने केटी

गौरव फुयाल

Published

on

१३ औं दक्षिण एसियाली खेलकुदको महिला बास्केटबल सेमिफाइनलमा नेपाल नयाँ इतिहासको संघारमा थियो । तेश्रो क्वार्टरको समाप्तिसम्ममा १७ अंकको फराकिलो अन्तरको अग्रता बनाएपनि मालदिभ्स अन्तिम क्वार्टरमा खेलमा फर्किएको थियो ।

मालदिभ्सले तीन मिनेटभन्दा कम समय बाकी रहदा नेपालको अग्रतालाई ६ अंंकमा झारिदिदा बेञ्चमा माहौल तनावपूर्ण भयो । त्यसपछि शुरु भयो अनुशा मल्लको खेल । त्रिपुरेश्वरको कभर्ड हलमा सेमिफाइनलको अन्तिम क्षण आफ्नो नियन्त्रणमा लिदै उनले नेपालको जितको आधार तयार पारिन् ।

नेपालले खेल ६८–५५ ले जित्यो । अन्तर्राष्ट्रिय महिला बास्केटबलमा त्यो नेपालको लागि पहिलो रजत पदक पक्का भएको थियो । निकै बेर खुशीयाली बनाएको नेपाली टोलीका खेलाडीहरुले आशु बगाएका थिए । लामो समयदेखि गर्दै आएको मिहिनेतको महत्व ती आशुका थोपाहरुमा थिए ।

मालदिभ्सबिरुद्धको खेलमा प्रतिक्षा मगरले पनि राम्रो योगदान दिएकी थिइन् तर नेपालको खेललाई अनुशाले चलाएकी थिइन् । आफूले गरेको १८ मध्ये १० अंक अनुशाले अन्तिम क्वार्टरमै गरेकी थिइन् । उनले त्यसअघि भुटानबिरुद्धको महत्वपूर्ण खेलमा पनि २२ अकको योगदान दिएकी थिइन् ।

तर अनुशाको खेललाई रिङ्गमा छिरेका स्कोरहरुले बयान गर्दैन ।

कोर्टमा जब तपाईं अनुशाको बल ह्यान्डलिङ्ग हेर्नु हुन्छ तपाईंलाई सबैभन्दा पहिले त उनको आत्मबिश्वासले भरिएको ड्रिब्लिङ्गले फ्यान बनाउनेछ । उनी बास्केटबलको लागि नै बनेको आभाष हुन्छ ।

अनुशाको त्यो “स्मुद ड्रिब्लिङ्ग” नेपाली महिला बास्केटबलमा बिरलै देख्न पाइन्छ । उनका प्रशिक्षक बिकास शाही त झन उनको जस्तो बल ह्याण्डिलङ्ग र ड्रिब्लिङ्ग क्षमता नेपाली महिला बास्केटबलमै नभएको मान्छन् । यस्तो लाग्छ महिला टिममा कोही केटा मिसिएर खेलिरहेको छ ।

“अनुशाले केटा जसरी नै खेल्छिन् । अनुशा भनेको नेपाली महिला बास्केटबलको इन्जिन नै हो । हामीले कुनै पनि म्याचमा रणनीति बनाउनु पर्दा अनुशाकै वरिपरि बनाउनु पर्छ । मैले नेपालमा उ जस्तो राम्रो बल ह्याण्ड्लिङ्ग र ड्रिब्लिङ्ग स्किल भएको अर्को कोही पनि देखेकै छैन,” पुर्व राष्ट्रिय खेलाडी शाही भन्छन् ।

१७ बर्षको कलिलो उमेरमै राष्ट्रिय टोलीमा स्थान बनाउन सफल अनुशाको खेल राता–रात खारिएको होइन् । यसमा उनको मिहिनेत र खेलप्रतिको लगावले उत्तिकै महत्व राखेको छ । “स्कुल पढ्दाको उमेर देखी नै बास्केटबल सिक्न थालेको थिए । सिनियर दाईहरुले खेलेको हेर्दै ड्रिब्लिङ्ग सिके । म्याचहरु भन्दा पनि म आफूलाई बल ह्यान्डलिङ्गमा पोख्त बनाउन एक्लै अभ्यासहरु गरिरहेको हुन्थे,” अनुशा सम्झिन्छिन् ।

केटा जस्तो “बडी मुभमेन्ट” र ड्रिब्लिङमा पोख्त हुनुको रहस्य भने उनले आत्मबिश्वास र प्रशिक्षण नै भएको बताउछिन् । बास्केटबलसँगै हुर्किएकी अनुशाले नेपालका लागि खेलेको पनि आठ बर्ष भईसकेको छ । सन् २०१२ मा चिनको शहर हायाङमा भएको एसियन बिच गेम्समा थ्री बाइ थ्री बास्केटबलबाट राष्ट्रिय टोलीमा डेब्यु गरेकी उनले त्यस्पछिका दिनहरुमा भने राष्ट्रिय टोलीमा आफ्नो स्थानमा नियमित रुपमा बनाउदै आएकी छिन् ।

चिनमा भएको एसियाली बिच खेलकुद, १७ औँ एसियाली खेलकुद, १८ औ एसियाली खेलकुद र १३ औँ दक्षिण एसियाली खेलकुदमा नेपालका लागि अनुशाले खेलिसकेकी छिन् ।

अहिले उनी बिनाको राष्ट्रिय टोली कल्पना बाहिरको कुरा भइसकेको छ । पोइन्ट गार्ड पोजिसनमा खेल्ने अनुशा आफैले पनि अब बास्केटबलबिना आफ्नो अस्तित्व सोच्न सक्दिनन् । “मेरो लागि बास्केटबल जीवन हो वा भनौ जीवन जिउने एक माध्यम,” अनुशाको यो भनाई उनले कुनै पनि म्याचमा देखाएको गम्भिर्यताले नै स्पष्ट हुन्छ ।

“अनुशाको बास्केटबल स्किल अरु भन्दा निकै फरक छ,” नेपाली महिला बस्केटबल टोलीकी कप्तान सदिना श्रेष्ठ पनि अनुशा निकै राम्रो खेलाडी भएको मान्छिन्ः “उनी हाम्रो टोलीको प्रमुख खेलाडी हुन् । उनको खेलकै कुरा गर्ने हो भने उनको जस्तो गति भएको खेल निकै कम खेलाडीको देख्न पाईन्छ ।”

दक्षिण एसियाली खेलकुदमा मालदिभ्सबिरुद्ध खेलिएकै खेल अनुशाको लागि सम्झनलायक खेल हो । नेपाली बास्केटबल तुलनात्मक रुपमा सुधारिएको एउटा प्रमुख कारण रहेकी अनुशालाई देशका लागि खेल्दा निकै दवाब हुने मान्छिन् । “राष्ट्रिय टोलीमा छनोट हुनु निकै गर्वको कुरा हो तर मलाई नेपालको लागि खेल्दा निकै दवाब हुने गर्छ,” उनी भन्छिन् ।

नेपाली बास्केटबलको लागि भने अनुशाको उपस्थिति एउटा ठूलो चुनौति हो । नेपालले ऐतिहासिक रजत पदकका लागि फाइनमा स्थान बनाउदा भारतसँग भने नराम्ररी पराजित भएको थियो ।

शारिरिक रुपमा निकै सशक्त रहेको भारतले १२७–४६ को फराकिलो जित हात पारेको थियो । लामो तपस्यापछि प्राप्त रजत पदकलाई अब स्वर्ण पदक गर्ने हो भने नेपालको लागि एक अनुशाको उपस्थितिले मात्र पर्याप्त हुने छैन । नेपालमा घरेलु प्रतियोगिताहरु नै लगभग शुन्यको स्थितिमा छ भने उमेन्स नेपाल बास्केटबल लिग पनि एक हप्ता मात्रै सञ्चालन हुने गरेको छ ।

कलेजस्तरीय प्रतियोगिताहरुमा राष्ट्रिय टोलीका खेलाडी खेल्न नपाउने नियमका कारण पनि महिला खेलाडीहरुले आफ्नै घरमा पनि पर्याप्त खेल्ने अवसर मिलेको छैन । नेपाली राष्ट्रिय महिला टोलीको लागि आफूले गर्ने गरेका अभ्यास, राष्ट्रिय टोलीको प्रशिक्षण र अन्तर्राष्ट्रिय सहभागिता नै आफूलाई एक्सपोजर दिने माध्यम बनेको छ । धन्न खेलाडीहरु बास्केटबलमा लागेर पछुताएका छैनन् ।

“मलाई बास्केटबलमा आफ्नो जीवन बिताएकोमा कुनै पछुतो छैन । तर कहिले काही यहाँको व्यवस्थापन र प्रतियोगिता नै नहुने परम्परा ले भने निकै निराश बनाउछ,” अनुशा भन्छिन् ।

स्नातक पढ्दै गरेकी अनुशा कलेजको अनलाइन क्लास बाहेक बिहान बेलुका नजिकैको गोल्फुटार कोर्टमा पुग्छिन् । अन्तर्राष्ट्रिय खेलाडी भएकाले उनलाई आफू फिट रहनुको महत्व राम्ररी थाहा छ । अनुशालाई आशा छ कुनै समय खेलका लागि उनले आफै अग्रसरता लिनुपर्ने छैन ।

गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।

Headline

च्याम्पियन्स लिग गोल गरेको केही छिनमै बुवा गुमाउदा

wesportz

Published

on

डच खेलाडी नेथन एकेले म्यानचेस्टर सिटीका लागि च्याम्पियन्स लिगको पहिलो खेलमा बुधबार आरबी लाइपजिगबिरुद्ध गोल गरेको केही क्षणमै आफूले बुवा गुमाएको खुलासा गरेका छन् ।

एकेले शुरुवाती गोल गरेको खेलमा सिटी घरेलु मैदान इतिहाद स्टेडियममा जर्मन टोली लाइपजिगमाथि ६–३ को सनसनीपूर्ण जित निकालेको थियो । २६ बर्षिय एकेले आफ्नो पहिलो च्याम्पिन्स लिग गोलको खुशियाली उनको बुवाको मृत्युको खबरले लामो समय मनाउन पाएनन् ।

एकेका बुवा मोइजे दिर्घरोगले लामो समयदेखि थलिएका थिए । “पछिल्लो केही साताहरु मेरो जीवनको सबैभन्दा कठिन थियो । मेरो बुवा निकै बिरामी हुनुहुन्थ्यो र उपचार पनि गर्न नसकिने स्थितिमा पुगिसक्नु भएको थियो,” एकेले आफ्नो इस्टाग्राममा लेखेका छन् ।

“गाह्रो समयपछि मैले हिजो च्याम्पियन्स लिगमा आफ्नो पहिलो गोल गरे र त्यसको केही क्षणमै मेरो बुवा बित्नुभयो । मेरो आमा र भाइ उनीसँगै भएको कारण उनको मृत्यु सहज बन्यो,” भावुक एकेले भनेका छन् ।

Continue Reading

Headline

च्याम्पियन्स लिगः रोनाल्डोले नाइ भनेर के भयो र ? म्यान सिटीको लागि ग्रिलिस आइसके ।

wesportz

Published

on

पोर्चुगिज सुपरस्टार क्रिष्चियानो रोनाल्डोलाई भित्र्याउन म्यानचेस्टर सिटीले राम्रै कसरत गरेको थियो । तर उनले सिटीको प्रस्तावलाई लत्याउदै पुरानो क्लब म्यानचेस्टर युनाइटेड रोजे ।

सिटीले बुधबार च्याम्पियन्स लिगमा आफ्नो पहिलो खेल खेल्यो र त्यसमा रोनाल्डोको स्थान पाएका ज्याक ग्रिलिसले पनि डेब्यु गरे । अन्ततः सिटीलाई रोनाल्डोले गरेको अस्विकारको कुनै पछुतो भएन ।

ग्रिलिसले शान्दार प्रदर्शन गर्दै सिटीको जर्मन क्लब आरबी लाइपजिग माथि ६–३ को सनसनीपूर्ण जितमा महत्वपूर्ण भुमिका खेले ।

इंगल्याण्डका लागि युरो कपमा पनि टिममा स्थान बनाएका ग्रिलिसले च्याम्पियन्स लिग खेल्न पाउने आकर्षणका कारण नै आफ्नो बच्चादेखिको क्लब एस्टन भिल्ला छोड्दै १ सय मिलियन पाउण्डको क्लब किर्तिमानी रकममा सिटी आएको बताएका थिए । र उनले यसको भरपुर फाइदा उठाए ।

इतिहाद स्टेडियममा दोश्रो हाफमा एकल प्रयासमा सुन्दर गोल गरेका ग्रिलिसले पहिलो हाफमा नेथन एकेको गोलमा पनि उत्कृष्ट कर्नरमार्फत असिस्ट गरेका थिए । सिटी व्यवस्थापक पेप ग्वार्डियोलाले रोनाल्डो नहुनुको क्षतिपुर्ति पुरा भएको बिश्वास राखे भने ग्रिलिसले प्रेरणादायी प्रदर्शन मार्फत त्यसलाई साबित पनि गरि छाडे ।

“मलाई एकदम राम्रो लाग्यो । पछिल्लो केही साता म यो खेलको लागि निकै व्यग्र थिए । मैले वास्तवमै च्याम्पियन्स लिगमा खेले र यो मेरो लागि अविस्मरणीय रह्यो । आजको जितले यसलाई अझै राम्रो बनायो । यो हाम्रो लागि उत्कृष्ट रात थियो,” ग्रिलिसले खेलपछि भने ।

नोर्डी मुकिलेको आत्मघाती गोलपछि सिटीको अग्रता २८ मिनेटमा दोब्बर बनेको थियो । तर क्रिष्टोफर एनकुंकुले ४२ औं मिनेटमा लाइपजिगलाई खेलमा फर्काए । रियाद माह्रेजले पेनाल्टीमा गोल गर्दै पहिलो हाफ अघि सिटीको दुई गोलको अग्रता फर्काएका थिए ।

एनकुंकुले ५१ औं मिनेटमा अर्को गोल गर्दै लाइपजिगलाई खेलमा कायमै राखेपनि ग्रिलिसको गोलले फेरि एकपटक सिटीलाई माथि राख्यो । एनकुंकुले ह्याट्रिक गर्दै खेललाई रोमाञ्चक बनाउदा जाओ क्यान्सेलो र ग्याब्रियल जिजसले गोल गर्दा सिटीको जित सुरक्षित बन्यो ।

Continue Reading

Headline

च्याम्पियन्स लिगः मेस्सीले शुरुवात गरेको खेलमा पिएसजी रोकियो, मिलानको पुनरागमन खल्लो

wesportz

Published

on

लियोनल मेस्सीले पेरिस सेन्ट जमाईन (पिएसजी) का लागि शुरुवात गरेपनि फ्रेञ्च महारथी च्याम्पियन्स लिगको आफ्नो पहिलो खेलमा बेल्जियमको क्लब ब्रुगसँग १–१ को बराबरीमा रोक्किएको छ ।

यान ब्रेडेल स्टेडियममा एण्डर हेरेराले पिएसजीलाई शुरुवात दिलाएपनि यान्स भानाकेनले घरेलु टोलीका लागि बराबरी गोल गरेका थिए । उत्कृष्ट प्रदर्शन गरेको ब्रुग बराबरीको हकदार नै थियो ।

यसअघि सब्स्टिच्युटको रुपमा पिएसजीका लागि मात्र २४ मिनेट खेलेका मेस्सी आफ्नो पहिलो गोलको खोजीमा रहदा पहिलो हाफमा क्रसबारमा हिर्काउन पुगेका थिए भने दोश्रो हाफमा ब्रुग गोलकिपर सिमाने मिग्नोलेटको राम्रो परिक्षा लिन सफल भएका थिए । म्याट्स रिट्स माथि फउल प्रहार गरेपछि मेस्सीले पहेलो कार्ड पनि खान पुगे ।

मेस्सी, नेमार र किलियन एमबाप्पेको खतरनाक आक्रमकलाई एकैपटक शुरुवात गराए पनि मउरिसियो पोचेटिनोको टोलीको प्रदर्शन भने फिक्का रह्यो । उनीहरुलाई सँगै उत्कृष्ट खेल देखाउनका लागि हामीलाई समयको आवश्यकता छ, पोचेटिनोले खेलपछि भने ।

मिलानको पुनरागमन तितो

जोर्डन हेन्डरसनले निर्णायक गोल गरेपछि लिभरपुलले एसि मिलानको च्याम्पियन्स लिगमा पुनरागमनलाई नमिठो स्वाद दिएको छ । निकै नै रोमाञ्चक खेलमा लिभरपुलले मिलानलाई ३–२ ले पराजित गर्यो ।

एन्फिल्डमा फिकायो टोमोरीको आत्मघाती गोलपछि लिभरपुलले नवौं मिनेटमै १–० को अग्रता लिएको थियो । लिभरपुललाई अग्रता दोब्बर बनाउने अवसर पाँच मिनेटपछि नै मिल्यो तर मोहम्मद सलाह पेनाल्टीमा गोल गर्न चुकेका थिए ।

त्यसपछि खेलमा मिलानले पकड जमायो । एन्ट रेबिचले ४२ औं मिनेटमा गोल गर्दै खेल बराबरीमा ल्याए भने दुई मिनेटपछि नै ब्राहिम डियानले मिलानलाई अग्रता दिलाए ।

सलाहले पहिलो हाफको गल्तीको भरपाई गर्दै दोश्रो हाफ शुरु भएको चार मिनेटपछि नै गोल गर्दै लिभरपुललाई खेलमा फर्काए र हेन्डरसनले ६९ औं मिनेटमा बिजयी गोल गरे ।

Continue Reading
Headline4 hours ago

च्याम्पियन्स लिग गोल गरेको केही छिनमै बुवा गुमाउदा

Headline1 day ago

च्याम्पियन्स लिगः रोनाल्डोले नाइ भनेर के भयो र ? म्यान सिटीको लागि ग्रिलिस आइसके ।

Headline1 day ago

च्याम्पियन्स लिगः मेस्सीले शुरुवात गरेको खेलमा पिएसजी रोकियो, मिलानको पुनरागमन खल्लो

Headline2 days ago

बायर्नसँग बार्सा फेरि पनि नराम्ररी पराजित

Headline3 days ago

सन्दिपलाई ठिक छ

Headline3 days ago

जतिन्दरको किर्तिमानी शतकपछि नेपालले चाख्यो बिर्सनलायक हार

Headline3 days ago

ओमानबिरुद्ध नेपालको सामान्य योगफलमा आसिफको करिअरकै उच्च प्रदर्शन

राष्ट्रिय3 days ago

ओमान विरुद्ध पहिले ब्याटिङ गर्दै नेपाल

Headline4 days ago

नेपालको जितमा फेरि पनि रोहितको उत्कृष्ट इनिङ्गस, कुशल भुर्तेलले खेले आकर्षक पारी

Headline4 days ago

कुशल र आशिफले बनाए अर्को नयाँ किर्तिमान

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline12 months ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline7 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline11 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!