Connect with us

Headline

द्रविडको एउटा इमेलले मेरो खेल परिवर्तन गर्यो : पिटरसन

wesportz

Published

on

इङ्ग्ल्यान्ड पुर्व कप्तान केभिन पिटरसनले कसरी भारतका पुर्व कप्तान राहुले द्रविडको एउटा इमेलले आफ्नो खेलमा परिवर्तन गर्यो भन्ने विषयमा खुलासा गरेका छन् ।

दुबै खेलाडीले सन् २००९ र २०१० को संस्करणको इन्डियन प्रिमियर लिग (आईपीएल) मा सँगै रोयल च्यालेन्जर्सका लागि खेलेका थिए । सोहि समयमा दुवैको मित्रता घनिष्ट भएको थियो ।

सन् २०१० मा नै इङ्ग्ल्यान्डले बंगलादेशको भ्रमण गरेको थियो । उक्त भ्रमणको टेस्ट शृङ्खलामा पिटरसनको प्रदर्शन निराशाजनक रहेको थियो । बंगलादेशका स्पिनरहरु शकिब अल हसन र अब्दुल रज्जाक बिरुद्ध उनी निरिह बनेका थिए ।

त्यस शृङ्खला पछि द्रविडले पिटरसनलाई एउटा इमेल लेखे । जुन इमेलमा लेखिएको कुरालाई उनले राम्रोसँग पछ्याउन थाले र फल स्वरुप पिटरसनको प्रदर्सनमा निखारता आउन थाल्यो ।

‘द्रविडले मेरो लागि निकै नै राम्रो इमेल लेखेका थिए । उनले उक्त इमेलमा स्पिन के कसरि खेल्ने भन्ने विषयमा बर्णन गरेका थिए । त्यस पछि मेरो खेलमा नै परिवर्तन भयो । द्रविडले स्पिनर ,’ पिटरसनले भने ।

पिटरसनले यस विषयमा सन् २०१७ मा निकालिएको आफ्नो आत्मकथा ‘केपी : द अटोबायोग्राफी’ मा पनि उल्लेख गरेका छन् । उक्त किताबमा पिटरसनले द्रविडले दिएको सल्लाह यसरी वर्णन गरेका छन् — ‘सबैभन्दा उत्तम अभ्यास भनेको ग्रेम स्वान र मोन्टी पनेसरको बलमा प्याड नलाई खेल्ने हो । जब तिमिसँग प्याड हुँदैन त्यस बेलामा तिमि बललाई ध्यान दिएर हेर्छौ किन भने बलले खुट्टामा लाग्यो भने नराम्रो दुख्छ । प्याड नलाई अभ्यास गर्दा खुट्टा भन्दा तिम्रो ब्याट पहिले अगाडी सर्छ ।’

Click to comment

Leave a Reply

Your email address will not be published. Required fields are marked *

Headline

सिटीको सहज जितपछि पनि ग्वार्डियोला असन्तुष्ट

wesportz

Published

on

जर्मन टोली बोरुसिया मोइन्चेनग्ल्याडब्याचबिरुद्ध २–० को सहज जित निकाल्दै आकर्षक खेल प्रदर्शन गरेपछि म्यानचेस्टर सिटी व्यवस्थापक पेप ग्वार्डियोलाले आफ्नो टोलीबाट अझै अपेक्षा गरेका छन् ।

बुधबार राति भएको च्याम्पियन्स लिग अन्तिम १६ को अवे खेलमा ग्ल्याडब्याचलाई सहज रुपमा पराजित गर्दै लगातार १९ औं जित निकाल्दै सिटीले एउटा खुट्टा प्रतियोगिताको क्वार्टर–फाइनलमा राखेको हो । बुडापेस्टमा सिटीका लागि बर्नार्डो सिल्भा र ग्याब्रियल जिजसले गोल गरेका थिए ।

तर सिटीले ठूलै गोल अन्तरले जित्नु पर्ने थियो । “हामीले खेल नियन्त्रणमा त लियौं तर हामी त्यति क्लिनिकल भने थिएनौं,” ग्वार्डियोलाले खेलपछि भने ।

“च्याम्पियन्स लिगमा हामी निकै सुधारिनु आवश्यक छ । अग्रपंक्तिमा हामीले पाएको मौकाहरुलाई शत प्रतिशत रुपमा परिणत गर्नु पर्नेछ । मौका खेर फाल्नु भनेको अर्को टोलीलाई अवसर दिनु हो,” ग्वार्डियोलाले भने ।

२९ औं मिनेटमा जाओ क्यान्सेलो क्रसमा सिल्भाले हेडरमार्फत सिटीलाई अग्रता दिलाएका थिए । त्यसपछि दुवै खेलाडी मिलेर जिजसको लागि ६२ औं मिनेटमा दोश्रो गोलको अवसर सृजना गरेका थिए ।

४३ बर्षमा पहिलो पटक च्याम्पियन्स लिगको प्रि–क्वार्टरफाइनलमा स्थान बनाएको ग्ल्याडब्याचले कुनै पनि समय सिटीलाई टक्कर दिन सकेको थिएन । म्यानचेस्टरमा हुने दोश्रो लेगका लागि उसले धेरै नै मिहिनेत गर्नु पर्ने देखिन्छ ।

Continue Reading

Headline

मेन्डीले निर्णायक गोल गरेपछि रियल म्याड्रिडको संघर्षपूर्ण जित

wesportz

Published

on

फर्लान्ड मेन्डीले अन्तिम समयमा गोल गरेपछि रियल म्याड्रिडले च्याम्पियन्स लिग अन्तिम १६ मा एटलान्टाबिरुद्ध झिनो अग्रता लिएको छ ।

बराबरीतर्फ गइरहेको प्रि क्वार्टर फाइनल म्याचमा मेन्डीले निर्धारित समय सकिन भन्दा चार मिनेट अगाडी गोल गरेपछि रियलले अवे खेलमा १–० को जित हात पार्यो । खेल अवधिभर एटलान्टाको सँगठित डिफेन्सले रियललाई हतोत्साहीत बनाइसकेको थियो ।

१७ मिनेटपछि नै रेमो फ्रुलरले रेड कार्ड पाएपछि एटलान्टा १० जनामा सिमित भएको थियो । एक खेलाडी कम भएपछि रक्षापंक्तिमै केन्द्रित रहेको एटलान्टाले एक शट पनि फ्रेममा प्रहार गर्न सकेको थिएन ।

कप्तान सर्जियो रामोस, करिम बेन्जेमा, एडिन हजार्ड र ड्यानी कार्भाहाल चोटका कारण अनुपस्थित रहेपछि रियलले खेलमा निकै संघर्ष गर्नु परेको थियो । रियलले खेलमा राम्रो अवसर सृजना गर्न असफल भइरहदा मेन्डीले २५ यार्डबाट प्रहार गरेको बल घुम्दै पोस्टको दिशा लिएपछि महत्वपूर्ण अग्रता लिन सफल भएको थियो ।

मेन्डीले रियलका लागि खेलिएको २० च्याम्पियन्स लिग खेलमा पहिलो पटक गोल गरेका हुन् ।

एटलान्टालाई अब भने मार्च १६ मा हुने दोश्रो लेगमा रियललाई उसकै घरमा हराउनु पर्ने दवाब हुनेछ । रियलले जिनेदिन जिदान प्रशिक्षक रहदा इटालीमा भएका सबै पाँच खेल जित्न सफल भएको हो ।

Continue Reading

Headline

बि डिभिजन: श्री भागवती पराजित, आशिष एक्लैको चार गोल

wesportz

Published

on

सातदोबाटो स्थित एन्फा क्मप्लेक्समा जारी बि डिभिजन लिगमा श्री कुमारी क्लबले श्री भगवती क्लबलाई ४-१ ले हराएको छ । श्री कुमारीका लागि आशिष राई एक्लैले चार गोल गरे । श्री भागवतीका लागि भने एक गोल नवराज गुरुङले गरेका थिए । a

श्री कुमारीका लागि खेलमा पहिलो गोल २० औँ मिनेटमा भएको थियो । कुमारीका लागि आशिष राईले गोल गरेका थिए । उनले बिवेक पुनले दिएको पासलाई गोलमा परिणत गरेका थिए । पहिलो हाफमा १-० ले अगाडि रहेको कुमारीले लागि दोस्रो हाफमा दिन गोल गर्‍यो ।

कुमारीका लागि दोस्रो गोल पनि ५३ औँ मिनेटमा आषिश नै गरे । कुमारीका लागि तेस्रो गोल पनि आशिषले नै ६५ औँ मिनेटमा गरेका थिए ।

कुमारीका लागि आशिषले चौँथो गोल गरे । उनले किपरलाई बिट गर्दै ७७ औँ मिनेटमा गोल गरेका थिए । यस्तै ९० मिनेट पछि थपिएको अतिरिक्त समयमा भने श्री भगवतीका लागि नवराज गुरुङले सान्त्वना गोल फर्काए ।

जितसँगै श्री कुमारी छ अंक सहित साँतौ स्थानमा उक्लिएको छ भने पराजित भएको श्री भागवती क्लब आठौँ स्थानमा झरेको छ ।

Continue Reading
Headline18 mins ago

सिटीको सहज जितपछि पनि ग्वार्डियोला असन्तुष्ट

Headline32 mins ago

मेन्डीले निर्णायक गोल गरेपछि रियल म्याड्रिडको संघर्षपूर्ण जित

अन्तर्राष्ट्रिय9 hours ago

रोहितको अर्धशतकमा सम्हालिंदै भारत

अन्तर्राष्ट्रिय14 hours ago

अक्सर पटेल सामु निरिह इंग्ल्यान्ड, पहिलो पारीमा ११२ रनमा समेटिन पुग्यो

Headline14 hours ago

बि डिभिजन: श्री भागवती पराजित, आशिष एक्लैको चार गोल

Trending15 hours ago

किसुनजीको नाममा हाफ म्याराथन हुने

Headline16 hours ago

मेयर कप एकदिवसीय क्रिकेटका लागि ६ प्रदेशका उत्कृष्ट खेलाडीहरुको संयुक्त टिम बन्ने

Headline18 hours ago

बि डिभिजन: टुसाललाई पराजित गर्दै बाँसबारी तेस्रो स्थानमा

Headline21 hours ago

च्याम्पियन्स लिग: चोटग्रस्त रियल म्याड्रिड एट्लान्टा विरुद्ध खेल्दै, सिटी र मोइन्चेनग्लाडब्याच भिड्दै 

अन्तर्राष्ट्रिय21 hours ago

विश्व टेस्ट च्याम्पियनसिपको लक्ष्य सहित भारत र इंग्ल्यान्ड तेश्रो टेस्टमा भिड्दै

Headline2 months ago

१० फुटबलर जसले बार्सिलोना जान मानेनन्

Headline5 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline6 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending