Headline
इटालियन सिरी आ को यो सिजनको मुख्य हाइलाइट्स
Published
4 years agoon
By
wesportz११ महिने इटालियन सिरी आ आइतबार समाप्त भयो । युभेन्टसले किर्तीमानी नवौं पटक उपाधि जित्दै इटालीमा आफूलाई कसैले उछिन्न नसक्ने एक पटक फेरि प्रष्ट पार्यो । तर के यो सिजन के उतार चढाव देखियो त इटालीको प्रथम श्रेणीको लिगमा ?
युभेन्टसको पछिल्लो १० बर्षकै खराब प्रदर्शन
त्रिष्चियानो रोनाल्डोको दोश्रो सिजनमा लगातार नवौं उपाधि जितेपनि यो सिजन युभेन्टसको सबैभन्दा खराब प्रदर्शनको रुपमा रहनेछ । ३६ औं पटक लिग उपाधि जित्ने क्रममा युभेन्टसले पछिल्लो १० बर्षमा सबैभन्दा कम अंक लिएको हो । ८३ अंक बटुलेको मरिजियो सारीको टोलीले बेहोरेको ७ पराजय सबैभन्दा बढी हो । एएस रोमासँग ३–१ ले हारेको युभेन्टस अन्तिम ८ खेलमा मात्र दुईमा जित हात पार्न सकेको थियो ।
युभेन्टस अप्रिल २०१८ यता खेलिएका ४० घरेलु खेलमा पहिलो पटक पराजित भएको थियो । यसअघि ८ उपाधि जित्दा युभेन्टसले यो सिजनमा खाएको ४३ गोल सबैभन्दा बढी हुन पुग्यो । यो सिजन जति पनि समस्याहरुको सामना गर्नुपर्यो, त्यसको तुलनामा उपाधि जितेको मा हामी खुशी नै हुनुपर्छ, सारीले भने । यो यस्तो सिजन थियो जहा सबैभन्दा बलियो टोली नै हार्न सक्थ्यो ।
इन्टरका चिनिया मालिक प्रति कोन्टेको आक्रोश
एन्टोनियो कोन्टेको इन्टर मिलान लिग समाप्त हुदा युभेन्टसभन्दा मात्र एक अंकले पछि पर्यो । यो इन्टरको २०१०–११ पछि कै सबैभन्दा उत्कृष्ट प्रदर्शन थियो । तर एट्लान्टालाई अन्तिम खेलमा २–० हराएपछि भएको पत्रकार सम्मेलनमा कोन्टे क्लबका चिनिया मालिकहरु प्रति खनिदा उनको जागिर नै धरापमा परेको छ ।
युभेन्टस, चेल्सी र इटालीका प्रशिक्षक रहिसकेका उनी र उनको टोलीमाथि भएको आलोचनाले क्रुद्ध बनेका थिए । “व्यक्तिगत रुपमा हेर्ने हो भने यो बर्ष निकै, निकै कठिन थियो । हामीले महिनौ जे पायो त्यही खानु पर्यो र क्लबले पनि हाम्रो सुरक्षामा वास्ता गरेन,” कोन्टेले भने ।
“अब क्लब अध्यक्ष (स्टिभन जाङ) सँग एक चरण वार्ता गर्न आवश्यक छ तर उनी अहिले चिनमा छन् । म पहिलो बर्ष त सहन सकुला तर तपाई गल्ती गरेर पनि केही सिक्नुहन्न भने म पागल बन्नेछु,” कोन्टेले थपे ।
एट्लान्टाको उचाई
टिमको घरेलु शहर बेर्गामो कोरोना भाइरसको एपिसेन्टर बनेपनि एट्लान्टा तीन महिने लकडाउन पछि अझै सशक्त भएर आएको थियो । जियान पिएरो ग्यास्परिनीको टोलीले ९८ गोल गरेको थियो जसमध्ये ३५ लकडाउन खुलेपछि लिग सुचारु हुदा भयो । कोलम्बियन लुईस मुरिएल र दुभन जपाटाले समान १८ गोल गरे भने योसिप इलिचिचले १५ गोल गरेका थिए ।
लगातार दोश्रो सिजन तेश्रो स्थानमा लिग सक्काएको एट्लान्टाको यो अल टाइम बेस्ट प्रदर्शन हो । एट्लान्टाको लागि अझ धेरै बाकी नै छ । च्याम्पियन्स लिगमा डेब्यु गरेको एट्लान्टाले यो सिजनको क्वार्टर फाइनलमा फ्रेञ्च महारथी पेरिस सेन्ट जर्माइनको सामना गर्न गइरहेको छ ।
इमोबिलेको उपलब्धि तर चुकेको लाजियो
सिरो इमोबिलले एकै सिजन सबैभन्दा बढी गोल गर्ने किर्तिमानको बराबरी त गरे तर उनको टोली लाजियो भने दुई दशकमा पहिलो पटक उपाधि जित्नबाट चुक्न पुग्यो । सिजनको आधा भन्दा बढी युभेन्टसलाई कडा टक्कर दिएको लाजियो अन्त्यमा चौथो स्थानमा सिमित रहन पुग्यो ।
यद्दपि लाजियोले २००७ पछि पहिलो पटक च्याम्पियन्स लिग खेल्ने भएको छ । ३० बर्षिय इटालयन स्ट्राइकर इमोबिलेले सिजनको अन्तिम खेलमा नापोलीसँग ३–१ ले पराजित हुदा पनि गोल गरेपछि उनले गोन्जालो हिग्वेनले बनाएको ३६ गोलको किर्तिमानको बराबरी गरेका थिए । हिग्वेनले नापोलीका लागि २०१५–१६ को सिजनमा उक्त किर्तिमान कायम गरेका हुन् ।
“गोल्डेन बुट जित्नु गर्वको कुरा हो । यो इतिहासमा लेखिनेछ,” अन्तिम पाँच खेलमा एक ह्याट्रिक सहित ७ गोल गरेका इमोबिलेले भने ।
समय फर्काएका ज्लाटन
स्विडिस लेजेण्ड ज्लाटन इब्राहिमोभिच सिरी आ सिजनमा १० गोल गर्ने सबैभन्दा पाका खेलाडी बन्दा उनको टोली इन्टर मिलान लगातार १२ खेलमा अपराजित रहदै छैटौं स्थानमा रहन पुग्यो । मिलान तीन दशकमा पहिलो पटक लगातार १२ खेलमा अपराजित रहेको हो । जनवरीमा मिलान आएका ३८ बर्षिय ज्लाटनले काग्लियारीबिरुद्ध पहिलो गोल गरेका थिए भने त्यही टोलीबिरुद्ध नै अन्तिम पनि ।
सात पटकको च्याम्पियन्स लिग बिजेता एसि मिलान जनवरीमा ११ औं स्थानमा रहे पनि सिजनको अन्तिममा छेटौं स्थानमा समाप्त गर्दै युरोपा लिगका लागि छनोट भएको हो ।
रँगभेद चर्कदा बालोटेली सुपर फ्लप
मारियो बालोटेली आफ्नो घरेलु क्लब ब्रेसिया त फर्किए तर उनको केही सिप चलेन । बालोटेली उल्टै रँगभेदको शिकार बन्न पुगे । पुर्व म्यानचेस्टर सिटी र लिभरपुलका २९ बर्षिय स्ट्राइकर बालोटेलीमाथि लाजियो र भेरोनामा रँगभेदी टिप्पणी भएपछि उनले बिरोधमा खेल छोड्ने धम्की समेत दिएका थिए ।
शुरुवातमा भेरोनालाई एक खेल आंशिक रुपमा खाली रँगशालामा खेल्ने सजाय दिइएपनि त्यसलाई पछि खारेज गरिएको थियो । लाजियोले यसका लागि २० हजार युरो जरिवाना पनि तिर्नु परेको थियो । बालोटेलीले पाँच गोल मात्र गर्दा ब्रेसिया एक सिजनपछि नै सिरी बी मा रेलिगेट हुन पुगेको थियो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।