Connect with us

अन्तर्राष्ट्रिय

वर्ल्डकप सुपर लिगको पहिलो शृंखला इंग्ल्यान्डलाई, आयरल्यान्ड चार विकेटले पराजित

wesportz

Published

on

सन् २०२३ मा आयोजना हुने एकदिवसीय विश्वकप छनोट रहेको वर्ल्डकप सुपर लिग अन्तर्गतको पहिलो एकदिवसीय शृङ्खला माथि इङ्ग्ल्यान्डले कब्जा जमाएको छ ।

पहिलो खेलका आयरल्याण्डलाई छ विकेटले पराजित गरेको इङ्ग्ल्यान्डले आजको खेलमा चार विकेटको जित दर्ता गराउँदै तीन खेलको शृङ्खला २-० ले अघि रहेको हो । अगस्ट चार तारिकमा हुने तेश्रो खेलमा पराजित भए पनि घरेलु टोली इङ्ग्ल्यान्डले शृङ्खला आफ्नो पक्षमा पार्नेछ ।

खराब सुरुवात गरेको इङ्ग्ल्यान्डले ओपनर तथा विकेट किपर ब्याट्सम्यान जोनी बेरिस्टोको तुफानी अर्धशतकमा दुई सय १३ रनको लक्ष्य ३२ दशमलब तीन ओभर खेल्दै छ विकेटको नोक्सानीमा पार गर्यो ।

२१ बलमा अर्धशतक प्रहार गरेका उनले ४१ बलको सामना गर्दै १४ चौका र दुई छक्काको मद्दतमा ८२ रनको आक्रामक पारी खेले । उनले २१ बलमा अर्धशतक प्रहार गर्दै इङ्ग्ल्यान्डको लागि एकदिवसीय खेलमा तीब्र अर्धशतक बनाउने इयोन मोर्गनको किर्तिमानको बराबरी पनि गरे ।

त्यस्तै बेरिस्टो बाहेक साम बिलिङ्सले पनि अविजित रहँदै ४६ रनको योगदान दिए भने अन्य ब्याट्सम्यानले उलेख्य योगदान दिन सकेनन् ।

यस अघि सुरुवाती ब्याट्सम्यानहरू सस्तैमा आउट भए पनि कर्टिस क्याम्फ़रको अर्धशतकको मद्दतमा आयरल्याण्डले पुरै ५० ओभर खेल्दै नौं विकेटको नोक्सानीमा दुई सय १२ रन बनाउन सक्यो ।

९१ रनको अवस्थामा छ विकेट गुमाएको आयरल्याण्डको लागि आठौँ नम्बरमा ब्याटिङ गर्न आएका कर्टिस क्याम्फ़रले सर्वाधिक ६८ रन बनाए । क्याम्फ़रको दोश्रो एकदिवसीय खेलमा दोश्रो शतक हो ।अघिल्लो खेलमा एकदिवसीयमा डेब्यु गरेका क्याम्फ़रले अविजित रहँदै ५९ रन प्रहार गरेका थिए । आजको खेलमा शकिब महमुदको बलमा आउट हुनु अघि उनले ८७ बलको सामना गर्दै आठ चौका प्रहार गरे ।

उनी बाहेक ओपनर पौल स्टिर्लिंङले १२, कप्तान एन्डी बल्बिर्निले १५, हेरी टेक्टरले २८, विकेट किपर लोर्कय्न टकरले २१, आठौँ नम्बरमा ब्याटिङ गर्न आएका सिमी सिंहले २५ तथा १० औं नम्बरमा ब्याटिङ गर्न आएका एन्डी म्याकब्रेनले २४ रन बनाए भने अन्य ब्याट्सम्यानले दोहोरो अङ्कमा रन जोड्न सकेनन् ।

इङ्ग्ल्यान्डको तर्फबाट आदिल रशिदले सर्वाधिक तीन विकेट लिए भने डेभिड विली र शकिब महमुदले पनि समान २-२ विकेट हात पारे ।

Click to comment

Leave a Reply

Your email address will not be published. Required fields are marked *

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

अन्तर्राष्ट्रिय

बटलरको अविजित अर्धशतकमा इंग्ल्यान्डको सहज जित 

wesportz

Published

on

घरेलु टोली इंग्ल्यान्डले श्रीलंका विरुद्धको पहिलो ट्वान्टी ट्वान्टी खेलमा आठ विकेटको सहज जित हात पारेको छ । यससँगै घरेलु टोली इंग्ल्यान्डले तीन खेलको शृंखलामा १-० को अग्रता लिन सफल भएको छ । 

खेलमा टस जितेर पहिले ब्याटिङ गरेको श्रीलंकाले पुरै २० ओभर खेल्दै सात विकेटको नोक्सानीमा १२९ रनको सामान्य योगफल तयार पार्यो भने जबाफी ब्याटिङ गरेको इंग्ल्यान्डले १७ बल अगावै दुई विकेट गुमाएर लक्ष्य पार गर्यो । 

इंग्ल्यान्डको जितमा अविजित रहेका जस बटलरले ५५ बलको सामना गर्दै आठ चौका र एक छक्काको मद्दतमा सर्वाधिक ६८ रन बनाए भने जासन रोयले पनि २२ बलमा चार चौका र एक छक्का प्रहार गर्दै ३६ रनको योगदान दिए । इंग्ल्यान्डलाई आक्रामक सुरुवात दिएका रोय र बटलरले पहिलो विकेटको लागि नौ दशमलब एक ओभरमा ८० रनको साझेदारी गरे ।  

सुखद सुरुवात गर्न नसके पनि श्रीलंकाको लागि छैटौँ नम्बरमा ब्याटिङ गर्न आएका दासुन शनाकाले ४४ बल खेल्दै तीन चौका र दुई छक्काको मद्दतमा सर्वाधिक ५० रन बनाए । नबौं ओभरमा श्रीलंकाको चार विकेटको नोक्सानीमा ५२ रन रहेको अवस्थामा क्रिजमा आएका उनले पारीको अन्तिम बलमा आउट हुनु अघि अर्धशतकीय पारी खेल्दै सम्मानजनक स्कोर सम्म पुर्याएका थिए । 

शनाका बाहेक कप्तान कुसल परेराले २६ बलमा ३० तथा अर्का ओपनर दनुश्का गुनथिलकाले १९ रन जोडे भने अन्य ब्याट्सम्यानले दोहोरो अंकमा रन जोड्न सकेनन् । ओपनर अभिश्का फर्नान्डो शून्य, कुसल मेन्डिस नौ, धनन्जय डि सिल्भा तीन, वानिन्दु हसरंगा पाँच रन बनाएर पेभेलियन फर्किए भने इसुरु उडानाले अविजित ६ रनको पारी खेले ।        

इंग्ल्यान्डका आदिल रशिदले किफायती बलिङ गर्दै चार ओभरमा १७ रन खर्चिएर दुई विकेट लिए भने दुई विकेट नै हात पारेका साम कर्रनले तीन ओभरमा २५ रन खर्चिए । त्यस्तै मार्क उड, क्रिस जोर्डन र लियाम लिभिङस्टोनले पनि समान १-१ विकेट आफ्नो नाममा दर्ता गराए ।  

Continue Reading
Euro 20206 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20206 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय6 hours ago

बटलरको अविजित अर्धशतकमा इंग्ल्यान्डको सहज जित 

Euro 20207 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20209 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय10 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline12 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202015 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline17 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!