Connect with us

Headline

म्याच फिक्सिङ्ग काण्डमा फसेका बिश्वका पाँच ठूला टोली

wesportz

Published

on

युरोपियन फुटबलमा म्याच फिक्सिङको कथा कमै सुन्न पाईन्छ । संसारकै उत्कृष्ट टोलीहरुले आफ्नो नाम ईतिहासमा लेखाएका छन्, खेलले होस वा खेलाडीको व्यक्तिगत प्रदर्शनले । युरोपियन फुटबलको स्तर अरु कुनै महादेशसँग दाज्न मिल्दैन । यसको प्रमुख कारण बिशाल बजार पनि हो ।

तर युरोपका नाम चलेका क्लबहरुले म्याच फिक्सिङ गरेका छन् भनेर सुन्दा निकै अचम्म नै लाग्न सक्छ । खेलकुदमा लागेको कालो दाग म्याच फिक्सिङ्गले सबैभन्दा ठूलो प्रभाव फुटबलमा नै पारेको छ । जब यसमा युरोपको नाम मुछिन्छ, यो अझै भयावह सुनिन्छ ।

१) युभेन्टस (२००५–२००६)

२००६ मा सारा इटाली विश्वकपको खुशी साटिरहेको थियो तर एउटा भयानक समाचारले सबै फुटबल समर्थक स्तब्ध भए । इटालीको ठूलो मध्येको एक क्बल युभेन्टस म्याच फिक्सिङ्ग काण्डमा मुछियो । एसी मिलान, फियोरेन्टिना र लाजियो पनि म्याच फिक्सिङमा मुछिन पुगे तर यसको केन्द्रमा थियो युभेन्टस । आलेसान्द्रो डेल पिएरो, जियानलुइगी, बुफोन र फाबियो क्यनाभारो जस्ता दिग्गज खेलाडी रहेको युभेन्टसले म्याच फिक्सिङ गर्लान भनेर कसैले सोचेकै थिएनन् ।

यस फिक्सिङको मुद्दामा खेलाडी भन्दा पनि युभेन्टसका मालिक लुसियानो मोजीको नाम धेरै आएको थियो । उनले रेफ्रीलाई थर्काउने, घुस खुवाउने र ब्ल्याकमेलिङ गर्ने गरेको आरोप लगाइएको थियो ।

इटालियन फुटबलको सर्वोच्च निकायले युभेन्टसलाई रेलिगेट गर्दै सिरी बि मा झार्नुका साथ–साथै ३० अंक पनि घटाएको थियो भने उसको २००५ र २००६ को सिरी आ उपाधि पनि खोसिएको थियो । फुटबल संघले युभेन्टसलाई ९०,००० डलरको जरिवना पनि लगाएको थियो । यती मात्र नभएर युभेन्टसले ८० को दशकमा इटालीमा ठूलो बाजी र पैसाको कालो धन्दा गरेको पनि पाइएको थियो ।

२) ओलम्पिक मार्से (१९९३)

१९९३ युरोपियन फुटबलको लागि निकै महत्वपूर्ण बर्ष थियो । पहिलो च्याम्पियन्स लिग फाइनल भएको यो बर्षको उपाधि ओलम्पिक मार्सेले जितेको थियो । च्याम्पियन्स लिगको उपाधि जित्दै मार्से पहिलो फ्रेन्च टोली बन्न सफल पनि भयो तर मार्सेको म्याच फिक्सिङ काण्डको भण्डाफोर हुदा पुरा फ्रान्सलाई नै धक्का पुग्यो ।

मार्सेका अध्यक्ष बर्नार्ड ट्यापीले नै फ्रेन्च लिगमा म्याच फिक्सिङ्ग गरेको पत्ता लागेको थियो । ट्यापीले आफ्नो राम्रो खेलाडीहरुलाई च्याम्पियन्स लिगको फाइनलका लागि फ्रेन्च लिगमा हुने पहिलेका खेलहरुमा रेफ्रीलाई घुस खुवाएको खुल्न आएको थियो । मार्सेको १९९३ को फ्रेन्च लिगको उपाधी खोसिनुका साथै दोस्रो डिभिजनमा झारिएको थियो ।

३) एफसी पोर्टो (२००३–२००४)

२००७ मा निक्लिएको एउटा किताब मी क्यरोलाइना एफसी पोर्टोका अध्यक्ष होर्जे नुने डकोस्टाका साथीले लेखेका थिए । त्यस किताबमा डकोस्टालाई रेफ्रीलाई घुसको रुपमा यौन व्यवसायीहरु दिने गरेको आरोप लागेको थियो । यही किताबलाई आधार मान्दै पोर्चुगिज फुटबल संघले द गोल्डेन ह्विसल नामले चलाइएको अपरेशनमा डकोस्टामाथि छानबिन गरिएको थियो । एक रेफ्रीले पनि कैयौ बर्ष पछी यो कुरा स्वीकारेका थिए । उनले यो व्यवसायीहरुका लागि कोड वर्ड पनि भएको र त्यसको नाम फ्रुट टु स्लिप विथ रहेको बताएका थिए । पोर्टोलाई यो फिक्सिङ काण्डका लागि मात्रै ६ अंकको जरिवाना गरिएको थियो ।

४) म्यानचेस्टर युनाइटेड र लिभरपुल

धेरैलाई अचम्म लाग्न सक्छ कि यस्तो डर्बी पनि फिक्स भएको होला भनेर । तर १९१५ मा युनाइटेडले लिभरपुललाई २–० ले हराएको खेलमा लिभरपुलले पेनाल्टी प्रहार गर्न चुकेपछि रेफ्रीलाई केही गडबड लागेको थियो । दुवै क्लब माथि ठूलै बाजी रखिएको थाहा पाएपछि इङ्गलिस फुटबल एशोसिएसनले छानबिन शुरु गरेको थियो । युनाइटेडले खेल २–० ले जित्नु पर्ने र दुबै टोलीका खेलाडीले पैसा पाउने भएकाले यो खेल फिक्स भएको एफएले बाताएको थियो । संलग्न खेलाडीहरु युद्दमा जानु पर्ने भएकाले पैसा कमाउन म्याच फिक्स गरेको बताएका थिए ।

५) अर्जेन्टिना (१९७८ बिश्वकप)

यो कथाको अन्तिम टोली कुनै क्लब नभई विश्वकप टोली हो, र त्यो पनि अन्तर्राष्ट्रिय फुटबलको सबैभन्दा ठूलो मध्येको एक अर्जेन्टिना । आर्जेन्टिनाले विश्वकपको एउटा खेलनै फिक्स गरेको थियो । १९७८ को विश्वकप अर्जेन्टिनाले जितेको थियो । त्यो समय अहिलेको जस्तो क्वार्टर–फाइनल हुदैन थियो ।

समुह चरण पार गरेपछि फेरी पहिलो र दोस्रो भएका टोलीले दोस्रो समुह चरण खेल्नु पर्ने हुन्थ्यो । अर्जेन्टिनाले दोस्रो समुह चरणमा पेरुको समाना गर्दै थियो । अर्जेन्टिना फाइनलमा पुग्न पेरुलाई ४–० गोलले हराउनु पर्ने थियो । अर्जेन्टिनाले पेरुलाई ६–० ले हराउदै नेदरल्यान्डसँग फाइनल खेलेको थियो । पछि पेरुका खेलाडीले अर्जेन्टिनाले म्याच फिक्सिंग गरेको स्वीकारेका थिए ।

Headline

जेसन होल्डरले घातक बलिङ गर्दा इंग्ल्यान्डको लज्जास्पद हार 

wesportz

Published

on

वेस्ट इन्डिजका तीब्र गतिका बलर जेसन होल्डरले घातक बलिङ गर्दा घरेलु टोली इंग्ल्यान्डले पहिलो ट्वान्टी ट्वान्टी अन्तर्राष्ट्रिय खेलमा नौ विकेटको लज्जास्पद हारको सामना गरेको छ । जितसँगै वेस्ट इन्डिजले पाँच खेलको शृंखलामा १-० को अग्रता पनि हात पारेको छ ।

खेलमा टस जितेर पहिले बलिङ गर्ने निर्णय लिएको वेस्ट इन्डिजले इंग्ल्यान्डलाई १९ दशमलब चार ओभरमा १०३ रनमा रोक्यो भने १७ दशमलब एक ओभर खेल्दै एक विकेटको नोक्सानीमा लक्ष्य पार गर्यो ।

इंग्ल्यान्डलाई सानो स्कोरमा रोक्ने क्रममा होल्डरले तीन दशमलब चार ओभर बलिङ गर्दै एक मेडन ओभर सहित सात रन खर्चिएर चार विकेट हात पारे । होल्डर बाहेक महँगो साबित भए पनि शेल्डन कोट्रेलले चार ओभर ओभरमा ३० रन दिएर दुई विकेट आफ्नो नाममा दर्ता गराए ।

वेस्ट इन्डिजको जितमा ब्याटिङमा ब्रेन्डन किंगले अविजित रहँदै सर्वाधिक ५२ रनको पारी खेले भने निकोलस पुरनले पनि अविजित रहँदै २७ रन बनाए । त्यस बाहेक शे होप २० रन बनाएर आउट भए ।

४९ रनको अवस्थामा सात विकेट गुमाएको इंग्ल्यान्डको लागि आठौं र नवौ नम्बरमा ब्याटिङ गर्न आएका क्रिस जोर्डन र आदिल रशिदले क्रमश २८ र २२ रन जोड्दै इंग्ल्यान्डलाई तीन अंकको योगफल सम्म पुर्याए । उनीहरु बाहेक कप्तान ओएन मोर्गनले १७ र जेम्स विन्सले १२ रन बनाए भने अन्य कुनै पनि ब्याटरले दोहोरो अंकमा रन जोड्न सकेनन् ।

इंग्ल्यान्डका ओपनरहरु जेसन रोय र टम बान्टन क्रमश ६ र चार, मोइन अली गोल्डेन डक आउट, साम बिलिंग्स र लियाम डसन समान २-२ रन बनाएर पेभेलियन फर्किए ।


 

Continue Reading

Headline

आईपीएलका लागि आवेदन दिने १५ जना नेपाली खेलाडीहरु को को हुन् ?

wesportz

Published

on

नेपाल क्रिकेट संघ (क्यान) ले १५ औं संस्करणको इन्डियन प्रिमियर लिग (आईपीएल) को मेगा अक्सनको लागि आबेदन दिने १५ जना नेपाली खेलाडीहरुको नाम सार्वजनिक गरेको छ । आज बिहान मात्र भारतीय क्रिकेट बोर्ड (बिसीसीआई) ले मेगा अक्सनका लागि १२ सय १४ खेलाडीले आवेदन दिँदा नेपालका १५ जना खेलाडीहरुले आवेदन दिएको जनाएको थियो ।

नेपालबाट आवेदन दिने खेलाडीहरुमा असिफ शेख, पवन सर्राफ, सन्दिप जोरा, कुशल भुर्तेल, रोहित कुमार पौडेल, सुशन भारी, आरिफ शेख, अविनाश बोहरा, बिनोद भण्डारी, शरद भेषावाकर, कुशल मल्ल, करण केसी, सोमपाल कामी, दिपेन्द्र सिंह ऐरी, सन्दिप लामिछाने रहेका छन् ।

एसोसिएट्स राष्ट्रबाट ४१ जनाले आवेदन दिँदा सबैभन्दा धेरै आवेदन नेपालबाट नै परेको छ भने नेपालले बंगलादेश, आयरल्याण्ड र जिम्बाब्वे जस्ता टेस्ट राष्ट्रलाई पनि पछि पारेको छ । नेपाल पछि एसोसिएट्स राष्ट्रबाट आवेदन दिनेमा अमेरिका रहेको छ । अमेरिकाबाट १४ खेलाडीले आवेदन दिएका छन् ।

यो पनि पढ्नु होस् – ७ बर्षपछि जितेन्द्र मुखियाले देखेको उज्यालो

आवेदन दिनेमा सबैभन्दा धेरै अष्ट्रेलियाका खेलाडीहरुले दिएका छन् । अष्ट्रेलियाका ५९ जनाले आवेदन दिँदा भुटान, नेदरल्यान्ड्स, स्कटल्याण्ड र युएईका समान १-१ जनाले आवेदन दिएका छन् ।

यस पटकको मेगा अक्सनबाट १० फ्रेन्चाइजहरुले कुल २१७ खेलाडीको छनोट गर्नेछन् जस मध्य ७० जना विदेशी खेलाडी समावेस हुनेछन् । प्रत्येक फ्रेन्चाइजले अधिकतम २५ खेलाडी आफ्नो टोलीमा राख्न पाउने छन् ।

नेपाली टोलीका नवनियुक्त कप्तान सन्दिप लामिछाने मात्र नेपालको तर्फबाट आईपीएल खेल्ने एक्ला खेलाडी हुन् । सन् २०१८ मा उनी तीन सिजनका लागि दिल्ली क्यापिटल्समा आबद्ध भएका थिए भने अघिल्लो सिजनको लागि भएको मिनी अक्सनमा भने उनलाई कुनै पनि टोलीले आफ्नो टोलीमा समावेस गरेको थिएन ।

१५ औं सिजनको आईपीएलको अक्सन फेब्रुअरी १२ र १३ मा गरेर दुई दिन सम्म चल्ने छ ।

Continue Reading

Headline

‘बिबेक टिममा डिमान्ड भए अनुसारको अलराउण्डर हुन्’

wesportz

Published

on

नेपाली राष्ट्रिय टोलीका प्रशिक्षक पुबुदु दासानायकेले ओमानमा हुने ट्वान्टी ट्वान्टी बिश्वकप छनोटमा स्थान बनाउन सफल अण्डर–१९ क्रिकेट बिबेक यादवले टिममा डिमान्ड भए अनुसारको अलराउण्डर रहेको बताएका छन् ।

पछिल्लो एक बर्ष देखि आशा लाग्दो युवा प्रतिभाको रुपमा नेपाली क्रिकेटमा उदाइरहेका बिबेक बिभिन्न प्रतियोगिताहरुमा दिदै आएको राम्रो प्रदर्शनका कारण राष्ट्रिय टोलीमा स्थान बनाउन सफल भए । बिशेष गरि मिडल अर्डरमा ब्याटिँगबाट प्रभाव पारेका बिबेक बलिँगमा औषत रहेपनि दासानायकेले उनलाई युटिलिटी अलराउण्डरको रुपमा हेरेका छन् ।

नेपालले फेब्रुवरी १८ देखि बिश्वकप छनोट खेल्नु अघि ओमानमा चार राष्ट्र सम्मिलित ट्वान्टी ट्वान्टी अन्तर्राष्ट्रिय श्रृंखला खेल्न गइरहेको छ । तीन लिग खेल हुने भएका कारण दासानायकेलेलाई टिममा स्थान बनाउन सफल दुई युवा क्रिकेटर बिबेक र लोकेश बमसँगै पुनरागमन गरेका प्रदिप ऐरि, शरद भेषावकर र जितेन्द्र मुखियालाई पनि प्रयोग गर्ने अवसर मिल्नेछ ।

पुनरागमन गरेका खेलाडीहरुबारे अभ्यस्त रहिसकेका कारण दासानायकेले लोकेश र बिबेकको प्रदर्शनतर्फ भने बिशेष ध्यान दिनेछन् । दासानायके बिबेक सफल हुन सक्नेमा आशावादी रहेका छन् ।

“उनी निकै राम्रो युवा प्रतिभा हुन् । मलाई लाग्छ उनको अण्डर १९ टोलीबाट पनि प्रदर्शन राम्रै थियो । मैले उनको ब्याटिँग एभरेष्ट प्रिमियर लिगका दौरान पनि राम्रोसँग नियालेको थिए,” सेप्टेम्बर र अक्टोबरमा भएको इपिएलमा भैरहवा ग्लेडिएटर्स सम्हालेका दासानायकेले भने ।

यो पनि पढ्नु होस्

आईपीएलको मेगा अक्सनमा १५ जना नेपाली खेलाडीहरु 

७ बर्षपछि जितेन्द्र मुखियाले देखेको उज्यालो

अघिल्लो बर्षको प्रधानमन्त्री कप एकदिवसीयमा प्रदेश २ को लागि राम्रो प्रदर्शन गरेका बिबेकले इपिएलमा पोखरा राइनोजका लागि खेल्दै प्रभावशाली प्रदर्शन गरेका थिए । चार खेलमा ब्याटिँग गर्न पाएका उनले चितवन टाइगर्सबिरुद्ध फाइनलमा मात्र असफल हुँदा चार रन बनाएका थिए ।

त्यसबाहेक उनले ५१, ४१ नटआउट र १६ रनको तीन छरितो इनिङ्गस खेलेका थिए । अण्डर १९ एसिया कपमा अन्तिम खेलमा कुवेतबिरुद्ध असफल बिबेकले बलियो टोली श्रीलंकाबिरुद्ध ४४ र बंगलादेशबिरुद्ध २६ रन बनाएका थिए । दुवै अवसरमा उनले राम्रा साझेदारीहरु गर्दै नेपाललाई सम्मानजनक योगफल तर्फ डोर्याएका थिए ।

“बिबेक मिडल अर्डरमा ब्याटिँग गर्दै ठूला शटहरु त खेल्न सक्षम छन् नै, हामीले उनलाई टिममा समावेश गरेको कारण उनी बलिँगबाट पनि योगदान दिन सक्छ । उनको खेलको प्रकृती त्यही हो जुन आरिफ शेखको छ,” दासानायके भन्छन् ।

Continue Reading
Headline4 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline20 hours ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline20 hours ago

‘बिबेक टिममा डिमान्ड भए अनुसारको अलराउण्डर हुन्’

Headline22 hours ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline1 day ago

आईपीएलको मेगा अक्सनमा १५ जना नेपाली खेलाडीहरु 

Headline1 day ago

चार देशीय शृंखलाको पहिलो खेलमा नेपालले ओमानको सामना गर्ने 

Headline2 days ago

एक खेल बाँकी छदै भारतले दक्षिण अफ्रिकाबिरुद्ध श्रृंखला गुमायो

Headline2 days ago

पन्त र राहुलको अर्धशतकमा भारतको चुनौतिपूर्ण योगफल 

Headline2 days ago

आहा–रारा गोल्डकपः सब्स्टिच्युट गोलकिपर रोशन चम्किएपछि पुलिस क्वार्टर–फाइनलमा

Trending

error: Content is protected !!