Connect with us

Headline

एडिडास भर्सेस पुमाः पारिवारिक युद्धले खेलकुद बजारमा ल्याएको क्रान्ति

wesportz

Published

on

एडिडास र पुमा बिनाको बिश्व खेलकुद अहिले कल्पना गर्न सकिदैन । अमेरिकाको डालासदेखि नेपालको डोल्पासम्म यी दुई कम्पनीको सामग्री बजारमा स्थापित भएका छन् ।

आज पनि एडिडास र पुमा विश्वमा क्रमशः दोस्रो र तेस्रो ठूलो स्पोर्टसवेयर उत्पादक हुन् । पहिलो त नाइकी छदै छ ।

जर्मन डासलर भाईहरु एडोल्फ र रुडोल्फले जर्मनीको हेर्जोगनउरखमा विश्व खेलकुदको चर्चित ब्राण्ड एडिडास र पुमालाई जन्म दिएका थिए । हेर्जोगनउरख विश्व खेलकुदको त्यही ईतिहास बोकेको ठाउँ हो जहाँ एडोल्फ र रुडोल्फले १९२० को शुरुवातमै डासलर जुत्ता कारखना खोलेका थिए ।

व्यापारमा कोही आफ्नो हुँदैन भने झै डासलर भाईहरुमा फुट भयो र हेर्जोगनउरखमाको दुई शहर हेट्सिग र ओल्गा छुट्टाउने नदी अउराखलाई सिमा बनाउदै आफ्नो व्यापार छुट्टो–छुट्टै रुपमा बढाउदै गए । दुवै कम्पनीको मुख्यालय अहिले त्यही छ ।

जन्म, पारिवारिक द्वन्द र आजको बजार

पहिलो विश्वयुद्धमा स्वेच्छिक रुपमा सेनामा लागेपछि फर्किएका एडोल्फले आफ्नै आमाको लण्ड्री भित्र पहिलो जुत्ता बनाए । विश्वयुद्धले अर्थतन्त्रमा नराम्रो प्रभाव पार्दा जर्मनहरुले फोहोर कपडा लगाए पनि राम्रो जुत्ता लगाउने सोख राख्थे । जुत्ताको माग धेरै भएपछि आफ्ना जेठा दाई रुडोल्फलाई पनि यसैमा लगाएका एडोल्फले निकै आकर्षक जुत्ता बनाउन थाले । भाई एडोल्फ जुत्ता बनाउथे भने दाई रुडोल्फ व्यापार व्यवस्थापन हेर्थे ।

डासलर दाजुभाईले त्यसपछि निकै राम्रो आम्दानी गर्न थाले ।

‘डासलर ब्रदर्स लेदर सु फ्याक्ट्री’ नाम दिदै बनाएको यो कम्पनीको छालाको फुटबल बुट र ‘ट्रयाक एण्ड फिल्ड’ जुत्ता एथ्लिटहरु माझ निकै लोकप्रिय हुन पुग्यो । तर १९३२ मा कम्पनीमा नयाँ सदस्य थपिन पुगिन् र उनी थिइन एडोल्फकी १६ बर्षिया प्रेमिका क्याटी । जर्मनीको नाम चलेको व्यवसायीकी छोरी क्याटीसँग एडोल्फले बिवाह पनि गरे । क्याटीको आगमनसँगै डासलर भाईहरु बिच खटपट हुन थाल्यो ।

रुडोल्फ आफ्नो भाईको श्रीमतीसँग धेरै खुशी थिएनन् । “मेरो भाईसँगको मेरो सम्बन्ध १९२४ देखी १९३३ सम्म निकै राम्रो थियो,” रुडोल्फले स्निकर्स वार्स’ पुस्तकमा भनेका थिए । त्यसपछि उनकी श्रीमतीले हाम्रो व्यवसायमा हस्तक्षेप गर्न थालिन्, कुनै अनुभव बिना १६ बर्षको उमेरमै ।”

क्याटीको हस्तक्षेप पछि शुरु भएको पारिवारिक युद्धले एडोल्फ र रुडोल्फको छुट्टा–छुट्टै जुत्ता कम्पनीलाई जन्म दियो । दुवै कम्पनीको उत्पादन उनीहरुकै नाममा बजारमा जाने गथ्र्यो ।

व्यापारका लागि नाजीको सहयोग

उनीहरु छुट्टिएको समय १९३६ मा बर्लिनमा ओलम्पिक गेम्स शुरु हुन गइरहेको थियो । जर्मन तानाशाह एडोल्फ हिट्लरको अगुवाइमा भएको ओलम्पिक्स वास्तबमै जर्मनीको खस्कदो अर्थतन्त्र र छुट्टिएका डासलर भाईहरुको नयाँ कम्पनीलाई बलियो बनाउने सुवर्ण अवसर थियो । दुवै भाईहरुले आफ्नो व्यवसायलाई बलियो बनाउन नाजी पार्टीको सदस्यता लिएका थिए । नाजीको समर्थन पाएपछि डासलर दाजु भाईको बजारमा एक छत्र राज भयो । बर्लिन ओलम्पिक्स मार्फत जर्मनीमा मात्र नभएर बिश्व बजारमा फैलिने अवसर उनीहरुसँग थियो ।

ओलम्पिक्सको मुख्य आकर्षण ट्रयाक एण्ड फिल्ड इभेन्टमार्फत बजारमा दह्रो उपस्थिति देखाउने मौकाको पूर्ण सदुपयोग एडोल्फले गरे । त्यो समयका प्रख्यात अमेरिकि धावक जेसे ओवेन्सलाई उनले आफ्नो कम्पनीको जुत्ता लगाउन प्रस्ताव राखे ।

अफ्रिकन–अमेरिकनले जर्मन जुत्ता लगाएर दौडिनु राजनीतिक रुपमा आलोचनात्मक बिषय भएपनि एडोल्फले बनाएको बिशेष जुत्ताले ओवेन्सलाई आकर्षित गरेको थियो । ओवेन्सलाई जुत्ता यति मन परेको थियो कि उनले त्यो जुत्ता लगाउन नदिए खाली खुट्टा नै प्रतिस्पर्धा गरिदिने धम्की दिए ।

ओवेन्सले त्यही जुत्ता लगाएर १ सय मिटर र ३ सय मिटरमा दोहोरो स्वर्ण जिते । यो जित एडोल्फको पनि थियो । उनले खेलकुद बजारमा अचुक अस्त्र प्रहार गरिसकेका थिए । एडोल्फले बनाएको जुत्तामा ओवेन्स ओलम्पिक स्टार हुन पुगे । दाई रुडोल्फले पनि निकै राम्रा खेलाडीहरुलाई आफ्नो जुत्ता दिदै ब्राण्ड स्थापित गरेका थिए ।

बर्लिन ओलम्पिक्स र दोश्रो विश्वयुद्धपछि ओवेन्सले लगाएको एडोल्फको जुत्ताले विश्वभर समाचार बनाएपछि उनलाई स्थापित गरिसकेको थियो । दाई रुडोल्फ भने भाईको राजनीतिक चालका कारण खेलकुदको साटो जर्मन सैनिकहरुका लागि जुत्ता बनाउन पुगे ।

जब रुडल्फ बिश्वयुद्धपछि आफ्नो घर हेर्जोगनउरख फर्किए उनीहरुबीच अझै दरार बढ्न थाल्यो । भाई एडोल्फले आफ्नै दाईलाई अमेरिकिको संज्ञा दिदै खेलकुद सामग्रीहरुको साटो युद्दका लागि जुत्ता बनाउन नाजी नेताहरुमार्फत चाल चले । एडोल्फ र क्याटीले उनलाई पक्राउ गर्न लगाएर रुडोल्फको जुत्ता कारखानामा पनि आफ्नो हक जमाउन खोजेपछि उनी आक्रोषित भएका थिए ।

दाजुभाइको दुश्मनीपछि एडिडास र पुमा

भाई एडोल्फले आफ्नो नामबाट एडी र डासलर थर बाट डास  निकाल्दै एडिडास बनाए भने दाई रुडोल्फले बनाए पुमा । उनीहरु हेर्जोगनउरखको दुई शहर हेट्सिग ओल्गा छुट्टाउने नदी अउराखलाई सिमा बनाउदै आ–आफ्नो कम्पनी खडा गरे । यहीबाट सुरु भयो एडिडास र पुमाबीच बिश्व खेलकुद बजारमा द्वन्द ।

खोलेको केही समयमै एडिडासलाई जर्मनीको राष्ट्रिय जुत्ता मानिन थालियो भने पुमा पनि राम्रो व्यापार गर्दै थियो । तर जब जर्मनीले १९५४ मा सबै एडिडासले बनेको लुगा र बुटमा विश्वकप जित्न पुग्यो त्यहाबाट बिश्व खेलकुद बजारमा एडिडासको नामले आकाश छुन थाल्यो । जर्मनीले पहिलो विश्वकप उपाधि जिते देखि नै एडिडास जर्मन टोलीको हिस्सा बन्दै आएको छ ।

एडिडास आफ्नो स्थापना देखि निकै चर्चामा रहन पुग्यो । पुमा भने एडिडसको राजनीतिले गर्दा जर्मनीमा पनि बजार पाउन संघर्ष गरिरहेको थियो । तर पुमाले आज सम्म गरेको यो काम निकै प्रशंसा योग्य छ । आजको दिन सम्म एक लाख जर्मनलाई रोजगार दिएका यी कम्पनीहरु विश्व बजारमा अहिलेसम्म ने सकृय छन् ।

अहिले पनि एडिडासलाई दोस्रो स्थानको चुनौती दिने एक मात्र कम्पनी पुमा हो । यी दुई बिच अहिले पनि कलह कायमै रहेको छ । १९७४ मा पुमाका संस्थापक रुडोल्फको निधन हुँदा एडोल्फ अन्त्येष्टिमा समेत गएनन् ।

जर्मनीको घरेलु फुटबलमा नै हेर्ने हो भने बायर्न म्युनिख र बोरुसिया डर्टमण्डबीचको खेललाई एडिडास र पुमाको प्रतिस्पर्धाको रुपमा पनि लिइने गरिन्छ ।

बायर्नको प्रायोजक एडिडास हो भने डर्टमण्डको पुमा ।

एडिडास र पुमाले फुटबलमा प्रायोजन गर्दा प्रमुख प्रतिद्वन्दीलाई लक्ष्य गर्ने गरेका छन् । यसले गर्दा यी दुईबीचको प्रतिस्पर्धा पहिले पारिवारिक र राजनीतिक भएपनि अहिले नितान्त व्यापारिक रहेको छ ।

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20205 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20205 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय6 hours ago

बटलरको अविजित अर्धशतकमा इंग्ल्यान्डको सहज जित 

Euro 20206 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20208 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय9 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline11 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202014 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline16 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!