Connect with us

अन्तर्राष्ट्रिय

अन्तिम टेस्टमा २६९ रनको फराकिलो जित निकाल्दै वेस्ट इन्डिज विरुद्धको टेस्ट शृङ्खला इङ्ग्ल्यान्डलाई

wesportz

Published

on

पाहुना टोली वेस्ट इन्डिजलाई तेश्रो तथा अन्तिम टेस्ट खेलमा दुई सय ६९ रनको फराकिलो अन्तरले पराजित गर्दै इंग्ल्यान्डले टेस्ट शृंखला आफ्नो पक्ष्यमा पारेको छ । पहिलो टेस्ट गुमाएको इङ्ग्ल्यान्डले दोश्रो र तेश्रो टेस्ट जित्दै शृङ्खला २-१ ले कब्जा जमाएको हो ।

चौथो दिनको खेल वर्षाले प्रभावित भए पछि अन्तिम दिनको खेलमा तीन सय ९९ रनको लक्ष्य लिएर ब्याटिङमा आएको वेस्ट इन्डिजले आफ्ना सबै विकेट गुमाएर मात्र एक सय २९ रन बनाउन सक्यो । टेस्ट शृङ्खला बचाउनका लागि वेस्ट इन्डिजले आजको दिन पुरै खेले पुग्ने थियो तर क्रिस वक्स र स्टुवार्ट ब्रोडको घातक बलिङ अघि टिक्न सकेन ।

चौथो दिनको खेल वेस्ट इन्डिजले दुई विकेटको नोक्सानीमा मात्र १० रन सुरु गरेको थियो भने जितका लागि तीन सय ८९ रन जोड्न पर्ने थियो ।

वेस्ट इन्डिजको तर्फबाट मध्यक्रमका ब्याट्सम्यान शे होपले सर्वाधिक ३१ रन जोडे भने अन्य खेलाडीले उल्लेख्य योगदान दिन सकेनन् ।

वेस्ट इन्डिजको पारी धराशायी बनाउने क्रममा क्रिस वक्सले सर्वाधिक पाँच विकेट लिए भने स्टुवार्ट ब्रोडले पनि चार विकेट हात पारे । वक्सले ११ ओभरमा ५० रन खर्चिए भने ब्रोडले आठ दशमलब एक ओभरमा ३६ रन दिए ।

पहिलो पारीमा छ विकेट लिएका ब्रोडले दोश्रोमा चार विकेट लिँदै कुल १० विकेट हात पारे । एकै टेस्टमा उनले १० विकेट लिएको यो तेश्रो अवसर हो । त्यस्तै आजको खेलमा क्रेग ब्राथवेटको विकेट निकाल्दै उनले टेस्टमा आफ्नो पाँच सयौँ विकेट पनि हात पारे । ब्रोड टेस्ट क्रिकेटमा पाँच सय विकेट लिने सातौँ बलर हुन् ।

यस अघि खेलमा टस हारेर पहिले ब्याटिङ गरेको इङ्ग्ल्यान्ड आफ्नो पहिलो पारीमा तीन सय ६९ रन बनायो भने जबाफी ब्याटिङ गरेको वेस्ट इन्डिजले मात्र एक सय ९७ रन बनाउन सक्यो । पहिलो परिमा एक सय ७२ रनको फराकिलो लिड लिएको इङ्ग्ल्यान्डले आफ्नो दोश्रो पारीमा दुई विकेट गुमाएर दुई सय २६ रन बनाए पछि पारी सकिएको घोषणा गरेको हो ।

तेश्रो दिनको खेल छ विकेटको नोक्सानीमा एक सय ३७ रनको अवस्थाबाट सुरु गरेको वेस्ट इन्डिजले ६० रन जोड्दै आफ्ना सबै विकेट गुमाएको हो । वेस्ट इन्डिजका कप्तान जेसन होल्डर र विकेट किपर ब्याट्सम्यान शेन दाउरिच क्रमशः ४६ रन ३७ रन जोडे पनि आफ्नो टोलीलाई ठुलो योगफल सम्म पुर्याउन सकेनन् ।

वेस्ट इन्डिजको पारी धोस्त पार्ने क्रममा इङ्ग्ल्यान्डका स्टुवार्ट ब्रोडले सर्वाधिक छ विकेट लिए भने जेम्स एन्डरसनले पनि दुई विकेट आफ्नो नाममा दर्ता गराए । ब्रोडले १४ ओभर बलिङ गर्दै मात्र ३१ रन खर्चिए ।

इङ्ग्ल्यान्डको दोश्रो पारीमा ओपनर रोरी बर्न्सले सर्वाधिक ९० रन बनाए भने अर्का ओपनर डोम सिब्लीले पनि ५६ रनको पारी खेले । त्यस्तै कप्तान जो रुट ६८ रनमा अविजित रहे ।

यस अघि इङ्ग्ल्यान्डको लागि पहिलो पारीमा ओल्ली पोपले सर्वाधिक ९१ रन जोडे भने विकेट किपर ब्याट्सम्यान जस बटलरले पनि ६७ रनको पारी खेले । त्यस्तै रोरी बर्न्सले ५७ रन जोडे भने १० औं नम्बरमा ब्याटिङ गर्न आएका बोर्डले तुफानी पारी खेल्दै ४५ बलमा ६२ रन जोड्दै इङ्ग्ल्यान्डलाई राम्रो योगफल तर्फ लग्न सफल भए ।

पहिलो पारीमा वेस्ट इन्डिजका किमा रोचले सर्वाधिक चार विकेट लिए भने रोस्टन चेज र शन्नोन ग्याब्रियलले पनि समान २-२ विकेट हात पारे ।

पहिलो टेस्टमा वेस्ट इन्डिजले चार विकेटको रोमान्चक जित हात पारेको थियो भने दोश्रो टेस्टमा इङ्ग्ल्यान्डले वेस्ट इन्डिजलाई ११३ रनको फराकिलो अन्तरले पराजित गरेको थियो ।

Click to comment

Leave a Reply

Your email address will not be published. Required fields are marked *

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

अन्तर्राष्ट्रिय

बटलरको अविजित अर्धशतकमा इंग्ल्यान्डको सहज जित 

wesportz

Published

on

घरेलु टोली इंग्ल्यान्डले श्रीलंका विरुद्धको पहिलो ट्वान्टी ट्वान्टी खेलमा आठ विकेटको सहज जित हात पारेको छ । यससँगै घरेलु टोली इंग्ल्यान्डले तीन खेलको शृंखलामा १-० को अग्रता लिन सफल भएको छ । 

खेलमा टस जितेर पहिले ब्याटिङ गरेको श्रीलंकाले पुरै २० ओभर खेल्दै सात विकेटको नोक्सानीमा १२९ रनको सामान्य योगफल तयार पार्यो भने जबाफी ब्याटिङ गरेको इंग्ल्यान्डले १७ बल अगावै दुई विकेट गुमाएर लक्ष्य पार गर्यो । 

इंग्ल्यान्डको जितमा अविजित रहेका जस बटलरले ५५ बलको सामना गर्दै आठ चौका र एक छक्काको मद्दतमा सर्वाधिक ६८ रन बनाए भने जासन रोयले पनि २२ बलमा चार चौका र एक छक्का प्रहार गर्दै ३६ रनको योगदान दिए । इंग्ल्यान्डलाई आक्रामक सुरुवात दिएका रोय र बटलरले पहिलो विकेटको लागि नौ दशमलब एक ओभरमा ८० रनको साझेदारी गरे ।  

सुखद सुरुवात गर्न नसके पनि श्रीलंकाको लागि छैटौँ नम्बरमा ब्याटिङ गर्न आएका दासुन शनाकाले ४४ बल खेल्दै तीन चौका र दुई छक्काको मद्दतमा सर्वाधिक ५० रन बनाए । नबौं ओभरमा श्रीलंकाको चार विकेटको नोक्सानीमा ५२ रन रहेको अवस्थामा क्रिजमा आएका उनले पारीको अन्तिम बलमा आउट हुनु अघि अर्धशतकीय पारी खेल्दै सम्मानजनक स्कोर सम्म पुर्याएका थिए । 

शनाका बाहेक कप्तान कुसल परेराले २६ बलमा ३० तथा अर्का ओपनर दनुश्का गुनथिलकाले १९ रन जोडे भने अन्य ब्याट्सम्यानले दोहोरो अंकमा रन जोड्न सकेनन् । ओपनर अभिश्का फर्नान्डो शून्य, कुसल मेन्डिस नौ, धनन्जय डि सिल्भा तीन, वानिन्दु हसरंगा पाँच रन बनाएर पेभेलियन फर्किए भने इसुरु उडानाले अविजित ६ रनको पारी खेले ।        

इंग्ल्यान्डका आदिल रशिदले किफायती बलिङ गर्दै चार ओभरमा १७ रन खर्चिएर दुई विकेट लिए भने दुई विकेट नै हात पारेका साम कर्रनले तीन ओभरमा २५ रन खर्चिए । त्यस्तै मार्क उड, क्रिस जोर्डन र लियाम लिभिङस्टोनले पनि समान १-१ विकेट आफ्नो नाममा दर्ता गराए ।  

Continue Reading
Euro 202049 mins ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20201 hour ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय1 hour ago

बटलरको अविजित अर्धशतकमा इंग्ल्यान्डको सहज जित 

Euro 20202 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20204 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय5 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline7 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय8 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202010 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline12 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!