Connect with us

Headline

चेल्सी र युनाइटेड च्याम्पियन्स लिगमा, भिल्ला बाल–बाल बच्यो

wesportz

Published

on

चेल्सी र म्यानचेस्टर युनाइटेड इङ्गलिस प्रिमियर लिगको अन्तिम दिन आ–आफ्नो खेलमा जित हात पार्दै च्याम्पियन्स लिगमा छनोट हुन सफल भएका छन् ।

आइतबार भएका खेलहरुमा चेल्सीले उल्भ्सलाई २–० ले पराजित गर्यो भने युनाइटेडले लेस्टर सिटीलाई २–० ले हराउदै युरोपको सबैभन्दा ठूलो क्लब फुटबल प्रतियोगितामा स्थान बनायो । प्रिमियर लिगको अंक तालिकामा पहिलो चार स्थानमा रहेका टोली च्याम्पियन्स लिगमा छनोट हुने प्रावधान रहेको छ ।

प्रिमियर लिगमा यसअघि नै लिभरपुलले उपाधि जितिसकेको थियो भने म्यानचेस्टर सिटीले दोश्रो स्थानमा पक्का गरिसकेको थियो । लिभरपुलले न्युकासललाई ३–१ ले हरायो भने सिटीले यसअघि नै रेलिगेट भइसकेको नर्विचलाई ५–० को फराकिलो जित हात पार्यो ।

लिभरपुलका लागि भर्जिल भान डाइक, डिभोक ओरिजि र सादियो मानेले गोल गरे भने न्यकासलका लागि ड्वाइट गेलले गोल फर्काए । सिटीको फराकिलो जितमा ग्याब्रियल जिजस, केभिन डि ब्रुन, रहिम स्टर्लिङ्ग र रियाद माह्रेजको नाममा १–१ गोल रह्यो ।

लेस्टर र युनाइटेडको खेल प्रमुख आकर्षण

निकै तिब्र प्रतिस्पर्धा रहेको टप फोरको समिकरणको लागि अन्तिम दिन सबैको आखा युनाइटेड र लेस्टरको खेलमा रहेको थियो । चेल्सी पराजित भएको खण्डमा लेस्टरलाई च्याम्पियन्स लिगका लागि शनिबार बराबरी पर्याप्त हुने थियो । ७० औं मिनेटसम्म युनाइटेडलाई रोकेपनि ब्रुनो फर्नान्डेसले पेनाल्टीमा गोल गर्दै अग्रता दिलाएका थिए ।

जेसी लिँगार्डले थपिएको अतिरिक्त समयको आठौं मिनेटमा बिजयी गोल गरेपछि लेस्टरको सम्भावना समाप्त भएको थियो । जितपछि युनाइटेड गोल अन्तरको आधारमा तेश्रो स्थानमा रहन पुग्यो । समान ६६ अंक रहेको चेल्सीका लागि पहिलो हाफ सकिनु अघि नै मेसन माउन्ट र ओलिभर जिरुडले गोल गरेपछि फ्रांक लाम्पार्डको टोलीले चौथो स्थान पक्का गरेको थियो ।

युरोपामा लेस्टर र टोटेन्ह्याम

चेल्सीको जितको प्रत्यक्ष फाइदा भने होजे माउरिन्होको टोटेन्ह्याम हटस्परलाई भयो । यसअघिको लगातार ७ खेलमा पराजित भएको प्यालेसले टोटेन्ह्यामलाई १–१ को बराबरीमा रोकेको थियो । तर युरोपा लिगकै प्रतिस्पर्धामा रहेको उल्भ्स चेल्सीसँग पराजित भएपछि टोटेन्ह्यामले गोल अन्तरको आधारमा च्याम्पियन्स लिगमा स्थान बनायो ।
उत्कृष्ट सिजन खेलेको उल्भ्स अन्तिम समयमा आएर चुकेको हो । टोटेन्ह्यामले अब इङ्गलिस प्रिमियर लिगबाट युरोपा लिगमा लेस्टरसँगै प्रतिस्पर्धा गर्ने भएको छ ।

बर्नमाउथ र वाट्फोर्ड रेलिगेसनमा

एस्टन भिल्लाले आफ्नो अन्तिम खेलमा वेष्ट ह्याम युनाइटेडसँग १–१ को बराबरी खेलेपछि रेलिगेसन बचाएको छ भने बर्नमाउथ र वाट्फोर्ड च्याम्पियनसिपमा झरेका छन् । भिल्लाको बराबरीले सबैभन्दा ठूलो झट्का भने बर्नमाउथलाई लागेको थियो । बर्नमाउथले अर्को खेलमा ३–१ को फराकिलो जित दर्ता गर्यो तर रेलिगेसन बचाउनका लागि भने त्यो पर्याप्त भएन ।

भिल्ला पराजित भएको खण्डमा समान अंक भएपछि बर्नमाउथ गोल अन्तरको आधारमा प्रिमियर लिगमै रहने थियो । वाट्फोर्ड भने आर्सनलसँग ३–२ ले पराजित हुन पुग्यो । आर्सनलको जितमा पिएरे एमेरिक औबामेयाङले दुई गोल गरेका थिए ।

वाट्फोर्डले आर्सनलसँग बराबरी खेलेको भए पनि गोल अन्तरको आधारमा भिल्लालाई पछाडी पार्न सक्ने थिएन । अन्य खेलमा साउथ्याम्प्टनले सेफिल्ड युनाइटेडलाई ३–१ र ब्राइटनले बर्नलीलाई २–१ ले पराजित गर्यो ।

Headline

बलियो बायर्न म्युनिखको हाफेन्हाइमसँग लज्जास्पद हार

wesportz

Published

on

च्याम्पियन्स लिग तथा जर्मन बुन्डेसलिगा बिजेता बायर्न म्युनिखले सिजनको आफ्नो दोश्रो लिग खेलमा होफेन्हाइमसँग ४–१ को लज्जास्पद पराजय बेहोरेको छ ।

लगातार नवौं लिग उपाधि जित्ने दाउमा रहेको बायर्नलाई अवे खेलमा नराम्रो झड्का लागेको हो । शनिबार बायर्नको लागि उपाधिको प्रमुख प्रतिद्वन्दी बोरुसिया डर्टमण्ड पनि अस्बर्गसँग पराजित हुन पुगेको थियो ।

आइतबारको खेलमा बायर्न आधा घण्टामै दुई गोलले पछि परेको थियो । होफेन्हाइमका लागि एर्मिम बिकाक्चिचले १६ औं मिनेटमा गोल गरे भने मुनास डाबुरले आठ मिनेटपछि अर्को गोल थपेका थिए । जोसुवा किमिचले ३६ औं मिनेटमा बायर्नका लागि दुरी घटाएका थिए ।

तर आन्द्रेज क्रामरिचले दुई गोल गरेपछि बायर्न स्तब्ध हुन पुगेको थियो । क्रामरिचले ७७ औं मिनेट र ९० औं मिनेटमा गोल गरेका थिए । दुई खेलमा दुई जितपछि होफेन्हाइम अंक तालिकाको शिर्ष स्थानमा उक्लिएको छ ।

Continue Reading

Headline

टोटनह्याम न्युकासलसँग बाराबरीमा रोकियो

wesportz

Published

on

कालुम विलसनले ९० मिनेट पछि थपिएको इन्जुरी टाइममा पाएको पेनाल्टीमा गोल गरे पछि टोटनह्याम १-१ गोलको बाराबरीमा रोकिएको छ ।

पहिलो खेलमा एवर्टनसँग पराजित भए पनि दोस्रो खेलमा भने साउथह्याम्प्टनलाई ५-२ ले हराएको टोटनह्यामले आज तेस्रो खेलमा न्युकासलसँग बाराबरी बाराबरीमा रोकिएको हो

खेलमा पहिलो हाफको २५ औँ मिनेटमा कप्तान ह्यारी केनले दिएको पासलाई सदुपयोग गर्दै लुकास मोउराले पहिलो गोल गरेका थिए । टोटनह्यामका लागि पहिलो हाफमा धेरै पटक पोस्ट बाधक बन्न पुगेको थियो । ३४ औँ मिनेटमा टोटनह्यामका लागि ह्युङ मिन सनले गरेको प्राहर पोस्टमा लाग्न पुगेको थियो ।

दोस्रो हाफमा पनि टोटनह्यामले पाएको मौकालाई सदुपयोग गर्न सकेन । न्युकासलले भने ९० मिनेट पछि थपिएको इन्जुरी टाइममा पाएको पेनाल्टीमा
गोल गर्दै खेल १-१ को बाराबरीमा ल्याएको थियो । दोस्रो हाफमा अर्को गोल गर्न नसकेको टोटनह्यामका लागि पहिलो हाफमा मोउराले गरेको गोल पर्याप्त हुन सकेन ।

यस भन्दा अघी न्युकासल ब्राइटनसँग ३-० ले पराजित भएको थियो ।

आज नै हुने अर्को खेलमा म्यानचेस्टर सिटी र लेस्टर,वेष्ट ह्याम र वुल्भ्स भिड्दै छन् ।

 

Continue Reading

Headline

सुवारेजले एट्लेटिकोलाई नयाँ उचाइ दिने प्रशिक्षक सिमिओनेको बिश्वास

wesportz

Published

on

स्पेनिस क्लब एट्लेटिको म्याड्रिडका प्रशिक्षक डिएगो सिमिओनेले आफ्नो क्लबले बार्सिलोनाबाट भित्र्याएका फर्वार्ड लुइस सुवारेजले एट्लेटिकोलाई छुट्टै उचाइमा पुर्याउने बिश्वास लिएका छन् ।

उरुग्वेयन फर्वार्ड सुवारेजलाई बार्सिलोनाले क्लबबाट बिदा हुन आग्रह गरे पछि उनी फ्रि ट्रान्स्फरमा एट्लेटिको म्याड्रिड पुगेका हुन् । ३३ वर्षिय सुवारेजलाई एट्लेटिकोले भने ५ मिलियन युरोको सानो रकममा क्लबमा अनुबन्धन गरेको हो ।

“उनको आगमन हामीलाई राम्रो क्लबको रूपमा अगाडी बढ्न र एउटा टोलीको रूपमा नयाँ उर्जा प्राप्त गर्ने अवसर हो,” सिमिओनेले भने ।

“६ वर्ष अघि हामीले उनलाई बार्सिलोना जानु पहिलो पनि एट्लेटिको आउन सल्लाह दिएका थियौ । त्यो समयमा उनी हामीसँग नभए पनि अहिले भने छन् र पछिल्ला ६ वर्ष उनी अविश्वसनीय रूपमा सफल भएका छन् । उनको गोल र खेलले सकेसम्म बढी खेल जित्नका लागि हाम्रा टोलीका खेलाडीहरु उनलाई जति सक्दो चाँडो टोलीमा सामेल गराउन चाहन्छन् ।”

सिमिओनेले सुवारेजले ग्रानडासँगको खेलको लागि अभ्यास गरेको र आईतबार वान्डा मेट्रोपोलिटानोमा हुने खेलमा एट्लेटिको म्याड्रिडका लागि डेब्यु गर्न सक्ने पनि बताए ।

“उनले टोलीसँग प्रशिक्षण गरिरहेका छन् भने उनी धेरै उत्साहित देखिन्छन् तर नयाँ खेलाडी भएका कारण पहिलो खेलमै उनी सुरुवातबाटै खेल्ने छन् वा हाफ टाइम पछि आउने छन्, त्यसको निर्णय भएको छैन,” सिमिओनेले भने ।

अल्भारो मोराटालाई युभेन्टसमा लोनमा पठाए पछि एट्लेटिकोले सुवारेजलाई उनको स्थानमा क्लबमा भित्र्याएको हो ।

Continue Reading
Headline12 mins ago

बलियो बायर्न म्युनिखको हाफेन्हाइमसँग लज्जास्पद हार

Headline1 hour ago

टोटनह्याम न्युकासलसँग बाराबरीमा रोकियो

Headline2 hours ago

सुवारेजले एट्लेटिकोलाई नयाँ उचाइ दिने प्रशिक्षक सिमिओनेको बिश्वास

IPL 20202 hours ago

पन्जाबले पहिले ब्याटिङ गर्ने 

राष्ट्रिय3 hours ago

क्यानको निर्णय प्रति सिप्यानको असन्तुष्टि

Headline3 hours ago

बामफोर्डको निर्णायक गोलमा लिड्सको दोस्रो जित

IPL 20204 hours ago

दोश्रो जितको खोजीमा पन्जाब र राजस्थान भिड्दै

Headline5 hours ago

क्लब छोड्ने असफल प्रयासपछि मेस्सी पहिलो पटक ला लिगामा उत्रदै

Headline8 hours ago

प्रिमियर लिगमा आजः टोटेनह्याम र न्युकासल भिड्दै, सिटी आफ्नो दोस्रो खेल खेल्दै

Headline10 hours ago

लिभरपुल र आर्सनल भिड्दा परिणाम निर्धारण गर्ने तीन प्रमुख लडाई

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending