Connect with us

Headline

टेनिस सुन्दरी मारिया सारापोभाका प्रेमीहरुको लामो सुची

wesportz

Published

on

कुनै समयकी नम्बर एक महिला टेनिस खेलाडी हुन् मारिया सारापोभा । रसियाकी सारापोभा आफ्नो खेलका कारण मात्र नभएर आफ्नो सुन्दरताका कारण पनि चर्चामा रहने गरेकी छिन् । हाल सन्यास लिइसकेकी सारापोभाले कोर्टमा आफ्नो खेलमात्र नभएर सुन्दरताले पनि करोडौंलाई मन्त्रमुग्ध गर्ने गर्थिन् ।

जब उनले सन् २००४ मा १७ बर्षको उमेरमा आफ्नो पहिलो ग्रान्ड स्ल्याम विम्बल्डन जित्न सफल भइन् सारा मिडिया र टेनिस समर्थकहरु माझ उनी एकाएक चर्चित हुन पुगिन् । सारापोभा आफ्नो प्रेम सम्बन्धका कारण पनि मिडिया र समर्थकबीच चर्चामा रहि रहिन् । टेनिसबाट सन्यास लिए पनि उनी अझै पनि प्रेम सम्बन्धका कारण चर्चामा आउने गरेकी छिन् । उनको प्रेम सम्बन्धमा जोडिएर आउने नामहरुमा टेनिस खेलाडी देखि कलाकार र व्यापारी सम्म रहेका थिए र छन् ।

हेरौं सारापोभाको प्रेमीहरुको लामो सुचीः

६. एडम लभिन

पाँच पटककी ग्रान्ड स्ल्याम बिजेता सारापोभाको पहिलो प्रेमी थिए मरुन फाइभ ब्याण्डका भोकलिस्ट अमेरिकन गायक एडम लभिन । सारापोभाले सन् २००५ मा आफ्नो जन्म दिनको दिन दिएको पार्टीमा एडमसँग भेट भएको थियो । तर सारापोभाको एडमसँगको प्रेम सम्बन्ध लामो समय चल्न सकेन ।

सारापोभाले आफुलाई यौन सन्तुष्टि दिन नसकेको र उनी जस्तो केटी आफुलाई मन नपर्ने भन्दै एडमले सम्बन्ध तोडेका थिए । एडमले पछि बेहाटी प्रिन्स्लो नाम गरेकी मोडलसँग बिवाह गरेका थिए ।

५. एन्डी रोडिक

एडमसँगको प्रेम सम्बन्ध बिग्रिए पछि सारापोभा अमेरिकन टेनिस लिजेण्ड एन्डी रोडिकसँग नजिकिन पुगिन् । जब उनीहरु सन् २००६ को युएस ओपनमा सँगै देखिए तब उनीहरु प्रेममा रहेको अड्कल बाजी चल्न थाल्यो ।

समर्थकहरुले त दुबैको नाम जोडेर ’रोडापोभा’ नाम समेत दिन भ्याइसकेका थिए । त्यस्तै सारापोभाले ’लभ इज इन द ययर’ अर्थात् ’प्रेम वातावरणमा छ’ लेखेको टिसर्ट लगाए पछि त्यस समय चर्चाको बिषय बनेको थियो ।

एक बर्षको प्रेम सम्बन्धका बावजुद रोडिकले दुबैको प्रेम सम्बन्ध स्विकार्न नसकेपछि उनीहरु छुट्टिएका थिए । सारापोभासँगको सम्बन्ध टुटे पछि रोडिक मोडल तथा हिरोइन ब्रुकलिन डेकरसँग बैवाहिक सम्बन्धमा बाँधिएका थिए र उनीहरुको दुई सन्तान पनि रहेका छन् । उनीहरु प्रेम सम्बन्धमा रहे नरहेको कुनै कुराको पुष्टि नभए पनि आगो नसल्की धुँवा पक्कै आउदैन ।

४. चार्ली एबर्सोल

सन् २००५ र २००६ को एक बर्षको प्रेम सम्बन्ध बिग्रिए पछि सारापोभा करिब दुई बर्ष प्रेम सम्बन्ध बिहिन रहिन् । पछि सन् २००८ मा उनको र टिभी निर्माता चार्ली एबर्सोलबीच प्रेम झाँगिदै गयो । तर यो सम्बन्ध पनि लामो समय रहन सकेन । सन् २००८ मा नै दुबैजना छुट्टिए । उनीहरु किन छुट्टिए भन्ने बारेमा कुनै स्पष्ट जानकारी छैन । पछि चार्लीको पप गायिका ब्रिट्नी स्पियर्ससँग प्रेम सम्बन्ध रहेको थियो ।

३. सासा भुजाचिच

सारापोभाको सबै भन्दा लामो समयको प्रेम सम्बन्ध बास्केटबल खेलाडी सासा भुजाचिचसँग रहेको थियो । सन् २००९ मा प्रेम सम्बन्धमा रहेका उनीहरु २०१२ मा छुट्टिएका थिए । सारापोभा र सासाको पहिलो भेट सन् २००९ मा नै भएको थियो ।

दुवैले एक अर्काबीचको प्रेम सम्बन्ध सार्वजनिक रुपमा नै स्विकारेका थिए । त्यती मात्र हैन उनीहरुले सन् २०१० मा इन्गेजमेन्ट समेत गरेका थिए । सासा सारापोभाका सबै खेलमा उपस्थित हुँदै हौसला बढाउने समेत गर्दथे । तर इन्गेजमेन्ट गरेको दुई बर्ष भन्दा बढी उनीहरुको सम्बन्ध टिक्न सकेन ।

२. ग्रिगोर दिमित्रोभ

सारापोभाका पाँचौं प्रेमी हुन् बुल्गेरियन टेनिस स्टार ग्रिगोर दिमित्रोभ । उनीहरु सन् २०१३ देखि २०१५ सम्म प्रेम सम्बन्धमा रहेका थिए । सन् २०१३ मा जब दिमित्रोभल सारापोभाको खेल हेरे तब उनले इमेल नै गरेर प्रेम प्रस्ताव राखेका थिए । सारापोभाले आफ्नो आत्मकथामा पनि यस बिषयमा प्रष्ट पारेकी थिइन् जसमा लेखेकी छिन्: “दिमित्रोभलाई देखे पछि यो कलिलो केटोसँग डेटिङ गएर म कानुनी समस्यामा त पर्दिन ?”

सारापोभा अघि दिमित्रोभको सम्बन्ध उनको चिरप्रतिद्वन्दी सेरेना विलियम्ससँग पनि रहेको थियो ।

१. एलेक्जेण्डर गिल्क्स

सारापोभा सन् २०१८ देखि ब्रिटिस व्यपारी एलेक्सजेन्डर गिल्क्ससँगको प्रेम सम्बन्धमा रहेकी छिन् । गिल्क्स प्याडल एटका संस्थापक तथा मालिक हुन् । उनीहरुलाई पहिलो पटक सन् २०१८ को मार्चमा सँगै देखिएको थियो । त्यस पछि दुबै सँगै रहदै आएका छन् ।

गिल्क्स न्युयोर्कमा सबैभन्दा राम्रो कनेक्सन रहेका ब्रिटिस नागरिकमा पर्ने गर्छन् । उनी प्रिन्स ह्यारीसँगै कलेज गएका थिए । उनले यसअघि प्रिन्स ह्यारी र मेगन मार्कललाई बैवाहिक सम्बन्धमा भुमिका खेलेकी मिसा नुनुसँग बिवाह गरेका थिए ।

Headline

गोलकिपर अशोक नायक बन्दा मनाङ आहा–रारा गोल्डकपको फाइनलमा

wesportz

Published

on

गोलकिपर अशोक बराल नायक बनेपछि मनाङ मस्र्याङ्गदी क्लब टाई ब्रेकरमा त्रिभुवन आर्मी क्लबलाई ४–३ ले पराजित गर्दै आहा–रारा गोल्डकपको फाइनलमा प्रवेश गरेको छ ।

पोखरा रँगशालामा निर्धारित ९० र ३० मिनेटको एक्स्ट्रा टाइममा दुवै तर्फबाट गोल हुन नसकेपछि खेलको निर्णय टाईब्रेकरबाट भएको थियो । टाई ब्रेकरमा चोटले ग्रस्त अशोकले महत्वपूर्ण प्रहार बचाउदा मनाङले जित हात पार्यो ।

मनाङले अब सातौं पटक उपाधि जित्नका लागि फाइनलमा नेपाल एपिएफ क्लबसँग खेल्नेछ । एपिएफ बुधबार मच्छिन्द्र फुटबल क्लबलाई ३–१ ले पराजित गर्दै १४ बर्षमा पहिलो पटक फाइनलमा प्रवेश गर्यो । चार पटक फाइनल प्रवेश गरेपनि एक पटक उपाधि नजितेको आर्मी यसपटक भने सेमिफाइनलबाटै बाहिरिन पुग्यो ।

टाई ब्रेकरमा आर्मीका दिपक गुरुङको प्रहार पोस्टमा ठोक्किए लगत्तै बिश्व अधिकारीले भने त्यही ठाँउमा हिर्काउदा दुवै टोली २–२ गोलको स्थितिमा रहेको थियो । अशोकले युद्ध शाहीको प्रहारलाई रोकेपछि मनाङको कप्तानी गरिरहेका ओलादिपो ओलावाले अफिजले निर्णायक प्रहारमा गोल गरेका थिए ।

यसअघि मनाङले आठौं मिनेटमा नै अग्रता बनाउने सुनौलो मौकालाई खेर फालेको थियो । एडिजालजा सोमिडेको क्रसलाई रोक्ने क्रममा बलले युद्धको हातमा लागेपछि मनाङले पेनाल्टी पाएको थियो । तर मनाङका कप्तान बिमल रानाले क्रसबारबाट धेरै माथि प्रहार गरेका थिए ।

दुवै टोलीबाट गोलका लागि धेरै प्रयास जारी रहेपनि सफल भने रहेका थिएनन् ।

Continue Reading

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading
Headline15 mins ago

गोलकिपर अशोक नायक बन्दा मनाङ आहा–रारा गोल्डकपको फाइनलमा

Headline8 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline9 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline9 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline22 hours ago

सबैलाई एक्सपोजर दिदै प्रशिक्षक अलमुताइरी

Headline23 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline1 day ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Trending

error: Content is protected !!