Connect with us

Headline

प्रिमियर लिगमा फर्किएको लिड्स र जासुस बिएल्साको ‘स्पाइगेट’ काण्ड

wesportz

Published

on

लिड्स युनाइटेड १६ बर्षपछि इङ्गलिस प्रिमियर लिगमा फर्किएको छ । यसै सिजन इङ्गलिस च्याम्पियनसिपको उपाधि जित्नु अघि नै लिड्सले इङ्गल्याण्डको टप फ्लाइट फुटबलमा आफ्नो स्थान पक्का गरिसकेको थियो । अघिल्लो सिजन नै प्रिमियर लिगमा उक्लनु पर्ने लिड्स थोरैले मात्र चुकेको थियो ।

एक पछि अर्को व्यवस्थापक परिवर्तन गर्दै हर सम्भव प्रयास गरेको कुनै समयको बलियो टोली लिड्सलाई अर्जेन्टिनी प्रशिक्षक मार्सेलो बिएल्साले उकासेका हुन् । लिड्स र इङ्गलिस फुटबलमा बिएल्सा भने यो उपलब्धिले मात्र लोकप्रिय छैनन् । २०१९ मा लिड्स नकारात्मक रुपले नै भएपनि चर्चामा रह्यो र त्यसको केन्द्रमा थिए बिएल्सा ।

बिएल्साको स्पाइगेट काण्डले इङ्गलिस फुटबल र मिडिया निकै तातियो । यसले अर्जेन्टिनी प्रशिक्षकको नकारात्मक चर्चा भएपनि मिडियामा उनी लामो समय नै छाइरहे । अहिले लिड्सलाई प्रथम श्रेणीमा उकासेका बिएल्सा झनै चर्चाको शिखरमा पुगेका छन् ।

के हो स्पाइगेट काण्ड ?

२०१९ को जनवरीमा च्याम्पियनसिप म्याचका दौरान हाल चेल्सीका व्यवस्थापक फ्रांक लाम्पार्डले सम्हालेको डर्बि काउन्टिको प्रशिक्षणमा बिएल्साले जासुसी गरेपछि लिड्स युनाइटेड चर्चाको शिखरमा पुग्यो । घट्नाले यति ठूलो रुप लिन पुग्यो कि बिएल्सालाई हलिउडको प्रख्यात जासुस पात्र जेम्स बण्डको रुपमा चित्रण गर्न थालिएको थियो ।

लिड्ससँगको म्याचको लागि तयारी चलिरहदा बिएल्साका एक स्टाफ डर्बिको प्रशिक्षण मैदान नियालिरहेको स्थितिमा सार्वजनिक फुटपाथमा समातिए । त्यसपछि बिल्साले जासुसी गर्दै फाइदा लिन खोजेको आरोपको खण्डमा ७० मिनेटको प्रेस कन्फेरेन्स दिए । यस क्रममा बिएल्साले एउटा पावर पोइन्ट प्रस्तुति दिदै आफ्ना स्टाफहरु कुनै पनि खेलेको तयारीमा कुन हदसम्म जाने गरेका छन् भनेर बिस्तृत रुपमा खण्डन गर्दै गए ।

बिल्साले उक्त पावर पोइन्ट प्रस्तुतिमा टिमहरुको भिडियो, तथ्यांकको बिवरण र अन्य थुप्रै तरिकाहरुको उदाहरण दिएका थिए । लिड्सले त्यो सिजन खेलेका हरेक बिपक्षी टोलीको प्रशिक्षणलाई नियालेको स्विकारेका बिएल्साले यस्तो अभ्यास बिदेशमा सामान्य रहेको र आफूले फाइदा उठाउन भन्दा पनि चिन्ता कम गर्न खोजेका बताएका थिए ।

“मैले लिड्सले खेल्ने हरेक बिपक्षीको निरिक्षण गर्नुका साथै उनीहरुको अभ्यास सत्र पनि नियालेको थिए । आफूलाई चाहे जतिको जानकारी म बिपक्षीको अभ्यास नहेरि लिने गर्थे । मैले तैपनि किन अरु कसैलाई पठाए त ? मलाई कुनै आचार संहिता तोडेको जस्तो लागेको थिएन । मैले अन्य कुनै माध्यमबाट जानकारीहरु लिने प्रयास गरेको हु,” बिएल्साले भनेका थिए ।

पर्याप्त काम नगर्दा हामीलाई निकै ग्लानी हुने गर्छ । बिपक्षीको अभ्यास हेर्दा चिन्ता कम हुन्छ र मेरो केसमा यस्तो गर्न दिनु मुर्खता थियो, आफूले गरेको कार्य गैरकानुनी नभएको तर इङ्गलिस फुटबल संघ र इङ्गलिस फुटबल लिगले कुनै कारवाही गरे स्विकार्ने बताउदै बिएल्साले भनेका थिए ।

परिणामस्वरुप के भयो त ?

इङ्गलिस फुटबल लिगले गुड फेथ (बिश्वास) नियम मिचेको आरोपमा लिड्सलाई २ लाख पाउण्ड जरिवाना गरेको थियो । बिएल्सा आफैले सबै रकम तिरेका थिए । यो काण्डपछि इङ्गलिस फुटबल लिगले ७२ घण्टा अगाडीसम्म आफूले खेल्ने कुनै पनि बिपक्षिको अभ्यास हेर्न नपाउने नयाँ नियम नै लागु गरिदियो ।

बिएल्साको लिगेसी

बिभिन्न धारणा अगाडी आएपनि यो अध्यायपछि बिएल्साको लिगेसी अझै बलियो बन्दै गयो । मुख्य प्रशिक्षकको रुपमा बिएल्साले फुटबल टोलीको खेलमा पार्ने गरेको सकारात्मक प्रभावको बिश्वभरि नै तारिफ गर्ने गरिन्छ । स्पाइगेट काण्डपछि यसलाई केहीले नकारेपनि अन्य भने बिएल्सा र उनको स्टाफले खेल अघि बिपक्षीका बारे जानकारी बटुल्नका गरेको अभ्यासले चकित भएका छन् । स्पाइगेट काण्डले वेष्ट योर्कसायरमा बिएल्साको प्रसिद्धीलाई अर्को उचाइ दिएको छ ।

चेल्सी आउनुअघि लाम्पार्डले डर्बी काउन्टी एक सिजन सम्हालेका थिए

स्पाइगेटबारे अन्य व्यवस्थापकहरुले के भनेका थिए ?

यो एउटा सरप्राइज हो । हामीले खेलको अखण्डतालाई बताइ राख्न आवश्यक छ । म फेयर प्ले र सम्मानमा बिश्वास राख्ने मध्ये पर्छु । मलाई लाग्छ लिड्सले यसमा दायरा नाघेको छ । धन्न यो काण्डमा मेरो टिम परेन । मैले यो महसुस गर्न परेको छैन तर मैले फ्रांक (लाम्पार्ड) को लागि भने केही महसुस गरेको थिए । फुटबलमा कुनै पनि तरिकाले फाइदा उठाउने तर्फ सोच्नु सामान्य हो । आफ्नो टिम, रणनीति र योजनाको संरक्षण गर्ने तर्फ सोच्नुपर्छ । तर अरुको प्रशिक्षण मैदानमा आफ्नो मान्छे पठाउनु उचित होइन । – स्टेभन जेरार्ड (रेन्जर्स)

मेरो प्रस्तुति हेर्ने हो भने हामी पनि बिश्लेषण गर्ने गर्छौ । मैले यो देखेको होइन, सुनेको हु । यो हास्यास्पद भएकोले यस बिषयमा म धेरै बोल्न चाहन्न । उनले (बिएल्साले) आफू के हु भनेर देखाएका छन् । मैले यस्तो काम न पेप ग्वार्डियोलाले गरेको देखे न योर्गेन क्लोपले न त माउरिसियो पोचेटिन्होले नै । यो समर्थकहरुका लागि आखा खोल्ने अवसर हो किनभने धेरै जसो कुराहरु गोप्य रुपमा गरिएको छ । – फ्रांक लाम्पार्ड (डर्बि काउन्टी, हाल चेल्सी)

उनी फरक (फुटबल) संस्कृतिबाट आएका हुन् र हामीले बिदेशी प्रशिक्षक र व्यवस्थापकहरुलाई स्वागत गरेका छौं । उनी फरक नियम रहेको स्थानबाट आएका हुन् । यो नैतिक छ ? छैन । के हामी यो गर्छौं ? गर्दैनौं । तर खेलका अन्य पक्षहरु प्नि छन् जसले हामीलाई उदास बनाउने गर्छ, ती पक्षहरु राम्ररी सम्बोधन गरिएका हुदैनन् । हामीले फुटबल नाम दिने गरेको यो दुनियामा उनले यो (जासुसी) काम गरिदिएका छन् । – क्रिस वाइल्डर (सेफिल्ड युनाइटेड)

Headline

सर्वाधिक बालोन डि’ओर जित्ने खेलाडीको सुचीमा मेस्सी दोश्रो र रोनाल्डो तेश्रो । पहिलो को ?

wesportz

Published

on

सर्वाधिक बालोन डि’ओर जित्ने खेलाडी को हो भनेर कसैले तपाईलाई सोध्यो भने तपाई भन्नु हुनेछ पहिलो नम्बरमा लियोनेल मेस्सी र दोश्रोमा क्रिष्चियानो रोनाल्डो । मेस्सीले ६ पटक र रोनाल्डोले पाँच पटक बिश्वकै सबैभन्दा प्रतिष्ठित व्यक्तिगत पुरस्कार उचाली सकेका छन् ।

तर फ्रेन्च फुटबलले हालै गरेको बालोन डि’ओरको पुर्नमुल्यांकन अनुसार मेस्सी दोश्रो नम्बरमा र रोनाल्डो तेश्रो नम्बरमा परेका छन् ।

त्यसो भए सर्वाधिक बालोन डि’ओर जित्ने खेलाडीको सुचीको पहिलो नम्बरमा को छन् त ?

तपाईलाई पत्यार न लाग्न सक्छ तर फ्रेन्च फुटबलको पुनमुल्यांकन ब्राजिलका महान फुटबल खेलाडी पेलेले सर्वाधिक सात पटक बालन डि’ओर जितेका छन् ।

कसरी ?

तीन पटक विश्वकप जितेका पेलेले एक पटक पनि बालन डी’ओर जितेका छैनन् । सन् १९९० को दशक सम्म बालोन डि’ओर जित्नका लागि युरोपेली खेलाडी मात्र योग्य हुने नियम थियो । जसले गर्दा पेले आफ्नो खेल जीवनमा यो उपाधि जित्नबाट बन्चित रहे । सन् १९९५ मा आएर फ्रेन्च फुटबलले आफ्नो नियम परिवर्तन गर्दै बालोन डि’ओर सबै खेलाडीका लागि खुल्ला गरेको हो ।

युरोप बाहेक अन्य खेलाडीलाई के कस्तो अन्याय भयो भनेर फ्रेन्च फुटबलले पुर्नमुल्यांकन गर्दै यदि सबै खेलाडीलाई बालोन डि’ओरमा सहभागिता गराएको भए कसले कति पटक यो उपाधि जित्ने थिए भनेर अध्ययन गर्यो ।

उक्त पुर्नमुल्यांकन अनुसार पेले सात पटक बालोन डि’ओरको हकदार रहेका थिए । यदि पेलेले पनि बालोन डि’ओरमा सहभागि हुने मौका पाएका भए उनले सन् १९५८ देखि सन् १९६१ सम्म लगातार चार पटक, सन् १९६३ र सन् १९६४ मा दुई पटक र सन् १९७० मा एक पटक गरेर कुल सात पटक उक्त उपाधि चुम्ने थिए ।

उक्त पुर्नमुल्यांकन पछि फ्रान्स फुटबलले आफ्नो म्यागजिनको मुख्य पृष्ठमा पेलेले सात ओटा स्वर्ण बल लिएको फोटो सहित छापेको थियो ।

Continue Reading

१३औं दक्षिण एसियाली खेलकुद

सेरेना विलियम्सले लिइन फ्रेन्च ओपनको चौथो दिनमा नाम फिर्ता

wesportz

Published

on

तीन पटक कि च्यामपियन सेरेना विलियम्सले एकिलिसको चोटका कारण फ्रेन्च ओपनबाट आफ्नो नाम फिर्ता लिएकी छिन् ।

३९ वर्षिय सेरेनाले आज राती बुल्गेरियाकी त्वेताना पिरोनकोभासँग आफ्नो दोस्रो चरणको खेल खेल्ने कार्यक्रम  रहेको थियो ।

२३ ग्राण्ड स्ल्यामको उपाधी जितेकी सेरेनाले यस् पटकको फ्रेन्च ओपेन जित्दै मार्गरेट कोर्टको कृतिमानी २४ ग्राण्ड स्ल्यामलाई पछि पार्ने दाउमा रहेकी थिइन् ।

“मलाई लाग्छ म चार देखी छ हप्ता मैदान बहिर रहने छु,” सेरेनाले एउटा पत्रकार सम्मेलनमा भनिन् ।

“मलाई हिन्न पनि गार्हो भैरहेको छ । एकिलिस यस्तो चोट हो जुन तपाइँले अहिले चाहानुहुन्न तर यस्तो भन्दैमा म मैदान नफर्किने हैन, म अझ फिट  भएर कोर्टमा फर्कन चाहन्छु।”

यस महिनाको सुरुमा युएस ओपनको सेमिफाइनलमा भिक्टोरिया अझारेन्कासँग पराजित भए पछि सेरेनाले आफुलाइ एकिलिसमा समस्या आएको बताएकी थिइन् ।

सोमबार मात्र उनले अमेरिकी खेलाडी कृष्टि अहनलाई ७-६,७-२ र ६-० को सेटमा हराएकी थिइन् । उनले खेल जिते पनि उनलाई चोटले सताएको बताएकी थिइन् ।

सेरेनाले २००२,२०१३ र २०१५ मा फ्रेन्च ओपनको उपाधी जितेकी थिइन् ।

Continue Reading

Headline

“प्रकृतिक रुपले आयो र गए” खेलको बिचमै शौचालय गएका एरिक डायर भन्छन्

wesportz

Published

on

होजे मोउरिन्हो आफ्नो व्यवस्थापकीय क्यारियरमा धेरै खेलाडीको पिछा गरे होलान् तर वुधबार भने उनले एरिक डायरको पछाडि उनी अन्य कुनै कारणले दौडिएका थिए ।

कराबाओ लिग कप अन्तर्गत टोटनह्याम चेस्लीसँग खेल्दै थियो । ७७ औँ मिनेटमा टोटनह्याम १-० ले पछि  परेकोको अवस्थामा मुख्य डिफेन्डर मनिएका डायर अचानक मैदानबाट निस्किदै चेन्जिङ रुम तिर डौडिए ।

त्यस पछि डायरका प्रशिक्षक मोउरिन्होले  उनलाई लखट्दै टनल भित्र रहेको चेन्जिङ रुम तिर पुगेका थिए ।

तर डायर खेलको त्यस्तो महत्वपूर्ण घडीमा कहाँ कुदेका थिए होलन त ? सबैलाई अचम्मित पार्दै भित्र कुदेका डायरले खेल सकिए पछि सबै कुरा खुलाए ।

“यो परिस्थिती सबैले अनुभाव गरेको हुनु पर्छ,” खेल पछि डायरले भने ।

“यो मलाई पहिलो पटक भएको हो । म अहिले त ठीक छु तर त्यो समयमा म केही गर्न सक्दिन थिए । जब तपाईंलाई आँउछ तब तपाईं जानु नै पर्छ, यो रोकेर रोकिने कुरा हैन,” उनले हाँस्दै भने।

“मलाई थाहा थिएन मोउरिन्हो म पछाडि कुदिरहेका थिए तर उनलाई अहिले थाहा भयो होला । मैले मेरा डिफेन्डर साथीहरु टोबी एन्डेलविर्ल्ड र पिएरे -एम्ली होजबर्गलाई मलाई जानु छ भनेको थिए,”

“मलाई धेरै पेट दुखिरहेको थियो, मलाई जसरी हुन्छ जानु नै थियो र गए।” डायरले भने ।

डायर केही मिनेट पछि मैदान फर्किएका थिए । प्रशिक्षाक मोउरिन्हो उनीसँग रिसाउदै सँगै टनलमा पसेका थिए ।

“मोउरिन्हो खुशी थिएनन् तर पनि प्रकृतिक रुपले आयो र गए” डायरले थपे ।

भाग्यवश डायरका लागि टीमका साथी एरिक लामेला सात मिनेट बाँकी रहदा खेल बराबरी गर्दै टोटनह्यामलाई पेनाल्टीमा पुर्याएका थिए ।

पेनाल्टीमा पुगेको खेलमा डायरले टोटनह्यामका लागि पहिलो पेनाल्टी प्रहार गर्दै गोल पनि गरेका थिए ।

 

 

 

Continue Reading
IPL 20201 hour ago

राजस्थान विरुद्ध कोलकाता पहिले ब्याटिङ गर्ने 

Headline2 hours ago

सर्वाधिक बालोन डि’ओर जित्ने खेलाडीको सुचीमा मेस्सी दोश्रो र रोनाल्डो तेश्रो । पहिलो को ?

IPL 20202 hours ago

लगातार तेश्रो जितको आशामा राजस्थान कोलकातासँग खेल्दै 

१३औं दक्षिण एसियाली खेलकुद3 hours ago

सेरेना विलियम्सले लिइन फ्रेन्च ओपनको चौथो दिनमा नाम फिर्ता

Headline9 hours ago

“प्रकृतिक रुपले आयो र गए” खेलको बिचमै शौचालय गएका एरिक डायर भन्छन्

Headline10 hours ago

म्यानचेस्टर सिटीले बेनफिकाबाट भित्र्यायो नयाँ डिफेन्डर

Headline18 hours ago

माउन्ट पेनाल्टीमा चुक्दा चेल्सी टोटनह्यामसँग पराजित

IPL 202021 hours ago

हैदराबादले पहिलो जित निकाल्दा दिल्लीको पहिलो हार

IPL 202023 hours ago

राम्रो सुरुवातका बाबजुद हैदराबादको मध्यम योगफल 

IPL 20201 day ago

आज पनि सन्दिप बेन्चमा नै, दिल्लीले पहिले बलिङ गर्ने  

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending