Connect with us

Headline

सेफिल्ड युनाइटेडः लिग वान देखि प्रिमियर लिग सम्म

wesportz

Published

on

सन् २००६ मा सेफिल्ड युनाइटेड इङ्गलिस फुटबलको दोस्रो डिभिजन च्याम्पियनशिपबाट उक्लदै प्रिमियर लिग आइपुग्यो । २००६ मा टप फ्लाइटमामा एक बर्ष पनि बित्न नपाउदै सेफिल्ड फेरी ओरालो लाग्दै च्याम्पियनशिपमा झर्यो । २००७ देखी च्याम्पियनशिपमा मिड टेबल क्लब भएर बिताएको सेफिल्ड २०११ मा इङ्गलिस फुटबलको तेस्रो श्रेणी लिग वानमा झर्न पुग्यो ।

लिग वानमा झरेकै सिजन सेफिल्डका समर्थकहरुले क्लबको अस्तित्व समाप्त भएको सोच्न थाले । युरोप भरीका संचार माध्यमहरुले इङ्गलिस फुटबलकै सबैभन्दा पुरानो क्लब सकिएको समाचार बनाउन थालिसकेका थिए । नबनाउन् पनि किन ? क्लब यती चरम आर्थिक संकटमा थियो कि आफ्ना समर्थकलाई सिजनको टिकटदेखि जर्सी समेत बेच्न सकिरहेको थिएन ।

२०११ देखी क्लबले झेलिरहेको अर्थिक संकटलाई पार लगाउदै लिग वानमा झुलिरहेको सेफिल्ड युनाइटेडलाई साउदी राजकुमार अब्दुल्ला बिन मुसाले २०१३ मा आफ्नो बनाए र शुरु भयो सेफिल्डको शिखर तर्फको यात्रा ।

२०१३ देखी आफ्नै एकेडेमीमा रहेका र अन्य किनिएका नयाँ खेलाडीहरुको मद्दतमा २०१७ मा लिग वान देखी फेरी च्यम्पियनशिपमा बढुवा हुन पुग्यो । सेफिल्डको डिफेन्स यति बलियो थियो कि २०१६ मा बढुवा भएको यो टोली २०१८ मा दोस्रो हुदै १२ बर्षपछि प्रिमियर लिगमा फर्किएको थियो ।

जसरी सेफिल्ड फेरी इङ्गलिस टप फ्लाइट फुटबलमा फर्किएको थियो त्यो निकै तारिफ योग्य थियो । अहिले पनि सेफिल्डले प्रिमियर लिगमा गरेको यो प्रदर्शनको जति तारिफ गर्दा पनि पुग्दैन । चार खेलाडी बाहेक अन्य सबै ग्रेट ब्रिटेनका खेलडी रहेको सेफिल्डलाई अहिले पनि इङ्गल्याण्मा ’प्रपर इङ्गलिस क्लब’ भन्ने गरिन्छ ।

प्रिमियर लिग आएकै सिजन युरोपियन प्रतियोगिता माथि आँखा लगाइरहेको सेफिल्ड यो सिजनको जाएन्ट किलर को रुपमा चिनिएको छ । सेफिल्डले शिर्ष ६ का सबै क्लबलाई रोक्दै युरोपियन फुटबलमा आफ्नो दरिलो उपस्थिति देखाउन सफल भएको छ । र यस्को श्रेय जान्छ उसको प्रशिक्षक क्रिस वाइल्डरलाई ।

वाइल्डरले सेफिल्डको डिफेन्सलाई एति बलियो बनाएका छन् की त्यसलाई चिर्न आर्सनल, म्यान्चेस्टर युनाइटेड र म्यानचेस्टर सिटीको अग्रपंक्तिलाई समेत गार्हो पर्ने गर्छ ।
यही सिजन अर्सनललाई हराएको सेफिल्डको अनुशासन , आक्रमण र डिफेन्समा केही कमी देखाएको थिएन । प्रिमियर लिगको गएको समर विन्डोमा ४३ मिलियन पाउण्डमा १० खेलाडी भित्र्यााएको सेफिल्डको टोली जहिल्यै निडर देखिन्छ । जुनसुकै विपक्षमा भए पनि सेफिल्ड आफ्नो लक्ष्यमा अडिग थियो र त्यो हो युरोपियन प्रतियोगिता ।

प्रिमियर लिगको शुरुवात भएदेखि बढुवा भएर आएका १२ नयाँ टोलीले मात्र प्रिमियर लिगमा धेरै अंक लिएका छन् । १९९४ को केभिन किगनको न्यूकासल युनाइटेडले २५ खेलमा ४५ अंक जोडेको थियो । हालसालै नुनो एस्पिरिटो सान्तोको उल्भ्सले ३८ अंक लेखाएको थियो ।

वाइल्डरको सेफिल्डले लामो समयदेखि इङ्गल्याण्डमा स्थापित क्लबहरुलाई धुलो चटाउदै प्रिमियर लिगमा जुन शुरुवात गरेको छ त्यो फर्म अर्को सिजन पनि कायम राख्न जरुरी छ ।
लिभरपुलले उपाधि हात पर्दै इतिहासमा आफ्नो नाम लेखाएको जस्तै सेफिल्ड पनि युरोपियन प्रतियोगितामा आफ्नो नाम लेखाउन सफल होला त ?

Headline

बार्साका भिडाल इन्टर मिलानमा

wesportz

Published

on

इटालियन सिरी आ मा आफ्नो टोलीलाई मजबुत बनाउने प्रयासमा रहेको इन्टर मिलानले बार्सिलोना मिडफिल्डर आर्टुरो भिडाललाई अनुबन्ध गर्ने भएको छ ।

अघिल्लो सिजन युभेन्टसलाई मात्र एक अंकले इटालियन प्रथम श्रेणीको उपाधि थमाएको इन्टर नयाँ जोशका साथ सिजनको शुरुवात गरिरहेको छ । यसका लागि इन्टर प्रशिक्षक एन्टोनियो कोन्टेले क्लबका चिनिया मालिकहरुसँग पनि खेलाडी अनुबन्धनका लागि खर्च गर्न भन्दै आएका छन् ।

भिडाललाई इन्टर भित्र्याउने कोन्टेको यही प्रयासको नतिजा हो । मिलानमा सोमबार मेडिकल गरेका भिडालको सम्झौता मङ्गलवारसम्म पुरा हुने बिबिसिले जनाएको छ । ३३ बर्षिय चिलियन भिडालले यसअघि कोन्टेसँग साझेदारी गरिसकेका छन् ।

भिडालले युभेन्टसका लागि लगातार तीन सिरी आ उपाधि जित्दा कोन्टेनै प्रशिक्षक रहेका थिए । बार्सामा डच प्रशिक्षक रोनाल्ड कोमनको आगमनपछि भिडालले क्लब छोड्ने लगभग तय जस्तै थियो ।

युरोपा लिगको फाइनल खेलेको इन्टरका लागि सिजन ढिलो शुरु गर्ने गरि लिगको तालिका तयार पारिएको छ । उसले शनिबार आफ्नो पहिलो लिग खेलमा फियोरेन्टिनाको सामना गर्नेछ ।

Continue Reading

Headline

एबी डि भिलियर्स आजदेखि आइपिएल नसकिदासम्म परितोष

wesportz

Published

on

इण्डियन प्रिमियर लिग अन्तर्गत आइतबार निकै रोमाञ्चक हुने अपेक्षा गरिएको खेलमा भारतीय टोलीका कप्तान रोयल च्यालेञ्जर्स बैंग्लोरले डेविड वार्नरको सनराइजर्स हैदराबादको सामना गरिरहेको छ ।

आइपिएलमा सधै प्रबल दाबेदार रहने गरेको बैग्लोरले अहिलेसम्म एक पटक पनि उपाधि जितेको छैन भने दुई पटक फाइनलमा पराजित भएको थियो । बैंग्लोरको टिम सधै झै यसपटक पनि निकै बलियो देखिन्छ, मुख्यत कोहली र दक्षिण अफ्रिकी ब्याटिङ्ग स्टार एबि डि भिलियर्सको उपस्थितिका कारण ।

यो सिजन भने बैंग्लोरका लागि फरक रहनेछ र कारण हुनु डि भिलियर्स । डि भिलियर्स आइतबार मैदान उत्रदा उनको जर्सीमा आफ्नो नाम हुने छैन । फ्रान्चाइज लिगमा डि भिलियर्सले आफ्नो जर्सीमा नाम एबिडि लेख्दै आइरहेका छन् भने राष्ट्रिय टोलीका लागि एबि डि भिलियर्स नै ।

तर यसपटक डि भिलियर्सले आफ्नो जर्सी पछाडी परितोष लेख्नेछन् ।

कारण के हो त ?

बिजय माल्याको बैंग्लोरले हरेक जसो आइपिएल सिजनमा सामाजिक उत्तरदायित्व अन्गर्त बिभिन्न अभियानहरु गर्दै आइरहेको छ । अघिल्लो सिजन पनि उसले हरियाली बचाउने नारा सहित गो ग्रिन अभियानमा साथ दिएको थियो र यसै कारण आफ्नो जर्सीको रङ्ग पनि हरियो बनाएको थियो ।

यो सिजन बैंग्लोरले कोरोना भाइसर संक्रमणबाट जुध्न फ्रन्टलाइनमा रहेर काम गर्नेहरुको समर्थनमा अभियान सञ्चालन गरिरहेको छ । बैंग्लोरका सबै खेलाडीले यो सिजन फ्रन्टलाइनमा काम गर्नेहरुको समर्पणमा आफ्नो जर्सी पछाडी कोभिड हिरोज लेख्नेछन् ।

डि भिलियर्सले भने यो बाहेक जर्सीमा परितोष लेख्ने भएका हुन् । उनले फिडिङ्ग फ्रम फार (टाढा रहेर खुवाउदै) अभियान चलाउदै गरिब तथा निमुखाहरुलाई खाना ख्वाउने काम गरिरहेका परितोष पन्तको नाममा यो पुरै सिजन आफ्नो जर्सीमा नाम परिवर्तन गर्न लागेका हुन् ।

डि भिलियर्सले ट्विटरमा आफ्नो ह्याण्डल पनि परितोष पन्त भनेर परिवर्तन गरेका छन् । आइतबार हैदराबादबिरुद्ध खेल्नु अघि बैंग्लोरले आफ्नो सामाजिक सञ्जालमा कोभिड–१९ बिरुद्ध लड्ने फ्रन्टलाइनरहरुको समर्पणमा भिडियो पनि पोष्ट गरेको थियो ।

Continue Reading

Headline

प्रिमियर लिग: सिजनकै पहिलो खेल खेल्दै म्यानचेस्टर सिटी

wesportz

Published

on

प्रिमियर लिगको दोस्रो चरणका खेलहरुको आज अन्तिम दिन पहिलो खेलमा सेफिल्ड युनाइटेडले एस्टन भिल्लाको समाना गर्दै छ भने दोस्रो खेलमा म्यानचेस्टर सिटीले उल्भ्ससँग खेल्ने छ ।

आफ्ना-आफ्ना पहिलो खेल हारेका सेफिल्ड र एस्टन भिल्ला आमने समाने हुने छ्न् । एस्टन भिल्लाको घरमा हुने खेलमा दुवै टोली तीन अंकका लागि खेल्ने छन् ।

सेफिल्ड युनाइटेडले १९७३/१९७४ देखी अहिले सम्म लगातार दुई खेलमा पराजित हुनु परेको छैन । एस्टन भिल्लाले भने आफ्नो घरमा भएका पछिल्ला पाँच खेल मद्दे चार खेल हार्न पुगेको छ । यस् पटक पनि रेलिगेसनका लागि दावेदार मानिएको एस्टन भिल्लालाई आजको खेल जित्ने दवाव हुने छ ।

खेल नेपाली समय अनुसार राती १०:४५ मा सुरु हुने छ ।

यस्तै युरोपियन प्रतियोगिता खेलेका कारण पाएको छुट्टी सकिएको म्यानचेस्टर सिटीले अर्को खेलमा वुल्भ्सको समाना गर्ने छ ।

गत बर्षको दोस्रो स्थानमा सिजन सकाएको सिटी यो पटक भने उपाधी दवेदार मानिएको छ । टोलीका मुख्य खेलाडी सर्जियो अगवेरो चोटका कारण खेल गुमाउने छन् भने सिटीले भित्र्याएका नयाँ खेलाडी मद्धे नाथन अके र फेरान टोरेसले आजको खेलमा डेब्यु गर्ने सम्भावना बलियो देखिन्छ ।

गएको सिजन वुल्भ्ससँग लिगका दुवै खेल हारेको सिटीले यो पटक भने जितको आशा राखेको छ । पछिल्ला ११ बर्षमा प्रिमियर लिगमा खेलेका पहिलो खेलमा एक खेल पनि नहारेको सिटीलाई ईतिहास कायम राख्न आजको खेल जित्नै पर्ने दवाव रहने छ ।

खेल नेपाली समय अनुसार राती १:०० बजे सुरु हुने छ ।

Continue Reading
Headline26 seconds ago

बार्साका भिडाल इन्टर मिलानमा

Headline3 hours ago

एबी डि भिलियर्स आजदेखि आइपिएल नसकिदासम्म परितोष

Headline3 hours ago

प्रिमियर लिग: सिजनकै पहिलो खेल खेल्दै म्यानचेस्टर सिटी

Headline9 hours ago

युरोपियन फुटबलमा शनिबारः पिर्लोको बिजयी शुरुवात, एमबाप्पेको उत्कृष्ट पुनरागमन, रियल पहिलो खेलमै बराबरीमा रोकियो

अन्तर्राष्ट्रिय16 hours ago

निकै रोमान्चक खेलमा दिल्लीद्वारा पन्जाब सुपर ओभरमा पराजित 

Headline17 hours ago

मानेको दुई गोल,चेल्सी लिभरपुलसँग पराजित

अन्तर्राष्ट्रिय20 hours ago

पन्जाब विरुद्ध दिल्ली पहिले ब्याटिङ गर्दै, परेनन् सन्दिप सुरुवाती ११ मा 

Headline21 hours ago

सिरी आ मा समर्थकहरु फर्किएको दिन नापोलीको जित

Headline21 hours ago

सनको चार गोलमा टोटनह्यामको पहिलो जित

Headline21 hours ago

सात महादेशका सात उत्कृष्ट खेलाडीहरु

Headline6 days ago

धेरै ऋणको भारी बोकेका पाँच युरोपेली क्लबहरु

Headline4 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Headline3 months ago

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

Trending