Connect with us

Headline

वान डेमा सबैभन्दा बढी ४ सय भन्दा बढी रन बनाउने टिमहरु

wesportz

Published

on

दक्षिण अफ्रिका र अष्ट्रेलियाबीचको त्यो ऐतिहासिक एकदिवसीय अन्तर्राष्ट्रिय कसले बिर्सन सक्छ र ? दक्षिण अफ्रिकामै भएको खेलमा अष्ट्रलियाले घरेलु टोलीलाई स्तब्ध पार्दै ४ सय ३४ रनको योगफल बनायो । दोश्रो इनिङ्गस शुरु हुनु अघि नै घरेलु टोली पराजित भइसकेको आंकलन गर्नेहरु धेरै थिए । अष्ट्रेलियाले पनि खेल जितिसकेको सोचेको थियो ।

तर दक्षिण अफ्रिकाले बिश्व क्रिकेटलाई नै एउटा ठूलो पाठ सिकाइदियो । ४ सय ३४ रन बनाउन सकिन्छ भने त्यसलाई पछ्याउन पनि सकिन्छ भन्दै दक्षिण अफ्रिकाले जितेर देखाइदियो । त्यो खेल यता एकदिवसीयमा टन्न ४ सय रन भन्दा बढी बन्न थालेका छन् । आधुनिक क्रिकेटले मारेको छलाङ्ग भनेकै ४ सय को आंकडा सामान्य बन्नु हो ।

कुनै जमाना थियो जब एकदिवसीय क्रिकेट ६० ओभरको हुन्थ्यो र टिमहरुलाई ३ सय रन बनाउन पनि धौं–धौं पथ्र्यो । २ सय ५० बिजयी योगफल हुने गथ्र्यो । तर समयसँगै क्रिकेट पनि परिवर्तन भएको छ । हेरौं अहिलेसम्म कुन टिमले सबैभन्दा बढी ४ रन नगाएका छन् ।

५. श्रीलंका (दुई पटक)

सनथ जयसुर्याको सन्याससँगै आक्रमक क्रिकेट खेल्ने राष्ट्रहरुको सुचिबाट बाहिरिएको श्रीलंकाले दुई पटक ४ सयको योगफल नघाएको छ । र दुवै पटक टिममा थिए आक्रमक जयसुर्या । श्रीलंकाको पहिलो ४ सयको योगफल नेदरल्याण्ड्सबिरुद्ध पुरा गरेको थियो ।

एम्स्टलभिनमा भएको खेलमा श्रीलंकाले ९ विकेटको क्षतिमा ४ सय ४३ रन बनाएको थियो । यस क्रममा आक्रमक जयसुर्याले १ सय ४ बलमा १ सय ५७ रन बनाएका थिए भने तिलकरत्ने दिल्शानले ७८ बलमा १ सय १७ रन जोडेका थिए । २००६ मा बनेको यो योगफलको किर्तिमान एक दशकसम्म कसैले तोड्न सकेको थिएन । खेलमा श्रीलंका १ सय ८५ रनले बिजयी भएको थियो ।

अर्को ४ सयको योगफल भने श्रीलंकाले भारतबिरुद्ध बनाएको थियो तर खेल भने हार्न पुगेको थियो । २००९ मा भारतको राजकोटमा भएको खेलमा भारतले पहिलो ब्याटिङ्ग गर्दै ४ सय १४ रन बनायो । यस क्रममा विरेन्दर सहवागले १ सय २ बलमा १ सय ४६ रन बनाए भने सचिन तेन्दुल्कर र कप्तान महेन्द्र सिँह धोनीले आक्रमक अद्र्धशतक पुरा गरेका थिए ।

श्रीलंका यो खेलमा ४ सय ११ रनमा रोकिएको थियो । दिल्शानले १ सय २४ बलमा १ सय ६० रन बनाएका थिए भने कप्तान कुमार साँगाकाराले ९० रन बनाएपनि यो पर्याप्त रहेन । यो खेलमा चौथो नम्बरमा ब्याटिङ्ग गर्न आएका जयसुर्याले मात्र पाँच रन बनाएका थिए ।

४. अष्ट्रेलिया (दुई पटक)

अचम्म लाग्छ, एकदिवसीय क्रिकेटमा पहिलो पटक ऐतिहासिक ४ सय रनको आंकडा पार गर्ने टोली अष्ट्रेलिया नै हो तर अष्ट्रेलिया आफैले भने दुई पटक मात्र यो योगफल कटाएको छ । तर यसमा अष्ट्रेलियाको ठूलो मैदानको भुमिका पनि अहम छ । निकै ठूलो बाउण्डरी हुने गरेकाले अष्ट्रेलियामा ठूलो योगफल बनाउन निकै हम्मे–हम्मे पर्छ ।

अष्ट्रेलियाले दक्षिण अफ्रिकाबिरुद्ध जोहानेसवर्गको वान्डररर्समा पहिलो पटक ४ सय को योगफल नघाएको थियो । २००६ मा भएको पाँच म्याचको एकदिवसीय श्रृंखालको अन्तिम तथा निर्णायक खेलमा कप्तान रिकी पोन्टिङ्गले १ सय ५ बलमा १ सय ६४ र माइक हस्सीले ५१ ब्लमा ८१ रन प्रहार गरेपछि अष्ट्रेलियाले चार विकेटको क्षतिमा ४ सय ३४ रन बनायो । जवाफमा हर्सेल गिब्सले १ सय ११ बलमा १ सय ७५ र कप्तान ग्रेम स्मिथले ५५ बलमा ९० रन बनाएपछि दक्षिण अफ्रिकाले एक बल बाकी छँदा ९ विकेट गुमाउदै ४ सय ३८ रन बनाएको थियो ।

अष्ट्रेलियाको अर्को ४ सय को योगफल २०१५ को बिश्वकपमा अफगानिस्तानबिरुद्ध घरेलु मैदानमै रहेको थियो । पर्थमा डेविड वार्नरले १ सय ३३ बलमा १ सय ७८, स्टिभ स्मिथले ९५ र ग्लेन म्याक्सवेलले ८८ रन बनाएपछि अष्ट्रेलियाले ४ सय १७ रन बनायो । १ सय ४२ रनमै अल आउट भएको अफगानिस्तान २ सय ७५ रनको फराकिलो अन्तरले पराजित हुन पुगेको थियो ।

३. इङ्गल्याण्ड (चार पटक)

२०१५ को बिश्वकपमा लज्जास्पद प्रदर्शन गर्दै समुह चरणबाटै बाहिरिएपछि इङ्गल्याण्डले बिश्व क्रिकेटमा आफ्नो ब्याटिङ्गमा क्रान्ति नै ल्याएको छ । उसले चार पटक ४ रनको आंकडा नाघेको छ र सबै २०१५ को बिश्वकपछि नै सम्भव भएको छ । उसले श्रीलंकाको ४ सय ४३ रनको एक दशकदेखि किर्तिमान भँग मात्र गरेको छैन, ५० ओभरमा ५ सय रनको असम्झव जस्तो लाग्ने योगफल सबैभन्दा नजिक पनि पुगिसकेको छ ।

इङ्गल्याण्डले पहिलो ४ सय रन न्युजिल्याण्डबिरुद्ध घरेलु श्रंखलामा बनाएको थियो । २०१५ जुलाईमा भएको पहिलो एकदिवसीयमा इङ्गल्याण्डले जो रुट र जोस बट्लरले शतक प्रहार गरेपछि इङ्गल्याण्डले ९ विकेटको क्षतिमा ४ सय ८ रन बनाएको थियो । शतक प्रहार गर्ने दुवै खेलाडीले आक्रमक ब्याटिङ्ग गरेपनि इङ्गल्याण्डको लागि ४ रनको आंकडा कटाउने काम भने स्पिनर अदिल रशिदले गरेका थिए ।

रशिदले ५० बलमा ६९ रन हानेका थिए । त्यो उनको करिअरको अहिलेसम्मकै एक मात्र अद्र्धशतक हो । जवाफी ब्याटिङ्गमा न्युजिल्याण्ड ३१ दशमलव १ ओभरमा १ सय ९८ रनमै समेटिएको थियो ।

२०१६ मा इङ्गल्याण्डले पाहुना टोली पाकिस्तानबिरुद्धको श्रृंखलामा श्रीलंकाको ४ सय ४३ रनको किर्तिमान तोड्यो । एलेक्स हेल्सले १ सय २२ बलमा १ सय ७१ रन बनाउनुका साथै जोस बट्लर (९०), जो रुट (८५) र कप्तान ओइन मोर्गन (५७) ले पनि आक्रमक खेलेपछि इङ्गल्याण्डले ४ सय ४४ रन बनायो । पाकिस्तान २ सय ७५ रनमै समेटिएको थियो ।

त्यसपछि आयो नयाँ बिश्व किर्तिमान । कप्तान स्टिभन स्मिथ, डेभिड वार्नर र क्यमरोन ब्यांक्रफ्ट बल ट्याम्परिङ्ग काण्डमा मुछिएको केही समय अष्ट्रेलिया निकै कमजोर टोली बनिसकेको थियो । २०१८ मा मार्चमा दक्षिण अफ्रिकाको सिरिजमा भएको त्यो काण्डपछि तीनै खेलाडी प्रतिबन्धमा परे । ब्याटिङ्गको मेरुदण्ड भाच्चिएको अष्ट्रेलिया इङ्गल्याण्ड भ्रमणमा गयो र घरेलु टोलीले नयाँ बिश्व किर्तिमान नै बनायो ।

जुन १९ मा भएको एकदिवसीयमा हेल्सले १ सय ४७, जोनी बेयरस्टोले १ सय ३९ र जेसन रोयले ८२ रन बनाएपछि इङ्गल्याण्डले ४ सय ८१ रनको किर्तिमान खडा गर्यो । ट्रभिस हेडले मात्र अद्र्धशतक बनाएको खेलमा अष्ट्रेलिया ३७ ओभरमा २ सय ३९ रनमै समेटियो ।

२०१९ फेब्रुवरीमा ग्रानडामा भएको खेलमा पाहुना टोलीले वेष्ट इण्डिजबिरुद्ध ४ सय १८ रन बनायो । यस क्रममा बट्लरले ७७ बलमै १ सय ५० रन ठोकेका थिए भने मोर्गनले १ सय ३ रन बनाए । युनिभर्स बोसले ९७ बलमा १ सय ६२ रन बनाए पनि वेष्ट इण्डिजले ४८ ओभरमा ३ सय ८९ रन मात्र बनाएको थियो ।

२. भारत (पाँच पटक)

भारतले आफ्नो एकदिवसीय क्रिकेट इतिहासको पहिलो ४ सयको योगफल कमजोर बर्मुडाबिरुद्ध क्यारेबियनमा भएको २००७ को बिश्वकपमा पुरा गरेको थियो । विरेन्दर सहवागको १ सय १४, सौरभ गाँगुलीको ८९ र युवारज सिँगहको ८३ रनको मद्दतमा भारतले पाँच विकेट गुमाउदै ४ सय १३ रन बनाएको थियो । बर्मुडा ४३ दशमलव १ ओभरमा १ सय ५६ रनमा अल आउट भएको थियो ।

राजकोटमा भएको श्रीलंकाबिरुद्धको ४ सय १४ रन दोश्रो थियो भने दक्षिण अफ्रिकाबिरुद्ध २०१० मा ग्वालियरमा बनेको ४ सय १ रन तेश्रो । भारतको तेश्रो ४ सय रनको योगफल किन पनि महत्वपूर्ण थियो भने यो खेलमा सचिन तेन्दुल्करले एकदिवसीय क्रिकेट इतिहासमा पहिलो २ सय रन पुरा गरेका थिए ।

सचिनले १ सय ४७ बलको सामना गर्दै २ सय नटआउट बनाएका थिए भने दिनेश कार्तिक (७९) र कप्तान महेन्द्र सिँह धोनी (६८) ले पनि उल्लेखनीय योगदान दिएपछि भारतले ४ सय १ रन बनाएको थियो । दक्षिण अफ्रिका ४२ दशमलव ५ ओभरमा २ सय ४८ रनमा रोकिएको थियो । भारतले बनाएका अन्य दुवै ४ सयको योगफलमा पनि ब्याट्स्म्यानहरुले २ सय रन नघाएका छन् ।

वेष्ट इण्डिजबिरुद्ध २०११ को एकदिवसीय श्रंखलामा विरेन्द्र सहवागले २ सय १९ रन बनाएपछि भारतले ४ सय १८ रन बनाएको थियो भने रोहित शर्माले बिश्व किर्तिमान कायम गर्दा श्रीलंकाबिरुद्ध २०१४ मा ४ सय रन बनाएको थियो । रोहितले १ सय ७३ बल खेल्दै २ सय ६४ रन बनाएका थिए जुन एकिदवसीय क्रिकेटको अहिलेसम्मकै सर्वाधिक व्यक्तिगत योगफल हो । रोहितले त्यो खेलमा ३३ चौका र ९ छक्का प्रहार गरेका थिए ।

१. दक्षिण अफ्रिका (६ पटक)

२००६ मा अष्ट्रेलियाबिरुद्ध किर्तीमानी ४ सय ३५ रनको लक्ष्य पछ्याएको दक्षिण अफ्रिकाले त्यही बर्ष जिम्बाब्वेलाई ४ सय १८ रन ठोकेको थियो । घरेलु मैदानमा लुट्स बोस्मन, अल्भिरो पिटर्सन र ज्याक कालिसले अद्र्धशतक प्रहार गरेपछि विकेटकिपर ब्याट्स्म्यान मार्क बाउचरको उत्कृष्ट प्रदर्शनमा दक्षिण अफ्रिकाले ठूलो योगफल बनाएको थियो ।

बाउचरले १० छक्का र ८ चौका प्रहार गर्दै ६८ बलमा नटआउट १ सय ४७ रन बनाएपछि जिम्बाब्वे ध्वस्त भएको थियो । त्यसपछि भने दक्षिण अफ्रिकाले अर्को ४ सय रनको योगफलका लागि अर्को ९ बर्ष कुर्नु पर्यो । तर दक्षिण अफ्रिकाले एकै बर्ष चार वटा ४ सय को योगफल बनायो भने एकदिवसीय क्रिकेटमा तिब्र गतिको शतकको नयाँ बिश्वक किर्तिमान समेत कायम गर्यो ।

एबि डिभिलियर्सले जोहानेसबर्गमा ३१ बलमै शतक प्रहार गर्दै १ सय ४९ रन बनाएपछि दक्षिण अफ्रिकालाई घरेलु श्रृंखलामा ४ सय ३९ रन प्रहार गर्यो । डि भिलियर्सले एक पटक फेरि अर्को किर्तिमान कायम गर्दै तिब्र गतिको १ सय ५० रन बटुल्दै ६६ बलमा १ सय ६२ रन बनाएपछि दक्षिण अफ्रिकाले २०१५ को बिश्वकपमा ४ सय ८ रन बनायो ।

त्यही बिश्वकपमा हसिम आम्लाले १ सय ५९ र फाफ दु प्लेसिले १ सय ९ रन बनाएपछि दक्षिण अफ्रिकाले आयरल्याण्डबिरुद्ध ४ सय ११ रन बनायो भने भारतबिरुद्ध अक्टुबरमा भएको एकदिवसीय श्रंखलामा क्वेन्टिन डि कक, दु प्लेसि र डि भिलियर्सको शतकको मद्दतमा ४ सय ३८ रन बनाएको थियो ।

Headline

‘फलन जायन्ट्स’ को एल क्लासिकोमा बर्तमान र भविष्य पस्कदै बार्सा र रियल

wesportz

Published

on

अन्सु फातीको नयाँ सम्झौता र आइतबार रियल म्याड्रिडबिरुद्धको एल क्लासिको का लागि एक ढुँगा हुन बार्सिलोनाका खेलाडीहरु बुधबार अबेर एक क्याटल रेस्टुरेन्टमा जमघटमा थिए ।

१८ बर्षिय फातीले क्लबका लागि अर्को ६ बर्षको प्रतिबद्धता जनाउनले बार्सिलोनाका लागि ठूलो महत्व राख्छ । धेरै समस्याको सामना गर्दै गर्दा बिश्व फुटबलका सबैभन्दा आशालाग्दा प्रतिभाले आफ्नो भविष्य निर्धारण गर्दा अब आउने पुस्ताको लागि उनी लिडर हुने तर्फ इंगित गरेको छ ।

तर अहिलेको लागि क्याम्प नोउमा रियलसँग भिड्नु अघि बार्सिलोनालाई टिममा एकता सबैभन्दा आवश्यक छ ।

ला लिगामा भ्यालेन्सिया र च्याम्पियन्स लिगमा डाइनामो किभलाई हराएको बार्सिलोनालाई एल क्लासिको पनि जित हात पार्दै निकै राम्रो साता बनाउदै आफ्नो लयलाई फर्काउनु छ ।

बर्तमानलाई दिशा दिदै भविष्यको पालन पोषणको आधार बनाउन कडी यस पटकको एल क्लासिको बनेको छ । दुई ऐतिहासिक क्लबबीचको भेटमा दुवै रणनीति बनाउने तथा मर्मत र यही खेलबाट पुर्नसंरचनामामा लाग्दै वर्तमान अवस्थामा पानी माथि तैरिने प्रयास दुवै क्लबको रहनेछ ।

गत गर्मीमा त्यही रेस्टुरेन्टमा बार्सिलोनाका अध्यक्ष योआन लापोर्टा र प्रशिक्षक रोनाल्ड कोमनबीच भविष्यका बिषयमा छलफल भएको थियो । लापोर्टाले प्रशिक्षकको रुपमा कोमनको भविष्य निर्णय गर्न दुई साता लाग्ने भन्दा उनले अर्का प्रशिक्षक खोजिरहेको रुपमा बुझिएको थियो ।

तर कोही नपाएपछि, अथवा क्याम्प नोउमामा ल्याउन असफल हुँदा कोमन र बार्साबीचको सम्बन्ध यत्तिकै अगाडी बढीरहेको छ ।

कोमनको बिपरित आइतबार टचलाइनमा उभिनेछन् कार्लो एन्सेलोट्टी जसको यो सिजनको नियुक्तिले सबैलाई अचम्ममा पारेको थियो । सफल तर पुरानो पुस्तासँग बफादार रहेका जिनेदिन जिदानको बहिर्गमनपछि रियलले परिवर्तनलाई सही ढँगले आत्मसात गर्ने ठूलो भिजन भएका प्रशिक्षक ल्याउने अनुमान गरिएको थियो ।

तर रियल अध्यक्ष फ्लोरेन्टिनो पेरेजले २०१३ देखि २०१५ सम्म क्लबलाई सम्हालिसकेका एन्सेलोट्टी रोजे । तर यसको अर्थ कोमन र एन्सेलोट्टीले युवा पुस्तालाई आत्मसात गर्न नसकेको भनिएको भने होइन ।

पेद्री, गाभी, निको गोन्जालेज, रोनाल्ड अरौजो र सर्जिनो डेस्ट जस्ता आशा लाग्दा युवा खेलाडीहरुलाई कोमनले बार्सिलोनामा राम्रो बढावा दिएका छन् । एन्सेलोट्टीले मिग्वेल गुटिरेजलाई लेफ्ट ब्याक र एडुवार्डो कामाभिँगालाई मिडफिल्डमा बिश्वास गरेका छन् ।

२१ बर्षिय ब्राजिलियन भिनिसियस जुनियरले २०१८ मा रियलका लागि डेब्यु गरेका थिए तर उनको खेल एन्सेलोट्टीको उपस्थितिमा परिपक्व बन्न थालेको छ ।

पेरिस सेन्ट जमाईन रोजेका डच कप्तान जर्जिन्हो वाइनाल्डमलाई बार्सिलोना भित्र्याउन कोमन सफल भएको भए गाभीले अवसर पाउने थिएनन् । फर्लाण्ड मेण्डीको चोटका कारण मिग्वेलले रियलमा राम्रो एक्सपोजर पाएका हुन् ।

स्पेनका दुवै महारथी क्लबमा ओल्ड गार्ड प्रतिको बफादारिता अझै पनि कायमै छ । ३४ बर्षिय जेरार्ड पिके अझै पनि बार्साका महत्वपूर्ण डिफेण्डर हुन् भने ३६ बर्षका लुका मोड्रिच रियलका उत्कृष्ट प्लेमेकर ।
आइतबारको परिणाम फरक पुस्ताहरुको समिश्रणमा बनेको दुई टोलीको हुनेछ ।

१७ बर्षिय गाभी उनीभन्दा १६ बर्ष जेठा सर्जियो बुस्केट्ससँग खेल्न सक्छन् भने २० बर्षका रोद्रिगोले ३३ बर्षिय करिम बेन्जेमासँग जोडी बनाउन सक्छन् ।

लियोनल मेस्सी र क्रिष्चियानो रोनाल्डोले छोडी सकेपछि ला लिगाले स्पेनिस फुटबललाई बिश्वको नयाँ प्रतिभाको फ्याक्टरीको बिम्बको रुपमा स्थापित गर्न खोजिरहेको छ । ठूलो ब्राण्ड भ्याल्यु भएको एल क्लासिकोलाई भविष्य देखाउने झ्यालको रुपमा हेरिएको छ ।

ट्विटरमा ला लिगाको आधिकारिक ह्याण्डलले बिहिबार एक प्रश्न सोध्योः “तपाई एल क्लासिकोमा कुन टिनेज स्टारलाई हेर्नका लागि उत्सुक हुनुहुन्छ ?”

हो कुन टिने जस्टार । ला लिगासँग अहिले रोनाल्डो र मेस्सी छैन । त्यसैले उसले भविष्य प्रबद्र्धन गर्दैछ ।

Continue Reading

Headline

ट्वान्टी ट्वान्टी विश्वकपमा भारत र पाकिस्तान बीचका चर्चित भिडन्तहरु

wesportz

Published

on

ट्वान्टी ट्वान्टी विश्वकपको सुपर १२ शनिबारबाट सुरु भएको छ । यस वर्षको ट्वान्टी ट्वान्टीको समुह विभाजन सुरु भएबाट नै चीरप्रतिद्वन्द्वी भारत र पाकिस्तान बीचको खेलको चर्चा सुरु भएको थियो । यी दुई चीरप्रतिद्वन्द्वी यस वर्षको ट्वान्टी ट्वान्टी विश्वकप अन्तर्गत आइतबारको दोश्रो खेलमा आमने सामने हुँदै छन् ।

भारत र पाकिस्तान बीच ट्वान्टी ट्वान्टी विश्वकपमा भएका केही चर्चित भिडन्तको चर्चा गर्दैछौँ ।

३. २०१६, समुह चरण

२०१६ मा आफ्नै घरेलु मैदानमा आयोजना भएको ट्वान्टी ट्वान्टी विश्वकपको सुपर १० को पहिलो खेलमा १२७ रनको सानो लक्ष्य पक्ष्याएको भारतले न्युजिल्याण्डसँग ४७ रनको लज्जास्पद हारको सामना गर्यो ।

पहिलो खेलमा खराब प्रदर्शन गरेको भारतले आफ्नो दोश्रो खेलमा पाकिस्तानको सामना गर्दै थियो । पाकिस्तानले भने आफ्नो पहिलो खेलमा बंगलादेशलाई ५५ रनले पराजित गर्दै प्रतियोगितामा राम्रो प्रदर्शन गरेको थियो ।

वर्षाका कारण १८ ओभरमा छोट्याइएको खेलमा भारतले टस जित्यो र पहिले बलिङ गर्ने निर्णय गर्यो । भारतले पाकिस्तानलाई १८ ओभरमा पाँच विकेटको नोक्सानीमा ११८ मा रोक्न सफल हुँदा पहिले बलिङ आफ्नो निर्णय ठिक भएको साबित गर्यो ।

११९ रनको झिनो लक्ष्य सहित ब्याटिङमा उत्रिएको भारतले निकै खराब सुरुवात गर्दा पाँच ओभरमा २३–३ को अवस्थामा खुम्चिन पुग्यो । विश्वकपको इतिहासमा भारत विरुद्ध जित दर्ता गर्न नसकेको पाकिस्तानको पहिलो जितमा तगारो बने बिराट कोहली ।

३७ बलको सामना गरेका कोहलीले सात चौका र एक छक्का प्रहार गर्दा पाकिस्तानको भारत माथि जित निकाल्ने आशामा फेरी पनि अर्को एक पटक तुसारोपात लाग्न पुग्यो ।

२. २००७, समुह चरण

नयाँ ढाँचाको खेल र पहिलो विश्वकप । चर्चित अनुहार कप्तान राहुल द्रविड, सचिन तेन्दुलकर र सौरभ गांगुली बिना विश्वकप खेल्न पुगेको भारतको लागि नयाँ कप्तान थिए महेन्द्र सिंह धोनी ।

एकदिवसीय विश्वकपमा भारतलाई एक पटक पनि पराजित गर्न नसकेको पाकिस्तान पहिलो पटक आयोजना भएको ट्वान्टी ट्वान्टी विश्वकपमा नै भए पनि पराजित गर्ने आशा फेरी पनि आशामा नै सीमित हुन पुग्यो ।

खेलमा टस जितेर पाकिस्तानले भारतलाई ब्याटिङ गर्न लगायो । मोहम्मद आसिफले घातक बलिङ गर्दै चार विकेट हात पार्दा सुरुवात राम्रो गर्न नसकेको भारतले रबिन उथप्पाको अर्धशतक र धोनीको ३३ रनमा ९ विकेट गुमाएर १४१ रन बनायो ।

१४२ रनको लक्ष्य सहित जबाफी ब्याटिङ गरेको पाकिस्तानले पुरै २० ओभर खेल्दै ७ विकेट गुमाएर १४१ रन मात्र बनाउन सक्दा खेल बराबरीमा टुंगियो ।

अहिले ट्वान्टी ट्वान्टीमा खेल बराबरीमा टुंगिएको खण्डमा सुपर ओभरको आयोजना हुन्छ । तर त्यस समयमा बल–आउटको नियम थियो । बलरहरुले खाली स्टम्पमा लगाउन पर्ने हुन्थ्यो र पाँच पटकमा जुन टोलीले बढी पटक स्टम्पमा लगाउन सक्यो उसैले जित हात पार्दथ्यो । भारतले बल आउटमा पाकिस्तानलाई ३–० ले हरायो ।

१. २००७, फाइनल

पहिलो पटक आयोजना भएको ट्वान्टी ट्वान्टी विश्वकप र फाइनल खेल्दै थिए भारत र पाकिस्तान । खेलमा टस जितेर पहिले ब्याटिङ गरेको भारतले ओपनर गौतम गम्भिरको ७५ तथा छैटौँ नम्बरमा ब्याटिङ गर्न आएका रोहित शर्माले १६ बलमा बनाएको ३० रनको मद्दतमा ५ विकेट गुमाउदै १५७ रन बनायो ।

१५८ रनको लक्ष्य सहित ब्याटिङमा आएको पाकिस्तानले ओपनर मोहम्मद हफिजलाई एक तथा विकेट किपर कम्रान अकमललाई शुन्य रनमा गुमाएर खराब सुरुवात गरे पनि अर्का ओपनर इमरान नजिरले १४ बलमा ३३ तथा युनिस खानले २४ रन जोड्दै आफ्नो पारी सम्हाल्यो ।

तर दुबैको विकेटको पतन पछि हार तर्फ लम्के पनि मिस्बाह–उल–हकले एक छेउ सम्हाल्दै पाकिस्तानलाई जित नजिक पुर्याए । विश्वकप उचाल्न अन्तिम ओभरमा पाकिस्तानलाई १३ रन आवश्यकता थियो ।

मिस्बाहले दोश्रो बलमा जोगिन्दर शर्मालाई छक्का प्रहार गर्दै पाकिस्तानलाई अन्तिम चार बलमा छ रनको अवस्था सम्म पुर्याए । तर त्यस पछिको बलमा ४३ रन बनाएका मिस्बाह आउट हुँदा पाकिस्तानले खेल पाँच रनले हार्यो भने भारतले ट्वान्टी ट्वान्टी विश्वकप उचाल्यो ।

Continue Reading

Headline

माउरिन्होको प्रशिक्षण करिअरकै लज्जास्पद हार

wesportz

Published

on

होजे माउरिन्होले आफ्नो प्रशिक्षण करिअरकै सबैभन्दा लज्जास्पद हार मध्येको एक व्यहोर्दा इटालिया क्लब एएस रोमा युरोपा कन्फेरेन्स लिगमा नर्वेको बोडोरग्लिम्टसँग ६–१ ले पराजित भएको छ ।

पहिलो हाफमा २–१ ले मात्र पछि पर्दा बोडोका लागि एरिक बोथेम र प्याट्रिक बर्गले गोल गरेका थिए भने कार्लेस पेरेजले रोमाका लागि एक गोल फर्काएका थिए । बोथेमले दोश्रो र टिमको लागि तेश्रो गोल गर्दा माउरिहाले दोश्रो हाफको शुरुवातमा तीन र एक घण्टा बितेपछि दुई परिवर्तन गरेका थिए ।

ओला सोल्बाकेनले एकल प्रयासमा उत्कृष्ट चौथो गोल गरे भने अमाल पेलेग्रिनोले पाचौं र सोल्बाकेनले आफ्नो दोश्रो गोल गर्दै रोमालाई लज्जास्पद हारको स्वाद चखाए ।

माउरिहोको टोलीले उनि प्रशिक्षक रहँदाको १ हजार ८ औं खेलमा ६ गोल खान पुगेको हो । माउरिन्होका लागि यसअघिको सबैभन्दा ठूलो हार २०१० मा थियो जबको उनको टोली रियल म्याड्रिडले बार्सिलोनासँग ५–० को नराम्रो हार व्यहोरेको थियो ।

“मैले यो लाइन अप लिएर खेल्ने निर्णय लिएको थिए, त्यसैले यो हारको जिम्मेवारी मेरो हो । मैले राम्रो मनसायले नै यो गरेको हो । म कडा मिहिनेत गर्नेहरुलाई अवसर दिन चाहन्थे । हामीसँग माात्र १३ खेलाडी छन् जसले रोमाको लागि राम्रो गर्न सक्छन्, अरु खेलाडी यो स्तरमा छैनन् । त्यसैले उनीहरुलाई पनि बिश्राम दिन आवश्यक थियो,” उनले भने ।

माउरिन्होकै पुर्व क्लब टोटेन्ह्याम हट्स्परले पनि समुह जीमा डच टोली भिटेसेसँग १–० को अस्वभाविक हार व्यहोर्यो । यद्दपि स्पर्स व्यवस्थापक नुनो इस्पिरितो सान्चेजले खेलका लागि ह्यारी केन, सन हिउँग मिन र ह्युगो लारिस लगायतका खेलाडीहरुलाई नलिएरै नेदरल्याण्ड्स गएका थिए ।

Continue Reading
T20 World Cup 20212 hours ago

ट्वान्टी ट्वान्टी विश्वकप – असलंका र राजापक्षाको अर्धशतकमा बंगलादेश माथि श्रीलंकाको सहज जित 

Headline8 hours ago

‘फलन जायन्ट्स’ को एल क्लासिकोमा बर्तमान र भविष्य पस्कदै बार्सा र रियल

Headline9 hours ago

ट्वान्टी ट्वान्टी विश्वकपमा भारत र पाकिस्तान बीचका चर्चित भिडन्तहरु

T20 World Cup 202112 hours ago

भारतलाई हराउन सफल हुने पाकिस्तानी प्रधानमन्त्री इमरान खानको विश्वास

T20 World Cup 202112 hours ago

ट्वान्टी ट्वान्टी विश्वकप : भारतलाई पराजित गरेमा पाकिस्तानी खेलाडीहरुले ठुलो बोनस पाउने 

T20 World Cup 202123 hours ago

ट्वान्टी ट्वान्टी विश्वकप : डिफेन्डिङ च्याम्पियन वेष्ट इन्डिजको लज्जास्पद हार

T20 World Cup 20211 day ago

ट्वान्टी ट्वान्टी विश्वकप : डिफेन्डिङ च्याम्पियन वेष्ट इन्डिज इंगल्याण्डबिरुद्ध ५५ रनमै अल आउट

T20 World Cup 20211 day ago

ट्वान्टी ट्वान्टी विश्वकप : सुपर १२ को पहिलो खेलमा अष्ट्रेलियाको संघर्षपूर्ण जित 

T20 World Cup 20212 days ago

ट्वान्टी ट्वान्टी विश्वकप : नेदरल्यानण्ड्सको लज्जास्पद हार, श्रीलंका समुह विजेता बन्दै सुपर १२ मा

T20 World Cup 20212 days ago

ट्वान्टी ट्वान्टी विश्वकप : आयरल्याण्डलाई स्तब्ध पार्दै नामिबिया सुपर १२ मा 

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!