Connect with us

Headline

आधिकारिक निर्णय अघि नै फ्राञ्चाइहरुले गरे युएईमा आईपिएलको तयारी

wesportz

Published

on

अन्तर्राष्ट्रिय क्रिकेट काउन्सिलको आईसिसि ट्वान्टी ट्वान्टी बिश्वकपबारे औपचारिक निर्णय आउनु अघि नै इण्डियन प्रिमियर लिगका फ्राञ्चाइजहरुले युएईमा आईपिएलको तयारी शुरु गरिसकेका छन् ।

भारतीय क्रिकेट बोर्ड (बिसिसिआई) आईसिसिको निर्णयको पर्खाइमा रहदै १३ औं संस्करणको आईपिएलको मिति तय गर्ने तयारीमा रहेको छ तर फ्राञ्चाइजहरुले भने कुन होटलमा बस्ने र कसरी अभ्यासहरु गर्ने भन्दै युएईमै तयारी शुरु गरिसकेका छन् ।

बिसिसिआईले आईपिएल कहा र कहिले गर्ने भन्ने औपचारिक निर्णय गर्न भने अझै पनि बाकी रहेको छ । ट्वान्टी ट्वान्टी बिश्वकप अष्ट्रेलिया र नोभेम्बरका लागि तय गरिएको थियो तर अष्ट्रेलियन मिडियाहरुले नै प्रतियोगिता स्थगित हुने रिपोर्ट यसअघि नै सार्वजनिक गरिसकेका छन् ।

आईपिएल नगरे चरम आर्थिक संकट उत्कपन्न हुने खतरालाई मध्येनजर गर्दै बिसिसिआईले पाकिस्तान क्रिकेट बोर्डसँग एसिया कप, अष्ट्रेलियासँग दुई देशीय श्रृंखलासँगै अन्य थुपै्र अनौपचारिक सहमतिहरु गरिसकेको मिडियाहरुले बताउदै आएका छन् ।

आइपिएलमा सहभागी फ्राञ्चाइजका एक अधिकारीले इन्डो एसियान न्युज सर्भिसलाई उनीहरुले लजिस्टिक्सहरुको तयारी गरिसकेको, टिमको लागि अबु धाबीमा होटल चुनिसकेको र अब अभ्यासका लागि उपयुक्त तयारी पनि गर्न थालेको बताएका छन् ।

“यो स्थितिमा स्मार्ट बन्दै पुर्व योजनाहरु गर्नुपर्छ । हामीले चाहिए अनुरुपको काम गर्दैछौं र त्यही अनुसार योजनाहरु बनाउदैछौं । हामीले खास अबु धाबीमा बस्नको लागि होटल पनि छानिसकेको छौं युएईमा आउनका लागि क्वोरेन्टिन प्रकृयालाई कसरी पुरा गर्ने तयारी पनि गर्दै आईरकेका छौं । हामीले युएईले राखेको स्वास्थ्य गाइडलाइन अनुसार नै अघि बढ्नुपर्नेछ,” उक्त अधिकारीले भने ।

अर्का एक पुर्व उपाधि बिजेता फ्रान्चाईजका पदाधिकारीले युएई उड्नुअघि नै भारतमा आईसोलेसन अवधि पुरा गर्ने तयारी गरिरहेको बताए । “हामी सबै खेलाडीहरुलाई भारतमै जम्मा गर्दै जैविक सुरक्षा वातावरणमा टेस्ट पुरा गरेपछि युएई जाने तयारीमा छौं,” उनले भने ।

Headline

सहज जितसँगै पुलिस प्रधानमन्त्री कपमा अपराजित

wesportz

Published

on

बलरहरुले संयुक्त प्रदर्शन दिएपछि नेपाल पुलिस क्लब प्रधानमन्त्री कप ट्वान्टी ट्वान्टी राष्ट्रिय क्रिकेट प्रतियोगितामा लिग चरण अपराजित टोलीको रुपमा टुंग्याएको छ ।

पुलिसले सोमबार भएको अन्तिम लिग खेलमा प्रदेश १ लाई ६ विकेटले पराजित गर्यो । शनिबारका लागि तय भएको खेल प्रदेश १ का कप्तान सहित दुई खेलाडीलाई कोरोना संक्रमण भएपछि सोमबारका लागि स्थगित गरिएको थियो ।

त्रिवि मैदानमा पहिलो ब्याटिँग गरेको प्रदेश १ लाई मिनास थापाले एक्लै अद्र्धशतक प्रहार गरेपछि २० ओभरमा ८ विकेटको क्षतिमा १ सय १ रनको सानो योगफल बनायो । कुशल भुर्तेलले एक पटक फेरि आक्रमक इनिङ्गस खेलेपछि पुलिसले १३ दशमलव १ ओभरमै १ सय ५ रन जोडेको थियो ।

प्रतियोगितामा सर्वाधिक रन बटुल्ने खेलाडीहरुको सुचीमा शिर्ष स्थानमा पुग्ने क्रममा कुशलले २८ बलमै ४४ रन बनाएका थिए । उनले तीन छक्का र तीन चौका प्रहार गरे ।

कुशलले प्रतियोगिताका शुरुवाती चार खेलमै १ सय ८२ रन बनाएका छन् । दोश्रो स्थानमा लुम्बिनीका देव खनाल (१५८) र तेश्रो स्थानमा नेपाल एपिएफ क्लबका प्रदिप ऐरि (१४९) छन् । कुशलले पुलिस जित सहज बनाउने क्रममा तेश्रो विकेटका लागि अनिल साहसँग ५६ रनको साझेदारी गरेका थिए ।

अनिलले २४ बलमा २६ रन बनाए भने दिपेन्द्र सिँह ऐरिले १३ बलमा २० रन बनाएका थिए ।

यसअघि मिनासले प्रदेश १ को आधा भन्दा बढी रन बटुल्ने क्रममा ५९ बलमा ५९ रन बनाए । उनले ६ चौका र एक छक्का प्रहार गरे । त्यसबाहेक सर्वन यादव (१०) दोहोरो अंकमा रन बटुल्ने एक मात्र ब्याट्स्म्यान रहे ।
पुलिसका लागि आरिफ शेख, कप्तान मञ्जित श्रेष्ठ र दिपेन्द्रले २–२ विकेट लिए ।

मँगलवार हुने सेमिफाइनलमा अब पुलिसले बागमती र नेपाल एपिएफ क्लबले आर्मीको सामना गर्नेछ  । फाइनल बुधबार हुनेछ ।

Continue Reading

Headline

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

wesportz

Published

on

फिफा बरियतामा १ सय १४ स्थानमा रहेको इक्वेटोरियल गिनीसँग स्तब्ध बनेपछि डिफेन्डिँग च्याम्पियन अल्जेरिया अफ्रिका कप अफ नेसन्सको पहिलो चरणबाटै बाहिरिने खतरामा परेको छ ।

इक्वेटोरियल गिनीले अल्जेरियाको ३५ अन्तर्राष्ट्रिय खेलको अपराजित यात्रामा पूर्णबिराम पनि लगाएको हो । यो हारले इटालीले भर्खरै बनाएको ३७ अन्तर्राष्ट्रिय खेलमा अपराजित रहेको किर्तिमान तोड्ने आशामा पूर्णविराम पनि लगाएको छ ।

अल्जेरियाले अक्टोबर २०१८ यता पहिलो खेल हारेको हो । समुह इ कै अर्को खेलमा गोलकिपरको गल्तिको कारण आइभोरी कोस्ट सिएरा लियोनलाई पराजित गर्न असफल रह्यो ।

अंक तालिकामा आइभोरी कोस्ट चार अंक सहित शिर्ष स्थानमा रहेको छ भने इक्वेटोरियल गिनीको तीन अंक छ । सिएरा लियोनको दुई र अल्जेरिय एक अंकका साथ पुछारमा रहेको छ । नकआउट चरणमा प्रवेश गर्नका लागि अल्जेरियाले अब अन्तिम लिग खेलमा आइभोरी कोस्टलाई हराउनै पर्नेछ ।

स्पेनमा जन्मिएका इक्वेटोरियल गिनीका धेरै मध्येका एक इस्तेबान ओबियाँगले ७० औं मिनेटमा गोल गरेपछि अल्जेरियाको हार तय भएको थियो । सिएरा लियोनसँग गोलरहित बराबरीमा रोक्किएको अल्जेरियाले आइभोरी कोस्टलाई हराउन नसक्ने हो भने ६ कप अफ नेसन्स संस्करणमा पाचौं पटक पहिलो चरणबाटै बाहिरिनेछ ।

एक मात्र अपवादका दौरान अल्जेरियाले २०१९ मा उपाधि नै जितेर देखाएको थियो । इक्वेटोरियल गिनी भने मात्र तेश्रो पटक दोश्रो चरणमा प्रवेश गर्ने संघारमा रहेको छ । जापोमा स्टेडियममा गोलकिपर बाद्रा अली सानगारेले अन्तिम समयमा गल्ति गरेपछि आइभोरी कोस्ट सिएरा लियोनसँग २–२ गोलको बराबरीमा रोक्किएको थियो ।

२–१ को अग्रता रहेको स्थितिमा इन्जुरी समयको तेश्रो मिनेटमा कर्नर हुन नदिन आफ्नो डिफेन्डरको हेडबाट आएको ब्याकपासलाई समात्न पुगेका सानगारेले स्टेभन कल्करलाई निकाल्न पुग्दा उनको पासमा सब्स्टिच्युट अल्हाजी कमाराले बराबरी गोल गरेका थिए ।

अर्को खेलमा वाह्बी खज्रीले दुई गोल गरेपछि ट्युनिसिया मउरिटानियामाथि ४–० को फराकिलो जित हात पार्दै समुह एफमा पहिलो जित हात पार्न सफल भयो । माली र पहिलो पटक अफ्रिका कप अफ नेसन्स खेलिरहेको गाम्बियाले भने १–१ गोलको बराबरी खेले ।

Continue Reading

Headline

मोड्रिच र बेन्जेमाको गोलमा रियललाई सुपर कप

wesportz

Published

on

लुका मोड्रिच र करिम बेन्जेमाले गोल गरेपछि रियल म्याड्रिड एथ्लेटिक बिल्बाओलाई २–० ले पराजित गर्दै १२ औं पटक स्पेनिस सुपर कप च्याम्पियन बनेको छ ।

साउदी अरेबियाको रियादमा भएको फाइनलमा बिल्बाओ पहिलो हाफमा स्पेनिस ला लिगाको शिर्ष टोलीलाई रोक्न सफल भएपनि दोश्रो हाफमा भने दुई गोल खान पुग्यो । रियलले कार्लो एन्सलोट्टी प्रशिक्षक नियुक्त भएको दोश्रो बर्षमा पहिलो उपाधि जितेको हो ।

बिल्बाओ ला लिगा च्याम्पियन एट्लेटिको म्याड्रिडलाई पराजित गर्दै फाइनल पुगेपनि किँग फहिद स्टेडियममा भने संगठित रियलबिरुद्ध नीरिह साबित भएको थियो । रियलले पछिल्लो २० खेलहरुमध्ये मात्र एकमा हार व्यहोरेको छ जुन ला लिगामा गेटाफे बिरुद्ध थियो ।

८७ औं मिनेटमा खेलमा फर्किने आशा जागेपनि राउल गार्सियाले प्राप्त पेनाल्टी खेर फाल्दा रियलको जित सुनिश्चित बनेको थियो । एन्सलोट्टीको टोलीले अब बुधबार कोपा डेल रेको क्वार्टर–फाइनलमा एल्चेको सामना गर्नेछ भने अर्को महिना च्याम्पियन्स लिग अन्तिम १६ को पहिलो लेगमा पेरिस सेन्ट जर्माइनबिरुद्ध खेल्दैछ ।

“हामीलाई मात्र केही गर्ने इच्छाको आवश्यकता मात्रै रहेको छ । यसबाहेक हामीलाई अरु केही सोच्ने समय छैन किनभने अर्को प्रतियोगिता नजिकिदैछ,” एन्सलोट्टीले खेलपछि भने ।

मोड्रिचले आफ्नो लयलाई निरन्तरता दिदै गोल गरेपछि ३६ बर्षको उमेरमाा स्पेनिस सुपर कपमा गोल गर्ने उनी सबैभन्दा पाका खेलाडी बने । एन्सलोट्टीले रियलका लागि यो पाचौं उपाधि जितेका हुन् । उनले यसअघि च्याम्पियन्स लिग, युएफा सुपर कप, क्लब बिश्वकप र कोपा डेल रे जितिसकेका छन् ।

Continue Reading
Headline2 hours ago

सहज जितसँगै पुलिस प्रधानमन्त्री कपमा अपराजित

Headline6 hours ago

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

Headline7 hours ago

मोड्रिच र बेन्जेमाको गोलमा रियललाई सुपर कप

Headline24 hours ago

१९ खेलाडीमा कोरोना देखिएपछि च्यासल र पुलिसबीचको खेल स्थगित

Headline24 hours ago

देव खनालको २१ बलमै अद्र्धशतक

Headline1 day ago

बिमल चम्किएपछि मच्छिन्द्रलाई लिगमा चार अंकको स्पष्ट अग्रता

Headline1 day ago

राजुले आकर्षक इनिङ्गस खेल्दै पुर्याए आफ्नो पुर्व क्लब आर्मीलाई सेमिफाइनलमा

Headline1 day ago

एमबाप्पेको गोलले पिएसजीलाई दोहोरो अंकको अग्रता

Headline1 day ago

अफ्रिका कप अफ नेसन्सः सलाह स्कोरसिटमा फर्किए, नाइजेरिया अन्तिम १६ मा

Headline2 days ago

क्रिकेटका पाँच विश्व किर्तिमान जुन सायदै तोडिएला

Trending

error: Content is protected !!