Connect with us

Headline

आफ्नै पुर्व व्यवस्थापाकलाई रणनीतिमा माथ दिए आर्टेटाले

wesportz

Published

on

मिकेल आर्टेटाले म्यानचेस्ट सिटीमा व्यवस्थापक पेप ग्वार्डियोलाको सहायक पद छोड्दै यो सिजन आर्सनल आएका थिए । शनिबार राति उनले ग्वार्डियोलाकै रणनीतिलाई माथ दिदै आर्सनललाई एफए कपको फाइनलसम्म डोर्याएका छन् ।

पिएरे–एमेरिक औबामेयाङले दुई गोल गरेपछि सेमिफाइनलमा इङ्गलिस प्रिमियर लिगमा निकै खराब सिजनबाट गुज्रिरहेको आर्सनलले सिटीलाई २–० ले स्तब्ध बनायो । प्रिमियर लिगमा सिटी दोश्रो अंकमा छ भने युरोपा लिगको छनोट पनि गुमाउने खतरामा रहेको आर्सनल १० औं स्थानमा रहेको छ ।

डिसेम्बरमा उनाई एमेरीको स्थान लिएका आर्टेटा अब आफ्नो पहिलो सिजनमै आर्सनललाई प्रमुख उपाधि दिलाउने नजिक पुगेका छन् । आर्सनलले अगष्ट १ मा हुने फाइनलमा चेल्सी अथवा म्यानचेस्टर युनाइटेडको सामना गर्नेछ ।

औबामेयाङले दुई गोल गर्ने क्रममा सिटीको रक्षात्मक कमजोरीको भरपुर फाइदा उठाएका थिए । दवाब बनाउने क्रममा औबामेयाङले गरेको पहिलो प्रहार सिधै सिटी गोलकिपर एडर्सनले बचाएका थिए तर त्यो खतरालाई माप्न नसकेको सिटीले डिफेन्समा खासै ध्यान नदिदा पहिलो गोल खान पुगेको थियो ।

उत्कृष्ट टेक्निकको नमुना देखाउदै औबामेयाङले निकोलस पेपेको क्रसमा राम्रो नियन्त्रण राख्दै बक्स बाहिरबाट सुन्दर गोल गरेका थिए । दोश्रो हाफमा सिटीले दवाब बनाए पनि ७१ औ मिनेटमा बिजयी गोल गर्न पुगे ।

आर्टेटाको लागि भने यो व्यक्तिगत बिजय थियो । गत सप्ताह आर्सनलले लिभरपुलमाथि महत्वपूर्ण जित हात पारेको थियो र शनिबारको सेमिफाइनलमा उत्कृष्ट गेम प्लानका साथ सिटीलाई हराउन सफल भएको थियो ।

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading

Headline

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

wesportz

Published

on

आफूभन्दा ६१ स्थानमाथि रहेको मालीलाई टाई ब्रेकरमा पराजित गर्दै इक्वेटोरियल गिनी अफ्रिका कप अफ नेसन्सको क्वार्टर–फाइनलमा प्रवेश गरेको छ ।

बुधबार नै भएको पहिलो अन्तिम १६ को खेलमा स्टार फर्वार्ड मोहम्मद सलाहले निर्णायक प्रहारमा गोल गरेपछि इजिप्टले आइभोरि कोस्टलाई पनि पेनाल्टी सुटआउटमै ५–४ ले पराजित गर्यो । आइभोरी कोस्टका एरिक बेलीले गोल गर्न चुक्दा सलाहको प्रहार निर्णायक बनेको थियो ।

सात पटकको च्याम्पियन इजिप्टले अब सेमिफाइनलका लागि मोरक्कोसँग आइतबार खेल्नेछ । प्रतियोगितामा भाग्यमानी साबित भएको इजिप्ट हालसम्म चार खेलमा मात्र दुई गोल गर्दै क्वार्टर–फाइनलमा प्रवेश गरेको हो ।

महादेशीय फुटबल प्रतियोगितामा आइभोरी कोस्टबिरुद्धको ११ औं भेटमा निर्धारित र अतिरिक्त समयमा कुनै गोल हुन नसकेपछि खेल टाई ब्रेकरमा गएको थियो । इजिप्ट आफ्नो समुहबाट तेश्रो स्थानको टोलीको रुपमा अन्तिम १५ मा प्रवेश गरेको थियो ।

अर्को तर्फ गोलकिपर जिजस ओवोनो नायक बन्दा इक्वेटोरियल गिनी ७ बर्षपछि क्वार्टर–फाइनलमा स्थान बनाउन सफल रह्यो । अतिरिक्त समयको समाप्तिमा पनि गोल हुन नसक्दा खेलको निर्णय टाई ब्रेकरबाट भएको थियो ।

१ सय २० मिनेटको फुटबलमा दुवै तर्फबाट जम्मा एक सट अन टार्गेट रहेको थियो । पेनाल्टी सुटआउटमा ओवोनोले दुई प्रहार बचाएका थिए । इक्वेटोरियल गिनीले अब क्वार्टर–फाइनलमा प्रबल दाबेदार सेनेगलको सामना गर्नेछ ।

Continue Reading
Headline8 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline8 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline9 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline15 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline22 hours ago

सबैलाई एक्सपोजर दिदै प्रशिक्षक अलमुताइरी

Headline23 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline24 hours ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!