Connect with us

Headline

जिदानको ‘डिफेन्सिभ मास्टरक्लास’ ले सम्भव बनेको रियलको ला लिगा उपाधि

wesportz

Published

on

जिनेदिन जिदानले आफ्नो दोस्रो र क्लबका लागि ३४ औं स्पेनिस ला लिगाको उपाधी जिताउदै स्पेनमा रियल म्याड्रिडको साख जोगाए । ड्रेसिङ रुममा आफ्नो कमाण्ड कायम गरेका जिदानको आखा भरि आसु थियो जब रियलले बिहिबार भिलारियाललाई लिगको ३७ औं खेलमा २–१ ले हरायो ।

फ्रान्सका लागि १९९८ का बिश्व बिजेताको आँशुले नै स्पष्ट दर्साउछ ला लिगा उपाधी रियल र उनका लागि कति महत्वपूर्ण छ भनेर । “च्याम्पियन्स लिग भनेको च्याम्पियन्स लिग हो तर ला लिगा उपाधिले म अझ बढी खुशी छु किनभने ला लिगा सबथोक हो,” जिदानले भनेका थिए । “खेलाडीहरुले जे गरेर देखाए त्यो निकै नै अविश्वसनीय छ । मसँग यो जितलाई व्याख्या गर्ने कुनै शब्द नै छैन । म निकै भावुक भएको छ।”

पछिल्लो एक दशक ला लिगा उपाधि जित्नका लागि रियललाई अप्रत्याशित रुपमा निकै कठिन रहेको थियो । १० बर्षमा तीन घरेलु उपाधि रियल जस्तो टोलीको लागि सन्तोषजनक संख्या होइन । लगातार तीन पटक च्याम्पियन्स लिगको उपाधि स्पेनको घरेलु लिगको असफलतालाई ढाकेपनि समर्थकहरु सधै धेरै चाहन्छन् । २०११–१२ को सिजनमा उपाधि जितेपछि रियलले २०१६–१७ मा ला लिगा जितेको थियो । त्यो समयपनि रियलबाट नै खेलेका जिदानले ला लिगा डबल जिताएका थिए ।

खराब गएको अघिल्लो सिजनपछि रियलको उद्दारका लागि एकपटक फेरि जिदान आफै अगाडी आएका छन् ।

२०१८ मा जब क्रिस्चियानो रोनाल्डोले म्याड्रिड छोडे त्यति बेला नै समर्थकहरुले केही गुमाएको आभाष गरिसकेका थिए । गत सिजन युरोपका राजा मनिएको रियल च्याम्पियन्स लिगमा आयाक्ससँग स्तब्ध हुनुका साथै ला लिगामा १९ अंकले पछि परेपछि यो साबित पनि भएको थियो ।

रियलको कमान सम्हाल्न युलियन लोपेतगी र स्यान्टियागो सोलारी आए, दुवैले प्रयास गरे तर असफल भए । रियल दोस्रो एसी मिलन हुने हल्ला बजारमा आउने क्रममा थियो । तर, फ्लोरेन्टिनो पेरेज फरक उपाय लिएर आए । त्यो उपायसँगै आए डेढ बर्षअघि अप्रत्याशित तरिकाले राजीनामा दिएका जिदान ।

समर्थक र पण्डितहरुले जिदानलाई बिश्वास नगर्दै रोनाल्डोलाई मात्र च्याम्पियन्स लिगको सफलताको क्रेडिट दिएकाले रियललाई सहि बाटोमा ल्याउन गाह्रो भने थियो । मान्छेहरुले रोनाल्डोबिना म्याड्रिड केही नभएको पनि बताए तर पेरेज, जिदान र सिँगो टिमले नै सबैलाई गलत साबित गरिदिएका छन् । “म्यड्रिडमा कुनै पनि खेलाडी रियल म्याड्रिड भन्दा ठूला हुदैनन” भनिए जस्तै भएको छ ।

जिदानले आफ्नो पुन नियुक्तिपछि रियालले आउँदै गरेको सिजन ला लिगा जित्न ध्यान केन्द्रित गर्नेछ भनेका थिए र त्यही भएको छ । रोनाल्डोको अभाव पुरा गर्नु गाह्रो नै थियो तर जिदानले उत्कृष्ट रक्षात्मक रणनीतिमा आफूलाई साबित गर्दै लाई त्यो अभावलाई पुरा गरेका थिए ।

उनले रोनाल्डोलाई गोलकिपर थिबाउ कोर्टवासँग प्रतिस्थापिन गरे भने रियललाई युरोपकै पाँच ठूला लिगहरु मध्येको सबैभन्दा रक्षात्मक टोली बनाए । जिदानको रणनीतिले आक्रमणले खेल जिताउछ तर डिफेन्सले उपाधि भन्ने भनाईलाई सार्थक बनाएर देखाइदिए । ला लिगाको उपाधी दौडमा रहन म्याड्रिडलाई स्थिरता चाहिन्छ भन्ने जिदानलाई राम्रो ज्ञान थियो । र, उनले त्यही गरेर देखाए ।

रियलको उपाधि यात्रामा २१ छुट्टा–छुट्टै खेलाडीले यो सिजन गोल गरेका थिए जुन यो शताब्दीमै कुनै पनि टिमले गर्न सकेको थिएन । सर्जियो रामोसको नेतृत्वमा रहेको जिदानको रियलले नितान्त टिम प्रयासमा सफलता चाखेको हो ।

सफलता पुर्वक खेलाडी व्यवस्थापन गर्दै जिदानले प्रतिभाले भरिएको रियलको टोलीलाई ला लिगाको उपाधि जिताएका हुन् । रियलको बिगतको असफलता भनेको साँघुरो जितहरु निकाल्न नसक्नु नै थियो । तर जिदानले सबै खेलाडीलाई केन्द्रित त बनाए नै कोर्टवाको उत्कृष्ट सिजनमध्येको एकले पनि उनलाई मद्दत गर्न पुग्यो ।

जिदानको रियलले यो सिजन मात्र २३ गोल खाएको छ, पछिल्लो एक दशकमा यो नै उत्कृष्ट प्रदर्शन हो । १८ खेलमा गोल नखाएका कोर्टवाले रियल लिजेण्ड इकर कासिआसले २०११–१२ गरेको प्रदर्शनलाई झण्डै दोहोर्याएका थिए । हालको रियलले २०११–१२ को सिजनमा होजे माउरिन्होले सम्हालेको टिमको सर्वाधिक गोलको किर्तिमानको नजिक नपुगेपनि रक्षात्मक रणनीतिले भने त्यसको व्यवस्थापन गरेको छ ।

निकै खराब गएको अघिल्लो सिजनको निराशाबाट जिदानले रियललाई उत्साहित बनाइसकेका छन् । जिदानको रेखदेखमा रियल यहाँसम्म आइपुग्ला भनेर कसैले सोचेको पनि थिएन । २०१६ देखि जिदानले ११ उपाधि जितिसकेका छन् जुन यो समयावधिमा कुनै पनि प्रशिक्षकले गर्न सकेका छैनन् ।

रियालका लागि जिदान एक आशिर्वाद हुन् । जिदानले बर्षौपछि बार्सिलोनालाई उसको सिँहाशनबाट बाहिर निकालेका छन्, समर्थकहरुलाई रोनाल्डोलाई बिर्सन लगाएका छन् । रोनाल्डो भन्दा पनि जिदानको अनुपस्थितिले क्लबले सफलता हात पार्न नसकेको भान हुन थालेको छ ।

Headline

ट्वान्टी ट्वान्टी बिश्वकपः क्याम्फरको किर्तिमानमा आयरल्याण्डको बिशाल जित

wesportz

Published

on

फास्ट बलर कर्टिस क्याम्फरले चार बलमा चार विकेटको किर्तिमानी प्रदर्शन गर्नुका साथै मार्क अडेयरले पनि उत्कृष्ट बलिंँग गर्दा आयरल्याण्डले ट्वान्टी ट्वान्टी बिश्वकपको आफ्नो पहिलो खेलमा नेदरल्याण्ड्सलाई ७ विकेटको फराकिलो अन्तरले पराजित गरेको छ ।

अबु धाबीमा पहिलो चरणको समुह ए अन्तर्गतको खेलमा ट्वान्टी ट्वान्टी अन्तर्राष्ट्रियमा चार बलमा चार विकेट लिने बिश्वका तेश्रो बलर बन्दा नेदरल्याण्ड्स २० ओभरमा १ सय ६ रनमै अलआउट भएको थियो ।

आयरल्याण्डका लागि अडेयरले पनि घातक बलिंग गर्दै चार ओभरमा मात्र ९ रनको खर्चमा तीन विकेट लिएका थिए । जवाफमा आयरल्याण्डले १५ दशमलव १ ओभरमै लक्ष्य प्राप्त गर्यो । उसका लागि ग्यारेथ डेलानीले २९ बलमा ४४ रन बनाएका थिए भने ओपनर पउल स्टर्लिङ्ग ३९ बलमा ३० बनाउदै नटआउट रहे ।

डेलानीले पाँच चौका र दुई छक्का प्रहार गरे । नेदरल्याण्ड्सका लागि फ्रेड क्लासेन, ब्रान्डन ग्लोभर र कप्तान पिटर सिलारले १–१ विकेट लिएका थिए ।

यसअघि क्याम्फर आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी बने । १० औं ओभरमा बलिङ्गमा फर्किएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए ।

त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए । चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए । ५१ रनमै ६ विकेट गुमाएको नेदरल्याण्ड्सलाई उनले सेलारसँगको ३७ रनको साझेदारीमा तीन अंकको योगफल नघाउन सघाएका थिए ।

सेलारले २९ बलमा २१ रन बनाए । नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

wesportz

Published

on

आयरल्याण्डका मिडियम फास्ट बलर कर्टिस क्याम्फरले जारी ट्वान्टी ट्वान्टी बिश्वकपमा नेदरल्याण्ड्सबिरुद्ध चार बलमा चार विकेट लिदै किर्तिमानी प्रदर्शन गरेका छन् ।

ट्वान्टी ट्वान्टी बिश्वकपमा चार बलमा चार विकेट लिने उनी एक मात्र खेलाडी भएका छन् भने ट्वान्टी ट्वान्टी अन्तर्राष्ट्रियमा सो उपलब्धि हात पार्ने उनी बिश्वका तेश्रो बलर बनेका छन् । उनी आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी भने बनेका छन् ।

अबु धाबीमा जारी समुह ए को खेलको १० औं ओभरमा बलिङ्ग गर्न आएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए । त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए ।

चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

५१ रनमा दुई विकेटको अवस्थामा रहेको नेदरल्याण्ड्स क्याम्फरको घातक बलिँगसँगै २० ओभरमा अलआउट हुँदै मात्र १ सय ६ रन बनायो । नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए ।

५१ रनमै ६ विकेट गुमाएको नेदरल्याण्ड्सलाई उनले कप्तान पिटर सेलारसँगको ३७ रनको साझेदारीमा तीन अंकको योगफल नघाउन सघाएका थिए । सेलारले २९ बलमा २१ रन बनाए । क्याम्फर बाहेक निकै कसिलो बलिँग गरेका मार्क अडेयर चार ओभरमा मात्रै ९ रन खर्चेर तीन विकेट लिएका थिए ।

नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

साफ उपबिजेता नेपाली टोलीको बिमानस्थलमा भब्य स्वागत

wesportz

Published

on

साफ च्याम्पियनसिपको २८ बर्षे फुटबल इतिहासमा पहिलो पटक फाइनल पुगेको नेपाली टोलीको त्रिभुवन बिमानस्थलमा भब्य स्वागत गरिएको छ ।

नेपाली टोली सोमबार बिहान काठमाडौं आइपुगेको हो । शनिबार साफ च्याम्पियनसिप फाइनलमा नेपाल चीर प्रतिद्वन्दी भारतसँग ३–० ले पराजित भएको थियो । हारसँगै नेपाली टोली आफ्नो फुटबल इतिहासकै ठूलो मध्येको एक उपाधिबाट बञ्चित भएपनि ऐतिहासिक फाइनल खेल्न सफल भएको थियो ।

सयौंको संख्यामा नेपाली फुटबल समर्थकहरुले स्वागत गरेको नेपाली टोलीलाई बिमानस्थलमा लिन युवा तथा खेलकुद मन्त्री महेश्वर गहतराज पनि पुगेका थिए । उनले नेपाली फुटबललाई अझै उचाईमा पुर्याउन सरकारको रुपमा सहयोगन गर्ने आश्वासन पनि दिए ।

समर्थकहरुले प्रशिक्षक अब्दुल्लाह अल्मुताइरीको पक्षमा नारा पनि लगाएका थिए । भारतबिरुद्धको फाइनल नेपाली राष्ट्रिय टोलीका लागि आफ्नो अन्तिम हुने बताएका अब्दुल्लाह माल्दिभ्सबाट सिधै कुवेत फर्किसकेका छन् ।

तेश्रो पटक आफूले नेपाल छोड्न गइरहेको घोषणा गरेका अब्दुल्लाहको नेपालसँगको सम्झौता अक्टोबर २३ मा समाप्त हुदैछ ।

नेपाली टोलीको स्वागतमा नेपाली सेनाले मंगल धुन पनि बजाएको थियो । नेपालले उपबिजेताको हैसियतमा २५ हजार डलर पुरस्कार पाएको थियो ।

Continue Reading
Headline10 mins ago

ट्वान्टी ट्वान्टी बिश्वकपः क्याम्फरको किर्तिमानमा आयरल्याण्डको बिशाल जित

Headline2 hours ago

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

Headline7 hours ago

साफ उपबिजेता नेपाली टोलीको बिमानस्थलमा भब्य स्वागत

Headline9 hours ago

अगुएरोले बार्सिलोनाको लागि डेब्यु गर्दा काउटिन्होको ११ महिनामा पहिलो गोल

T20 World Cup 202110 hours ago

 भारतीय समर्थकहरूको सनक, पाकिस्तान विरुद्धको खेल बहिष्कार गर्न आग्रह 

T20 World Cup 202119 hours ago

ट्वान्टी ट्वान्टी विश्वकपको पहिलो खेलमै बंगलादेश स्कटल्याण्डसँग स्तब्ध

Headline23 hours ago

मैदान पूननिर्माणसँगै डुकुछापमा अन्तर क्लब फुटबल प्रतियोगिता सम्पन्न

Headline1 day ago

ट्वान्टी ट्वान्टी बिश्वकपः ओमानको सशक्त शुरुवात, पिएनजी १० विकेटले पराजित

Headline1 day ago

आजदेखि शुरु हुँदै ट्वान्टी ट्वान्टी बिश्वकप

Headline2 days ago

नेपाल हार्यो

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!