Connect with us

Headline

ब्राजिल र उरुग्वेले भुल्न नसकेको ‘माराकानाजो’

wesportz

Published

on

बिश्व फुटबलका महान खेलाडी पेले जम्मा ९ बर्षका थिए जब उरुग्वेले एक गोलले पछि परेको स्थितिलाई उल्टाउदै २–१ ले १९५० को बिश्वकप उचाल्दा ब्राजिललाई ‘माराकानाजो’ आघात भएको थियो । रियो दि जेनेरियोको माराकाना स्टेडियममा खेलिएको फाइनलपछि ब्राजिलले बोकेको चोटलाई रँगशालाको नामले नै ‘माराकानाजो’ भनिएको थियो ।

ब्राजिल राष्ट्रिय शोकमा डुबेको दिन ऐल्सिडे जिग्गियाले बिजयी गोल गरे लगत्तै पेलेका बुवा रोएका थिए । आफ्नो बुवाको नैराश्यतालाई मेटाउनका लागि पेलेले बिश्वकप जितेरै देखाउने बाचा गरेका थिए । उक्त हारको झट्का रँगशाला भित्र र बाहिर स्पष्ट थियो । “मेरो जिन्दगीमा मैले पहिलो पटक यस्तो कुरा सुने जुन हल्ला थिएन,” फाइनलमा उरुग्वेको लागि बराबरी गोल गरेका हुवाअल्बर्टो सियाफिनोले बर्षौपछि भनेका थिए ।

“एकताले बाधिएको राष्ट्रको रुपमा संसारसामु आफूलाई स्थापित गर्न खोजिरहेको तथ्यले नै ब्राजिलको आघातलाई राम्ररी बयान गर्न सक्छ,” रियो दि जेनेरियो स्टेट युनिभर्सिटीका प्राध्यापक तथा समाजशास्त्री रोनाल्डो जर्ज हेलाल भन्छन् । “नस्लीय सौहाद्रता रहेको राष्ट्र फुटबलले एकताबद्ध भएको अवधारणालाई आधार मान्दै उक्त खेलको परिणामलाई ब्राजिलको राष्ट्रवादी परियोजनाको जित वा हारको रुपमा हेरिने भएको थियो । १९३० को दशकसम्म ब्राजिलमा ब्राजिलियन राष्ट्रवाद भनेको के हो भन्ने कुनै अवधारणा नै थिएन।”

१९५० आइपुगिसक्दा युनेस्कोले ब्राजिललाई फुटबललाई केन्द्रमा राख्दै सौहाद्रताका लागि उदाहरणीय राष्ट्र मानेको थियो । यथार्थ भने केही फरक थियो भने उक्त फाइनलका अश्वेत गोलकिपर मोसिर बार्बोसालाई धेरैले अपराधीको रुपमा हेर्ने गरेका थिए । “ब्राजिलमा सबैभन्दा लामो जेल समय भनेको ३० बर्ष हो तर मैले ४० बर्ष बिताइसकेको छु,” कहिल्यै माफी नपाएका बार्बोसाले १९९० को दशकमा भनेका थिए ।

ब्राजिल र उरुग्वेको फरक भावना दर्शाइएको वाल पेन्टिङ्ग

उरुग्वेमा भने उक्त जित सानोले बिशाललाई कसरी हराउन सक्छ भन्ने कुराको अन्योक्तिको रुपमा लिइने गरेको थियो । माराकानाजोलाई ब्राजिलमा राष्ट्रिय दुर्घटनाको रुपमा लिइने गरिएको थियो भने उरुग्वेमा कठिनाईका बावजुद प्राप्त बिजयलाई व्याख्या गर्ने गरिन्थ्यो ।

१९५० तिर ब्राजिलको जनसंख्या उरुग्वेभन्दा २३ गुणा बढी र क्षेत्रफलमा निकै ठूलो भएपनि यथार्थमा भने यसलाई डेभिडले गोलायथलाई (बाइबलमा साना कदका डेभिडले निकै भिमकाय गोलायथलाई पर्रास्त गरेको कथा) हराएको जसरी लिइएको थिइएन । १९३० को पहिलो बिश्वकप जितेको र १९२४ र १९२८ मा ओलम्पिक्समा स्वर्ण जितेको उरुग्वेलाई त्यो समय फुटबलको महारथीकै रुपमा हेर्ने गरिन्थ्यो ।

“माराकानाजोलाई लिएर कहिले काही ‘अद्वितीय उपलब्धि’ भनेर जोड दिदा त्यो समय उरुग्वेको टोली उत्कृष्ट थियो भन्ने तथ्यलाई छायामा पारिदिन्छ,” माराकाना, अ सिक्रेट हिस्टरी (एक गोप्य इतिहास) का लेखक तथा उरुग्वेका पत्रकार एटिलियो गारिडो भन्छन् । उरुग्वेको युनिभर्सिटी अफ द रिपब्लिकका समाजशास्त्री फेलिपे एरिसोनाका लागि माराकानामा जे भयो त्यो रँगशालामा बसेर अनुभव गर्नेहरुको लागि पुष्टि थियो ।

बिश्व फुटबलमा उरुग्वेको स्तर १९५० को फाइनल भन्दा बढी थियो तर माराकानाको परिणामले ३० बर्षदेखिको सफलतालाई भने छायाँमा पर्न गयो। बिश्वकपको पहिलो उपाधिको खोजमा रहेका ब्राजिलियनहरुले भने यसलाई त्यसरी हेरेका थिएनन् ।

हेलालका लागि माराकानाजो आघात ब्राजिलियनहरुका लागि पेलेले १९७० मा तेश्रो बिश्वकप उपाधि दिलाएपछि मात्र अन्त्य भएको थियो । मेक्सिकोमा ब्राजिलले चार संस्करणमा तेश्रो पटक उपाधि जितेको थियो । त्यसलाई ब्राजिलियन राष्ट्रको जितको रुपमा हेरिएको थियो ।

समय परिवर्तन भएसँगै ब्राजिलियन समाजले राष्ट्रिय टोलीको खेलहरुलाई खेलकुदको जित वा हारको रुपमा मात्र बुझ्न थालेको छ । ब्राजिलियनहरुको मानसिकतामा आएको यो परिवर्तन २०१४ को बिश्वकपमा स्पष्ट देखियो जब घरेलु टोलीले बिश्वकपकै अहिलेसम्मको लज्जासपद हार बेहोर्ने क्रममा जर्मनीसँग सेमिफाइनलमा ७–१ को फराकिलो अन्तरको पराजय भाग्यो ।

बिश्वकप ट्रफिका साथ १९५० को फाइनलमा बिजयी गोल गर्ने जिगिया

“१९५० को हार राष्ट्रिय शोक थियो; २०१४ को पराजय एउटा व्यङ्गय जुन ‘मिम’ बन्न पुग्यो किनभने मान्छेहरुले यसलाई त्यति गम्भिर रुपमा लिएनन् । यो समाजले देखाएको परिपक्वताको राम्रो उदाहरण हो,” हेलाले भने ।

उरुग्वे भने त्यो उचाईमा फेरि पुग्न सकेको छैन, चाहे मैदानमा होस वा आर्थिक परिप्रेक्षमा नै । १९५० पछि बिश्वकप नजितेको उरुग्वेको त्यसयताको उत्कृष्ट प्रदर्शन भनेकै १९५४, १९७० र २०१० मा चौथो हुनु हो । “सिमित श्रोत र साधन रहेको एउटा सानो देशलाई पैसाको महत्व हरेक दिन बढ्दै गइरहेको खेलमा प्रतिस्पर्धा गर्न सधै कठिन हुदै गइरहेको छ,” फुटबलमा धेरै किताब लेखिसकेका पत्रकार लुई प्राट्स भन्छन् ।

“१९५० को दशकको उत्कृष्ट समयपछि आर्थिक पतन हुन थालेदेखि उरुग्वेको सरकारले २० औं शताब्दीको शुरुवातमा खेलकुदलाई दिन थालेको महत्व अहिले भने छैन,” एरोसेनाले भने ।

“आज त्यो उपलब्धिलाई फुटबल र आर्थिक दृष्टिकोणले नै महराथी बनेका ब्राजिल र अर्जेन्टिनाको चेपुवामा परेको एक सानो देशको चस्माबाट मात्र हेर्ने गरिन्छ । प्रशिद्धिको पक्षमा त्यो अध्यायले राष्ट्रिय गर्व खोज्ने गर्छ,” प्राट्स मान्छन् ।

Headline

पिएसजीलाई हराउदै लिल बन्यो च्याम्पियन्स ट्रफि बिजेता

wesportz

Published

on

पेरिस सेन्ट जर्माइन (पिएसजी) लाई १-० ले हराउदै लिल ले पहिलो पटक च्याम्पियन्स ट्रफिको उपाधि जितेको छ ।

फ्रान्सको प्रथम श्रेणी फुटबल लिग वान जित्दै सबैलाई स्तब्ध पारेको लिलका लागि पोर्चुगिज मिडफिल्डर जेकाले एक मात्र बिजयी गोल गरेका थिए । जितले प्रशिक्षक जोसेलिन गोरभेनेकलाई आफ्नो पहिलो खेलमै उपाधि दिलाएको छ ।

लिग वानको उपाधि जिताएका प्रशिक्षक क्रिष्टोफ गाल्टियरले निस जाने निर्णय गरेपछि गोरभेनेकले अफ सिजन देखि लिलको बागडोर सम्हालेका थिए ।

निकै प्रतिस्पर्धात्मक खेलमा जेकाले पेनाल्टी एरिया बाहिरबाट गरेको प्रहारले पिएसजी गोलकिपर किलोर नाभासलाई बिट गर्दै जाली चुम्न पुगेको थियो ।

गत लिग सिजनमा लिल ले एक गोल पनि नखादै एउटामा जित र अर्कोमा बराबरी गरेको थियो । आफ्नो ब्याक अप गोलकिपर माइक माइग्ननलाई एसि मिलानमा बेचेपनि लिल ले अर्को क्लिन सिट राखेको हो ।

लिग वान यही शुक्रबारदेखि शुरु हुन गइरहेको छ । पिएसजीले आफ्नो पहिलो खेलमा शनिबार बढुवा भएको ट्रोयेसको सामना गर्नेछ भने लि ल ले आइतबार मेट्जबिरुद्ध खेल्नेछ ।

Continue Reading

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading
अन्तर्राष्ट्रिय50 mins ago

अहमदले घातक बलिङ गर्दा अष्ट्रेलियाको लज्जास्पद हार 

राष्ट्रिय15 hours ago

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

Headline2 days ago

पिएसजीलाई हराउदै लिल बन्यो च्याम्पियन्स ट्रफि बिजेता

Headline2 days ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय2 days ago

दुई महिना पछिलाई सर्यो लिग, विजेताले ७५ लाख पाउने 

Headline3 days ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय3 days ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय3 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline4 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय4 days ago

स्टोक्सको अनिश्चित समयका लागि क्रिकेटबाट बिश्राम 

Trending

error: Content is protected !!