Connect with us

Headline

युरोपियन राउन्ड–अपः रियल उपाधिबाट दुई अंक टाढा, युनाइटेड चुक्यो, इन्टर दोश्रोमा

wesportz

Published

on

ग्रानडासँगको खेलमा पहिलो हाफमा हावी भएपनि रियल म्याड्रिड कठिन जित हात पार्दै स्पेनिस ला लिगाको उपाधिबाट मात्र एक जित टाढा पुगेको छ ।

अवे खेलमा फल्र्याण्ड मेन्डी र करिम बेन्जेमाले पहिलो १६ मिनेटमै २–० को अग्रता लिएको थियो । डार्विन माचिसले दोश्रो हाफमा गोल गरेपछि ग्रानडाले दवाब बनाएपनि अन्तिम स्कोरलाइन २–१ नै रहन पुग्यो । बार्सिलोना भन्दा चार अंकले अगाडी रहेको रियललाई अब बाकी दुई खेलमा दुई अंक पर्याप्त हुनेछ ।

बार्सासँग हेड–टु–हेडमा अघि रहेको रियललाई एक जित नै उपाधिका लागि पर्याप्त हुनेछ । रियलले अब ३७ औं चरणको खेलमा बिहिबार पाचौं स्थानको भिलारियालसँग घरेलु मैदानमा खेल्नेछ भने सिजनको अन्तिम खेलमा रेलिगेसन जोनमा रहेको लेगानेसको सामना आइतबार अवे मैदानमा गर्नेछ ।

“हामी खुशी हुदै अब बिहिबारको खेलमा लागि आराम गर्नुपर्छ,” रियललाई ला लिगामा लगातार ९ खेल जिताएका प्रशिक्षक जिनेदिन जिदानले भने । “हामी मँगलबार अभ्यासमा फर्कनेछौं । हाम्रो लागि अन्तिम समय (ग्रानडाबिरुद्ध) निकै गाह्रो थियो । ग्रानडाले हामीलाई धेरै डिफेन्ड गरायो,” जिदानले भने ।

सोमबारकै अर्को खेलमा आलाभेसले गेटाफेलाई गोलरहित बराबरीमा रोक्यो । रेलिगेसन जोनबाट एक स्थानमाथि रहेको आलाभेसको ३६ अंक रहेको छ । इस्पान्योल दोश्रो श्रेणीमा झरिसकेको छ भने लेगानेस र मायोर्काको समान ३२ अंक रहेको छ । अर्को खेलमा स्पोर्टिङ्ग गिजोनले मालागालाई २–१ ले हरायो ।

युनाइटेडले तेश्रोमा उक्लिने मौका गुमायो

म्यानचेस्टर सिटीको युरोपमा खेल्ने दुई बर्षको प्रतिबन्ध कोर्ट अफ आर्बिट्रेसन अफ स्पोर्टसले उल्टाइदिएपछि प्रिमियर लिगमा अब चौथो स्थानको टोलीमात्रै च्याम्पियन्स लिगमा छनोट हुने भएको छ । निकै सुधारिएको प्रदर्शन गर्दै आएको म्यानचेस्टर युनाइटेडसँग सोमबार तेश्रो स्थानमा उक्लदै त्यसको प्रबल दाबेदारी दिने अवसर थियो तर गुमाउन पुग्यो ।

मात्रै तीन खेल बाकी रहदा चेल्सी ६० अंक सहित तेश्रो स्थानमा छ भने युनाइटेडसँगै समान ५९ अंक रहेको लेस्टर गोल अन्तरको आधारमा अगाडी रहेको छ । लेस्टर र युनाइटेडबीच हुने सिजनको अन्तिम खेलले नै चौथो स्थानसम्मको टोलीको निर्धारण गर्न सक्नेछ ।

ओल्ड ट्राफोर्डमा १२ औं मिनेटमै स्टुवर्ट आर्मस्ट्रोङ्गको गोलले पछि परेको युनाइटेडका लागि २० औं मिनेटमा मार्कस रासफोर्डले बराबरी गोल गरेका थिए । तीन मिनेटपछि नै एन्थोनी मार्सियलले गोल गर्दै घरेलु टोलीलाई २–१ को अग्रता दिलाएका थिए ।

निर्धारित समयको समाप्तिसम्म खेल युनाइटेडको पक्षमा जाने देखिएपनि ९६ औं मिनेटमा ओबाफेमीले गोल गरेपछि साउथ्याम्प्टनले यो सिजन दुवै खेलमा युनाइटेडसँग हार टारेको थियो ।

इन्टर अन्ततः दोश्रो स्थानमा

तीन मिनेटमा दुई गोल गरेपछि इन्टर मिलान टोरिनोलाई ३–१ ले हराउदै इटालियन सिरी आ को दोश्रो स्थानमा उक्लिएको छ । युभेन्टसले शिर्ष स्थानमा ८ अंकको फराकिलो अग्रता कायम राखेकाले उपाधिको सम्भावना झिनो रहेपनि इन्टरको लागि भने आत्मबिश्वास बढाउने जित थियो ।

६ खेल बाकी रहेको अवस्थानमा इन्टर र लाजियोको समान ६८ अंक रहेको छ र इन्टर गोल अन्तरको आधारमा अगाडी रहेको हो । चौथो स्थानको एट्लान्टाको ६७ अंक रहेको छ ।

गोलकिपर समिर हान्दानोभिचले कर्नर बल फुत्काएपछि आन्दे बेलोट्टीले सहज गोल गर्दा इन्टर १७ मिनेटमै पछि परेको थियो । तर एस्ली योङले ४९ र डिएगो गोडिनले ५१ औं मिनेटमा गोल गरेपछि इन्टरले उल्टै एक अंकको अग्रता बनाएको थियो । ६१ औं मिनेटमा लोटारो मार्टिनेजले तेश्रो गोल थपेका थिए ।

Headline

सर्वाधिक बालोन डि’ओर जित्ने खेलाडीको सुचीमा मेस्सी दोश्रो र रोनाल्डो तेश्रो । पहिलो को ?

wesportz

Published

on

सर्वाधिक बालोन डि’ओर जित्ने खेलाडी को हो भनेर कसैले तपाईलाई सोध्यो भने तपाई भन्नु हुनेछ पहिलो नम्बरमा लियोनेल मेस्सी र दोश्रोमा क्रिष्चियानो रोनाल्डो । मेस्सीले ६ पटक र रोनाल्डोले पाँच पटक बिश्वकै सबैभन्दा प्रतिष्ठित व्यक्तिगत पुरस्कार उचाली सकेका छन् ।

तर फ्रेन्च फुटबलले हालै गरेको बालोन डि’ओरको पुर्नमुल्यांकन अनुसार मेस्सी दोश्रो नम्बरमा र रोनाल्डो तेश्रो नम्बरमा परेका छन् ।

त्यसो भए सर्वाधिक बालोन डि’ओर जित्ने खेलाडीको सुचीको पहिलो नम्बरमा को छन् त ?

तपाईलाई पत्यार न लाग्न सक्छ तर फ्रेन्च फुटबलको पुनमुल्यांकन ब्राजिलका महान फुटबल खेलाडी पेलेले सर्वाधिक सात पटक बालन डि’ओर जितेका छन् ।

कसरी ?

तीन पटक विश्वकप जितेका पेलेले एक पटक पनि बालन डी’ओर जितेका छैनन् । सन् १९९० को दशक सम्म बालोन डि’ओर जित्नका लागि युरोपेली खेलाडी मात्र योग्य हुने नियम थियो । जसले गर्दा पेले आफ्नो खेल जीवनमा यो उपाधि जित्नबाट बन्चित रहे । सन् १९९५ मा आएर फ्रेन्च फुटबलले आफ्नो नियम परिवर्तन गर्दै बालोन डि’ओर सबै खेलाडीका लागि खुल्ला गरेको हो ।

युरोप बाहेक अन्य खेलाडीलाई के कस्तो अन्याय भयो भनेर फ्रेन्च फुटबलले पुर्नमुल्यांकन गर्दै यदि सबै खेलाडीलाई बालोन डि’ओरमा सहभागिता गराएको भए कसले कति पटक यो उपाधि जित्ने थिए भनेर अध्ययन गर्यो ।

उक्त पुर्नमुल्यांकन अनुसार पेले सात पटक बालोन डि’ओरको हकदार रहेका थिए । यदि पेलेले पनि बालोन डि’ओरमा सहभागि हुने मौका पाएका भए उनले सन् १९५८ देखि सन् १९६१ सम्म लगातार चार पटक, सन् १९६३ र सन् १९६४ मा दुई पटक र सन् १९७० मा एक पटक गरेर कुल सात पटक उक्त उपाधि चुम्ने थिए ।

उक्त पुर्नमुल्यांकन पछि फ्रान्स फुटबलले आफ्नो म्यागजिनको मुख्य पृष्ठमा पेलेले सात ओटा स्वर्ण बल लिएको फोटो सहित छापेको थियो ।

Continue Reading

१३औं दक्षिण एसियाली खेलकुद

सेरेना विलियम्सले लिइन फ्रेन्च ओपनको चौथो दिनमा नाम फिर्ता

wesportz

Published

on

तीन पटक कि च्यामपियन सेरेना विलियम्सले एकिलिसको चोटका कारण फ्रेन्च ओपनबाट आफ्नो नाम फिर्ता लिएकी छिन् ।

३९ वर्षिय सेरेनाले आज राती बुल्गेरियाकी त्वेताना पिरोनकोभासँग आफ्नो दोस्रो चरणको खेल खेल्ने कार्यक्रम  रहेको थियो ।

२३ ग्राण्ड स्ल्यामको उपाधी जितेकी सेरेनाले यस् पटकको फ्रेन्च ओपेन जित्दै मार्गरेट कोर्टको कृतिमानी २४ ग्राण्ड स्ल्यामलाई पछि पार्ने दाउमा रहेकी थिइन् ।

“मलाई लाग्छ म चार देखी छ हप्ता मैदान बहिर रहने छु,” सेरेनाले एउटा पत्रकार सम्मेलनमा भनिन् ।

“मलाई हिन्न पनि गार्हो भैरहेको छ । एकिलिस यस्तो चोट हो जुन तपाइँले अहिले चाहानुहुन्न तर यस्तो भन्दैमा म मैदान नफर्किने हैन, म अझ फिट  भएर कोर्टमा फर्कन चाहन्छु।”

यस महिनाको सुरुमा युएस ओपनको सेमिफाइनलमा भिक्टोरिया अझारेन्कासँग पराजित भए पछि सेरेनाले आफुलाइ एकिलिसमा समस्या आएको बताएकी थिइन् ।

सोमबार मात्र उनले अमेरिकी खेलाडी कृष्टि अहनलाई ७-६,७-२ र ६-० को सेटमा हराएकी थिइन् । उनले खेल जिते पनि उनलाई चोटले सताएको बताएकी थिइन् ।

सेरेनाले २००२,२०१३ र २०१५ मा फ्रेन्च ओपनको उपाधी जितेकी थिइन् ।

Continue Reading

Headline

“प्रकृतिक रुपले आयो र गए” खेलको बिचमै शौचालय गएका एरिक डायर भन्छन्

wesportz

Published

on

होजे मोउरिन्हो आफ्नो व्यवस्थापकीय क्यारियरमा धेरै खेलाडीको पिछा गरे होलान् तर वुधबार भने उनले एरिक डायरको पछाडि उनी अन्य कुनै कारणले दौडिएका थिए ।

कराबाओ लिग कप अन्तर्गत टोटनह्याम चेस्लीसँग खेल्दै थियो । ७७ औँ मिनेटमा टोटनह्याम १-० ले पछि  परेकोको अवस्थामा मुख्य डिफेन्डर मनिएका डायर अचानक मैदानबाट निस्किदै चेन्जिङ रुम तिर डौडिए ।

त्यस पछि डायरका प्रशिक्षक मोउरिन्होले  उनलाई लखट्दै टनल भित्र रहेको चेन्जिङ रुम तिर पुगेका थिए ।

तर डायर खेलको त्यस्तो महत्वपूर्ण घडीमा कहाँ कुदेका थिए होलन त ? सबैलाई अचम्मित पार्दै भित्र कुदेका डायरले खेल सकिए पछि सबै कुरा खुलाए ।

“यो परिस्थिती सबैले अनुभाव गरेको हुनु पर्छ,” खेल पछि डायरले भने ।

“यो मलाई पहिलो पटक भएको हो । म अहिले त ठीक छु तर त्यो समयमा म केही गर्न सक्दिन थिए । जब तपाईंलाई आँउछ तब तपाईं जानु नै पर्छ, यो रोकेर रोकिने कुरा हैन,” उनले हाँस्दै भने।

“मलाई थाहा थिएन मोउरिन्हो म पछाडि कुदिरहेका थिए तर उनलाई अहिले थाहा भयो होला । मैले मेरा डिफेन्डर साथीहरु टोबी एन्डेलविर्ल्ड र पिएरे -एम्ली होजबर्गलाई मलाई जानु छ भनेको थिए,”

“मलाई धेरै पेट दुखिरहेको थियो, मलाई जसरी हुन्छ जानु नै थियो र गए।” डायरले भने ।

डायर केही मिनेट पछि मैदान फर्किएका थिए । प्रशिक्षाक मोउरिन्हो उनीसँग रिसाउदै सँगै टनलमा पसेका थिए ।

“मोउरिन्हो खुशी थिएनन् तर पनि प्रकृतिक रुपले आयो र गए” डायरले थपे ।

भाग्यवश डायरका लागि टीमका साथी एरिक लामेला सात मिनेट बाँकी रहदा खेल बराबरी गर्दै टोटनह्यामलाई पेनाल्टीमा पुर्याएका थिए ।

पेनाल्टीमा पुगेको खेलमा डायरले टोटनह्यामका लागि पहिलो पेनाल्टी प्रहार गर्दै गोल पनि गरेका थिए ।

 

 

 

Continue Reading
IPL 20205 mins ago

जोफ्रा आर्चरको घातक बलिङका बाबजुद कोलकोताको विशाल स्कोर 

IPL 20202 hours ago

राजस्थान विरुद्ध कोलकाता पहिले ब्याटिङ गर्ने 

Headline3 hours ago

सर्वाधिक बालोन डि’ओर जित्ने खेलाडीको सुचीमा मेस्सी दोश्रो र रोनाल्डो तेश्रो । पहिलो को ?

IPL 20203 hours ago

लगातार तेश्रो जितको आशामा राजस्थान कोलकातासँग खेल्दै 

१३औं दक्षिण एसियाली खेलकुद4 hours ago

सेरेना विलियम्सले लिइन फ्रेन्च ओपनको चौथो दिनमा नाम फिर्ता

Headline10 hours ago

“प्रकृतिक रुपले आयो र गए” खेलको बिचमै शौचालय गएका एरिक डायर भन्छन्

Headline11 hours ago

म्यानचेस्टर सिटीले बेनफिकाबाट भित्र्यायो नयाँ डिफेन्डर

Headline19 hours ago

माउन्ट पेनाल्टीमा चुक्दा चेल्सी टोटनह्यामसँग पराजित

IPL 202022 hours ago

हैदराबादले पहिलो जित निकाल्दा दिल्लीको पहिलो हार

IPL 202024 hours ago

राम्रो सुरुवातका बाबजुद हैदराबादको मध्यम योगफल 

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending