Headline
१० क्षण जसले विरेन्दर सहवागलाई क्रिकेटको ‘थग लाइफ’ का बादशाह बनायो
Published
4 years agoon
By
wesportzविरेन्दर सहवाग बिश्व क्रिकेटका सबैभन्दा आक्रमक व्याट्स्म्यानहरुमध्ये गनिन्छन् । ट्विटरमा निकै सकृय रहेका सहवाग चातुर्यतापुर्वक हसाउन सक्ने व्यक्तिमा पनि गनिन्छन् । आफूलाई संकटमा पार्ने प्रश्नहरुलाई सहवागले साह्रै आरामले पन्छाउने गरेका छन् ।
तर सहवागले यो काम ट्विटरमा मात्रै गरेका छैनन् । क्रिकेट मैदानमा पनि उनले उत्तिकै चातुर्यता पुर्वक यस्तो स्थितिलाई सहजतापुर्वक ठट्टाका साथ नियन्त्रणमा लिने गरेका छन् । सामाजिक सञ्जालमा यसरी प्रतिकृया दिने शैलि थग लाइफ को नाममा बढी चर्चित रहेको छ । हेरौं सहवागका १० यस्ता क्षण जसले उनलाई क्रिकेटको थग लाइफ बादशाहको रुपमा स्थापित गरेको छ ।
१. सचिन र सहवागबीचको अन्तर
सहवागको अन्तर्राष्ट्रिय क्रिकेटमा पहिलो पटक आगमन हुदा उनलाई अर्को सचिन भन्ने गरिन्थ्यो । उनको उचाई, त्रिजमा बस्ने तरिका र ब्याटिङ्ग गर्ने शैलि भारतीय क्रिकेट लिजेण्ड सचिन तेन्दुल्करसँग मिल्दो जुल्दो हुने गथ्र्यो । सहवाग आफैले पनि एक अन्तर्वार्तामा आफ्नो ब्याटिङ्ग सचिनलाई नै हेरेर त्यही अनुसार बनाउने प्रयास गरेको बताउने गरेका थिए ।
उनको करिअरको शुरुवातमा एक पटक एउटा कार्यक्रममा पत्रकारले सहवालाई सोधेः “तपाई र सचिनबीचमा फरक के छ ?”
सहवागले उत्तर दिएः “हाम्रो बैंक ब्यालेन्स ।”
२. जेफ्रि बोइकटको योर्करमा छक्का
पुर्व इङ्गल्याण्ड क्रिकेटर जेफ्रि बोइकट निकै चलाख वक्तामा पर्ने गर्छन् । उनी कुनै पनि खेलाडीलाई निकै माथि उचालेर भुइमा थचार्न माहिर छन् । एक पटक उनले सहवाग आफूले देखेका बिश्वकै सबैभन्दा ट्यालेन्टेडमध्येका एक ब्याट्स्म्यान रहेको बताए । अनि फेरि उनले सहवाग ब्याटिङ्ग गर्दा दिमागबिहिन रहने गरेको पनि बताए । सहवागले त्यसलाई यसरी ह्याण्डल गरेः
“बोइकटलाई जे मन लाग्छ त्यो भन्न सक्छन् । उनले एक पटक पुरै दिन ब्याटिङ्ग गर्दै जम्मा एउटा चौका प्रहार गरेका छन् ।”
३. माइकल क्लार्क अर्को शिकार
अष्ट्रेलियन बिश्वकप बिजेता कप्तान माइकल क्लार्कलाई उनका टिमका साथीहरुले ‘पप’ भन्ने गर्छन् । कुकुरको बच्चालाई पप भनिएपनि क्लार्कलाई उनी निकै राम्रो देखिने भएकाले पप भनिने गरिएको हो । क्लार्क सहवागको कटाक्षबाट समेत अछुतो रहन सकनेनन् ।
२००४ मा हैदराबादमा भएको टेस्टमा सचिन र सहवाग अष्ट्रेलियाबिरुद्ध ब्याटिङ्ग गरिरहेका थिए । स्लेजिङ्गमा माहिर अष्ट्रेलिया लगातार दुई जोडीलाई हैरान बनाइरहेको थियो, बिशेष गरि क्लार्कले सचिनलाई । सचिनको उद्दारमा सहवाग उत्रिए र त्यसपछि क्लार्कको स्लेजिङ्ग नै बन्द गराइदिए ।
सहवागले क्लार्कलाई सोधेः “तिम्रो टिमका साथीहरुले तिमीलाई पप भन्छन् होइन ?” क्लार्कले हो भन्ने बित्तिकै सहवागले अर्को प्रश्न सोधिहालेः “कुन ब्रिड (जातको कुकुर) हो तिमी ?”
४. सचिनले भनेको नमानेपछि
पाकिस्तानबिरुद्ध मुल्तानमा सन् २००४ मा भएको टेस्टको यो क्षण पनि उत्तिकै रोचक छ जसबारे समर्थकहरु अझै पनि कुरा गर्ने गर्छन् । सहवाग २ सय ९५ रनमा खेलिरहदा सचिनले ओभरको बीचमा सहवागलाई भनेः “त छक्का हान्ने होइन ।” भारतबाट अहिलेसम्म कसैले ३ सय रन नछोएका कारण सचिन सहवाग धैर्य हुन चाहन्थे ।
तर सहवागले सचिनलाई जवाफ दिएः “सक्लैन मुस्ताक (स्पिनर) बलिङ्ग गर्न आउछन भने म छक्का त हान्छु, हान्छु ।” नभन्दै सक्लैन नै बलिङ्ग गर्न आए र सहवागले बिशाल छक्का प्रहार गर्दै भारतको टेस्ट इतिहासकै पहिलो तेहरो शतक पुरा गरे ।
५. यसपटक भने थग लाइफ काम लागेन
सन् २००६ मा पाकिस्तानबिरुद्ध टेस्ट जारी रहदा सहवाग र राहुल द्रविडले निकै उत्कृष्ट ब्याटिङ्ग गरिरहेका थिए । लाहोरमा भएको टेस्टमा युनिस खान, मोहम्मद युसुफ, शाहिद अफ्रिदी र कमरान अकमालले शतक प्रहार गरेपछि पाकिस्तानले ६ सय ७९ रनको बिशाल योगफल बनायो । बलरहरुको लागि केही नरहेको पिचमा त्यसपछि भारतको पालो आयो ।
चौथो दिनको खेलमा द्रविड र सहवागले ३ सय ७० रन जोडे जुन पाकिस्तानबिरुद्ध अहिले पनि टेस्ट क्रिकेटमा पहिलो विकेटका लागि सर्वाधिक ठूलो साझेदारी हो । अर्को किर्तिमान थियो पहिलो विकेटका लागि बिनु माँकड र पंकज रोयबीच ४ सय १३ रनको बिश्व रेकर्ड । १९५६ मा बनेको उक्त किर्तिमान दुई बर्षपछि मात्र तोडिएको थियो ।
चौथो दिनको समाप्तिपछि भएको पत्रकार सम्मेलनमा दुई ब्याट्स्म्यान नयाँ बिश्व किर्तिमान बनाउन नजिक रहेको बताउदा सहवागले जवाफ दिएः “को बिनु मांकड ?” सहवागको जवाफले हल हासोले गुञ्जिएपनि भोली पल्ट भारतले नयाँ किर्तिमान कायम गर्न असफल रह्यो । सहवाग ठूलो शट खेल्ने चक्करमै आउट हुँदा भारत चार रनले चुकेको थियो ।
६. रज्जाकलाई सम्हाल्न बिशेष योजना
ट्वान्टी ट्वान्टी क्रिकेटको आविष्कारअघि भारतीय क्रिकेट इङ्गलिस काउन्टि च्याम्पियनसिपमा आबद्ध हुने गर्दथे । सहवागले पनि केही समय लेस्टरसायर काउन्टिमा बिताएका थिए । २००३ मा लेस्टरसायर जेरेमी स्नेपसँग ब्याटिङ्ग गरिरहेका थिए र पाकिस्तानी अलराउण्डर अब्दुल रज्जाकले रिभर्स स्विङ्ग गर्दै दुवै ब्याट्स्म्यानलाई हैरान पारेका थिए ।
रज्जाकलाई सम्हाल्नका लागि सहवागको दिमागमा आइडिया आयो । उनले स्नेपसँग कुरा गर्दै भनेः “मसँग एउटा योजना छ । हामीले यो बल हराउनु पर्छ ।” अर्को बलमा सहवागले रज्जाकलाई बिशाल छक्का प्रहार गरे । बल स्टेडियम बाहिर गयो र हरायो । अम्पयारले अर्को बल ल्याएपछि सहवागले स्नेपलाई भनेः
“अब अर्को एक घण्टा आरामले खेल्दा हुन्छ ।”
७. बाउण्डरीमा १ सय ९५ रनमा आउट हुँदा
२००३ को मेलबर्न टेस्टमा सहवाग निकै आक्रमक खेलिरहेका थिए । शतक प्रहार गरिसकेपछि सहवाग अर्को बिशाल योगफलतर्फ अग्रसर भए । उनीसँगै क्रिजमा थिए राहुल द्रविड । १ सय ९५ रनमा रहदा सहवागले ठूलो शट प्रहार गर्दै दोहोरो शतक पुरा गर्न खोजे तर समातिन पुगे ।
आउट भएपछि द्रविडले सहवागलाई भनेः “त डबल सेन्चुरीभन्दा जम्मा पाँच सिँगल पर मात्र थिइस, मज्जाले पुरा गर्न सक्थिस ।” सहवागले द्रविडलाई जवाफ फर्काएः “म छक्का प्रहार गर्न मात्र तीन यार्डले चुके ।”
८. आक्रमक रणनीतिमा चातुर्यतापूर्ण जवाफ
पहिलो बलदेखि नै आक्रमक रणनीतिका साथ खेल्न रुचाउने सहवागसँग साच्चिकै बिश्वकै घातक बलरहरु डराउथे । सहवागले आफै विकेट दिने गरेकाले पहिले नै उनलाई आउट गर्न सकिने भएपनि उनी एक पटक क्रिजमा टिकेपछि भने बलरहरु हैरान नै हुने गर्थे । अष्ट्रेलियाका ग्लेन म्याग्रा र ब्रेट लीलाई पनि सहवाग निकै आरामका साथ खेल्ने गर्थे ।
एक पटक पत्रकार सम्मेलनमा उनलाई घातक बलरहरुलाई पनि कसरी यस्तो आरामले हान्न सक्नुहुन्छ भनेर सोधिएको थियो । सहवागले भनेः “मैले बललाई हान्ने हो, बलरलाई होइन ।”
९. फुटवर्कलाई लिएर अर्को अभिव्यक्ति
भारतका लागि किर्तिमानी रनहरु बनाउनुका साथै बिश्व क्रिकेटमै उत्कृष्ट ब्याट्स्म्यानको छवि बनाएका सहवाग उनको नसुहाउदो फुटवर्कका कारण भने सधै आलोचित हुने गर्थे । उनले जुन सुकै बलरलाई पनि खासै खुट्टा नचलाउदै खेल्ने गर्थे र धेरै पटक त्यसैका कारण आउट पनि हुने गथै ।
एक पटक सहवागलाई बिदेशी रिपोर्टरले उनको फुटवर्कको बारेमा प्रश्न सोध्दा उनले भनेः “शायद उनीहरुलाई थाहा छैन मैले त्यस्तो शटहरु खेल्नका लागि फ्ल्याट पिचमा १० बाल्टिन पानी बगाएर अभ्यास गर्ने गर्छु ।”
१०. भारतीय राष्ट्रिय टोलीबाट बाहिरिदा
२०११ को बिश्वकपको उपाधि जितेपछि भारतीय चयनकर्ताहरुले टिमका सिनियर खेलाडी सहवागलाई नराख्ने कठिन निर्णय लिए । उनलाई रिपोर्टरले सोधे: “तपाई त अब भारतको लागि फेरि नखेल्न पनि सक्नु हुन्छ होइन ?” सहवाग सधै जसो जवाफ दिने मुडमै थिएः “यो घाटा कसलाई भएको छ त ?”
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।