Connect with us

Headline

पिएसजीको ९–० को जित दर्शकको प्रवेशले छायाँमा

wesportz

Published

on

फ्रेञ्च लिग च्याम्पियन पेरिस सेन्ट जर्माइनले आइतबार एक मैत्रीपूर्ण खेलमा दोश्रो श्रेणीको क्लब ले हाभ्रेलाई ९–० को फराकिलो अन्तरले पराजित गर्यो । तर चर्चा पिएसजीको फराकिलो जितको भएन । फुटबलको जित मानिएको खेलमा फ्रेञ्च फुटबलले कोरोना भाइरसपछि युरोपको पाँच प्रमुख फुटबलिङ्ग राष्ट्रमध्ये पहिलो पटक दर्शकलाई समावेश गराएको थियो । पिएसजीको रवाफिलो जितलाई दर्शकको प्रवेशले छायामा पार्न पुग्यो ।

गत सप्ताहन्त अघि फ्रेञ्च सरकारले स्वास्थ्य प्रोटोकोल केही खुकुलो पारेपछि दर्शक, खेलाडी, पत्रकार र स्टाफहरु गरेर कुल ५ हजार ले हाभ्रेको घरेलु मैदानमा भएको खेलमा उपस्थित रहेका थिए । ३० युरो र ६० युरो तोकिएको टिकटहरु ६ मिनेटमै बिक्रि भएको थियो ।

“यो फ्रेञ्च फुटबल र समग्रमा खेलकुदकै जित हो,” खेलकुद मन्त्री रोक्साना मारासिनिनुले भने । “बढी मान्छे स्टेडियममा हुने गरि फुटबल लोकप्रिय तरिकाले नै फ्रान्समा सुचारु भएकोमा म निकै खुशी छु । पश्चिम युरोपमा हामीले मात्र यो सम्भव हुन दिएको छौं ।”

फ्रान्सले फुटबल सिजनलाई नै रद्द गर्दा जर्मनी, इङ्गल्याण्ड, इटाली र स्पेनले भने लिगलाई सुचारु गरेका थिए । तर ती सबै देशहरुमा फुटबल खाली रँगशालामा सञ्चालन हुदै आएको छ । आइतबार सामाजिक दुरी कायम गरिनुपर्ने नियम लागेपनि २५ हजार दर्शक क्षमता रहेको रँगशालामा प्रवेश गरेपछि भने स्वतन्त्रता पुर्वक एकतृत भएका थिए ।

“केही शर्तहरु रहेपनि यो साधारण जीवनमा फर्किएको जस्तो महसुस भएको छ,” ले हाभ्रेको सबैभन्दा ठूलो समर्थक समुह ले बार्बरियन्स हाभ्रेका अध्यक्ष योहान भाट्टियरले भने । “हामीलाई पिएसजीको कुनै मतलब छैन, यो खेल हाम्रो लागि आफ्ना साथीहरुसँगै हुने पहिलो तरिका रहेको थियो । हाम्रो जस्तो समुहहरुले नियम लाद्न अलि गाह्रो हुन्छ किनभने हाम्रो एकै ठाँउमा झुम्मिएर बस्ने बानी छ । तर हामी सम्भव रहेसम्म नियमहरु मान्नको लागि तयार छौं,” उनले थपे ।

गोल गरेपछी खुशीयाली मनाउदै नेमार, इकार्डी र एमबाप्पे

२० बर्षिय पिएसजीका डाइ हार्ड फ्यान एलनले आफ्नो सपनाको टोलीलाई खेलेको प्रत्यक्ष हेर्न पाउदा सम्भावित स्वास्थ्य खतरातर्फ खासै ध्यान नगएको बताए । “जब मैले पेरिस हो भनेर थाहा पाए, मलाई अरु कतै तिर ध्यान नै गएन । टिभीमा खाली रँगशालाको फुटबल हेर्दा हेर्दा दिक्क लागिसकेको छ,” एलान भन्छन् ।

खेलमा भने नेमार र माउरो इकाडीले दुई–दुई र किलियन एमबाप्पेले एक गोल गरेपछि पिएसजीले पहिलो हाफमै पाँच गोल गरेको थियो । पिएसजी त्यसपछि १० खेलाडी परिवर्तन गरेको थियो । दोश्रो हाफमा पाब्लो साराबियाले दुई गोल गरे भने इद्रिसा गुयेये र आर्नौड कालिमुयेन्डोले १–१ गोल थपेका थिए ।

जुलाई अन्तिम र अगष्ट पहिलो हप्ताहरुमा व्यस्त रहेको पिएसजीले फ्रेञ्च कप फाइनलमा सेन्ट एटिनेको जुलाई २४ मा सामना गर्दैछ भने त्यसको एक सातापछि फ्रेञ्च लिग कप फाइनलमा लियोनसँग खेल्नेछ । यस्तै च्याम्पियन्स लिगमा पिएसजीले इटालियन टोली एट्लान्टाको सामना अगष्ट १२ मा गर्नेछ । दुवै फेञ्च फाइनल पेरिसको स्टाड डे फ्रान्समा हुनेछ ।

८० हजार सिट क्षमता रहेको रँगशालामा दर्शकको संख्या जुलाई १८ मा निर्धारण गरिने खेलकुद मन्त्रीले बताएका छन् । यसअघि फ्रेञ्च फुटबलले पाँच हजारलाई उक्त दुई फाइनल हेर्नका लागि प्रवेश दिइने बताएको थियो ।

Headline

युरोपियन राउन्ड अप: म्यानचेस्टर युनाइटेड चेल्सी बराबर,लेवानडस्कीको ह्याट्रिक

wesportz

Published

on

प्रिमियर लिग

प्रिमियर लिग अन्तर्गतको ठुलो खेलमा म्यानचेस्टर युनाइटेड र चेल्सीले गोल रहित बराबरी खेल्दै अंक बाडेका छन् ।

ओल्ड ट्राफोर्डमा भएको खेलमा दुवै टोलीले राम्रो मौकाहरुलाई सदुपयोग गर्न सकेनन् ।

पहिलो हाफमा भिएआरले उचित निर्णय लिना नसक्दा चेल्सीले पेनाल्टीको अवसर गुमाएको थियो । दोस्रो हाफमा भने चेल्सीले राम्रो डिफेन्डिङ गरेको थियो युनाइटेडको लगातारको मौकाहरुलाई बिफल पार्ने क्रममा चेल्सीका एड्वार्डो मेन्डीले उत्कृष्ट बचाउ गरेका थिए ।

यो खेलसँगै ६ खेल खेलेको चेल्सीले तीनमा बराबरी दुईमा जित र एकमा हार बेहोरेको छ । यता एक खेल काम खेलेको युनाइटेडले भने दुईमा जित दुईमा हार र एक खेल बराबरी खेलेको छ ।

यस्तै अन्य खेलहरुमा म्यानचेस्टर सिटी वेष्ट ह्यामसँग १-१ को बराबरीमा रोकिएको छ । पहिलो हाफमा मिकेल एन्टोनियोको गोलले पछि परेको सिटीका लागि बराबरी गोल दोस्रो हाफको ५१ औँ मिनेटमा फिल फोडेनले गरेका थिए । सिटीले पनि पाँच खेल खेल्दै दुईमा जित दुईमा बराबरी र एकमा हार बेहोरेको छ ।

अर्को खेलमा भने क्रिस्टल प्यालेसले फुलह्यामलाई २-१ ले हराएको थियो ।

बुन्डेसलिगा

बुन्डेसलिगामा भने बायर्न म्युनिखले फ्रंन्कफटलाई ५-० गोलले हराएको छ ।

बायर्नका लागि रोबर्ट लेवानडस्कीले तीन गोल गरे भने लिरोय साने र जमल मुसियलाले एक गोल गरेका थिए ।

लेवानडस्कीले आफ्नो पहिलो गोल १० औँ मिनेटमा गर्दै बायर्नलाई १-० को अग्रता दिलाएका थिए । बायर्नका लागि दोस्रो गोल पनि लेवानडस्कीले २६ औँ मिनेटमै गरेका थीए ।

पहिलो हाफमा २-० को अग्रता लिएको बायर्नले दोस्रो हाफमा भने अरु तीन गोल गरेको थियो । ६० औँ मिनेटमा बायर्न र व्यक्तिगत तेस्रो गोल गर्दै लेवानडस्कीले ह्याट्रिक पुरा गरेका थिए ।

चौँथो गोल भने ७२ औँ मिनेटमा लिरोय साने र पाँचौ गोल भने जमल मुसियलाले ९० मिनेटमा गरेका थिए ।

यस्तै बोरुसिया डर्टमण्ड र साल्का बिचको डर्बीमा भने डर्ट्मण्ड ३-० गोलले बिजयी भएको छ । डर्टमण्डको जितमा मनुयल आकन्जी,एल्रिङ्ग हालांड र म्याट हुमल्सले गोल गरेका थिए ।

यता सेरी आ मा भने इन्टर मिलानले गेओनालाई २-० गोलले पराजित गरेको छ । इन्टरको जितमा रोमेलु लुकाकु र डानियल डिअंब्रोसियोले गोल गरेका थिए ।

यो पनि पढ्नुहोस्: क्याम्प नोउमा रियलको राज, बार्सिलोना पराजित

 

Continue Reading

Headline

क्याम्प नोउमा रियलको राज, बार्सिलोना पराजित

wesportz

Published

on

२०२०/२०२१ सिजनको पहिलो एल क्लासिकोमा रियल म्याड्रिडले बार्सिलोनालाई ३-१ गोलले हराएको छ ।

रियलका लागि फिडे भालभर्डे,सर्जियो रामोस र लुका मोड्रिचले ले एक-एक गोल गरेका थिए भने बार्सिलोनाका लागि १७ वर्षिय अंशु फातीले एक गोल गरेका थिए ।

खेलको पहिलो गोल पाँचौ मिनेटमै रियल म्याड्रिडका लागि फिडे भालभर्डेले गरेका थिए । तर त्यसको चार मिनेट पनि नबित्दै बर्सिलोनाका लागि अंशु फातीले बराबरी गोल गर्दै खेल १-१ को स्थितीमा पुराएका थिए ।

१७ बर्षिय अंशु फाती एल क्लासिकोमा गोल गर्ने कान्छो खेलाडी समेत बनेका छन् । पहिलो हाफ १-१ को बराबरीमा सकिएको खेलको दोस्रो हाफमा भने रियल म्याड्रिडका लागि सर्जियो रामोसले पेनाल्टी मार्फत गोल गरेका थिए ।

बार्सिलोनाका सेलिमेन्ट लिङ्लेटले रामोसको जर्सी तान्दै डि-बक्समा लडाए पछी पाएको पेनाल्टीलाई सदुपयोग गर्दै ६३ औँ मिनेटमा गोल गरेका थिए ।

रियलले खेलको ८६ औँ मिनेटमा तेस्रो गोल गर्ने शुवर्ण अवसर गुमाउन पुगेको थियो । लुका भस्केजको पासको सदुपयोग गर्दै सर्जियो रामोसले गरेको उत्कृष्ट भलीलाई बर्सिलोनाका किपर नेटोले राम्रो बचाउ गरेका थिए तर ९० औँ मिनेटमा भने रियलले खेलमा तेस्रो गोल गर्न सफल भएको थियो । रियलका लागि लुका मोड्रिचले गोल गर्दै तीन डिफेन्डरलाई छलाउदै गोल गरेका थिए ।

जित पछि रियल म्याड्रिड ला लिगाको शिर्ष स्थानमा पुगेसँगै   जिनेदिन जिदान र रियल म्याड्रिड दुवैलाई केही राहत मिलेको छ ।

Continue Reading

Headline

आहा ! क्लोपको कति राम्रो दाँत !

wesportz

Published

on

योर्गेन क्लोपले आफ्नो फुटबल करिअरका दौरान धेरै कुरामा परिवर्तन ल्याएका छन् । लिभरपुललाई इङ्गलिस फुटबलमा दिएको उचाईदेखि जर्मनीमा बोरुसिया डर्टमण्डको भाग्य पुनर्जिवित गर्दा सम्मको नायक हुन, योर्गेन क्लोप ।

डगआउटमा आफ्नो छुट्टै पहिचान बोकेको बेसबल क्याप ढल्काउदै उभिने क्लोप लिभरपुललाई खेलाउने ’हेभी मेटल फुटबल’ र ’गनप्रेस’ जस्तो फुटबल रणनीतिका आधार हुन् । व्यवस्थापकहरु मध्ये क्लोपको व्यक्तिगत आवरणको तुलनामा कसैसँग प्रतिस्पर्धा हुन सक्दैन । २०१३ मा आफ्नो कपाल प्रत्यारोपण गरेको खुल्ला रुपमा स्वीकार्ने क्लोपको धेरै समर्थकहरुले उनी लिभरपुल आए पछि अझै एक कुरा याद गरेको हुनुपर्छ – उनको दात ।

क्लोप यि दातहरुमा यति मज्जाले हास्छन कि उनलाई देखेर बिपक्षी खेलाडीहरु पनि रिसाउन सक्दैनन् । तर यस्तो राम्रो दात देखाएर हास्ने क्लोपको डेण्टिस्ट को होलान् ? विश्वकै नम्बर एक डेण्टिस्ट ? होइन ! उनी हुन् लिभरपुलका साधारण डेण्टल क्लिनिकका डाक्टर रोब्बी ह्युज ।

रोब्बीले २०१९ मा ब्रिटिस मिडिया नेट्वोर्क (बिबीसी) लाई दिइएको अन्तर्वातामा, रोबर्टो फर्मिन्होको दातको काम गरे पछि उनी क्लोपसँग नजिकिएको बताएका थिए । “क्लोपसँग काम गर्न पाएको चाँही मैले रोबर्टो फर्मिन्होको दात बनाइदिए पछि हो । क्लोपलाई पनि फर्मिन्होको जस्तै केही गर्नु थियो र उनी म कहाँ आएका थिए,” रोब्बीले भने । “उनी जब मेरो क्लिनिक आएका थिए उनले मलाई फर्मिन्होको दात मन परेको र आफ्नो दात राम्रो भए पनि अझै ठीक गर्न मन लागेको बताएका थिए ।”

डा.रोब्बीले दातलाई एन्टीबायोटिकको आवश्यकता भएको र उपचार गरे दात ठीक हुने बताए पनि क्लोपले पहिलो पटक भने अस्वीकार गारेका थिए । “डेण्टिस्टका गएर सिधै मलाई फर्मिन्होको जस्तो दात चाहियो भनेको थिइन,“ क्लोपले एक अन्तर्वातामा भनेका थिए । मेरो दातको शल्यक्रिया निकै लामो थियो । म बिचमा एक पटक शौचालय नै गए । त्यहा पुगेर ऐना हेर्दै यो मेरो जिन्दगी भर रहने कुरा हो यसलाई त आजै सक्काउनु पर्छ भन्दै सोचे र फेरी त्यही दिन सबै उपचार सक्काए,“

“मेरा दात पहिलाको भन्दा फरक भए पनि मलाई चाँही मन पर्छ, मलाई अहिले सहज महसुस हुन्छ,” क्लोपले हस्दै भने । क्लोपको यति राम्रो हाँसोको श्रेय भने डक्टर रोब्बी ह्युजलाई नै जानु पर्छ ।

Continue Reading
Headline4 hours ago

युरोपियन राउन्ड अप: म्यानचेस्टर युनाइटेड चेल्सी बराबर,लेवानडस्कीको ह्याट्रिक

IPL 20204 hours ago

हैदराबाद माथि पन्जाबको सनसनीपूर्ण जित 

IPL 20207 hours ago

पन्जाबको खराब ब्याटिङ, हैदराबादलाई १२७ रनको सामान्य लक्ष्य 

Headline7 hours ago

क्याम्प नोउमा रियलको राज, बार्सिलोना पराजित

IPL 20209 hours ago

चक्रवर्थीले घातक बलिङ गर्दा कोलकातासँग दिल्लीको लज्जास्पद हार

IPL 202011 hours ago

राना र नारायणको अर्धशतकमा दिल्लीलाई कोलकाताको विशाल लक्ष्य  

Headline12 hours ago

आहा ! क्लोपको कति राम्रो दाँत !

IPL 202013 hours ago

टस जितेर दिल्ली पहिले फिल्डिङ गर्दै 

Headline13 hours ago

प्रिमियर लिगमा आज: चेल्सी विरुद्ध म्यानचेस्टर युनाइटेड,सिटी र वेष्ट ह्याम भिड्दै

IPL 202015 hours ago

आईपीएलमा आज डबल हेडर, दिल्ली र कोलकाता तथा पन्जाब र हैदराबाद भिड्दै 

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending