Connect with us

Headline

सिटीको ९ हारले अवाक बनेका ग्वार्डियोला

wesportz

Published

on

म्यानचेस्टर सिटी व्यवस्थापक पेप ग्वार्डियोलाले इङ्गलिस प्रिमियर लिगमा आफ्नो टोलीले यो सिजन कसरी १० खेल हार्न पुग्यो यो बुझ्न नै संघर्ष गर्नु परिरहेको बताएका छन् ।

साउथ्याम्प्टनसँग आइतबार १–० ले स्तब्ध भएपछि सिटी लगातार तीन अवे खेलमा पराजित भएको छ । बार्सिलोना र बायर्न म्युनिखको व्यवस्थापन गर्दा पनि ग्वार्डियोलाले कुनै पनि लिग सिजनमा ९ खेलमा पराजय बेहोर्नु परेको थिएन ।

“हामीले राम्रो भन्दा बढी गरेका छौं तर खेलहरु जित्नको लागि पर्याप्त भइरहेको छैन । हामीले गोल नगरेको होइन । गोलमा हामी नै अगाडी छौं । हामीले प्रशस्तै मौकाहरु बनाएको छौं । हामीले कम गोल खाएको छौं र मौका पनि कम नै बनाउन दिएको छौं तर धेरै खेलहरु हार्न पुगेको छौ,” ग्वार्डियोलाले भने ।

म्यानचेस्टर सिटीले यो सिजन आफ्नो पोस्टमा मात्र २ सय ४९ प्रहार सामना गरेको छ जुन लिभरपुलभन्दा ५९ कम हो । यद्दपि लिभरपुलले सिटीभन्दा ९ गोल कम खाएको छ । “मलाई कुनै एक कारण (धेरै हारको सामना गर्नको पछाडी) थाहा पाउन गाह्रो छ । तर खेलेको बारेमा कुरा गर्नु जरुरी छ । कसरी खेलिएको छ, बढी गर्न खोजिएको छ र सकेसम्म थोरै गोल खादै बढी भन्दा बढी गोल गर्ने प्रयासहरुको बारेमा अध्ययन गर्न आवश्यक छ,” ग्वार्डियोलाले भने ।

साउथ्याम्प्टनसँगको हारपछि स्तब्ध डेभिड सिल्भा र लापोर्टे

पछिल्लो लगातार दुई सिजनको उपाधि जित्ने क्रममा सिटीले २०१७–१८ मा प्रिमियर लिगको किर्तिमानी एक सय र २०१८–१९ मा दोश्रो किर्तिमानी ९८ अंक बटुलेको थियो । तर यो सिजन लिभरपुलको अगाडी घुँडा टेकेको सिटी योर्गन क्लोपको टोलीसँग पाँच खेल बाकी हुदा २३ अंकले पछि परेको छ । लिभरपुलले एन्फिल्डमा भएको खेलमा आइतबार राति एस्टन भिल्लालाई २–० ले हराएको थियो ।

आफूले व्यवस्थापन गरेको क्लबहरुमा धेरै अंकले पछाडी पर्ने क्रममा ग्वार्डियोलाको डेब्यु सिजनमा सिटी २०१६–१७ मा चेल्सीसँग १५ अंकले पछि परेको थियो भने २०११–१२ मा उनले हेरेको बार्सिलोना स्पेनिस ला लिगामा रियल म्याड्रिडसँग ९ अंकले उपाधि हार्न पुगेको थियो ।

लिभरपुललाई ४–० ले ध्वस्त पार्दा सिटी उत्कृष्ट देखिएको थियो तर आइतबारको पराजयले ग्वार्डियोलाको टोलीले पछिल्लो ९ प्रिमियर लिग खेलमा चारमा हार बेहोर्न पुगेको छ । तर स्पेनिस ग्वार्डियोला भने आफ्नो टोलीले यही सिजन नै फेरि पनि आफूलाई उत्कृष्ट साबित गरेर देखाइ छाड्नेमा बिश्वस्त छन् ।

“हामी त्यही टोली हुनेछौं र यसअघिका सिजनहरुमा पनि राम्रो गर्न सफल भएकोमा उत्कृष्ट भएर देखाउन सक्ने मलाई बिश्वास छ । यो सिजन पनि हामीले पहिले जस्तै खेलेका हौं तर लिगका खेलहरु जित्नका लागि अपुग भयो,” उनले भने ।

लिगको उपाधि हातबाट फुत्किसकेपनि काराबाओ कप जितेको सिटीले यो सिजन ट्रेबल (तीन वटा उपाधि) जित्न सक्छ । सिटीले च्याम्पियन्स लिग प्रि क्वार्टर–फाइनलमा रियल म्याड्रिडबिरुद्ध पहिलो लेगमा २–१ को जित हात पारेको छ भने एफए कपको सेमिफाइनलमा आर्सनलसँग खेल्न गइरहेको छ ।

Headline

बिनोद भण्डारीको शतक भिडियो हाइलाइट्समा

wesportz

Published

on

त्रिभुवन आर्मी क्लबका कप्तान बिनोद भण्डारीले चौथों संस्करणको प्रधानमन्त्री कप पुरुष राष्ट्रिय क्रिकेट प्रतियोगिताको पहिलो खेलमा नै शतक प्रहार गरे ।

भण्डारीको शतकको मद्धतमा आर्मीले पहिले ब्याटिङ गर्दै पुरै ५० ओभर खेलेर छ विकेटको नोक्सानीमा २८७ रन बनायो भने जवाफी ब्याटिङ गरेको गण्डकी प्रदेशले ४८ ओभर खेल्दै आफ्ना सबै विकेट गुमाएर मात्र १८९ रन बनाउन सक्दा ९८ रनले पराजित हुन पुग्यो ।

चौथों नम्बरमा ब्याटिङ गर्न आएका कप्तान भण्डारीले ७६ बलको सामना गर्दै नौं चौका र पाँच छक्काको मद्धतमा अविजित १११ रनको पारी खेले । भण्डारीको राष्ट्रिय क्रिकेट प्रतियोगितामा पहिलो शतक पनि हो ।

हेर्नुहोस् भण्डारीको आक्रमक शतकको भिडियो हाइलाइट्स

Continue Reading

Headline

रत्नजित, प्रिन्स, प्रफुल, दिपेश सेमिफाइलनमा

wesportz

Published

on

राष्ट्रिय च्याम्पियन त्रिभुवन आर्मी क्लबका रत्नजित तामाङ्ग, उदीयमान खेलाडी सिल्क ग्रुपका प्रिन्स दाहाल, आर्मीका प्रफुल महर्जन र एपिएफका दिपेश धामीले योनेक्स सनराईज १० औं पुष्पलाल स्मृती राष्ट्रिय र्याङ्किङ्ग प्रतियोगिताको पुरुष उच्च १६ को अन्तिम चारमा स्थान पक्का गरेका छन् ।

शुक्रबार गोलबजार कभर्डहलमा भएको क्वाटरफाईनल खेलमा रत्नले भोजपुरका बिकास श्रेष्ठलाई २१–१८, २१–१८ को समान अन्तरले पराजित गर्दै सेमिफाईनलमा स्थान बनाए । अव रत्नले फाईनल प्रवेशका लागि सिल्क ग्रुपका प्रिन्स संग प्रतिस्पर्धा गर्नेछन् ।

प्रिन्सले आर्मीका नविन श्रेष्ठलाई २१–११, २१–१७ ले पन्छाउँदै सेमिमा स्थान बनाएका हुन् । यस्तै आर्मीका प्रफुलले एपिएफका गौतम कठायतलाई ९–२१, २१–१६, २१–१३ ले पराजित गर्दै सेमिफाईनलमा एपिएफका दिपेश धामी संगको भेट पक्का गरेका हुन् । दिपेशले आर्मीका रुकेश महर्जनलाई २१–१३, २१–९ ले पराजित गरे ।

महिला उच्च १२ तर्फ भोजपुरकी नङ्गशलदेवी तामाङ्ग एपिएफकी शोभा गौचनलाई २१–६, २१–१५ ले पराजित गर्दै अन्तिम चारमा स्थान बनाएकी हुन् । उनले अव सेमिफाईनलमा जेशिका गुरुङ्गको सामना गर्नेछिन् । एपिएफकी जेशिकाले आफ्नै क्लबकी सुनयना मुखियालाई २१–९, २१–१७ ले पन्छाईन् ।

यस्तै आर्मीकी रशिला महर्जनले बिराट ब्याडमिन्टन क्लबकी सिमा राजबंशीलाई २१–१७, २१–७ ले पराजित गर्दै आर्मीकै अमिता गिरी संगको भेट पक्का गरिन् । गिरीले आर्मीकै अनुमाया राईलाई २१–१६, २१–९ ले पराजित गरिन् ।

Continue Reading

Headline

आर्मीबिरुद्धको हारमा गण्डकीको सम्मानजक प्रदर्शन

wesportz

Published

on

त्रिभुवन आर्मी क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा बिजयी शुरुवात गरेको छ । त्रिवि मैदानमा शुक्रबार भएको खेलमा उपाधिको प्रबल दाबेदार आर्मीले गण्डकी प्रदेशलाई ९७ रनले पराजित गर्यो ।

टस जिति पहिलो ब्याटिङ्ग गरेको आर्मीका लागि कप्तान बिनोद भण्डारीले घरेलु क्रिकेटमा पहिलो शतक प्रहार गरेपछि ५० ओभरमा ६ विकेट गुमाउदै २ सय ८८ रन बनायो । जवाफमा गण्डकी ५० ओभरमा १ सय ८९ रनमै समेटियो ।

ओपनर तथा भेटेरान दिपेश खत्रीलाई सस्तोमै गुमाएपनि युवा खेलाडीहरुले भरिपूर्ण गण्डकी टोलीले आर्मीको सशक्त बलिङ्ग आक्रमणबिरुद्ध सम्मानजनक प्रदर्शन गरेको थियो । तिब्र गतिका बलरद्वय सोमपाल कामी र करण केसीसँगै युवा अलराउण्ड कुशल मल्ल अनुपस्थित रहेपनि आर्मीको टोली राम्रो देखिएको छ ।

१५ बर्षिय युवा ब्याट्स्म्यान अर्जुन कुमालले लोभलाग्दो ब्याटिङ्ग गर्दै दोश्रो विकेटका लागि समिर कँडेलसँग ५२ रनको साझेदारी गरेका थिए । अर्जुनले ५४ बलमा ५ चौकाको मद्दतमा ३६ रन बनाए । समिरले त्यसपछि दिपक डुम्रे (२६) सँग तेश्रो विकेटका लागि ७० रन जोडेपछि गण्डकीले प्रभावशाली खेल प्रदर्शन गरेको थियो । समिरले ९० बलमा ५० रन बनाए भने चार चौका समेत हिर्काएका थिए ।

गण्डकीका लागि कप्तान बिपिन खत्रीले आक्रमक ब्याटिङ्ग गर्दै २५ बलमा चार छक्का र दुई चौका सहित ३७ रन बनाएपछि उ २ सय रन नजिक पुगेको थियो । मुख्य बलरहरुले विकेट लिन नसक्दा राजेश पुलामी मगरले ९ ओभरमा मात्र २५ रन खर्चदै पाँच विकेट लिएका थिए ।

भिम सार्कीले सात ओभरमा २६ रन दिदै तीन विकेट लिए ।

यसअघि घरेलु क्रिकेटमा पहिलो शतक प्रहार गरेपछि आर्मीले बिशाल योगफल बनाएको थियो । ब्याटिङ्ग पिचमा टस जिति पहिलो ब्याटिङ्ग गरेको आर्मीका लागि भण्डारीले उत्कृष्ट इनिङ्गस खेल्दै घरेलु क्रिकेटको जुनसुकै संरचनामा यो पहिलो शतक हो ।

ओपनर राजु रिजाल र हरेकृष्णा झाले पहिलो विकेटका लागि उल्लेखनीय साझेदारी गर्दै बलियो शुरुवात दिलाएपछि भण्डारीले त्यसलाई ठूलो स्कोरमा परिणत गरेका थिए । भण्डारीले छैटौ विकेटका लागि लोकेश बमसँग १ सय ३ रनको शतकीय साझेदारी गरेका थिए ।

भण्डारीले ७६ बलमा ९ चौका र पाँच छक्काको मद्दतमा १ सय ११ रन बनाए । निकै आकर्षक ब्याटिङ्ग गरेका लोकेशले पनि आर्मीको लागि आफ्नो पहिलो खेलमा ३० बलमा तीन चौका र दुई छक्काको मद्दतमा ४२ रन बनाए ।

भण्डारीले राजेश पुलामी मगरसँग पाचौं विकेटका लागि ७३ रन पनि जोडेका थिए । राजेशले ५२ बलमा चार छक्का प्रहार गरे । आर्मीलाई राम्रो शुरुवात दिलाउने क्रममा राजुले हरेकृष्ण (१४) सँग ६३ रनको साझेदारी गरेका थिए ।

राजेशले ७१ बलमा चार चौका र एक छक्काको मद्दतमा ४५ रन बनाए । गण्डकीका लागि बिपिन खत्री र बिशाल पौडेलले २–२ विकेट लिएका थिए । आर्मीका लागि रोहित कुमार पौडेल (१०) र भिम (१५) ले पनि दोहोरो अंकमा रन जाडेका थिए ।

Continue Reading
Headline7 hours ago

बिनोद भण्डारीको शतक भिडियो हाइलाइट्समा

Headline10 hours ago

रत्नजित, प्रिन्स, प्रफुल, दिपेश सेमिफाइलनमा

Headline11 hours ago

आर्मीबिरुद्धको हारमा गण्डकीको सम्मानजक प्रदर्शन

Headline13 hours ago

महिला लिग फुटबलमा हालसम्मकै सर्वाधिक पुरस्कार

Headline14 hours ago

बिनोद भण्डारीको घरेलु क्रिकेटमा पहिलो शतक

Headline16 hours ago

रोनाल्डो भर्सेस लुकाकुः सिरी आ सिजनको निर्णायक खेलमा इन्टर र युभेन्टसको भिडन्त

Headline19 hours ago

आर्सनल र प्यालेस बराबरीमा

Headline20 hours ago

बिल्बाओसँग पराजित भएपछि रियल सेमिफाइनलबाट बाहिरियो

Headline1 day ago

पिएम कप आजबाट, उद्घाटन खेलमा आर्मी र गण्डकी भिड्ने (खेल तालिका सहित)

Headline1 day ago

रत्नजित, दिपेश, प्रिन्स क्वार्टर–फाइनलमा

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending