Connect with us

Headline

३० बर्ष, २ सय ३९ खेलाडी, डेढ अर्ब पाउण्ड, एक उपाधि

Published

on

१ मे, १९९० मा खुशीको उन्मादले खचाखच भरिएको एन्फिल्डबाट लिभरपुलका खेलाडीहरुले इङ्गलिस प्रिमियर लिगको ट्रफिका साथ परेड शुरु गरेका थिए । त्यसपछि लिभरपुलले अर्को ३० बर्ष उपाधि जितेन र यसका लागि प्रयास नै नगरेको भने होइन ।

ठूला ट्रान्सफरहरु भए, गोल पनि गरिए, म्याच पनि जितिए तर यो उत्कृष्ट र किर्तिमानी सिजन अघि ति प्रयासहरु पर्याप्त भने भएनन् । लिभरपुलले १९ औं प्रिमियर लिगको उपाधिका लागि खेलाडी, व्यवस्थापक, खेल र पैसा लगायतका के–के काम गरे त ? हेरौं एक पटकः

१ लाख ३ हजार ४ सय १० मिनेट

१९९०–९१ को सिजन शुरु भएयता लिभरपुलले ११ सय ४९ खेल खेलेको छ । इन्जुरी समयलाई नगन्ने हो भने मैदानमा १ लाख ३ हजार ४ सय १० मिनेट बिताएपछि उनिहरुले पहिलो उपाधि जितेका हुन् । ५२ प्रतिशतको जित औषतमा लिभरपुलले यस क्रममा ५ सय ९५ खेल जितेको हो भने १९६८ गोल (८ सय २२ गोल अन्तर) गर्दै २ हजार ७५ अंक लिएको छ ।

ती मध्ये २८ जित, ७० गोल र ८६ अंक उपाधि जित्ने व्यर्थ प्रयासमा भएको थियो । पछिल्लो ३० बर्षमा लिभरपुलले एकै बिपक्षीबाट सबैभन्दा बढी १ सय ८ अंक खोसेका छन् । टोटेन्ह्याम हटस्परबिरुद्धको ६० खेलमा त्यति अंक आएको थियो । मर्सिसाइड प्रतिद्वन्दी एभर्टनबिरुद्ध लिभरपुलले १ सय ५ अंक बटुलेको थियो भने वेष्ट ह्यामबिरुद्ध १ सय १ अंक ।

ब्राइटन, कार्डिफ, हडर्सफिल्ड र नट्स काउन्टिबिरुद्ध लिभरपुलले शत प्रतिशत जित निकालेको थियो । तर १९९०–९१ मा लिभरपुलको उपाधि जित्ने आशामाथि तुषारापात गर्ने टोलीहरु म्याचेस्टर युनाइटेड, चेल्सी र आर्सनल रहे । लिभरपुल उपाधि बिहिन रहदा युनाइटेड १४, चेल्सी ५ र आर्सनल चार पटक इङ्गल्याण्डको च्याम्पियन बनेको थियो । कट्टर प्रतिद्वन्दी युनाइटेडबिरुद्ध त लिभरपुलको जित औषत जम्मा २९ दशमलव ३ रहेको छ ।

यस दौरान युनाइटेडले लिभरपुललाई ५८ मध्ये २८ खेलमा हराएको छ र गोल अन्तर पनि ८ को रहेको छ । जित प्रतिशतको आधारमा बर्मिंघम (२१ दशमलव ४) र विम्बल्डन (२६ दशभलव ३) पनि लिभरपुलको लागि काडा रहिसकेका छन् ।

२०१०–११ सिजनमा प्रिमियर लिगमा उक्लिएको टोली ब्ल्याकपुलसँग लिभरपुलले अंक लिन सकेको थिएन । ब्ल्याकपुलले लिभरपुललाई होम र अवे दुई वटै लेगमा हराएको थियो । दक्षताको हिसाबले पछिल्लो ३० बर्षमा यो नै लिभरपुलको सबैभन्दा उत्कृष्ट सिजन हो । जित औषत, गोल गरेको, गोल खाएको, अंक बटुलेको सबैमा लिभरपुल यो सिजन अब्बल रहन पुग्यो ।

बार्नेस देखि बबी

१९९०–९१ सिजनदेखि लिभरपुललाई २ सय ३९ खेलाडीले टप फ्लाइटमा प्रतिनिधित्व गरेका छन् । जोन बार्नेस, रे हउटन र इयन रसले गोल गर्दै सेफिल्ड युनाइटेडबिरुद्ध ३–१ को जित दर्ता गरेपछि उनीहरुको ३० बर्षअघि १९ औं उपाधिको खोज शुरु भएको थियो । यो सिजनको शुरुवातमा १४ खेलसम्म अपराजित रहेको लिभरपुलले पहिलो ८ खेलमा लगातार जित हात पारेको थियो ।

झण्डै ३० बर्षपछि उपाधिको खोज मैदानमा नउत्रदै पुरा भएको छ । म्यानचेस्टर सिटीलाई चेल्सीले हराएसँगै महिनौं अघि नै समाप्त भइसकेको उपाधिको होडबाजीमा अब भने औपचारिक रुपमै पूर्णबिराम लागेको छ । ती २ सय ३९ खेलाडीमध्ये एकेडेमी उत्पादन जेमि क्यार्यागरले लिभरपुलका लागि यस दौरान क्लबका लागि ५ सय ८ खेल खेलेका छन् । सबैभन्दा बढी खेल खेल्ने १० नाममा हालको टिममा रहेका जोर्डन हेन्डरसन रहेका छन् । उनले २ सय ६६ खेल खेलेका छन् ।

ड्यानियल पडेली, डेभिड र्याभेन, जोन न्युबी, प्याट्रिस लुजी, इस्तभान कोज्मा र राफेल कामाचोले भने एक खेलमात्र खेलेका थिए । ३० बर्षमा सबैभन्दा बढी गोल गर्ने खेलाडीमा पनि घरेलु उत्पदान रोबि फाउलर नै रहेका छन्, उनले दुई पटकको बसाइमा १ सय २८ गोल गरेका थिए । आधुनिक समयमा अहिलेका पहिलो रोजाइका शिर्ष तीन खेलाडी रोबर्टो फर्मिनो, सादियो माने र मोहम्मद सलाह पनि बढी गोल गर्ने खेलाडीहरुको शिर्ष १० मै रहेका छन् ।

बिशेष उल्लेख हुनु पर्ने नाम भने पुुर्व कप्तान स्टेभन जेरार्ड हुन् जो सकारात्मक र नकारात्मक दुवै दृष्टिकोणबाट लिभरपुलको १९ औं उपाधिको अभियानमा जोडिएका छन् । बढी गोल गर्ने र खेल खेल्नेको शिर्ष १० मा रहेका लिभरपुल लिजेण्ड जेरार्ड ३० बर्षमा क्लबका लागि सबैभन्दा बढी असिस्ट (७०) दिने खेलाडी पनि हुन् ।

सन् १९९० पछि लिभरपुलले जितेका दुई प्रमुख उपाधि – च्याम्पियन्स लिग (२००४–०५) र एफए कप (२००५–०६) – मा जेरार्डले प्रमुख भुमिका निभाएका थिए । दुवैमा ३–३ गोलको बराबरीपछि पेनाल्टी शुट आउटमा लिभरपुलले उपाधि जित्दा जेरार्डको प्रदर्शन मुख्य रहेको थियो ।

जेरार्ड र लिभरपुलको ३० बर्षे याधाको बयान गर्दा उनी रहेको दुई तस्विर बिना अपुरो हुनेछः एउटा खेलाडीहरुसँगको हडलमा उनले यो मौकालाई खेर जान दिनु हुदैन भनि हौस्याउदै गरेको र अर्को उनी आफू चिप्लन पुगेपछि डेम्बा बाले निर्णयक खेलमा गोल गर्दै २०१३–१४ को उपाधि चेल्सीलाई थमाएपछि बिक्षिप्त बनेको । जेरार्डले अञ्जानमै भएको गल्तिका कारण लिभरपुलले उपाधि गुमाउनु परेको कहिल्यै बिर्सने छैनन तर त्यो दुखलाई बिर्साउन क्लबले अहिले भने सकारात्मक पल दिएको छ ।

एक पछि अर्को व्यवस्थापक

१६ औं, १७ औं र १८ औं प्रिमियर लिग उपाधि दिलाएपछि स्कटिस केनी डाल्गलिसले व्यवस्थापकको रुपमा १९ औं उपाधिको शुरुवात गरेका थिए । तर निकै नै अचम्मको निर्णय गर्दै उनले लिभरपुल अंक तालिकामा तीन अंकले अग्रस्थानमा रहेको स्थितिमै जागिर छोडिदिए ।

कार्यबाहक व्यवस्थापक रोनि मोर्गन र डाल्गलिसको कुर्सि थाइ रुपले पछि ओगटेका ग्रेम सुनेस उपाधि रक्षा गर्न असफल रहे । १९९०–९१ को उपाधि आर्सनलको पोल्टामा जान पुग्यो । त्यो सिजनको शुरुवातदेखि यता लिभरपुलमा ९ व्यवस्थापक परिवर्तन भइसकेका थिए । रोय इभान्स, जेरार्ड हाउलियर, रफाएल बेनिटेज, रोय हड्सन, बे्रण्डन रोजर्सपछि योर्गन क्लोप लिभरपुलका अन्य व्यवस्थापकहरु हुन् ।

एक सिजन पनि पुरा नसम्हालेका हड्सन र अलिकतिले प्रिमियर लिग जित्नबाट चुकेका रोजर्सले क्लबका लागि १–१ उपाधि जितेका छन् । लिभरपुलले क्लोपमा भने डाल्गलिसको उत्तराधिकारी भेटेको छ । जित औषत ६० रहेका डाल्गलिसपछि क्लोपमात्र अर्का व्यवस्थापक हुन् ।

रोजेन्थलदेखि मिनामिनो– कसरी लिभरपुलले झण्डै डेढ अर्ब पाउण्ड खर्च गर्यो

स्ट्याण्डर्ड लिगबाट लोनमा आएका रोनी रोजेन्थललाई लगभग एक मिलियन पाउण्डमा थाइ गर्दै लिभरपुलले १९९० को उपाधिपछि ट्रान्सफर व्यापारमा पहिलो कदम चालेको थियो । १८ औं देखि १९ औं उपाधि यात्राका दौरान पहिलो सम्झौता रहेका इजरायली स्ट्राइकर रोजेन्थलपछि लिभरपुलले २ सय १८ औं सम्झौताको रुपमा गत जनवरी ट्रान्सफर विन्डोमा ७ दशमलव २५ मिलियन पाउण्डमा ताकुमी मिनामिनोलाई लिएको हो ।

यो यात्रामा राम्रो, नराम्रो र घिनलाग्दो सबै सम्झौता भएका छन् । हरेक लुइस सुवारेज र भर्जिल भान डाइकका लागि तोर्बन पिच्निक, ब्रुनो चेरु र सन डन्डी रहेका थिए । र यो सँगै एण्डी क्यारोल (३५ मिलियन पाउण्ड, ४४ खेलमा ६ गोल), त्रिष्चियन बेन्टेके (३२.५ मिलियन पाउण्ड, २९ खेलमा ९ गोल) र मारियो बालोटेलि (१६ मिलियन पाउण्ड, १६ खेलमा एक गोल) जस्ता व्यापक घाटाको व्यापार पनि भएका थिए ।

बेनिटेजले सम्हालेको २००५ देखि २००८ सम्मका तीन सिजनका दौरान लिभरपुलले सबैभन्दा बढी ४० खेलाडी किनेको थियो । यो समय खरिद गरिएका पेपे रेना, डर्क काउट, लुकास लिभा र फर्नान्डो टोरेसले राम्रो प्रदर्शन गरेका थिए भने मार्क गोञ्जालेज र जर्माइन पेनान्टले भने राम्रो गर्न सकेका थिएनन् । ग्याब्रियल पलेट्टा र सेबाष्चियन लेटोको त नाम शायद कसैले सम्झिदैनन् पनि होला ।

फुटबलको बिश्व बजार महँगिदै गर्दा लिभरपुलले १८ देखि १९ औं उपाधि जित्ने क्रममा १ दशमलव ४७ अर्ब पाउण्ड खर्च गरेको तथ्यांकले देखाएको छ । तर लिभरपुलले खर्च मात्र नभई खेलाडी बेचेर पनि ३० बर्षमा ९ सय ३६ दशमलव ६ मिलियन पाउण्ड आम्दानी गरेको थियो । १९९० देखि २०२० सम्मको यात्रामा उत्कृष्ट प्रदर्शन गरेका फाउलर, जेरार्ड, क्यर्यागर, माइकल ओवेन र ट्रेन्ट एलेक्जेण्डर–आर्नोल्ड एकेडेमी उत्पादन भएको कारण नै धेरै पैसा बगाउन परेन ।

यस दौरान क्लबले सबैभन्दा बढी पैसा खर्च गरेका भान डाइक, एलिसन र नाबी किटाले भने लिभरपुलको १९ औं उपाधि यात्रामा प्रमुख भुमिका नै निर्वाह गरेका छन् । आधुनिक फुटबलमा धेरै जसो जति खर्च गरिन्छ त्यही नै फिर्ता पाइन्छ ।

यु विल नेभर वाक अलोन (तिमी एक्लो हुने छैनौं)

खेलाडी आउछन् र जान्छन् तर क्लबको सधै रहिरहने भनेको समर्थकहरु नै हुन् । समय समयमा सानो मार्जिनले चुक्न पुगेका लिभरपुलका समर्थकहरुले १९ औं उपाधिका लागि सोचे भन्दा निकै लामो समय कुरेका छन् । विडम्बना त के छ भने यति लामो पर्खाइको अन्त्य हुदा पनि लिभरपुल समर्थकहरु टिमसँग साचे जसरी खुशीयाली मनाउन पाउने छैनन् ।

कोरोना भाइरसको महामारिका कारण लिभरपुलसँगै प्रिमियर लिगका सबै क्लबहरुले खाली रँगशालामा सिजनको अन्त्य गर्दैछन् । तर यसका बावजुद पनि लिभरपुलका समर्थकहरु हजारौंको संख्यामा हरेक सिजन एन्फिल्डमा उपस्थित हुदै आएका छन् । सिजन टिकट होल्डरहरुको संख्या थाहा पाउन गाह्रो हुदा १९८९–९० सिजन यता कति समर्थक एन्फिल्ड पुगे पत्ता लगाउन असम्भव नै छ ।

तर ट्रान्सफरमार्केटले दिएको तथ्यांक अनुसार पछिल्लो उपाधि जिते यता एन्फिल्डमा २ करोड ४६ लाख ९८ हजार ९ सय ४२ समर्थक पुगेका छन् । यही संख्याले उपाधि जित्न लामो कुर्नुपरेपनि समर्थकहरुले क्लब एन्थम ‘यु विल नेभर वाक अलोन’ लाई हरेक हिसाबमा जिवित नै राखेका छन् ।

Headline

नेपाली महिला खेलाडीको तलबमा भारी वृद्धि  

Published

on

नेपाल क्रिकेट संघ (क्यान) ले नेपाली राष्ट्रिय महिला टोलीको मासिक तलबमा भारी वृद्धि गरेको छ । क्यानको हालै बसेको बोर्ड बैठकले महिला खेलाडीहरुको तबल बढाउने निर्णय लिएको हो । क्यानका कार्यवाहक सचिव प्रशान्त बिक्रम मल्लले सेन्ट्रल कन्ट्रयाक्टमा रहेका नेपाली राष्ट्रिय महिला क्रिकेट टोलीका सदस्यहरुको तलबमा वृद्धि भएको पुष्टि गरेका छन् । 

मल्लका अनुसार क्यानले ग्रेड ए र बि का खेलाडीहरुको तलब समान ६-६ हजारले तथा ग्रेड सि का खेलाडीहरुको तलब पाँच हजारले बढाउने भएको छ । यस अघि ए ग्रेडका खेलाडीहरुले १५ हजार मासिक तलब बुझ्दै आएकोमा अब उनीहरुले २१ हजार बुझ्ने छन् भने १२ हजार थाप्दै आएका बि ग्रेडका खेलाडीहरुले १८ हजार थाप्ने छन् । त्यस्तै सि ग्रेडका खेलाडीहरुको तलब १० हजारबाट १५ हजार पुगेको छ ।   

यस्तै क्यानले पुरुष खेलाडीहरुको तलब पनि बढाउन लागेको मल्लले बताए । 

नेपाली राष्ट्रिय महिला टोलीले पहिलो पटक आफ्नो घरेलु मैदानमा ट्वान्टी ट्वान्टी शृंखला खेल्न लागेको हो । यस अघि नेपालले गत नोभेम्बरमा कतार भ्रमण गर्दै पहिलो पटक ट्वान्टी ट्वान्टी अन्तर्राष्ट्रिय शृंखला खेलेको थियो । घरेलु टोली विरुद्धको तीन खेलको शृंखलामा नेपालले क्लिन स्विप गरेको थियो ।

नेपालले आफ्नै घरेलु मैदानमा ट्वान्टी ट्वान्टी अन्तर्राष्ट्रिय खेल पछिल्लो पटक सन् २०१९ को अन्त्यमा आयोजना भएको दक्षिण एसियाली खेलकुद साग अन्तर्गत क्रिकेटमा खेलेको थियो ।

नेपाल र युगान्डा बीचको पाँच खेलको शृंखला अन्तर्गतको पहिलो खेल आज हुनेछ भने भोलि जेठ ३ मा दोश्रो खेल आयोजना हुनेछ । एक दिनको विश्राम पछि लगातार तीन खेल आयोजना हुने तालिका रहेको छ ।  

नेपाली टोली : रुबिना क्षेत्री (कप्तान), सिता राना मगर, इन्दु बर्मा, ज्योति पाण्डे, काजल श्रेष्ठ, कबिता कुँवर, अप्सरी बेगम, कबिता जोशी, डली भट्ट, अश्मिना कर्माचार्य, संगीता राई, सबनम राई, रोमा थापा, सरिता मगर, बिन्दु रावल, हिरनमायी रोय 

Continue Reading

Headline

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Published

on

लखनउ सुपर जायन्ट्स माथि २४ रनको फराकिलो जित निकाल्दै राजस्थान रोयल्स जारी इन्डियन प्रिमियर लिग (आईपीएल) को अंक तालिकाको दोश्रो स्थानमा उक्लिएको छ ।

समान १३-१३ खेल खेलेका राजस्थान र लखनउको समान १६-१६ अंक रहे पनि नेट रन रेटका आधारमा राजस्थान अंक तालिकाको दोश्रो स्थानमा तथा लखनउ तेश्रो स्थानमा छन् । लगातार दुई खेलमा पराजित हुँदा लखनउले प्लेअफमा पुग्नका लागि अन्तिम खेल सम्म कुर्न पर्ने भएको छ भने आजको जितले राजस्थानले पनि प्लेअफको सम्भावना कायमै राखेको छ ।

यस सिजन गुजरात पहिलो स्थानमा रहँदै प्लेअफमा पुग्ने पक्का भएको छ भने अझै पनि चेन्नाई र मुम्बई बाहेक बाँकी सात टोलीको प्लेअफको आशा जीवितै छ ।

प्लेअफमा स्थान सुरक्षित गर्नका लागि १७९ रनको चुनौतिपूर्ण लक्ष्य लिएर ब्याटिङमा आएको लखनउले पुरै २० ओभर खेले पनि आठ विकेट गुमाएर १५४ रन भन्दा जोड्न सकेन ।

लखनउका दिपक हूडाले ३९ बलमा ५९, मार्कस स्टोइनिसले १७ बलमा २७, कुर्नाल पान्ड्याले २५  तथा कप्तान केएल राहुलले १० रन बनाए भने अन्य ब्याटरले दोहोरो अंकमा रन जोड्न नसक्दा लखनउले खेलमा हारको मात्र सामना गरेन प्लेअफको लागि अर्को खेल सम्म कुर्न पर्ने भयो ।

लखनउलाई रोक्ने क्रममा ट्रेन्ट बोल्ट, प्रसिध कृष्णा र ओबेड म्याककोएले समान २-२ विकेट लिए भने युज्बेन्द्र चाहल र रविचन्द्रन अश्विनले पनि समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित ट्रेन्ट बोल्टले चार ओभरमा मात्र १८ रन दिए ।

यस अघि खेलमा टस जितेर पहिले ब्याटिङ गरेको राजस्थानले पुरै २० ओभर खेल्दै ६ विकेट गुमाएर १७८ रनको चुनौतिपूर्ण योगफल बनायो ।     

राजस्थानको तर्फबाट ओपनर जस बटलरले बाहेक सबै ब्याटरले दोहोरो अंकमा रन जोडे । राजस्थानका ओपनर यशस्वी जैसवालले २९ बलमा सर्वाधिक ४१ रन बनाए भने देवदत्त पड्डीकलले १८ बलमा आक्रामक ३९ तथा कप्तान सन्जु सामसनले ३२ रनको पारी खेले । 

Continue Reading

Headline

चेन्नाई माथि शीर्ष स्थानको गुजरातको सहज जित   

Published

on

ओपनर रिद्दिमन साहले अर्धशतक प्रहार गर्दा शीर्ष स्थानमा रहेको गुजरात टाइटान्सले  इन्डियन प्रिमियर लिग (आईपीएल) को जारी सिजनको आफ्नो १३ औँ खेलमा  यस अघि नै समुह चरणबाट नै बाहिरी सकेको चेन्नाई सुपर किंग्स माथि सात विकेटको सहज जित हात पारेको छ । आजको खेलमा जित निकाल्दै गुजरातले पहिलो स्थानमा आफ्नो पकड बनाएको छ । 

खेलमा टस जितेर पहिले ब्याटिङ गरेको चेन्नाईले २० ओभर खेल्दै पाँच विकेट गुमाएर १३३ रन भन्दा जोड्न सकेन भने गुजरातले तीन विकेटको क्षेतीमा पाँच बल अगावै लक्ष्य पार गर्यो ।

गुजरातको जितमा खेलको प्लेयर अफ द म्याच घोषित विकेट किपर तथा ओपनर रिद्दिमन साहले ५७ बल खेल्दै आठ चौका र एक छक्का सहित अविजित ६७ रन बनाए । त्यस बाहेक म्याथ्यु वेडले २०, ओपनर शुमबन गिलले १८ तथा डेविड मिलरले अविजित १५ रनको योगदान दिए ।

यस अघि रुतुराज गायकवाडले सर्वाधिक ५३, नारायण जगदिसनले अविजित ३९ तथा मोईन अलीले २१ रन बनाए पनि अन्य ब्याटरहरुले दोहोरो अंकमा रन जोड्न सक्दा चेन्नाई सानो योगफलमा नै रोकिन पुग्यो ।

चेन्नाईलाई सानो स्कोरमा रोक्ने क्रममा मोहम्मद शामीले चार ओभरमा १९ रन दिएर सर्वाधिक दुई विकेट लिए ।     

 

Continue Reading
Headline6 hours ago

नेपाली महिला खेलाडीको तलबमा भारी वृद्धि  

Headline13 hours ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline18 hours ago

चेन्नाई माथि शीर्ष स्थानको गुजरातको सहज जित   

Headline2 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL2 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline2 days ago

यु१९ टोलीकी रोय पहिलो पटक राष्ट्रिय टोलीमा

Headline3 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline4 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline5 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline5 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline6 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline7 days ago

पाँच पटकको च्याम्पियन मुम्बई फेरी पनि हार्यो  

Headline7 days ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Headline1 week ago

जिम्बाब्वे माथि नेपालको सहज जित 

Headline1 week ago

नेपाली बलर अघि घुँडा टेक्यो जिम्बाब्वेले

Headline1 week ago

साम्सले अन्तिम ओभरमा नौ रन रोक्दा मुम्बईको सनसनीपूर्ण जित 

Headline1 week ago

बलरहरू हाबी भए पनि खराब ब्याटिङका कारण हार्यो नेपाल 

Headline6 hours ago

नेपाली महिला खेलाडीको तलबमा भारी वृद्धि  

Headline13 hours ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline18 hours ago

चेन्नाई माथि शीर्ष स्थानको गुजरातको सहज जित   

Headline2 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL2 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline2 days ago

यु१९ टोलीकी रोय पहिलो पटक राष्ट्रिय टोलीमा

Headline3 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline4 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline5 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline5 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline6 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline7 days ago

पाँच पटकको च्याम्पियन मुम्बई फेरी पनि हार्यो  

Headline7 days ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Headline1 week ago

जिम्बाब्वे माथि नेपालको सहज जित 

Headline1 week ago

नेपाली बलर अघि घुँडा टेक्यो जिम्बाब्वेले

Headline1 week ago

साम्सले अन्तिम ओभरमा नौ रन रोक्दा मुम्बईको सनसनीपूर्ण जित 

Headline1 week ago

बलरहरू हाबी भए पनि खराब ब्याटिङका कारण हार्यो नेपाल 

Trending

error: Content is protected !!