Connect with us

Headline

लिभरपुल उपाधिबाट एक जित टाढा, मार्सियलको ह्याट्रिक

wesportz

Published

on

क्रिष्टल प्यालेसलाई ४–० को फराकिलो अन्तरले पराजित गर्दै लिभरपुल इङ्गलिस प्रिमियर लिगको उपाधिबाट मात्र एक जित टाढा रहेको छ ।

३० बर्षमा पहिलो उपाधि जित्न गइरहेको लिभरपुलका लागि ट्रेन्ट एलेक्जेण्डर–आर्नोल्ड, मोहम्मद सलाह, फाबिन्हो र सादियो मानेले गोल गरेका थिए । ३१ खेलबाट ८६ अंक रहेको लिभरपुललाई अझै कुराउनका लागि म्यानचेस्टर सिटीले चेल्सीलाई स्ट्यामफोर्ड ब्रिजमा हराउनै पर्नेछ ।

सिटीको ६३ अंक छ भने लेस्टर सिटीको ५५ र चेल्सी ५१ अंकका साथ चौथो स्थानमा रहेको छ । मर्सिसाइड डर्बिमा एभर्टनसँग गोलरहित बराबरी खेलेपछि लिभरपुल एन्फिल्डमा भने उत्कृष्ट लयमा फर्किएको थियो ।

एलेक्जेण्डर–आर्नोल्डले २२ औं मिनेटमै फ्रि किक मार्फत गोल गर्दै घरेलु टोलीलाई अग्रता दिलाएका थिए । प्रिमियर लिगमा एलेक्जेण्डर आर्नोल्डको यो दोश्रो गोल हो । फाबिन्होको उत्कृष्ट पासमा सलाहले ४४ औं मिनेटमा गोल गर्दै लिभपुरललाई पहिलो हाफमा २–० को अग्रता दिलाएका थिए ।

उत्कृष्ट प्रदर्शन गरेका फाबिन्होले दोश्रो हाफ शुरु भएको १० मिनेटपछि ३० यार्ड भन्दा टाढा बाट गरेको प्रहारलाई गोलमा परिणत गरेका थिए सलाहको पासमा मानेले ६९ औं मिनेटमा चौथो गोल गरेका थिए ।

युनाइटेडको जितमा मार्सियलको ह्याट्रिक

एन्थोनी मार्सियलले ह्याट्रिक पुरा गरेपछि म्यानचेस्टर युनाइटेडले सेफिल्ड युनाइटेडमाथि ३–० को सहज जित रच्यो । ओल्ड ट्राफोर्डमा मार्सियलले गरेका तीन गोल म्यानचेस्टर युनाइटेडका लागि प्रिमियर लिगमा सात बर्षमा पहिलो ह्याट्रिक हो ।

जितपछि युनाइटेड ४९ अंक साथ पाचौं स्थानमा उक्लिएको छ । सिटीलाई युरोपियन प्रतिस्पर्धामा खेल्नका लागि प्रतिबन्ध लागेका कारण च्याम्यिन्स लिग प्रवेश गर्नका लागि यो सिजन पाचौं स्थान पनि पर्याप्त हुनेछ । डच खेलाडी रोबिन भान पर्सिले २०१३ मा युनाइटेडका लागि प्रिमियर लिगमा पछिल्लो पटक ह्याट्रिक पुरा गरेका थिए ।

कोरोना अघि उत्कृष्ट लयमा देखिएको सेफिल्डले लिग सुचारु भएपछिका तीन खेलबाट मात्र एक अंक बटुलेको छ । अन्य खेलमा न्युकास युनाइटेडलाई एस्टन भिल्लाले १–१ गोलको बराबरीमा रोक्यो भने पुछारको नर्विच सिटी एभर्टनसँग १–० ले पराजित भयो ।

उल्भ्सले बर्नमाउथलाई १–० ले हराउदै पाचौं स्थानको दाबेदारीमा आफूलाई कायमै राखेको छ । ४९ अंक रहेको उल्भ्स युनाइटेडसँग गोल अन्तरले मात्र पछि परेको छ ।

Headline

चाहलको उत्कृष्ट प्रदर्शनपछि छेडिएको ‘कन्कुसन सब्स्टिच्युट’ बहस

wesportz

Published

on

भारत र अष्ट्रेलियाबीचको पहिलो ट्वान्टी ट्वान्टी अन्तर्राष्ट्रिय पाहुना टोलीको जितभन्दा पनि अन्तर्राष्ट्रिय क्रिकेट काउन्सिलले केही समयअघि प्रयोगमा ल्याएको नयाँ नियममा खुबै बहस रह्यो । यो नियम हो कन्कुसन सब्स्टिच्युट को जसको फाइदा शुक्रबार भारतले उठायो ।

कुनै पनि संरचनाको क्रिकेटमा खेलका दौरान यदि खेलाडीलाई बलले लागेर कन्कुसन (अस्थायी रुपमा होस हराउने, ध्यान केन्द्रित गर्न नसक्ने अथवा रिँगटा लागि रहने) भएको स्थितिमा चिकित्सकको सल्लाहपछि स्क्वाडबाट अर्को खेलाडीले उनको स्थान लिन सक्नेछन् ।

तर सब्स्टिच्युट खेलाडीको खेल्ने प्रकृति उही हुनु भने पर्ने र टिमलाई अतिरिक्त फाइदा हुन नहुने नियममा लेखिएको छ । यसको अर्थ स्पिनरलाई स्पिनरले, फास्ट बलरलाई फास्ट बलरले र ब्याट्स्म्यानलाई ब्याट्स्म्यानले मात्रै सब्स्टिच्युट गर्न सक्छन् ।

शुक्रबार भारतको इनिङ्गस सामान्य योगफलमै खुम्चिने अवस्थामा रविन्द्र जडेजाले ब्याटबाट उत्कृष्ट प्रदर्शन गर्दै २३ बलमा ४४ रन ठोक्दै भारतलाई १ सय ६१ रनको चुनौतिपूर्ण योगफलसम्म डोर्याए । जवाफमा अष्ट्रेलिया १ सय ५० रनमा रोक्कियो ।

तर जडेजा भारतले बलिङ्ग गर्दा भने थिएनन् । मिचेल स्टार्कले फालेको अन्तिम ओभरको दोश्रो बलमा उनी घाइते भएपछि दोश्रो इनिङ्गसमा उनी आएनन् । उनको स्थानमा कन्कुसन सब्स्टिच्युट लेग स्पिनर युजभेन्द्र चाहाल आए ।

अष्ट्रेलिया जवाफी ब्याटिङ्गमा जानु अघि घरेलु टोलीका प्रशिक्षक जस्टिन ल्याँगरले म्याच रेफ्रि डेभिड बुनसँग कन्कुसन सब्स्टिच्युट प्रयोग गर्न दिएकोमा आपत्ति जनाइरहेका थिए ।

स्टार्कको शर्ट बल जडेजाको ब्याटमा ऐज लाग्दै उनको हेल्मेटमा ठोक्किएको थियो भने पोइन्टमा गएको बल मोइजेज हेन्रिकेसले ड्रप गरेका थिए । त्यसपछि पनि जडेजाले खेल्दै अन्तिम तीन बलमा दुई चौका र एक सिँगल सहित ९ रन बटुलेका थिए ।

बल टाउकोमा लागेपछि पनि मेडिकल सहायता बिनै ब्याटिङ्ग गरेका खेलाडीलाई कसरी कन्कुसन सब्स्टिच्युट दिन सकिन्छ भन्ने तर्क धेरैको रहेको छ। जडेजा भारतीय टोलीका प्रमुख स्पिनर भएपनि उनी अलराउण्डर हुन् र खेलमा ह्यामस्ट्रिङ्ग इन्जुरी भएपछि उनले बलिङ्ग नगर्ने लगभग तय नै थियो ।

यस्तो स्थितिमा भारतले पूर्ण रुपमा स्पिनर मात्रै रहेका चाहललाई खेलाउदै बहस छेडिएको थियो । तर आईसिसिको नियमले स्पिन बलिङ्ग अलराउण्डरको ठाँउमा स्पिनरमात्रै खेलाउन नपाउने भनेको छैन । जडेजा स्पिनर हुन् र उनको स्थान स्पिनरले नै लिएको भन्ने देखिन्छ । यसको फाइदा भारतलाई भएको हो ।

भारततर्फ खेल पल्टाउने क्रममा चाहलले पहिलो विकेटका लागि ५६ रनको पार्टनरसिप तोड्दै कप्तान आरोन फिन्चको विकेट लिनुका साथै स्टिभन स्मिथ र म्याथ्यु वेडलाई पनि आउट गरेका थिए । चाहल नै खेलको म्यान अफ द म्याच घोषित भए ।

“कन्कुसन सब्स्टिच्युट अनौठो कुरा हो । आज यो हाम्रो पक्षमा भयो अर्को समय जडेजाले उही प्रकृतिको सब्चिच्युट खेलाडी नपाउन पनि सक्छन् । जडेजाको टाउकोको छेउमा चोट लागेको थियो र उनलाई अहले पनि चक्कर लागिरहेको छ,” भारतीय कप्तान बिराट कोहलीले खेलपछि भने ।

“फिन्चले खेलपछि व्यवसायिक रुपमै यसलाई ह्याण्डल गरेका थिए । उनीहरुले हामीलाई टिम डक्टरले जडेजा कन्कुसनले खेल्न नसक्ने भनेको बताएका थिए । त्यसैले मेडिकल एक्स्पर्टलाई चुनौति दिने कुरा भएन,” फिन्चले भने ।

Continue Reading

Headline

सब्स्टिच्युट चाहलको उत्कृष्ट बलिङ्गमा भारतद्वारा अष्ट्रेलिया पराजित

wesportz

Published

on

कन्कुसन सब्स्टिच्युट युभेन्द्र चाहालले उत्कृष्ट बलिङ्ग गर्दै तीन विकेट लिएपछि भारतलाई अष्ट्रेलियालाई पहिलो ट्वान्टी ट्वान्टी अन्तर्राष्ट्रियमा ११ रनले पराजित गरेको छ । जितसँगै तीन म्याचको श्रंखलामा भारतले १–० को अग्रता लिएको छ ।

क्यानेबरामा रविन्द्र जडेजाले उत्कृष्ट ब्याटिङ्ग गर्दै ७ विकेटको क्षतिमा १ सय ६१ रनसम्म डोर्याए । अन्तिम ओभरमा बल टाउकोमा लागेपछि कन्कुसन सब्स्टिच्युट गर्न पाउने ब्यवस्थाको फाइदा उठाँउदै भारतले चाहललाई पठायो । उनले २५ रन खर्चदै तीन महत्वपुर्ण विकेट लिएपछि अष्ट्रेलियाले २० ओभरमा ७ विकेटको क्षतिमा एक सय ५० रनमात्र बनाउन सक्यो ।

अष्ट्रेलियाले उत्कृष्ट शुरुवात गर्दै खेलमा पकड जमाए पनि चाहलले कप्तान आरोन फिन्चको विकेट लिदै पहिलो विकेटका लागि ५६ रनको साझेदारी तोडेका थिए । लेग स्पिनर चाहलले स्टिभन स्मिथको पनि विकेट लिएपछि अष्ट्रेलियाको रन गतिमा ब्रेक लाग्यो ।

त्यसपछि भारतले खेलमा पकड जमायो । डेब्युटेन्ट टि नटराजनले ग्लेन म्याक्सवेल (दुई) को महत्वपूर्ण विकेट लिदै तीन ब्याट्स्म्यानलाई शिकार बनाए । अष्ट्रेलियाका लागि कप्तान फिन्चले २६ बलमा पाँच चौका र एक छक्काको मद्दतमा ३५ रन बनाए भने अर्का ओपनर डार्सि शर्टले ३४ र मोइजेज हेन्रिकेसले ३० रन बनाए ।

अष्ट्रेलियाका लागि मोइजेज हेन्रिकेसले तीन विकेट लिएका थिए

यसअघि क्यानबेरामा टस हारी पहिलो ब्याटिङ्ग गरेको भारत निरन्तर विकेट गुमाउन पुग्दा सामान्य योगफलमै खुम्चिने देखिएको थियो । तर जडेजाले २३ बलमा ४४ रन बनाएपछि भारतले २० ओभरमा ७ विकेटको क्षतिमा एक सय ६१ रन बनायो ।

जोस हेजलउडको १९ औं ओभरमा आएको २३ मध्ये २२ रन नै जडेजाले प्रहार गर्दा भारत १ सय ६० को आंकडा पार गर्न सकेको थियो । भारतले कुनै पनि समय ठूलो साभेदारी पाउन भने सकेन । सुस्त शुरुवातपछि तेश्रो ओभरमा शिखर धवनलाई गुमाएको भारतका लागि के एल राहुल र कप्तान बिराट कोहली (९) ले ३७ रन जोडे ।

राहुल र सन्जु स्यामसन (२३) ले अर्को ३६ रनको साझेदारी गरे तर अष्ट्रेलियाले ११ देखि १६ ओभरसम्म खेललाई पकडमा राख्दा भारत दवाबमा पर्यो । राहुलले ५० बलमा पाँच चौका र एक छक्काको मद्दतमा ५१ रन बनाए ।

अष्ट्रेलियाका लागि मोइजेज हेन्रिकेसले उत्कृष्ट बलिङ्ग गर्दै चार ओभरमा मात्र २१ रन खर्चदै तीन विकेट हात पारे । जडेजाको इनिङ्गसमा पाँच चौका र एक छक्का सामेल थियो ।

Continue Reading

Headline

खेलाडीलाई कोरोना देखिए पछि साउथ अफ्रिका र इङ्ल्याण्ड बिचको खेल स्थगित

wesportz

Published

on

खेल हुनु भन्दा केही मिनेट अगाडि मात्रै खेलाडीमा कोरोना संक्रमण पुष्टि भए पछि दक्षिण अफ्रिका र इंग्ल्याण्ड बीचको पहिलो ओडीआइ खेल स्थगित भएको छ ।

केप टाउनमा हुने भनिएको खेलमा दुवै टोलीका कप्तान टसका लागि तयार भैसकेको अवस्थामा दक्षिण अफ्रिकी खेलाडीमा कोरोना संक्रमण देखिए पछि खेल स्थगित गरिएको थियो ।

साउथ अफ्रिकी क्रिकेट बोर्ड अनुसार एक साउथ अफ्रिकी खेलाडीमा कोरोना संक्रमण पुष्टि भएसँगै खेल स्थगित गरिएको जनाएको छ ।

दक्षिण अफ्रिकाको भ्रमणमा रहेको इङ्ल्याण्डले आज पहिलो ओडीआइ खेल्ने तालिका रहेको थियो ।

खेल स्थगित भएसँगै अब पहिलो ओडिआइ आईतबार,दोस्रो सोमबार र तेस्रो सोमबार गर्ने पनि दक्षिण अफ्रिकी क्रिकेट बोर्डले जनाएको छ । इङल्याण्डले यस अघि दक्षिण अफ्रिका विरुद्ध तीन टि-२० खेलेको थियो । जसमा इङ्ल्याण्डले तीन वटै खेलमा जित हात पारेको थियो ।

 

Continue Reading
Headline1 hour ago

चाहलको उत्कृष्ट प्रदर्शनपछि छेडिएको ‘कन्कुसन सब्स्टिच्युट’ बहस

Headline3 hours ago

सब्स्टिच्युट चाहलको उत्कृष्ट बलिङ्गमा भारतद्वारा अष्ट्रेलिया पराजित

Headline3 hours ago

खेलाडीलाई कोरोना देखिए पछि साउथ अफ्रिका र इङ्ल्याण्ड बिचको खेल स्थगित

Headline5 hours ago

पहिलो ट्वान्टी ट्वान्टीमा भारतले अष्ट्रेलियालाई दियो चुनौतिपूर्ण लक्ष्य

Headline6 hours ago

जब घामका कारण अन्तर्राष्ट्रिय क्रिकेट रोकियो

Headline9 hours ago

विलियम्सनको तेश्रो दोहोरो शतकपछि न्युजिल्याण्डले बनायो ५ सय १९ रन

Headline12 hours ago

ग्यारेथ बेलले गरे २ सयौं करिअर गोल

Headline1 day ago

अर्को बर्ष म र मेस्सी सँगै खेल्नेछौंः नेमार

Headline1 day ago

रोनाल्डोले गरे आफ्नो करिअरको ७ सय ५० औं गोल

Headline2 days ago

च्याम्पियन्स लिग: पिएसजीको युनाइटेड माथि सानदार जित, चेल्सीका लागि जिरुड एक्लैको चार गोल

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending