Connect with us

Corona Virus

‘न्यु नर्मल’ मा प्रिमियर लिगको पहिलो साताका ५ पक्ष

Published

on

इङ्गलिस प्रिमियर लिगका सबै २० टोलीले कोरोना भाइरस महामारीकाबीच सिजन अन्त्य गर्न न्यु नर्मल (नया सामान्य) मा कम से कम पनि खाली रँगशालामा अभ्यस्त बन्ने र कडा हाइजिन प्रोटोकोलको एक अनुभव बटुलिसकेका छन् । बढी स्थानान्तरण खेलाडी र वाटर ब्रेकका कारण मैदानमा खेलाइने तरिकामा परिवर्तन आएको छ भने व्यस्त तालिकाले गर्दा व्यवस्थापकहरुले पनि आफ्नो योजना समिक्षा गर्नुपर्ने भएको छ ।

बिभिन्न बाधा अड्चनका बावजुद केही कुराहरु भने यथास्थितमै रहेका छन् । म्याचेस्टर सिटीले लिभरपुलको उपाधि चुम्ने पर्खाइलाई थप लम्ब्याएको छ भने अंक तालिकाको पुछारमा रहेका क्लबहरु आफूलाई रेलिगेसन जोनबाट बाहिर निकाल्न संघर्षरत नै छन् । प्रिमियर लिग सुचारु हुँदाको पहिलो हप्तामा के–के महत्वपूर्ण कुराहरु भएका छन् त ?

सुस्त शुरुवात

टिमहरु नयाँ वातावरणमा बिस्तारै अभ्यस्त हुदै गर्दा पहिलो १२ खेलमा भएका २८ गोलहरु मध्ये मात्र ८ गोल पहिलो हाफमा भएका छन् । एभर्टन स्ट्राइकर डोभिनिक काल्भर्ट–लेविनले मर्सिसाइड डर्बिमा लिभरपुलबिरुद्ध खेल्दा राम्रो वातावरण नै नहुदा निकै बिचित्र लागेको भन्दै धेरै खेलाडीहरुको आवाजको प्रतिनिधित्व गरेका छन् ।
तीन महिना प्रतिस्पर्धाबिहिन भएपछि लिग सुचारु हुदा निकै कम समय सँगै प्रशिक्षण गरेकोले खेलाडी र व्यवस्थापकहरु शुरुवातमा नै सबै शक्ति लगाउने तर्फ सचेत रहेका छन् ।

पाँच सब्स्टिच्युसन

खेलेको अन्त्यतिर धेरै गोलहरु हुनु बेञ्च खेलाडीहरुले गरिरहेको असर एक कारण हुनसक्छ । प्रशिक्षकहरु पहिलेको तुलनामा अहिले धेरै बिकल्पहरुको आनन्द उठाइरहेका छन् । प्रशिक्षकहरुले अहिले बेञ्चमा रहेका ९ बैकल्पिक मध्ये पाँच जनालाई मैदान प्रवेश गराउन सक्छन् ।

टोटेन्ह्यामका व्यस्थापक होजे माउरिन्होले यो अस्थाइ नियमले शक्तिशाली क्लबहरुलाई मात्र मद्दत गर्ने भन्दै यसले धनी र गरिब बीचको दुरी अभै फराकिलो बनाउने बताउदै आएका छन् । शुक्रबार म्यानचेस्टर युनाइटेडबिरुद्ध अन्तिम समयमा १–१ को बराबरी रोकिदा माउरिन्होले दुई परिवर्तनमात्र गरेको थिए । सब्स्टिच्युटको रुपमा मैदान प्रवेश गर्दा पउल पोग्बाले युनाइटेडका लागि पेनाल्टी कमाएपछि व्यवस्थापक ओले गुनर सोल्सायरले आफूसँग बेञ्चमा पनि गुणात्मक खेलाडीहरु रहेको बताएका थिए ।

क्रिष्चियन पुलिसिचले पनि बेञ्चबाटै आएर एस्टन भिल्लाबिरुद्ध बराबरी गोल गर्दा फ्रांक लाम्पार्डको चेल्सीका लागि बेञ्चमा रहेको बिकल्पले पनि महत्वपूर्ण भुमिका खेलेको थियो । ओलिभर जिरुडले अर्को गोल गरेपछि चेल्सीले खेल २–१ ले जितेको थियो ।

अनावश्यक वाटर ब्रेक

दुई अतिरिक्त सब्स्टिच्युसनको प्रावधान हुँदा पनि हरेक टोलीले खेलाडी परिवर्तन गर्दा मात्र तीन पटक खेल रोक्न पाउनेछन् । खेलको लय नरोकियोस भनेर यो नियममा सुधार ल्याइएपनि नयाँ वाटर ब्रेकको सुविधाले अहिले खेल रोकिरहेको छ ।

जस्तो सुकै तापक्रममा खेलिएपनि हरेक हाफको आधा समयमा वाटर ब्रेक लिने प्रावधान राखिएको छ । यो नियमले व्यवस्थापकहरुलाई निर्देशन दिन र खेलको गतिमा परिवर्तन ल्याउनका लागि अतिरिक्त समय दिएको छ ।

लगभग उस्तै

सिटीको रेशमी फुटबल, मर्सिसाइड डर्बिमा बराबरी, आर्सनलको अप्रत्याशित हारसँगै नर्विच, बर्नमाउथ र एस्टन भिल्लामा रक्षात्मक विपत्तिले जति परिवर्तन हुन्छन् त्यति केही कुराहरु उस्तै रहन्छन् भनेर साबित गरिदिएको छ ।

एमेरिक लापोर्ट र लिरोय सानेको चोटका कारण लिभरपुललाई म्यानचेस्टर सिटीले उपाधिका लागि दिन सक्ने चुनौति सिजनको शुरुवातमै फिक्का भइसकेको थियो । उपाधि लिभरपुलको हातमा औपचारिक रुपमा मात्र जान बाकी रहदा ग्वार्डियोलाले बर्नलीसँग ८ परिवर्तन गर्दा ५–० को बिशाल जित हात पार्न पुग्यो ।

लिभरपुलले पछिल्लो १० बर्षमा मर्सिसाइड डर्बिमा पराजय बेहोरेको छैन । तर गुडिसन पार्कमा भएको गोलरहित बराबरी पनि सामान्य नै हो । प्रिमियर लिगमा पछिल्लो तीन पटकको मर्सिसाइड डर्बिमा गुडिसन पार्कमा एक गोल पनि हुन सकेको छैन ।

भिल्लाले सेफिल्ड युनाइटेडलाई बराबरीमा रोक्दा अंक तालिकाका पुछारका चार टोलीमध्ये कुनै एक टिमले बटुलेको पहिलो अंक हो । पुछारका चार वटै टोलीले यो सप्ताहन्त आफ्नै घरमा नराम्रो पराजय बेहोरेका छन् ।

घुँडा राख्ने अभियानले गाडेको जरा

१ सयौं दिनको पर्खाइपछि प्रिमियर लिग सुचारु हुँदा सबै खेलाडी, स्टाफ र रेफ्रिहरुले मैदानमा घुडा राख्दै बिश्वमा रँगभेदबिरुद्ध जारी ब्ल्याक लाइभ्स म्याटर आन्दोलनलाई समर्थन गरेका थिए । भिल्ला र सेफिल्डबीचको शुरुवाती खेल देखि नै यो एैक्यबद्धता देखाइएको थियो ।

हरेक खेलमा यो संकेतलाई कायम राख्ने अनुमति दिदै प्रिमियर लिगले आफू रँगभेद बिरोधी आन्दोलनमा बिश्वसँगै रहेको स्पष्ट पारेको छ । सोमबार सिटी र बर्नलीबीचको खेलमा यो अभियानको बिरुद्धमा बर्नली समर्थकहरुले ह्वाइट लाइभ्स म्याटर लेखेको ब्यानर इतिहाद स्टेडियममा माथि उडाउदा केही असर भने परेको थियो ।

“यो (अभियान) निकै शक्तिशाली छ । यसले यो अभियानको बिश्वब्यापी गतिलाई निकै तेज बनाएको छ,” आर्सनलका पुर्व स्ट्राइकर इयन राइटले भने । तर अब प्रिमियर लिगलाई संकेत भन्दा मैदानको एक्सन बिना रुकावट कायम राख्न आवश्यक छ ।

Corona Virus

सचिन तेन्दुल्करलाई कोरोना भाइरस

Published

on

भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।

सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।

“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।

“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।

भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।

Continue Reading

Corona Virus

सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ

Published

on

नेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।

सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।

तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।

मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।

कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।

Continue Reading

Corona Virus

राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ

Published

on

नेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।

नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।

ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।

क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।

थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।

Continue Reading
Headline2 years ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय2 years ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 years ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय2 years ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!