Headline
सुन्दा हावा लाग्ने क्रिकेटका केही अनौठा तथ्य
Published
4 years agoon
By
wesportzसन् १८०० देखि नै चल्दै आएको क्रिकेट अनौठो तथ्यहरुको भण्डार नै हो । सचिन तेन्दुल्करको शतकको शतक देखि शोएब अख्तरको सबैभन्दा तिब्र गतिमा फलिएको तथ्य सुन्दा लाग्छ यो खेल मानिसले होइन मेसिनले खेलिरहेको छ । एकदिवसीय, टेस्ट र आर्थिक क्रान्ति ल्याएको ट्वान्टी ट्वान्टीको क्रेजले प्रशंसकहरुको मन जितिरहेको छ ।
समय बित्दै जादा तथ्य र क्रिकेटका अंकहरुले पनि महत्वपूर्ण स्थान पाउन सफल भएका छन् । सामान्यतय हुने जस्तो लागेपनि अन्तर्राष्ट्रिय क्रिकेटमा यस्ता घटनाहरु भएका छन् जुन सुन्दा होइन की जस्तो लाग्छ । कस्ता छन् त ती तथ्यहरु:
१. राहुल द्रविडको लगातार तीन छक्का
सचिन तेन्दुल्करको युग नभएको भए राहुल द्रविड भारतको लिजेण्ड ब्याट्स्म्यानको रुपमा स्थापित हुने थिए । तर दुवै महान खेलाडी एकै समयमा खेल्दा सचिनले महानताको दौडमा द्रविडलाई पछाडी छोडेका थिए । द्रविडलाई भारतको वाल (पर्खाल) भनिन्थ्यो, कारण थियो उनी पर्खाल जसरी नै अटुट भएर क्रिजमा जम्ने गर्दथे ।
बललाई रोकेर खेल्ने र अफ स्टम्पमा आएको बललाई लगातर छोड्ने द्रविडको विकेट लिन त्यति सजिलो हुदैन थियो ।
उठाएर बिरलै सट खेल्ने गरेका द्रविडले आफले खेलका ५०८ खेलमा ६६ छक्का मात्र प्रहार गरेका छन् । तर उनले आफ्नो पहिलो र अन्तिम ट्वान्टी–ट्वान्टी अन्तर्राष्ट्रिय खेलमा भने आफ्नो कम्फर्ट जोनबाट बाहिर निस्कन पनि सक्षम रहेको साबित गरेका थिए ।
ओल्ड ट्राफोर्डमा इङ्गल्याण्डबिरुद्ध भएको ट्वान्टी ट्वान्टीको ११ औँ ओभरमा द्रविडले लगातार तीन छक्का प्रहार गरेका थिए । ४७ बर्षिय द्रविडले तीन वटै छक्का लेग साइडमा प्रहार गरेका थिए र सबै निकै लामो थियो । उनले उक्त खेलमा २१ ब्लमा ३१ रन बनाएका थिए तर उनको लगातार तीन छक्काले सबैलाई अचम्ममा भने पारेको थियो ।
२. एडम गिल्क्रिष्टको स्क्वास बल
२००७ को विश्वकपमा अष्ट्रेलिया र श्रीलंका बार्बेडसको केन्जिंगटन ओभलमा फाइनल खेल्दै थिए । बर्षाका कारण ३८ ओभरमा छोट्याइएको खेलमा एडम गिल्क्रिष्टले १०४ बलमा १४९ रन अष्ट्रेलियालाई २८१ रनको बलियो स्थितिमा पुर्याए । १३ चौका र ८ छक्का प्रहर गर्दै गिल्क्रिष्टले बिश्वकपकै दुर्लभ र उत्कृष्ट इनिङ्गस खेलेका थिए ।
शतक प्रहार गरेपछि उनले आफ्नो पञ्जा देखाउदै पेभिलियन तिर आफ्नो साथीहरुलाई ईशारा गरे । गिल्क्रिष्टले पञ्जामा स्क्वास बल राखेर खेलेका थिए । यो उनको अनौठो प्रयोग थियो जुन काम पनि गर्यो । टेबल टेनिस बल जत्रै हुने स्क्वास बल पञ्चामा राख्दा उनले ब्याट आरामले समात्दै ठूलो शट प्रहार गर्न सकिने सोचेका थिए र त्यो भयो पनि । यो गिल्क्रिष्टलाई ब्याटिङ्ग गराएका पर्थका ब्याटिङ्ग प्रशिक्षकको सुझाव थियो ।
गिल्क्रिष्टले पहिलो विकेटका लागि म्याथ्यु हेडनसँग १ सय ७२ रनको साझेदारी गरेपछि श्रीलंका मनोबैज्ञानिक रुपमै खेलमा पछि परेको थियो र फराकिलो अन्तरले नतिजा सुम्पन पुग्यो ।
३. चार बलमा ९२ रन
बङ्गलादेशको घरेलु क्रिकेटमा हुने प्रतियोगिता म्याच फिक्सिङ र अन्य थुप्रै काण्डहरुका लागि कुख्यात छ । बङ्गलादेशमा अम्पायरदेखि खेलाडी र प्रशिक्षक सम्म मिलेर म्याच फिक्सिङ्ग गर्ने गरेको समाचार बाहिर आउने गर्छ । २०१७ को मे मा पनि यस्तै हुन पुग्यो । सुजोन महमद नाम गरेको बलरले चार बलमा ९२ रन खर्चिए ।
लालमतिया क्लबका लागि खेल्ने गरेका यि बलरले ५० ओभरको खेलमा अक्सिओम क्रिकेटर्सलाई ८८ रनको लक्ष्य पछ्याउन मद्दत गरेका थिए । उनले बलिङ्ग गर्दा दिएको १३ वटै वाइड चौका भएको थियो भने तीन वटा नो–बल रहेको थियो । बैधानिक रहेका चार बलमा १२ रन बटुलिएको थियो । तीन वटा नो–बलमा १५ रन आएको थियो ।
अम्पायरले सिजनभरि नै पक्षपाति निर्णयहरु गरेको बिरोधमा सुजोनले त्यसरी बलिङ्ग गरेको बयान दिएका थिए । बङ्गलादेश क्रिकेट बोर्डले पछि उनलाई १० बर्ष क्रिकेटबाट निलम्बित गरेको थियो । लालमतिया क्लबलाई पनि प्रतियोगिताबाट निकाल्दै प्रशिक्षक, कप्तान र व्यवस्थापकलाई पनि पाँच बर्ष क्रिकेटबाट निलम्बित गरिएको थियो ।
४. एक ओभरमा १७ बल
क्रिकेटमा वाइड अथवा नो–बल नफाल्ने हो भने एक ओभरमा ६ बल हुने गर्दछ । तर यो नियम एक दिन पाकिस्तान पुर्व तिब्र गतिका बलर मोहम्मद सामीलाई भने लागु भएन । निकै तिब्र गतिमा बलिङ्ग गर्ने गरेका सामीको प्रदर्शन कहिल्यै पनि एकै सरहको हुन्थेन । सन् २००४ मा भने प्रत्यक्ष हेरेका दर्शकहरुलाई भने उनले अचम्ममा नै पारे । बङ्गलादेशबिरुद्ध कोलोम्बोमा भएको खेलमा सामीले एकै ओभरमा १७ बल फ्याकेका थिए ।
खेलको तेस्रो ओभरमा सामीले सात वाइड र चार नो–बल गरेका थिए । त्यो समय क्रिकेटमा फ्रि हिटको नियम नआएको कारण सामीले अझै धेरै रन खानबाट बचेका थिए । दुई ओभरमा एक विकेट गुमाएको बङ्गलादेशले ६ रन बनाएको थियो । तर सामीको ओभरमा १६ रन बटुलेपछि बङ्गलादेशले राम्रो रनरेटमा ब्याटिङ्ग गर्न थालेको थियो ।
यद्दपि खेलमा राम्रो पुनरागमन गर्दै उनले आठौं ओभरमा महमद अस्रफुल र खालेद मासुदको विकेट लिए भने दुई मेडन पनि राख्न सफल भएका थिए ।
५. टेस्टको चार इनिङ्गस एकै दिनमा समाप्त
२०११ को नोभेम्बरमा दक्षिण अफ्रिका र अष्ट्रेलियाले यस्तो टेस्ट खेले जुन १६७.५ ओभर मात्र टिक्यो । दुई दिनभन्दा कम खेलिएको टेस्टको पहिलो दिन मात्र ५५ ओभर सम्भव भएको थियो । दोस्रो दिन पानीले गर्दा हुन नसकेपछि चौथो दिनको शुरुवती २० ओभर खेल्दै अष्ट्रेलियाले २८४ रन बनाउन पुग्यो । त्यसपछि अरु दुई इनिङ्ग सकिन ४२.३ ओभर मात्र काफी हुन पुग्यो । दक्षिण अफ्रिका र अष्ट्रेलिया क्रमशः ९६ र ४७ रनमा अलआउट हुन पुगे । पिचको कठिन अवस्थामा २३६ रनको लक्ष्य बिशाल भए पनि घरेलु टोली दक्षिण अफ्रिकाले कप्तान गे्रम स्मिथ र हसिम आम्लाको शतकको मद्दतमा ८ विकेटको जित हात पार्यो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।